ئۇيغۇر ماكانى-ئەزىزانە قەشقەر (چاتما سۈرەتلەر-4)

uyghari

	ئۇيغۇر ماكانى-ئەزىزانە قەشقەر                                                             (چاتما سۈرەتلەر - 4)         قەشقەر شەھرى ئەنئەنىۋىي قول ھۈنەرۋەنچىلىك مەھسۇلاتلىرى بىلەن ھەممىگە داڭلىق. ئالاقىدار ماتىرىياللاردا كۆرسىتىلىشىچە، قەشقەر شەھرى ئىقتىسادىي جەھەتتە سانائەتنى ئاساس قىلىدىغان بولۇپ، سانائېتى توقۇمىچىلىق، بوياقچىلىق، ئېلىكتىر كۇچى، خېمىيە سانائېتى، خۇرۇمچىلىق، يىمەكلىك، كىيىم-كېچەك، قۇرۇلۇش ماتىرىياللىرى، ماشىنىسازلىق، رىمۇنتچىلىق ۋە ئەنئەنىۋىي قول ھۈنەرۋەنچىلىك قاتارلىق 20 خىلدىن ئاشىدىكەن. بۇنىڭ ئىچىدە ئەنئەنىۋىي قول ھۈنەرۋەنچىلىك سانائېتى ئالاھىدە گەۋدىلىك ئورۇننى ئىگىلەيدىكەن.         بىز قەشقەردە ساياھەتتە بولۇش داۋامىدا، ھېيتگاھ جامەسىگە ئانچە يىراق بولمىغان قەشقەر مىللى قول ھۈنەرۋەنچىلىك مەدەنىيەت كوچىسىنى ئارىلاپ چىقتۇق. كوچا دوقمۇشىنىڭ ئىككى تەرىپىگە ئورنۇتۇلغان غايەت زور مىس ئاپتوۋا يىراقتىنلا كۆزگە تاشلىنىپ تۇرىدىكەن. كوچىنىڭ ئىككى قاسنىقىدىكى دوكانلارنىڭ ئالدىغا تىزىپ قويۇلغان مىس چەينەك، مىس ئاپتوۋا، مىس قازان، مىس جاۋۇر قاتارلىق مىستىن ياسالغان بۇيۇملار، ياغاچتىن ياسالغان تۈرلۈك نەپىس تۇرمۇش بۇيۇملىرى، ئاشخانا سايمانلىرى، چالغۇ ئەسۋابلىرى بۇ يەرگە كەلگەن ساياھەتچىلەرنى ئىختىيارسىز ئۆزىگە جەلپ قىلىدىكەن.         بىز يەنە يار بېشى كوزىچىلار مەھەللىسىنىڭ ئەتراپىدىكى تەشتەك بازىرىنى زىيارەت قىلدۇق. ئۇيغۇرلار گۈلخۇمار مىللەت بولۇپ، تەشتەكتە گۈل ئۆستۈرمەيدىغانلار يوق دىيەرلىك. ئۇيغۇرلارنىڭ گۈل ئۆستۈرىدىغان تەشتەككە بولغان ئېھتىياجى تۈپەيلىدىن، قەشقەردىكى كولالچىلىق، ساپالچىلىق ھۈنەر-سەنئېتى ئالاھىدە راۋاجلانغان. يار بېشى كوزىچىلار مەھەللىسىدىكى ئۇيغۇر ئائىلىلىرىنىڭ كۆپچىلىكى دىگىدەك ئەۋلادمۇ-ئەۋلاد ساپال بۇيۇلارنى ياساش، سېتىش بىلەن تۇرمۇشىنى قامداپ كەلگەن. ساپ قول ئەمگىكى ئارقىلىق ياساپ چىقىلغان تۈرلۈك تەشتەك، خۇمرا ۋە ساپالدىن ئىشلەنگەن ھەرخىل تۇرمۇش بۇيۇملىرى بۈگۈنكى كۈندە قەشقەر كونا شەھەر رايونىدىكى داڭلىق تەشتەك بازىرىنى شەكىللەندۈرگەن.         تۆۋەندىكى سۈرەتلەر قەشقەردىكى ئەنئەنىۋىي قول ھۈنەرۋەنچىلىك مەدەنىيىتىنىڭ بىر قىسىم يارقىن كۆرۈنۈشلىرىدىن ئىبارەت.

قورغان

	رەھمەت ئەجرىڭىزگە، ئەزىزانە قەشقەرنىڭ قول ھۈنەرۋەنچىلىك بۇيۇملىرى بازىرىنى ئايلانغاندەك بولدۇم.

axek13999649893

	رامىزاندا كۆرۈپ كەگەنتىم    يەنە  سىغىندىم

زۇبەييا

	ئاۋۇ قاسقان بازىرىدا ئاكامنى كۆرۈپ قالدىميا....

Rujak

	ئىۋۇ چۆگۆن بەكلا چوڭكەن ،ھەقىقەتەن ھۈنەرگە ئۇستىلا باركەن، رەھمەت سىزگە .

ئاپتاپ

	مۇشۇ قەشقىرىمنىڭ ئارقا كۆرنىشى بەك مۇرەككەپ ، ھازىرمۇ تىخمۇ شۇنداق بوپ كەتتى دىسە

TAXNAI2

	سۈرەتلەرنىمۇ بەك ئوچۇق تارتىپسىز ،،،،، ئەجرىڭىزگە رەخمەت...

azat888

	ئەسسالامۇ ئەلەيكۇم ،تورداشلار! تېمىدىن مۇناسىۋەتسىز بولسىمۇ   بىر سۇئالىم   بار   ئىدى،بىر   توردىشمىزنىڭ   قازاقىستاندىكى نىفېتلىكتە ئشلىگەن كەچۈرمىشلىرى   بايان قىلىندىغان  بىر چاتما يازما بولدىغان ،بىلدىغانلا   بولسا ئادرىسنى ئەۋەتىپ   بەرگەن بولساڭلا ، رەخمەت ،!

ilimkuq

	يىىڭى «مەدىنيەت»نىڭ كۆپلىگىدىن، مۇشۇ ئەنئەنۋىيلىكىمىز يەنە قانچىلىك داۋاملىشا؟