 |
 |
 |
 |
ئۇيغۇر ماكانى-ئەزىزانە قەشقەر
(چاتما سۈرەتلەر-5)
بىز قەشقەر شەھرىنىڭ كونا شەھەر رايونىدىكى كوچىلارنى ئارىلاپ كېتىۋىتىپ، باشقا يۇرتلاردىكىگە ئوخشاش چېقىۋىتلگەن كونا ئۆيلەرنىڭ ئورنىغا ئىگىز قەۋەتلىك بىنا سېلىنماي، بەلكى پۈتۈنلەي مىللىي پوراق، مىللىي ئۇسلۇب ئەكس ئېتىپ تۇرغان ئىككى-ئۈچ قەۋەتلىك خۇسۇسى تۇرالغۇ ئۆيلەرنىڭ سېلىنغانلىقىنى كۆردۇق.
مۇناسىۋەتلىك تونۇشتۇرۇشلارغا قارىغاندا، قەشقەر كونا شەھەر رايونى مىلادى 16-ئەسىردە شەكىللەنگەن بولۇپ، بۇ رايوندىكى ئاھالىلارنىڭ كۆپىنچىسى كېسەك قۇرۇلمىلىق كونا ئۆيلەردە ئولتۇرىدىكەن. سېلىنغىنىغا ئوزاق بولغان بۇ كونا ئۆيلەر يەر تەۋرەش، بوان-چاپقۇن، ھۆل-يېغىن قاتارلىق تەبىئىي ئاپەتلەر تۈپەيلىدىن، ئاللىقاچان خەتەرلىك ئۆيلەرگە ئايلىنىپ قالغان. مەركەز، ئاپتونۇم رايون ھەم ۋىلايەت كونا شەھەر رايونىدىكى خەتەرلىك ئۆيلەردە ئولتۇرۇۋاتقان خەلقنىڭ ئامانلىقىغا ئىنتايىن كۆڭۈل بۆلۈپ، بۇ رايوندىكى ئاھالىلارنىڭ ئىشلەپچىقىرىش، تۇرمۇش شارائېتىنى ياخشىلاشقا يۈكسەك دەرىجىدە ئەھمىيەت بېرىپتۇ. 2009- يىلدىن بۇيان،دۆلەت ۋە ئاپتونۇم رايون يەتتە مىلىيارد يۇەندىن ئارتۇق مەخسۇس تۈر مەبلىغى ئاجرىتىپ، كونا شەھەر رايونىنىڭ 28 بۆلىكىدىكى خەتەرلىك كونا ئۆيلەرنى ئەسلى قىياپىتىگە ۋارىسلىق قىلىنغان ئاساستا قەدەم-باسقۇچلار بۇيىچە ئۆزگەرتىشكە كىرىشىپتۇ. دۆلەتنىڭ زور كۇچ بىلەن ياردەم بەرگەنلىكى نەتىجىسىدە، ئەسلىدىكى كېسەك قۇرۇلمىلىق كونا، خەتەرلىك ئۆيلەرنىڭ ئورنىنى ئۇيغۇر ئۇسلۇبىدىكى خىش قۇرۇلمىلىق چىرايلىق ئۆيلەر ئىگىلەپتۇ. يەنە بىر قىسىم كونا ئۆيلەر پەيدىنپەي ئۆزگەرتىلىش ئالدىدا تۇرۇپتۇ. كوچا ياقىسىدىكى ئۆزگەرتىلگەن ئۆيلەرنىڭ بىرىنچى قەۋىتى دوكان، ئىككىنچى، ئۈچىنچى قەۋەتلىرى ئولتۇراق ئۆي بولۇپ، ئاھالىلارنىڭ تۇرمۇشى ۋە ھۈنەر-كەسپ، تىجارەت ئىشلىرىغا زور قولايلىقلارنى ئېلىپ كەپتۇ.
بۇ بايانىمىزنىڭ دەلىلى سۈپىتىدە تۆۋەندىكى سۈرەتلەرگە نەزەر سېلىپ باقايلى.
|
 |
 |
 |
 |
|
يوللىغان ۋاقتى 2014-9-9 11:39:28 PM
يوللىغان ۋاقتى 2014-9-10 11:08:18 AM
