تالاق

پادىشاھ

	تالاق                                                     (ھېكايە)                                                  پەرھات جەمشىت تەبىئەت ئانىنىڭ جۇدۇنى ئۆرلەپ ، قاتتىق نەررە تارتىپ، ھەشەمەتلىك ئىمارەتلەرنى،دەل –دەرەخلەرنى قاتتىق ساۋاشقا باشلىدى؛قاراس-قۇرۇس قىلغان ئاۋاز بىلەن دەل –دەرەخلەرنىڭ شاخلىرى تەبىئەت ئانىغا باش قۇيۇشتى ؛ئەخلەتلەر زەربىدىن ئاللا –توۋا دېيىشىپ كۆككە كۆتۈرۈلۈپ، قىلمىش-ئەتمىشلىرى ئۈچۈن تەبىئەت ئانىدىن ئەپۇ سوراشتى؛بۇ ھال كىشىلەرنىمۇ چۆچۈتمەي قالمىدى،دۇكاندارلار دۇكانلىرىنى تاقاشىپ، يايمىچىلار يايمىلىرىنى يىغىشتۇرۇشتى ،دېمەك كىشىلەر ئالاقىزادە بولۇشۇپ ئۆيلىرىگە چېپىشتى،شەھەرنى بىردەمنىڭ ئىچىدەۋەھىمەقاپلىدى؛مانا  تەبىئەت ئانا نەررە تاتىشنى توختاتتى، شۇ تاپتا ئۇنىڭ كۆڭلى بۇزۇلغاندەك قىلاتتى،ئۇ ئەتراپقا نەزەر سالغىنىچە،قاتتىق بىر ئۇھسىندى-دە،كۆز چانقىلىرىدا ياش تامچىلىرى ئەگىدى؛بىر تامچە ئىككى تامچە ئاخىرىدا گويا چېلەكلەپ سۇ قۇيۇلغاندەك. شەھەرنىڭ ئاۋات كوچىلىرى گويا يېغىسىنى توختۇتۇپ ئۇيقۇغا كەتكەن بوۋاققىلا ئوخشاپ قالدى؛يىللاردىن بۇيان مەينەتلىشىپ كەتكەن ئىگىز ئىمارەتلەر،دەل-  درەخلەر بويلىرىنى سۇغا سېلىشتى. خۇددى كىچىك بالىنىڭ يۈزىدەك قاسماقلىشىپ كېتىشكەن ئاسفالىت يوللارنىڭ يۈزلىرىمۇ بىردەمدىلا خېلى پاكىزىلىنىپ   قالغاندەك قىلدى ؛ئومۇمەن مەينەتچىلىككە تولغان بۇ شەھەردە بىردەمنىڭ ئىچىدىلا چاڭ-توزانلار بېسىقتى.تۈن پەردىسىنىڭ يېيىلىشى بىلەن  ئىمارەتلەرنىڭ چىراغلىرى خۇددى دىيىشىۋېلىشقاندەك ئارقا-ئارقىدىن ئۆچۈشتى...    رېستۇراننىڭ ئايرىمىخانىسىدا بىر نەچچە جۈپ ئەر-ئايال قىزغىن پاراڭلاشقاچ،تۇرمۇشنىڭ پەيزىنى سۈرۈشمەكتە،ئۇلار گاھ يۇمۇر ئېيتىشسا، گاھ تانسا ئوينىشاتتى...    بارچە ئۇيقۇ دۇنياسىغا غەرق بىراق ئايگۈللا تەشۋىشلەنگەن ھالدا بىردەم –بىردەم سائىتىگە قارىغاچ تېلىفون قىلاتتى.قېرىشقاندەك تېلىفوندىن: __ سىز ئۇرغان تېلىفوننى ئالىدىغان ئادەم يوق،بىر ئازدىن كېيىن ئۇرۇڭ !دېگەن ئاۋاز قايتاتتى،ئېرى ئەتىگەندە قوينى سېتىپ پۇل قىلىپ كېلىش ئۈچۈن شەھەرگە كىرىپ كەتكەندى ،شۇ چاققىچە كەلمەيۋاتقانلىقىدىن كۆڭلى بىئارام بولغان ئايال ،بالىلارنىڭ قۇرسىقىنى توقلاپ،ياتقۇزغاندىن كېيىن ئېرىنىڭ قايتىپ كېلىشىنى تۆت كۆز بىلەن كۈتمەكتە،يولىغا تەلمۈرمەكتە،ئۇ تىت-تىت بولاتتى ۋە ئىچىدە نېملەرنىدۇر پىچىرلايتى، قارىغاندا ئېرىنىڭ ئامان –ئېسەن قايتىپ كېلىشىنى تىللەۋاتقان بولسا كېرەك... " تارقىمايدىغان سورۇن يوق،شامال ئۆتمەيدىغان تام"دېگەندەك تۈن نىسبى بىلەن سورۇنمۇ ئاخىرلاشتى.سورۇندىكىلەر  ئوڭ تەتۈر دەسسىگەن قىياپەتتە چىقىپ كېلىشتى-دە،ئىككىدىن بولۇپ تاكسىغا چىقىشىپ مەنزىللىرىگە يۈرۈپ كېتىشتى.   سەھەردىلا كۈلۈپ چىققان قۇياش ئەتراپقا ئىللىق نۇرلىرىنى سېخيلىك بىلەن چېچىپ، دېرىزە پەردەلىرىنىڭ ھىم ئېتىلمىگەن جايلىرىدىن مارلاشقا باشلىدى.ئۇنىڭ بېشى زىڭىلداپ ئاغرىۋاتاتتى، خۇش ياقمىغان ھالدا بېشىنى كۆتۈردى-دە،گويا كۆزلىرى چاچىراپ چىقىپ كېتىدىغاندەك بىر نوقتىغا تىكىلگىنىچە قېتىپلا قالدى. شۇ ئان ئۇنىڭ خوتۇنى كۆز ئالدىدا ناميەن بولۇپ: __ ھەي نومۇسسىز!بالىلار ئىڭىكىڭگە تاقاشقاندا قىلىپ يۈرگەن ئىشىڭنى دەپ_ ئەيىبلەۋاتقاندەك بىلىندى.ئۇ چۆچۈپ كۆزىنى ئۇۋۇلىدى،ئەتىراپقا قايتىدىن سەپ سالغاندىن كېيىن، كېيىنىپ ياتاق ئۆيدىن چىقىشىغا ئاشخانا تەرەپتىن: __ مونچا ئوڭ تەرەپتە دېگەن ئاۋاز كەلدى. ئالىم يۇيۇنۇپ چىققاندا قىز ئەتىگەنلىك ناشتىلىقنى تەييارلاپ تاماق ئۈستىلىدە ئۇنى ساقلاپ تۇرغاندى. __ كېلىڭ ناشتا قىلىۋېلىڭ_ دېدى قىز شەھلا كۆزلىرىنى  ئالىمغا تىكىپ تۇرۇپ. __ سىز بەك ئەسكى ئىكەنسىز ، مەن سىزنى ئۆز ئاكامدەك بىلىپ يۈرسەم قىلغان ئىشىڭىزنى قاراڭ__قىز شۇنداق دېگىنىچە يەر ئاستىدىن ئالىمغا قارىدى.شۇندىلا ئالىم كېچىچە قانداق ئىشلارنىڭ يۈز بەرگىنىنى چۈشەنگەندەك بولدى. __ قاراڭ ئالىمكا مەن توي قىلمىغان قىز ،قاراپ تۇرۇپ ئاخشام سىز مېنىڭ...گەپ شۇيەرگە يەتكەندە: __ بولدى سۆزلىمەڭ،ھەممە گۇناھ مەندە،مەن چوقۇم ئۆزۈم قىلغان ئىشنىڭ ھۆددىسىدىن ئۆزۈم چىقىمەن__دېدى بېشىنى تۆۋەن سېلىپ ئولتۇرغان قىزغا. __ قانداق چىقىسىز؟ __ سىزنى ئالىمەن شۇ. __ خوتۇنىڭىز بار تۇرسا،قانداقسىگە مېنى ئالىسىز؟ __ خېتىنى بېرىمەن. __ بالىلارنى قانداق بىر تەرەپ قىلىسىز؟ __ بىردىن ئالىمىز. __ ئەمىسە چوڭ قىزىڭىزنى ئېلىڭ بولامدۇ؟ __ بولىدۇ. __ ئەگەردە خوتۇنىڭىز خېتىنى ئالغىلى ئۇنىمىسا قانداق قىلىسىز؟- سورىدى قىز تۇيۇقسىزلا. __ ئامالىنى ئۆزۈم قىلىمەن،ئالىم شۇنداق دېگىنىچە قىزنى باغرىغا باستى... ئالىم چۈشكە يېقىن قايتىپ كەلدى،ئۇ قايتىپ كەگەندە خوتۇنى ئېتىز ئىشدىن يېنىپ تاماققا تۇتۇنغاندى.ئۇ ئېرىدىن رەنجىگەن ھالدا: __ ئاخشام نەلەردە يۈردىڭىز؟ئادەمنى ئەنسىرىتىپ ... __ نېمىدىن ئەنسىرەيتىڭ،مەن يا كىچىك بالا بولمىسام،دېگىنىچە ئۆيگە كىرىپ كەتتى ئۇ.شۇندىن كېيىن خوتۇنى ئۇنىڭ كۆزىگە سەت كۆرۈنۈشكە، ئەتكەن تاماقلىرى يارىمايدىغان ھە دىسىلا ،شەھەرگە قاتىرايدىغان بولۇپ قالدى.بىچارە خوتۇننىڭ بالىلارنىڭ يېىتىم بولۇپ قېلىشىدىن ئەنسىرەيدىغان، بۇ كۈنلەرمۇ ئۆتۈپ كېتەر دەپ ئۆزىگە تەسەللىي بېرىش شۇنداقلا ئېرىنىڭ ئىنسابىنى تىللەشتىن باشقا قانداق ئامالى بولسۇن ... ھېلىقى قىز ئالىمنى كۆرۈنمەس بىر خىل يىپ بىلەن مەھكەم باغلىۋالغاندى. قىز ئۇنىڭ قەلبىدىن ئورۇن ئالغاندى.ئالىم ھەدىسىلا شەھەردە ئىشىم بار دېگەنلەرنى باھانا قىلىپ نەچچە كۈندە بىر  شەھەرگە قاتىرايدىغان بولدى... يېزا تۈن قاراڭغۇسىدا غېرىبسىناتتى.توپىلىق يولنىڭ ئىككى قاسنىقىغا سېلىنغان كونا ئۆيلەر ھازىرلا ئۆرۈلۈپ چۈشىدىغاندەك كۆرۈنەتتى. يولىنڭ ئىككى قاسنىقىدىكى قېرى سۆگەتلەرنىڭ شاخلىرى رەتسىز تاشلىنىپ تۇراتتى،ئېرىقتىكى سۇلار شىلدىرلىشىپ ئاقاتتى،باغ تەرەپتىن   كېلىۋاتقان ئۆرۈك ھىددى كىشىنىڭ دېمىقىغا ئۇرۇلۇپ تۇراتتى،تاغ تەرەپتىن كېلىۋاتقان مەيىن شامال كىشىنىڭ يۈزلىرىنى يېنىك سۆيۈپ ئۆتۈپ ھوزۇر  ئاتا قىلاتتى: پۈتۈن   يېزا ئۇيقۇغا پاتقان   ھەممە ئۆينىڭ دېرىزىلىر قاراڭغۇ،پەقەت  ئالىمنىڭ دېرىزىسىدىن غۇۋا يورۇق كۆرۈنۈپ تۇراتتى. __ خېتىڭنى ئالامسەن،ئالمامسەن؟ئۇ خوتۇنىغا چەكچىيىپ سۆزلەيتى. __ ئۇنداق قىلماڭ !بالىلارنىڭ يۈزىنى قىلىپ بولسىمۇ نىيىتىڭىزدىن يېنىڭ خوتۇن ئېرىگە يالۋۇراتتى،ئۇنىڭ كۆز چاناقلىرىدىن سىرغىغان ياش مەڭزىنى بويلاپ كۆينەكلىرىنىڭ ئېتەكلىرىنى ھۆل قىلىۋەتتى. __ ئالساڭمۇ ئالىسەن،ئالمىساڭمۇ ئالسەن !بىلىپ قوي مەن سەندەك خوتۇندىن جاق تويدۇم."تالاق- تالاق"خوتۇنى ئۇنىڭ ئاغزىنى ئېتىۋالدى. لېكىن گەپ ئۇنىڭ ئېغىزىدىن چىقىپ بولغاندى.بىچارە خوتۇن ئېسەدەپ يېغلاشقا ،چاچلىرىنى يۇڭداشقا باشلىدى... ئالىم خوتۇنىنىڭ خېتىنى بېرىپ  شەھەرگە كېلىپ    ئاسىمگۈل بىلەن توي قىلىۋالدى.ئۇلار بىر مەزگىل تۇرمۇشنىڭ پەيزىنى سۈردى. ۋاقىت بىلىنمەي يورغۇلاپ،كۆزنى يۇمۇپ ئاچقۇچە بىر نەچچە يىل ئۆتتى.ئالىمنىڭ تاپقان تەرگىنىمۇ ئاخىرلىشىپ قالدى: __ سىز ھېچ ئىش قىلماي ياتامسىز، پۇل تېپىشنى بىلمىسىڭىز مەن سىزنى باقىمەنمۇ؟دەپ دوق قىلىدىغان،ئوچۇق چىراي ئاچمايدىغان بولۇۋالدى ئاسىمگۈل .ئالىم دەسلىپىدە ئانچە-مۇنچە تىجارەت قىلدى لېكىن ئۇزۇنغا بارماي دەسمىسىدىنمۇ ئايرىلىپ قالدى. ئامالنىڭ يوقىدىن ئۇ قۇرۇلۇش ئورنىغا بېرىپ ئىشلەمچىلىك قىلىدى،لېكىن ئۇ قۇرۇلۇشتا ئىشلەپ تاپقان ئازغىنە پۇل بىلەن ئاسىمگۈلنىڭ تويماس نەپسىنى قاندۇرۇپ بولالمىدى .شۇندىن كېيىن ئاسىمگۈل ئۇنى" پوش"مۇ دەپ قويمايدىغان خالىسا ئۆيگە كېلىدىغان، خالىمىسا سىرتلاردا قونۇپ قالدىغان بولۇۋالدى .ئالىم ئۇنى بىر نەچچە قېتىم قاتتىق ئۇردى لېكىن تاياق ئۇنى قورقۇتالمىدى. يوقاپ كەتكىنىگە بىر نەچچە كۈن بولغان ئاسىمگۈل تۈن نىسبى بىلەن مەست ھالەتتە قايتىپ كەلدى. __ نەگە باردىڭىز ؟ __ كارىڭ نېمە؟ __ نىمانداق گەپ قىلىسىز؟ __ قىلسام بولمامدىكەن،سەن دېگەن كىمتىڭ؟ دېدى ئاسىمگۈل كۈلۈمسېرىگەن قىياپەتتە.شۇ تاپتا ئالىم پارتىلاپ كەتكىلى قىل قالدى لېكىن شۇنداقتىمۇ ئۇ ئۆزىنى تۇتۇۋالدى. شەرىقتىن بالقىغان قۇياش ئىللىق تەبەسسۇم قىلىشقا باشلىدى.ئالىم ئورنىدىن تۇرۇپ مېھمانخانا ئۆيگە چىقىپ كىرىسلودا يانپاشلىغىنىچە خىياللارغا غەرق بولۇشقا باشلىدى. ئۇنىڭ كۆيۈمچان خوتۇنى بىلەن ئىككى قىزى كۆز ئالدىدا نامايەن بولۇشقا باشلىدى.ئۇنىڭ ئۆز  قىلمىشلىرىدىن ئۆكۈنىۋاتقىنىغا خېلى بولغاندى  . __ ئىشىڭىزغا ماڭماي نېمىگە ياتىسىز دېگەن ئاۋاز بىلەن ئۇنىڭ خىيال قۇشلىرى قاياقلارغىدۇر غايىپ بولدى.ئۇ ھۇشىنى تاپقاندەك بولۇپ. __ سىز نەچچە كۈندىن بېرى نەلەردە يۈردىڭىز سورىدى ئاچچىق بىلەن. __ نەدە يۈرەتتىم ،شۇ ھەدەمنىڭ ئۆيىگە باردىم. __ ھەدىڭىزنىڭ ئۆيىگە بارسىڭىز ئاشۇنداق يوقاپ كېتەمسىز؟ __ ئەمىسە ھاجەتخانىغا بارساممۇ سىزدىن سورۇشۇم كېرەكمۇ؟ئاسىمگۈل مېيققىدا كۈلۈپ تۇرۇپ شۇنداق دېدى جاۋابەن. __ ئەلۋەتتە شۇنداق بولىدۇ-دە، __ نېمىشقا شۇنداق بولغۇدەك؟ __ مەن دېگەن سىزنىڭ ئېرىڭىز؟ __ ئېرىممىش تېخى دېدى ئاسىمگۈل مەنسىتمىگەن قىياپەتتە.شۇنداق قىلىپ ئىككىيلەن جېدەللىشىپ قالدى.ئارىدىن ئۇزۇن ئۆتمەي ئاسىمگۈل ئالىمدىن خېتىنى ئالدى.ئۆيسىز،پۇلسىز قالغان ئالىمغا شەھەر دوۋزاقتەك بىلىنىشكە باشلىدى.بىر مەزگىل لاغايلاپ يۈرگەندىن كېيىن ئۇ يېزىغا قايتىپ كەلدى... يېزىغا قايتىپ كەلگەندىن كېيىن  كىشىلەرنىڭ ئېتىز-ئېرىق ئىشلىرىغا ياردەملىشىپ جان باقتى .كېيىن ئۇيېزا بازىرىدىكى بىر ئاخشانىدا كاۋاپچىلىق قىلدى. بازار كۈنى بولغاچقا يېزا بازىرى ئادەم دېڭىزىغا ئايلانغاندى، ئۇ كاۋاپ سېتىش بىلەن مەشغۇل  .تۇيۇقسىز 13-14ياشلارنىڭ قارىسىنى ئالغان،ئاق پىشماق،قوي كۆزلۈك،چاچلىرىنى ئۇششاق ئۆرۈۋالغان  بىر قىز ئاشخانىنىڭ ئالدىدىن ئۆتۈپ كېتىۋېتىپ ئختىيارسىز  قەدىمنى توختاتتى-دە،ھەيرانلىق بىلەن كاۋاپچىغا تىكىلگىنىچە قېتىپلا قالدى.قىز بىر ئازدىن كېيىن كۆزلىرىنى قولىنىڭ دۈمبىسى بىلەن قايتا بىر سۈرتكەندىن كېيىن كۆزلىرىگە ياش ئالغىنىچە: __ دادا !سىز بۇيەردە نېمىش قىلىسىز دەپ كاۋاپ پىشۇرىۋاتقان كىشىگە ئېيىلدى. __ ئالىم قىزىنى تونۇدى، قىزىمۇ خېلى چوڭ بولۇپ قالغاندى.دادا بالا ئىككيلەن قانغۇچە مۇڭداشتى،يېغلاشتى.بىر ھازادىن كېيىن. __ ئاپام ،سىڭلىم ئۈچەيلەن كەلگەندۇق،ئۇلار  ئاۋۇ سودا بازىرىغا كىرىپ كەتتى ،مەن   دەپتەر ئالغىلى  بۇياققا كەلگەندىم  سىز بىلەن ئۇچرىشىپ قالدىم دېدى كۈزلىرىدىكى ياشنى سۈرتكەچ... قۇياش پاتتى،رەڭگارەڭ كەچكى شەپەق نۇرى ئاستا-ئاستا خىرەلەشتى.زىنىمننى بارا-بارا قاراڭغۇلۇق قاپلاپ ھەش-پەش دېگۈچە تۈن پەردىسى يېيىلدى.ئايگۈلنىڭ دېرىزىسىدىن غۇۋا چىراق نۇرى كۆرۈنۈپ تۇراتتى،ئانا –بالا ئىككىيلەن قانداقتۇر بىر ئىش ئۈستىدە سۆزلىشىۋاتاتتى. __ ئاپا!ئۆتۈنۈپ قالاي دادامنى ئۆيگە ئەكىلىۋالايلى!ئۇ بەك بىچارە ھالغا چۈشۈپ قاپتۇ،ياتىدىغان ئۆيىمۇ يوق ئىكەن ئاشۇ ئاشخانىدا يېتىپ-قوپىدىكەن،جېنىم ئاپا ماقۇل دىگىن،دادام بۇرۇن قانداق خاتالىقلارنى سادىر قىلغان بولسىمۇ ئۇنى ئەڭ ئاخىرقى قېتىم كەچۈرۈشىڭنى ئۆتۈنىمەن جېنىم ئاپا ماقۇل دىگىن...قىزنىڭ چاناقلىرىدىن ئاققان ياش ئىككى مەڭزىدىن ئېرىق ياساپ مەيدىسىنى ھۆل قىلىۋەتتى.ئانا ئۈندىمەستىن ئولتۇراتتى.__ جېنىم ئاپا مەن سەندىن ئۆتۈنۈپ قالاي بولامدۇ؟مەن سەندىن پەقەت ۋە پەقەت موشۇ بىر قېتىم دادامنى كەچۈرۈشىڭنى  ئۆتۈنىمەن ،سىڭلىم بىلەن مېنى دەپ بولسىمۇ ئاشۇ گۇناھكار دادامنى بىر قېتىم كەچۈرگىن!قزننىڭ ئاۋازى بۇغۇلۇپ چىقاتتى.ئانا قىزىغا بىر نېمە دىمەكچى بولىدى-يۇ  ،لېكىن دىمەي ئىچىگە يۈتۈۋەتتى ۋە ئاستا بېشىنى لىڭشىتقىنىچە قىزنى باغرىغا باستى. ئايگۈل قىزلىرىنىڭ يالۋۇرۇشلىرى بىلەن بالىلىرىنىڭ دادىسىنى ئۆيگە ئەكىلىۋېلىشقا قوشۇلغىنى بىلەن ئۇنىڭ كۆڭلىگە باشقا بىر ئىش كەچكەندى .چۈنكى شەرىئەتتە " تالاق"قا يول  يوق،بار دېگەندىمۇ چوقۇم ئايگۈل باشقا بىر ئەرنىڭ نىكاھىغا ئۆتۈشى كېرەك ،ئۇنىڭ ۋىجدانى بۇنداق قىلىشقا قانداق يول قويسۇن؟قانداق قىلغۇلۇق؟ ئايگۈلنىڭ ئاكىسى ئالىمنى ئىزدەپ كەلدى ۋە  ئويلىغانلىرىنى ئېيتتى. __ مەن ئايگۈل بىلەن  قىزلىرىم ئالدىدا كەچۈرگۈسىز گۇناھ قىلدىم،شۇنداقتىمۇ قىزلىرىم بىلەن ئايگۈلنىڭ مېنى ئاخىرقى قېتم كەچۈرۈشىنى ئۈمىد قىلىمەن دېدى ئالىم ئۆتۈنۈپ . __ شۇنداق قىلىپ ئايگۈل چوڭلار ۋە قۇلۇم-قوشنا ،ئۇرۇغ –تۇغقانلىرىنىڭ قايتا-قايتا نەسىھەت قىلىشى بىلەن ۋىجدانىغا خىلاپ ھالدا  شۇ مەھەللىدكى خوتۇنىنى" تالاق "قىلىۋەتكەن بىرى بىلەن ناكاھ  قىلىپ  ئەتىسى يەنە"تالاق"قىلىنىپ  بالىلرىنىڭ دادىسى بىلەن توي خېتى ئېلىش ئۈچۈن خەلق ئىشلار ئىدارىسىغا يول ئالدى...

nazila998

	« ئات ئايلىنىپ ئوقۇرىنى تاپىدۇ ›› دىگەن شۇ دە ، ھىكاينىڭ ۋەقەلىكى قىسقا ، مەزمۇنى چوڭقۇر بوپتۇ

太阳

	باشقىلارنىڭ بەخىتلىك ئائىلىسىگە بۇزغۇنچىلىق قىلىىشتىن بەكرەك نۇمۇسسسزلىق بولمىسا كىرەك، ،خۇدايىم ھەركىمنىڭ كۆڭلىگە ئىنساپ بەرسۇن،بىر يامانغا ئۇچرىماي بىر ياخشىنىڭ قەدرى ئۆتۈلمەس دەپتىكەن

ئامانسا

	بىر خار بولغان بىر ئەزىز بولماي قالمايدۇ ....

xahzada100

	ھەي   نىمە  دىگلىلۈك  ئەمدى  بۇ   ئىشلارغا

ali010

	تالاق. تالاق دىگۇچنىڭ كاللسى چاتاق .ياكى ئمانى چولاق

باشتۇغ

	شەيتاننى ئەڭ خوشال قىلىدىغان سۆز - ئەرلەرنىڭ تالاق دىيىشى .

بەرگى

	تالاق گەرچە ھالال بولسىمۇ ئاللاھ ئەڭ يامان كۆردىغان ئەمەل . بىر ئائىلە بۇزۇلسا شەيتان شۇنچىلىك خوشال بولۇپ كىتەركەن .

-مېھرى

	دۇنيادا ئەرلەرنىڭ تىلىغا ئېلىنماسلىقى كېرەك بولغان سۆز شۇدۇر،

تىمتاس123

	ھەي دۇنيا....... ھەقىقى مۇھاببەت نىمە....؟ ساداقەت. زوردۇن سابىركام ساداقەت ناملىق ھىكايىسىنى نىمانچە ياخشى ياغان بولغىيتى ھە.... دىققەت قىلمىسا كىشى يارىنىڭ كۈنىگە قالدىغان گە.... بۇ ھىكايىڭىزمۇ ياخشى چىقىپتۇ...ئىككى قىسىملىق شىنجاڭنىڭ فىلىملىرىنى كۈرگەندەك بوپ قالدىم.