كۆڭۈل چەشمىلىرى(3)

شورلۇق

	كۆڭۈل چەشمىلىرى(3) ( رۇبائىيلار ) سەن كۈلسەڭ ھەسەتخور تۆكەر يىغلاپ ياش، قىينىلار مىڭ چايان چاققانغا ئوخشاش. شانىڭغا ئۆچ-ھەسەت كەلكۈنى باشلار، تۆھپەڭگە چىدىماي ياغدۇرىدۇ تاش. كۆرەلمەس يۈرىكىڭ قارىدۇر قات-قات، يولۇمنى چىتلايسەن ئويىسەن پات-پات. بىلىمەن، ئالدىمدا كۈلگىنىڭ يالغان ، ئارقامدىن تاش ئاتساڭ يوغىنىنى ئات. تاشلىۋەت يىراققا پۇتلاشقان تاشنى، مىسكىنلەر كۆزىدىن ئاققۇزما ياشنى . گۈل تەڭلەپ كېلىدۇ دەرد-ئەلەملەرمۇ، مىزان قىپ ياشىساڭ ( كۆڭۈل ئاياشنى . ) ئەل-يۇرتنىڭ ئوتىدا كۆيۈپ ياشايمەن، شادلىقى ، بەختىدىن كۈلۈپ ياشايمەن. ئەقىلدە مەرد-سېخى ، ئاچىقتا بىخىل، باغلاردىن ئازغاننى يۇلۇپ ياشايمەن. نامەردتە قىلتاق كۆپ ئەيلىگىن ھەزەر، ئەجرىڭسىز ئالتۇنغا سالمىغىن نەزەر. لاي بولار چېغى بار سۈزۈك سۇنىڭمۇ ، پاك تەردىن ئېچىلار خۇشپۇراق گۈللەر. نەپنى كۆزلەپ قىڭىر يولغا ماڭمايمەن، ئەقىدەمدىن ، ئىرادەمدىن يانمايمەن. ھالاللىقنىڭ باغلىرىنى كېڭەيتىپ، دوستلار بىلەن سەيلى قىلىپ يايرايمەن. مىسكىنگە سۆيگۈ بەر قەلبىنى كۈلدۈر، ھەر باسقان ئىزىڭدىن گۈل-چىمەن ئۈندۈر. تىكەننى گۈل قىلار مېھىر يامغۇرى، دەردمەنگە دەرداش بول ، سۆيگىن ، سۆيۈندۈر.

يولتۇز

	ھەسەتخور ئادەملەرگە داۋا يوقمقدۇ ، كەچكىچە ئادەمنىڭ پېيىدىلا يۈرگەن ، ئۆچلۈگۈمنى كەلتۈرۈپ ياخشى رۇبائىلاركەن ئۈزىڭىز يازغانمۇ؟

Bilim-humar

	ياخشى يىزىپسىز .ياخشى تىمىلىرىڭىز ئۈزۈلمىگەي.

سومرۇغ

	بەكمۇ ياخشى چىقىپتۇ بۇ كۆڭۈل چەشمىلەر ! «دەردمەنگە دەرداش بول ، سۆيگىن ، سۆيۈندۈر» بۇمىسرادىكى «دەرداش»دىگەن سۆزنى «دەرىتداش»دەپ چۈشەنسەم توغرا بولامدۇ نېمە ؟ ئەجرىڭىزگە تەشەككۈرلەر بولسۇن!

باشتۇغ

	مەزمۇنلۇق ئەسەرلىرىڭىزدىن ھۇزۇر ئالدىم ، رەھمەت سىزگە .

xahzada100

	يولتۇز يوللىغان ۋاقتى  2014-8-25 05:13 PM ھەسەتخور ئادەملەرگە داۋا يوقمقدۇ ، كەچكىچە ئادەمنىڭ پ ... يوق  ئوخشايدۇ  داۋا