ئۆپكە-ھېسىپ قۇيۇشتىن ياردەم سورايمەن!

جاۋاھىر

	ئەسسالامۇ ئەلەيكۇم مۇنبەرداشلار! بىزنىڭ قۇدىلارنىڭ بىر ئوغلى ئائىلدىكىلىرىنىڭ ئۈگۈتۈپ قويىشى بويىچە ئۆپكە -ھېسىپ(زاسۇي) قۇيۇپ سېتىۋاتقىنى ئون كۈندەك بولۇپتىكەن لېكىن قۇيغان ئۆپكىلىرى كىچىك بولۇشنىڭ ئۈستىگە قۇيغان ئۈچەيلىرىنىڭ كۆپ قىسىمى قازاندا يېرىلىپ كېتىپ خاپا سېلىۋىتىپتۇ . ئەتراپىدىكى ئۆپكە -ھېسىپ قۇيىدىغان كەسىپداشلىرىدىن ئۆپكە-ھېسىپنى قانداق قىلغاندا ياخشى قۇيغىلى بولىدىغانلىقىنى سورىسا ئۇلار قۇيۇش ئۇسۇلىنى دەپ بەرمەي بارا-بارا ياخشى قۇيىدىغان بولۇپ كېتىسىز دەپ جاۋاب بېرىپتۇ . بۇگۈن مەن بىلەن يولۇقۇپ قېلىپ ئەھۋالىنى ئېيىتقانتى مەنمۇ بۇ كەسىپنى بىلمىگەنلىكىم ئۈچۈن ئوڭايسىزلاندىم ، شۇنداقتىمۇ ئۇنىڭغا يولۇققان مەسىللىرىنى تەپسىلىيرەك ئېيتىپ بېرىشىنى دېگەنلىرى بويىچە مىسرانىم مۇنبىرىگە يوللىسام چوقۇم قانائەتلىنەرلىك جاۋابلارغا ئېرىشىدىغانلىقىنى ئېيىتسام ماقۇل بولۇپ ئۆپكە-ھېسىپ قۇيۇش جەريانىدا يولۇققان مەسىللىرىنى تەپسىلى ئېيتىپ بەردى دېگەنلىرىگە ئاساسەن بۇ تېمىنى يېزىپ ئولتۇرۇپتىمەن. تورداشلار قانداق قىلغاندا ئۆپكىنى يوغان قۇيغىلى بولىدۇ؟ ھەمدە ئۆپكىدە تۆشۈك بولسا ئۆپكىنى ياخشى قۇيغىلى بولمايدىكەن بۇنىڭ چارىسى بارمۇ؟ھەم شۇنداقلا قانداق ئۇسۇلدا پىشۇرغاندا ئۈچەي قازاندا يېرىلىپ كەتمەي پىشىدۇ؟ ئۆپكە -ھېسىپنىڭ شورپىسىغا قانداق دورا-دەرمانلارنى ئىشلەتسە تەملىك بولىدۇ ؟ تورداشلارنىڭ تەپسىلىرەك جاۋاب بېرىشىنى ھېچ بولمىغاندا ئاز-تولا بىلىدىغانلار بولسىمۇ ئۆزىنىڭ بىلگەنلىرىنى كۈچىنىڭ يېتىشىچە ئۈگۈتۈپ قويىشىنى ئۈمىد قىلىمەن! باشقۇرغۇچىلار بۇ تېمىنى تەستىقلاپ قويغان بولساڭلار!رەھمەت.

gorki

	ئۈچەينى قازانغا سىلىپ سەل چىڭقالغانلىرنى يىڭنە بىلەن تىشىسىز شۇنداق قىلسىڭىز يىرلىپ كەتمەيدۇ(سىناقتىن ئۆتكەن) يەنە 200گىرام زرنى بىر چۆگۈن سۇغا سىلىپ قاينىتىپ ئۆپكىنى قۇيغاندا ئىشلىتىدىغان سۈيگە ئارلاشتۇرۇپ ئاندىن قۇيسىڭىز تەملىك بولدۇ(ماۋۇنى تىخى سىناق قىلىپ باقمىغان) خالىسىڭىز سىناپ بىقىڭ

سەردار8

	گۈرۈجنى ئالدىن چالىراق پۇشۇرۋېلىپ ئاندىن ئۈچەينى قۇيسىز ئاندىن يېرلىپ كەتمەيدۇ

sawapkar

	ھېسىپقا بەك كوپ گۈرۈچ بىرۋەتماڭ سۇيى مۇۋاپىق بولسۇن بومسا ئېتلىپ كىتدۇ

melody

	ئۆپكىگە  توخـىماي  سۇ  ماڭغۇزىڭ  قانچە كۆپ  ماڭغۇزسىڭىز  شۇنچە  ياخىشى  ،ئاندىن  ئۆز ماڭغۇزغان  ۋاقتىڭىزدا  ئۆز ماڭغۇزۇپ  بولاي  دىگەن  ۋاقىتتا   توت بەش  تۇخۇمنى ،بىر چوڭراق پىيالدا ماينى  قوچۇپ ئۆز بىلەن ئارلاشتۇرپ  قۇيسىڭىز  ھەم بەك تەملىك  ھەم قاتتىق  ھەم يوغان  ھەم رەڭگمۇ سىرىقراق  بەك يىيىشلىك  چىقدۇ،ئۇچەيگە  كەلسەك  گۇرۇچنى  بەك  جىق  سىلۋاتمەڭ ھازراق  جىگە  پۇرچاق  سەۋزە  قارمۇچ  تۇز زىرە دىگەندەكلەرنى  ئارلاشتۇرسىز   مۇنداقچە ئىتقاندا ئۇچەيدىن  ماڭغىدەك  قىيما قىلىسىز  ،قىيمىڭىزغا  شورپىنىڭ  سۇيدىن  قۇيسىز  ،تۇزنى ئوبدان  تەڭشەيسىز  ،مۇشۇنداق  ئوپكە ھىسىپ  بولسا  مانا  ھەر قانداق  ئادەم تالىشىپ  يەيدۇ  ،سىناڭتىن ئوتكەن ئۆپكە ھىسىپ  پادىشاھى دەپ نام ئالغان ، ئويدىمۇ  مۇشۇنداق قىلىمىز بەك يىيىشلىك ،

bagdowlat

	زاسۈي ئالغاندا ياخشىسىنى تاللاڭ،ئاندىن ئۆپكىنى تولۇق قانسىرىتىڭ. ئۆپكىنىڭ نۇرغۇنلىغان ئۆپكە پۈۋەكچىلىرى بولۇپ ئىچىدە قان بولىدىكەن. كاناي تەرەپتىن تۇرۇبا سۈيىنى لىق تولدۇرۇپ ئۆپكىنى بوش باسسىڭىز ئىچىدىكى قان سۇ بىلەن چىقىپ بوشلۇق كۆپىيىدۇ. بەك كۆپ قېتىم شۇنداق قىلسىڭىز ئۆپكە ئاپپاق ھالەتكە كېلىدۇ. ئاندىن خىمىر سۈيىگە ئازراق ماي قۇيىۋىتىڭ. ئۆپكىنىڭ كاناي تەرىپىدىن ئاززراق چۈچىتىلگەن ماينى قۇيىۋىتىپ، خىېمىر سۈيىنى قۇيسىڭىز ئىچىگە جىق ماڭىدۇ. ئاندىن كاناي تەرەپكە كىچىك ۋارۇنكا شەكىلدە خالتا تىكىشنى بىلەرسىز. ئاغزى يوغانراق بولمىسا خىمىر سۈيى جىق ماڭمايدۇ. قۇيىۋاتقان ئۆپكىگە نىپىز داكىنى يىپىپ خەققە كۆرسەيمەي قۇيىسىز، خەق ۋاي يوغان بوپتۇ. ئوخشاپتۇ دەپ سۆزلەپ كەتسە كۆز چىقىدۇ دەپ قويىشىدۇ چوڭلار.

akkogul

	bagdowlat يوللىغان ۋاقتى  2014-10-23 09:16 AM زاسۈي ئالغاندا ياخشىسىنى تاللاڭ،ئاندىن ئۆپكىنى تولۇق  ... بۇ قېرىندىشىمنىڭ دىگىنى تامامەن توغرا بوپتۇ   ئۈچەينى بوش ئوتتا قاينىتىپ  قاينىغان ھامان يىڭنە بىلەن ئۇيەر بۇيەر نى تىشىۋەتسە ئېتىلىپ كەتمەيدۇ

aluqa

	مەنمۇ كۆز قارىشىمنى سۆزلەپ باقاي ئۆپكىنى قانسىرىتىپ بولغاندىن كىيىن ئۆپكىگە ئازراق ئۆز ماڭغۇزىۋىتىپ ئۆپكىدە تۈشۈك بولسا 2-3 تال تۇخۇمنى چېقىپ ئىلەشتۈرمەيلا ئۆپكىگە ماڭغۇزىۋىتىپ يەنە ئازراق ئۆز قۇيۇپ سۇ يېغىدىن 1-2 پىيالە سۇ يېغى قۇيۇپ بولۇپ شۇ تەرەقىدە ئۆز ماڭغۇزۇپ ئۆز ماڭمىغانغا قەدەر بەرسىڭىز ئۆپكىڭىز ھەم قاتتىق رەڭگىمۇ سېرىق يىيىشلىك چىقىدۇ، بۇنى مەن ئۈزۈم سىناق قىلىپ كۆرگەن ناھايتى بەك ئوخشاپتىكەن. ھېسىپقا كەلسە بوش ئوتتا پىشۇرسىڭىز يېرىلىپ كەتمەيدۇ. ھېسىپ ئىچىگە ئارلاشتۇرۇپ سالىدىغان خۇرۇچلار: سەۋزە، قىزىل مۇچ، نۇقۇت، يۇمغاقسۈت، جىگەر، ئاز مىقتاردا قوي يېغى قاتارلىق ماتىرياللارنى ئىشلەتسىڭىز بولىدۇ.

جاۋاھىر

	تورداشلارنىڭ قىممەتلىك پىكىرلەرنى بەرگىنىگە كۆپتىن كۆپ رەھمەت! يەنىمۇ تولۇقلايدىغان دوسلار بولسا ئۆزى بىلگەن ياكى ئاڭلىغان تەجىرلىرىنى سۆزلەپ ئۆتسىكەن دەيمەن.

wisal214

	ئەسسالامۇ ئەلەيكۇم! ئۆپكە- ھىسىپ قۇيۇشنىڭ ئەپچىل چارىلىرىنى مەن بىر قۇر سۆزلەپ بىرەي ، 1- خام ماتىريال سىتىۋالغاندا.ئۆپكىنى پۇدەپ بىقىپ تىشىلمىگەن ،چوڭراق قوينىڭ ئۆپكىسىنى ، ئالىمىز. ئۈچەيگە نەچچە پەرچە قىلۋەتمىگەن پۈتۈن ئۈچۈينى ئالمىز، 2-تەييارلىق باسقۇچىدا ئۆپكە قۇيۇشقا ئىشلىتىدىغان خىمىرنى بەك چىڭ يۈغۈرماي نۇرمال يۈغۈرۈپ شىرىسنى(كىراخمال قىسمىنى)چىقىرۋالمىز،قالغان قىسمىنى بىر ئىككى قىتىم يۇيۇپ سۈيى سۈزۈك چىققاندا كەڭرەك لىگەنگە قويۇپ تىندۇرمىز، ھىسىپ قۇيۇشقا ئىشلىتىدىغان گۈرۈچنى يۇيماي تۇرۇپ قايناقسۇغا 10-20 مىنۇت ئەتراپىدا چىلاپ ئىسلدۇرۋالمىز، 3- قىيما تەييارلاش ئۈچۈن قوينىڭ يۈرىكىدىن بىر يۈرۈش ئۆپكە ھىسىپ (بىر ئۆپكە بىر ئۈچۈي) ئۈچۈن 4 تالنى پاكىز يۈيۈپ بىغىشى ئەتىراپىدىكى بەزلىرىنى تازلىۋىتىپ نوقۇت چوڭلىقىدا توغرايمىز،باش پىيازدىن 500 گىرامنى ئۇششاق چانىۋالمىز،قىلمۇچ قىقىدىن مۇۋاپىق مىقداردا چاناپ تەييارلايمىز،ئاشكۆكىدىن ئازراق توغرايمىز، توغرالغان 4- يۇرەكنىڭ يىرمىنى پىيازنىڭ يىرمىغا ئارلاشتۇرۇپ تۇزىنى تەڭشەپ ئارلاشتۇرپ ئازراق قارمۇچ ئۇنى قوشۇپ ئاخىردا قىزىلمۇچ چانالمىسىدىن مۇۋاپىق ئارلاشتۇرۇپ مىيەنجاڭنى نىپىز يىيپ ئۈستىگە تەييارلانغان قىيمىنى تەكشى سۈركەپ يۇملاق شەكىلدە يۆگەپ ئۈچەينىڭ چوڭ بىشىدىن يىتەرلىك كىسىپ ئىچىگە ئورالغان مىيەنجاڭنى سىلىپ ئىككى ئۇچىنى يىپ بىلەن مەككەم چىگىپ قايناۋاتقان قازانغا سىلىۋىتىمىز،سەۋەبى مىيەنجاڭنىڭ پىشىشى سەل تە شۇڭا ئەڭ ئالدىدا قازانغا سىلىۋەتكىنمىز ياخشى، 5-ئۆپكىنى ئىككى قىتىم قانسىرتىپ ئۆپكە قۇيغۇچنى مۇقۇمداپ باغلىۋالغاندىن كىيىن ئادىن تەييارلىۋالغان شىرىنگە 200 گىرام ئەتىراپىدا كىراخمال ئۇنى(لەڭپۇر ئۇنى)نى سۇدا ئىزىپ ئارلاشتۇرۇپ ئاندىن قۇيۈشقا باشلىساق بولىدۇ شىردىن ئازراق قۇيۇپ بولغاندىن كىيىن بىر پىيالە داغلانغان سۇ ماي،4-5 دانە تۇخۇم،مۇۋاپىق مىقداردا تۇز ، ماڭدۇرۋەتسەك رەڭگى ساغۇش مىيى تىتىغان تۇزى جايىدا زاغرا ناندەك ئۆپكە تەييار بولىدۇ، پۇشۇرۇش جەريانىدا ئۆپكىنى ئۆرۈپ تۇرۇش كىرەك، 6- ھىسىپ(ئۈچەي)نى قۇيۇش ئۈچۈن ھىسىپنى ئۈزىۋەتمەي پاكىز يۇيۇپ تازلىغاندىن كىيىن بايا قاناقسۇغا چىلاپ قويغان گۈرۈچنى 2-3 قىتىم سوغۇق سۇدا يۇيۇپ سۈيىنى ئازراق قىلىپ تۇزىنى تىتىپ تەييارلايمىز،ئاندىن توغرالغان يۈرەك،پىياز،ئاشكۆكىنى سىلىپ زىرە تالقىنى ئارلاشتۇرۇپ ئۈچۈيگە تولدۇرۇپ مانتا پۇشۇرغاندەك جۈمبۈلگە لەغمەن پىلىتىسىغا ئوخشاش يۆگەپ ھوردا پۇشۇرىمىز، ئەسكەرتىش،ئۆپكىگە لەڭپۇ ئۇنى قوشۇشنىڭ سەۋەبى ئۆپكىنىڭ چىڭ بولىشى ئۈچۈن،گۈرۈچنى قايناقسۇغا چىلاش بولسا ئۈچەينىڭ يىرىلىپ كىتىشنىڭ ئالدىنى ئىلىش ئۈچۈن، ۋاختىم بەك قىس بوپ قىلىپ تەپسىلى بولماي قالدى ، مۇشۇنچىلىك سۆزلەپ تۇراي