ئاجىرشىش خېتى (مېھرىيە )

mehriya

	ئاجىرشىش خېتى قەدىرلىك يولدىشىم : مەن  ئەستايىدىل ئويلىنىش ئارقىلىق يەنىلا سىزدىن ئاجىرشىپ كېتىشنى مۇۋاپىق كۆردۈم . بىز توي قىلغىلى توپ-توغرا يەتتە يىل بوپتۇ ، بۇ يەتتە يىل جەريانىدا  ئۆزەمنىڭ ئاياللىق رولىمنى ياخشى جارى قىلدۇردىم دەپ قارايمەن . تۈنۆگۈن ، ئىدارىڭىزدىن ماڭا تېلىفۇن قىلىپ سىزنىڭ خىزمەتتىن ئىستىپا بەرگەنلىكىڭىزنى دېدى . راست گەپنى قىلسام ، ئەمدى سىزنىڭ كەلگۈسىڭىزدىن  ئەندىكىپ قالدىم . ئالدىنقى ھەپتە ، ئالايتەن ساتراچخانىغا بېرىپ چېچىمنى كەستۈرۈپ ،  بازادىن ئەڭ چىرايلىق ئۇخلاش كىيىمىنى سېتىۋېلىپ ، ھەم  سىز ئەڭ ئامراق تاماقنى ئېتىپ سىزنىڭ ئىشتىن چۈشىشىڭىزنى ساقلاپ ئولتۇردىم . سىز ئىشىكتىن كىردىڭىز ،ئەمما ماڭا بېشىڭىزنى كۆتۈرۈپ قاراپمۇ قويماي ، تاماقنى ئانچە -مۇنچە يەپلا تېلىۋىزور كۆرۈپ ئولتۇردىڭىز . تېلۋىزورنى كۆرۈپ بۇلۇپمۇ خۇددى بۇ ئۆيدە ئۆزىڭىز يالغۇزدەك ، مەن بىلەن قىلچە كارىڭىز بولماي كىرىپ يېتىۋالدىڭىز . بىلەمسىز ، مەن شۇ چاغدا سىزنىڭ مېنى باغرىڭىزغا چىڭ بېسىپ تۇرۇپ ،  يالغاندىن گوللاپ بولسىمۇ < سىزنى سۆيىمەن > دەپ ئەركىلىتىشلىرىڭىزگە قانچە تەشنا بولغىنىمنى ! ئەمدى مەن كەتتىم . ئۆزىڭىزنى ئاسراڭ ! ئەسكەرتىش : ئەمدى مېنى ئىزدىمەڭ ، مەن ھازىر  ۋېي ۋېننىڭ ئۆيىگە كۆچۈپ بېرىۋالدىم .  ئۇنىڭ بىلەن يېڭى ، بەختلىك  تۇرمۇشىمنى باشلىماقچى . ئايالىڭىزدىن . ........................................... يولدىشىنىڭ جاۋاپ خېتى : سۆيۈملۇك ئايالىم ؛ خېتىڭىزنى تاپشۇرۇپ ئالغاندىن كېيىن  تولىمۇ ئازاپلاندىم . توغرا دەيسىز ، ئىككىمىز بىرگە تۇرمۇش كەچۈرگىلى يەتتە يىل بوپتۇ . ئەمما سىزنىڭ  ياخشى ئايال ياكى ئەمەسلىكىڭىزگە بىر نېمە دىيەلمەيمەن . شۇ تاپتا قەلبىمدە بىر سۇئال بەلگىسى مېنى تولىمۇ ئازاپلىماقتا . بىلەمسىز ،  مېنىڭ ئۆيدە تېلىۋىزور كۆرۈشىم پەقەت سىزنىڭ تۈگۈمەس كوتۇلداشلىرىڭىزنى ئاڭلىماسلىق ئۈچۈن ئېدى ، ئەمما بۇنىڭمۇ رولى چوڭ بولمىدى . ئەلۋەتتە ، مەن ئالدىنقى ھەپتە سىزنىڭ چېچىڭىزنى كېسىۋەتكىنىڭىزگە دىققەت قىلمىدىم ئەمەس ، دىققەت قىلدىم  . ئەمما سىزنىڭ ئۇ يېڭىچە پاچ پوسۇنىڭىز سىزنى خۇددى بىر ئەر كىشىگىلا ئوخشۇتۇپ  قويغان ئېدى . سىزنىڭ خەۋىرىڭىز بار  ، مەن ئەزەلدىن يالغان گەپ قىلىشنى بىلمەيدىغان ئادەم .  كۆڭلىڭىزگە ئازار بېرىشنى خالىمىدىم ، شۇڭا مەن بۇ ھەقتە ھېچنىمە دېمىگەن . ئەمدى كەچلىك تاماققا كەلسەم  ، سىز ئاشۇ كەچلىك تامىقىڭىزنى خېلى تۈجۈپلەپ ئېتىپسىزيۇ مېنىڭ  گۆش يىمەيدىغانلىقىمنى ئۇنتۇپ قاپسىز . قارىغاندا مېنى ئاشۇ ۋېي ۋېن دەپ ئويلاپ قالغان ئوخشايسىز . يەنە ،  بەلكىم سىز مۇنداقلا ئويلىدىڭىزمۇ ياكى ئۇنتۇپ قالدىڭىزمۇ ئۇخلاش  كىيىمىڭىزنىڭ  ماركىسىنى  كىيشتىن بۇرۇن ئېلىۋەتمەپسىز ، ئۇنىڭ ئۈستىدىكى 4999 يۇئەن باھاسى مېنى ئويلاندۇرۇپ قويدى . چۈنكى ئالدىنقى ھەپتە ۋېي ۋېن مەندىن 5000 يۇئەن قەرز سوراپ ئالغان ئېدى . ئەلۋەتتە ، بۇلارنىڭ بىر تاسادىبىلىق بۇلىشىنى ئۈمۈت قىلىمەن . مەن مەيلى قانداق بۇلىشىدىن قەتئى نەزەر ، قەلبىمنىڭ چوڭقۇر يېرىدىن سىزنى ياخشى كۆرۈمەن ھەم سۆيىمەن . شۇڭا  لاتارىيە بېلىتىدىن  3 مىليۇن يۇئەن مۇكاپات چىققان ئەنە ئاشۇ كۈنى خىزمىتىمدىن ئىستىپا بېرىپ ، ياۋرۇپاغا ساياھەتكە بارىدىغان  ئىككى دانە ئايرۇپىلان بېلىتىنى زاكاز قىلدۇرۇپ ، ئۆيگە بۇ خوش خەۋەرنى سىزگە دېيىش ئۈچۈن ئالدىراپ كەلسەم ، سىز كىتىپ قاپسىز . مەن ئادۋۇكاتلار  ئىش باشقارمىسىغا بېرىپ ، لاتارىيە مۇكاپاتىمنىڭ يېرىمى سىزگە بۆلۈپ بېرىشنى ئېيتسام ، ئادۇلكات سىز يازغان خەتنى كۆرۈپ < بىر موچەننىمۇ بەرمىگىن > دېدى . مەن ئۇنچىۋالا يۈزسىزلىك قىلالمىدىم . سىزگە 100 يۇئەننى قالدۇرۇپ قويدۇم . ئۇنىڭغا كۆپرەك كۆز ئاغرىقى تېمىتمىسى ئالارسىز . بۇندىن كىيىن كۈندە يىغلاپ كۆزلىرىڭىز قىزىرىپ ،  ئىشىپ كەتسە ، تېمىتىپ ئىشلىتەرسىز . مۇشەگىچە يازاي ، ئۆزىڭىزنى كۆپرەك ئاسراڭ ! ئەسكەرتىش : سىزگە دېگەن دىمىگىنىم ئېسىمدە قالماپتۇ ، مېنىڭ بۇ ھاياتىمدىكى ئەڭ يېقىن دوستۇم ۋېي ۋېنتى  .  ئۇ جىنسى ئالماشتۇرۇش ئوپىراتسىيەسى قىلدۇرغان .  10 يىل ئىلگىرى بولسا بىر قىز بالا ئېدى . خەير يولدىشىڭىزدىن ... مېھرىيە تەرجىمىسى

musilina

	ۋاي ئېسىت،ئەجەب ئېچىنىشلق ئىش بوپتا.... ئا بىچارە خوتۇن ھۇشىدىن كەتمىسىمۇ ،ئايلىنىپكېتىدىغان بولدى ئېرىنىڭ خېتىنى ئوقۇپ،ئا ئەرمۇ ئاران تۇرۇپتىكەن ئەسلى.... كۈلۈپ كېتىپتىمەن بۇ  يازمىنى ئوقۇپ.... بەك چۈشىنىشلىك تەرجىمە قىپسىز،ئەجرىڭىزگە تەشەككۈر....

oygurum

	ھا ھا ھا   كۈلمەي  دىسەممۇ   ئامال بۈلمىدى ،  بەك ياخشى  ھەم چۈشۈنىشلىك تەرجىمە  قىپسىز .  سالامەت بولۇڭ !

rahmansaykin

	ياخشى تەرجىمە .

كاشكارى

	تەرجىمانلىرمىز قالتىس جىمۇ!

باشتۇغ

	ياخشى ئەسەر ، ياخشى تەرجىمە . ئەجرىڭىزگە رەھمەت .

dilbar

	ئاۋۇ ۋاپاسىز ئايال 3مىليۇندىن قۇرۇق قاپتۇدە،تۇرمۇشقا يېقىن يازمىكەن.

zulpukar

	بىچارە.................    سىرتقا قاراپ قالغانغا ئىلگىركىن تويۇپتۇ.........

faruh193

	دېۋەڭ خوتۇن

huxhal

	ھەي ، كومىدىيە ھەم تراگىدىيىگە تولغان تۇرمۇش ! كۆپرەك يوللاپ تۇرغايسىز مۇشۇنداق ياخشى تەرجىمىلىرىڭىزنى ، جانىم .تەشەككۈر .