سەن بىزنى كۈتمەكتە دۆندۈر نېسىۋە

qaraxani

	سەن بىزنى كۈتمەكتە دۆندۈر نېسىۋە قاراخان ھەيۋەتلىك بىناغا،تۇرالغۇ تامغا، چاپلانغان رەڭمۇ رەڭ ئۇچۇر مەلۇمات. ئۇندا بار سۆيۈنچە پۇقرا- ئاۋامغا، باي بولۇش پۇرسىتى چەكمەي مۈشكۈلات. بىرىدە بوۋامدىن قالغان قەدىم جاي، سېتىلار دىيىلگەن تۆۋەن باھادا. بىرىدە ئاتامدىن قالغان بىنەم،ساي، ئۆتۈنۈپ بېرىلەر قىسقا ئارىدا. بىرىدە ئۆي بېزەك قىلىمەن دەيدۇ، بىرىدە سۇ ،توك،پار ،گازغا ئالاقە. بىرىدە چەكلەنگەن تىغ،پىچاق،چەيدۇ، بىرىدە قانۇنغا دائىر ۋەرەقە. بىرىدە ئادىل سوت ئېلان،ھۆكۈمى ، بىرىدە تۇتقۇنغا دائىر ئاخبارت. بىرىدە شىركەتنىڭ ئىمكان پۈتۈمى، بىرىدە شەھۋەتكە دائىر تەرغىبات. بىرىدە ئۆلمەسنىڭ رېتسىپ دورىسى، بىرىدە يېزىلغان كېپەن ،قەۋرە تاش . بىرىدە تۇتۇلدى دەيدۇ ...‹‹ئوغرىسى››، بىرىدە يۇيۇنۇش،كۈتەر ئۇۋۇلاش. كۆپىيىپ بارماقتا تامدىكى ئېلان، چىقتى خوپ پاش قىلىش يولىمۇ ئەندى . يىپ ئۇچى تېپىلسا قوزغالسا گۈمان، تەيياردۇر ئېلىشقا خانىم- ئەپەندى. باغچىدا،ۋوگزالدا ،رېستۇران،توردا، بار بىزگە قولايلىق ئۇچۇر لېنىيە. ۋاقىت،كۈچ تېجەلدى شۇنداق ئۇسۇلدا، سەن بىزنى كۈتمەكتە دۆندۈر نېسىۋە 2014-يىلى 19-ئاۋغۇست تولۇقلىما مەزمۇن (2014-8-22 11:51 AM): تەيياردۇر ئېلىشقا خانىم- ئەپەندى، ئەمەس تەيياردۇر ئىنئامغا خانىم- ئەپەندى.

قۇمۇش

	بەك ياخشى يېزىپسىز لىكىن دۆندۈر دىگەن نىمە گەپ ئۆزى.

qaraxani

	قۇمۇش يوللىغان ۋاقتى  2014-8-21 03:45 PM بەك ياخشى يېزىپسىز لىكىن دۆندۈر دىگەن نىمە گەپ ئۆزى. دۆندۈر -پۈتۈن دىمەكتۇر.

TAXNAI2

	شۇنداق ياخشى شىئىرنى ئوقۇماي نەگە مۈكۈۋالغاندۇ  بۇ مۇنبەردىكىلەر .................... بۇ شىئىرنى شۇنداق ياخشى يېزىپسىز ،،ھەممە ھۆنەرۋەنلەرنى تەسۋىرلەپ ئۆزگىچە ،يۇمۇرلۇق تۈسكە كىرگۈزۈپسىز ،،،،قەلەم كۈچىڭىزگە قايىل بولدۇم............

oyhanogul

	ياخشى ئەسەرلىرىڭىز ئۈزۈلمىسۇن

Uqkuni93

	بەك ياخشى يېزىپسىز.دۆندۈرنىڭ مەنىسىنى چۈشىۋالدىم.

Bilim-humar

	قالتىس يىزىپسىز.

TURKI5886

	ھاياتتا ئالدىنىپ ، ئالداپ ياشايمىز ، بەزىدە شادلىنىپ ، قاخشاپ ياشايمىز . ئۆمۈرنىڭ چەك - چېكى بىزگە نامەلۇم ، بۈگۈننى ئەتىگە باغلاپ ياشايمىز . تويمىغۇر بۇ بالا نەپسى دەستىدىن ، ئۆزگىنىڭ رىزقىنى بۇلاپ ياشايمىز . بۇ ئۇچۇر دەۋرىدە رىقابەت كەسكىن ، ئۇچۇرنى ھەر جايغا چاپلاپ ياشايمىز .

qaraxani

	TURKI5886 يوللىغان ۋاقتى  2014-9-2 01:16 AM ھاياتتا ئالدىنىپ ، ئالداپ ياشايمىز ، بەزىدە شادلىنىپ  ... ئۇچۇرنى ھەر جايغا چاپلاپ ياشايمىز . باپلانساق ھەرجايدا دادلاپ  ياشايمىز. بىر يالغان يېپىلماس مىڭ يالغان بىلەن، يالغانغا كۆمۈلۈپ بىتاپ ياشايمىز.

TURKI5886

	يالغانغا كۆمۈلۈپ بىتاپ ياشايمىز ، ھەقىقەت نەدە دەپ خىتاپ باشلايمىز . بىلىمىز يالغاننىڭ يالغانلىقىنى ، شۇندىمۇ ھاياتنى سۆيۈپ ياشايمىز .