 |
 |
 |
 |
ئانا ۋە بالا
بىر پۇلدار يىگىت بىر كۈنى بىر تالمۇ چىشى قالمىغان ئانىسىنى چىش دوختۇرىنىڭ يىنىغا چىش سالدۇرغىلى ئېلىپ كەلدى. دوختۇر مۇمايغا ئەڭ سۈپەتلىك، ئەمما باھاسى قىممەت چىشلارنى تەۋسىيە قىلدى، بىراق مۇماي باھاسى ئەرزان چىشلارنى تاللاپ تۇرۋالدى، دوختۇر ئۇنى گېپىگە كىرگۈزەلمەي، ئوغلىغا گەپ قىلماقچى بولدى، بىراق پۇلدار ئوغۇل بىر چەتتە تېلېفوندا سۆزلىشىپ، ئۆزىنىڭ داڭلىق ماركىلىق تااماكىسىنى چېكىپ پەرۋاسىز تورىۋەردى. دوختۇر مۇماينىڭ چىڭ تۇرۋىلىشى بىلەن ئۇنىڭ تەلىپى بويىچە ئەڭ ئەرزان چىشنى سېلىشقا قوشۇلدى. شۇنىڭ بىلەن مۇماي قوينىدىن بىر كونا ياغلىققا ئورىۋالغان پۇلىنى چىقىرىپ، دوختۇرغا زاكالەت پۇلى تاپشۇرۇپ، بىر ھەپتىدىن كېيىن كېلىپ چېشىنى سالدۇرۇشقا پۈتۈشۈپ ئاستا سىرتقا ماڭدى. ئۇلار چىقىپ كەتكەندىن كېيىن، دوختۇرخانىدىكى باشقا كىشىلەر بۇ ئانا-بالا ھەققىدە مۇنازىرىگە چۈشتى. -چېكىۋالغىنى قىممەت باھالىق تاماكا، كىيىۋالغىنى ئېسىل كىيىم، لېكىن ئانىسىغا ياخشىراق چىش سالدۇرۇشقا چىدىمايدىغان ئەجەپ پىخسىق نېمە ئىكەن،-دېدى بىرەيلەن. -ئۇنىڭمۇ ئويلىغىنى باردۇ، ئۇنداق دەپ كەتمەيلى،-دېدى يەنە بىرەيلەن. ئۇلارنىڭ مۇنازىرىسى ئەمدىلا باشلىنىشىغا ھېلىقى پۇلدار يىگىت كىرىپ كەلدى. -دوختۇر، خاپا بولماي، بايا ئانام بۇيرۇتقان چىشلارنى ئەڭ قىممەت، ئەڭ ئېسىل چىشقا ئۆزگەرتىپ بەرسىڭىز، ئاشقان قىسمىنى مەن تۆلەيمەن، لېكىن بۇ ئىشنى ھەرگىز ئاپام ئوقمىسۇن، ئانام ئىنتايىن ئىقتىسادچىل ئايال، مەن ئۇنىڭ كۆڭلىنى يېرىم قىلىشنى ھەرگىز خالىمايمەن، شۇڭا بايا ئۇنىڭ تاللىشىغا ھۆرمەت قىلدىم،-دېدى يىگىت. ئەتراپتىكىلەر جىممىدە تۇرۇپ قىلىشتى. يىگىت ئاستا چىقىپ كەتتى. «ئامانلىق» ژورنىلىدىن ئېلىندى.
|
 |
 |
 |
 |
|
يوللىغان ۋاقتى 2014-8-31 12:14:12 AM
.gif)
