بۇلاردىن پەخىرلىنەمسىز ،ھەم ئۆگىنەمسىز؟

bahadirman

	بۇلاردىن پەخىرلىنەمسىز ،ھەم ئۆگىنەمسىز؟ (باھادىر يىگىت) ئۇيغۇرلار ئەزەلدىن تەرەققىيپەرۋەر، دانا، ئىلىمگە ھېرىسمەن كىشىللىرىدىن ئايرىلىپ قالغان ئەمەس.بۇنداق كىشىلەر ھەرقايسى دەۋرلەردە ئۈزۈلمەي چىقىپ تۇرغان.مەن تۆۋەندە ھەرقايسى ساھەلەردىن مىسال قىلىش ئارقىلىق ئەتراپىمىزدا ئۈنتىنسىز ئىزدىنىپ ئۆزىنىڭ كۈچلك بىلىمخۇمارلىقى ۋە ئىرادىسى بىلەن مىللىتىمىزنىڭ شۆھرىتىنى تۇنىتىۋاتقان بىرقىسىم كىشىلەرنى تۇنۇشتۇرماقچىمەن.بۇ كىشىلەرنىڭ ئىش ئىزلىرىنى بەلكىم سىز ئاڭلىغان كۆرگەن بۇلىشىڭىز مۇمكىن.شۇنداق بولسىمۇ يەنە بىر قېتىم كۈرۈپ قۇيۇڭ.ھايات مۇساپىڭىزغا يېڭىلىق ئېلىپ كىلىش مۇمكىن . مۇنبەردە تىللاشقاننىڭ ئورنىغا مۇشۇندق كىشىلەرنىڭ تۇرمۇش يۇلىنى كۈرۈپ قۇيۇش بەلكىم نۇرغۇن كىشىلەرنىڭ  تۇرمۇشقا نىسپەتەن يېڭىچە نىشان ئۈمۈد ئېلىپ كەلسە ئەجەپ ئەمەس. 1. تۇنجى ئۇيغۇر ئولىمپىك چىمپىيۇنى - مۇھەممەد ئۆمەر : مۇھەممەد ئۆمەر 1924يىلى سېۋىت ئىتتىپاقىنىڭ ئالمۇتتا (ھازىرقى قازاقىستاننىڭ ئالمۇتتا شەھىرى) شەھىرىدە دۇنيا كەلگەن. 1941-يىلى سېۋىت ئىتتىپاقى ھۆكۈمىتى تەرىپىدىن ھەربىي تىببىي ئىنىستۇتقا ئۆگىنىشكە ئەۋەتىلگەن.1943-يىلى ئۇقۇش پۈتتۈرۈپ 2-دۇنيا ئۇرۇشىغا قاتناشقان.ئۇرۇش ئاياقلاشقاندىن كىيىن گېرمانىيەدە بىر مەزگىىل ۋەزىپە ئۆتگەن.كىيىن قايتىپ كىلىپ داۋاملىق تىبابەتچىلىكتە ئۇقۇپ 1953-يىلى تىببى ئالىي ئۇنۋانىغا ئىرىشكەن.ھەمدە شۇ يىلى سېۋىت ئىتتىپاقى قارغا ئېتىش دۆلەت كوماندىسىغا تاللانغان. 1954-يىلى دۇنيا قارغا ئېتىش مۇسابىقىسىدە چىمپىيۇن بۇلۇپ نامى چىققان.1955-يىلى ياۋرۇپا قارغا ئېتىش لوڭقىسى چىمپىيۇنى ،1956-يىلى ئولىمپىك قارغا ئېتىش كۈمۈش مىدالى ئالغان ،1954-1961-يىلىغچە ئۇدا 6يىل دۆلەتلىك قارىغا ئېتىش چىمپىيۇنى بولغان. 5قېتىم ياۋرۇپا چىمپىيۇنى ،3قېتىم دۇنيا چىمپىيۇنى بولغان. بۇ نەتىجىلىرى بىلەن سېۋىت ئىتتىپاقى تەنتەربىيە چولپاللىرى قامۇسىغا كىرگۈزۈلگەن. 1961-يىلى لېنىگىراتتا تۇيۇقسىز يۈرەك كېسىلى قوزغىلىپ 37يېشىدا ۋاپات بولغان. 2. تۇنجى ئۇيغۇر ئالەم ئۇچقۇچىسى -سالىجان شارىپوف : روسيىەلىك ئۇيغۇر ئالەم ئۇچقۇچىسى سالىجان شارىپوف 1964-يىلى 8-ئاينىڭ  قىرغىزىستان جۇمھۇرىيتىنىڭ جەنۇبىدىكى ئۈزگەن شەھرىدە تۇغۇلغان.1992-يىلى خارۋارد ئونۋېرسىتىنىڭ  ئاپتۇماتىك يەتكۈزۈش كەسىپىنى پۈتتۈرۈپ دوكتۇر ئاشتىلىق ئۇنۋانىغا ئىرىشكەن.ئۇ ھازىر روسسىيە ئالەم ئۇچقۇچىسى،تۇنجى ئۇيغۇر ئالەم ئۇچقۇچىسى.2005-يىلى 10-ئاينىڭ 14-كۈنى سالىجان  ئامرىكا تەۋەلىكىدىكى جۇڭگۇلۇق ئالەم ئۇچقۇچىسى جىياۋلىجۇڭ ۋە روسسىيەلىك سەبدىشى شارجىن بلەن بىرلىكتە ئالەم پونكىتىغا چىقىپ 6ئاي ئىلمى تەتقىقات بىلەن شۇغۇللانغان. 3.بىئولوگىيە ئالىمى شۆھرەت مۇتەللىپ: دۇنيانى تاڭ قالدۇرغان پەخىرلىك ئوغلانىمىز دوكتۇر ،ئالىم ،تەتقىقاتچى شۆھرەت مۇتەللىپ  قازاقىستاننىڭ غاجات ئۇيغۇر رايۇنىدا تۇغۇلغان. باشلانغۇچتا ئۇقۇۋتقان ۋاقىتتا ئائىلە بۇيىچە ئالمۇتتا شەھرىگەكۈچۈپ بېرىپ تاكى تۇلۇق ئوتتۇرغۇچە شۇ يەردە ئۇقىغان.تۇلۇق ئوتتۇرنى پۈتكۈزگەندىن كىيىن ئەينى ۋاقىتتىكى سېۋىت ئىتتىپاقىنىڭ تۈزۈمى بۇيىچە ھەربىي ۋەزىپە ئۆتىگەن. كىيىن موسكىۋاغا بېرىپ تۆرەلمە بىئولوگىيە كەسپى بۇيىچە باكلاۋۇرلۇق ئۇنۋانى ئالغان.كىين روسسىيە تىببى ئىنىستۇتىنىڭ ئىرسىيەتشۇناسلىق تەتقىقات ئورنىنىڭ  يىتىلىش ئېرسىيەتشۇناسلىقى(فېنوگېنىتىكا) ۋە غول ھۈجەيرە بىئولوگىيە ئىلمىي بۇيىچە دوكتۇرلۇق ئۇنۋانىغا ئىرىشكەن.كىيىن گېرمانىيەدە 6ئايچە تەتقىقات خىزمىتىگە قاتناشقاندىن كىيىن ئامرىكىغا بېرىپ يۇتا شىتاتى يۇتا شىتاتلىق ئونۋېرسىتىدا دوكتۇر ئاشتىلىق سالاھيتى بىلەن تەتقىقاتىنى داۋاملاشتۇرغان.1997-يىلدىن ھازىرغىچە ئامرىكا ئورىگون شىتاتى بېۋىرتۇندىكى پىرىماتولوگىيەلىك ھايۋانلار تەتقىقات مەركىزىدە تەتقىقاتچى ئالىم بۇلۇپ ئىشلەۋاتىدۇ.ئۇنىڭ ئايالى گۈلنۇر بولسا خەلقىمىزنىڭ ئايال قەھرىمانى رىزۋانگۈل جەمەتىدىن ئىكەن. ئۇنىڭ رەھبەرلىكىدىكى تەتقىقات گۇرۇپپىسى دۇنيادا تۇنجى بۇلۇپ پىرىماتلار تۈردىكى ھايۋان ماككا مايمۇنىنىڭ تۆرەلمىسىنى كۇلۇنلاپ چىققان. بۇ ئىنسانىيەتنىڭ تۇنجى قېتىم پىرىماتلار تۈردىكى ھايۋانلارنىڭ تۆرەلمىسىنى مۇۋەپپىقىيەتلىك كۇلۇنلاپ چىقىشى ھېساپلىنىدۇ. «تەبىئەت»ژۇرنىلى شۆھرەت مۇتەللىپنىڭ بۇ ھەقتىكى ماقالىسىنى بېسىپ ،ژورنال مۇقاۋىسىغا ماقالە تېمىسىنى باسقان. بۇ ھازىرقى زامان بىئولوگىيە تېخنىكىسى ساھەسىدىكى زور بۈسۈش ھېسابلىنىدۇ. 4.ئۇيغۇر كومپىيۇتىر يۇمشاق دىتال تەتقىقاتىدىكى بايراقدار-ئالىم ئەھەد : ئالىم ئەھەت ئۇيغۇرسوفت كومپيۇتېر شىركىتىنىڭ باش دېرىكتورى، يۇمشاق دېتال ئېنژىنىرى، شىنجاڭ ئۇنىۋېرسىتېتى ماتېماتىكا ۋە سىستېما پەنلىرى ئىنىستىتۇتىنىڭ ئوقۇتقۇچىسى، ئالىي لىكتور، «كومپيۇتېر يۇمشاق دىتال كەسپى»دە ماگىستىر ئاسپىرانت، «قوللىنىشچان ماتېماتىكا كەسپى»دە ئاسپىرانتلىق ئوقۇش تارىخىغا ئىگە.ئالىم ئەھەت 1974-يىلى 6-ئاينىڭ 14-كۈنى (جۈمە) ئاقسۇ شايار ناھىيەسىدە تۇغۇلغان. 1980-يىلىدىن 1991-يىلىغىچە 1-باشلانغۇچ ۋە 1-ئوتتۇرا مەكتەپتە ئوقۇغان. 1991-يىلى 7-ئايدا، ئالىي مەكتەپ ئىمتىھانىغا قاتنىشىپ، ئاقسۇ ۋىلايىتى بويىچە ئەلا نومۇر بىلەن شىنجاڭ ئۇنىۋېرسىتېتى ماتېماتىكا فاكولتېتى ھېسابلاش ماتېماتىكىسى كەسپىگە قوبۇل قىلىنغان.1993-يىلى 3-ئايدا، دىلشات ھېۋزۇللا شىنجاڭ ئۇنىۋېرسىتېتىدا كومپيۇتېر كۇرسى ئاچقاندا ئالىم ئەھەت بىرىنچى بولۇپ تىزىملىتىدۇ، ھەمدە MS-DOS  ۋە C تىلىنى پىششىق ئۆگىنىدۇ. شۇنداق قىلىپ 1995-يىلى 9-ئايدا، ئالىم ئەھەت مۇددەتتىن بىر يىل بۇرۇن ئوقۇتقۇچى سالاھىيىتى بىلەن بېيجىڭ تەبىئىي پەن ۋە سانائەت پەنلىرى ئۇنىۋېرسىتېتى (北京理工大学) غا ئوقۇشقا ئەۋەتىلىدۇ. بۇ يەردە كومپيۇتېر ۋە قۇرۇلۇش ئىنىستىتۇتىدا ئاسسېمبىل تىلى، كومپيۇتېر پۈرىنسىسپى، Windows مۇھىتىدا پىروگرامما تۈزۈش، سۈنئىي ئىدراك،... قاتارلىق 7 خىل دەرسنى تاماملاپ ياخشى نەتىجە بىلەن قايتىپ كېلىدۇ. ئالىم ئەھەت 1998-يىلى 6-ئايدا، ئۈرۈمچى ئۇيغۇرسوفت شىركىتىنى قۇرغان بولۇپ، ھازىرغا قەدەر «ئۇيغۇرسوفت-ئەلكاتىپ»، «ئۇيغۇرسوفت-كوررېكتورى»، «ئۇيغۇرسوفت-لۇغەت» قاتارلىق ئۇيغۇر، قازاق ۋە قىرغىز تىل يېزىقىغا مۇناسىۋەتلىك بىر تۈرلۈك مۇنەۋۋەر يۇمشاق دېتاللارنى ياساپ چىققان. شىنجاڭ ئۇيغۇر ئاپتونوم رايونىنىڭ ئۇچۇرلاشتۇرۇش قۇرۇلۇشىدا ئۈزلۈكسىز يېڭىلىق يارىتىپ، قوللىنىشچان ئەمەلىي مەھسۇلات ئىشلەپچىقىرىپ، كەڭ تۈردە ئومۇملاشتۇرغان.  ئۇيغۇر يۇمشاق دېتال بازىرىنىڭ شەكىللىنىشى ئۈچۈن پۇختا ئاساس سالغان.ئۇنىڭدىن باشقا يەنە ئىچكىرى ئۆلكىلەردىكى يۇمشاق دېتال شىركەتلىرى بىلەن ھەمكارلىشىپ، رادىيو-تېلېۋىزىيەدە ئىشلىتىلىدىغان كۆپ تىللىق رادىيو ئاڭلىتىش يۇمشاق دىتالى، ATM (ئاپتوبانكا) پۇل ئېلىش ماشىنىسى سىستېمىسى، سىفىرلىق تېلېۋىزىيە قوبۇللىغۇچ سىستېمىسى... قاتارلىقلارنى مۇۋەپپەقىيەتلىك پۈتتۈرگەن. ئۇيغۇر تىل-يېزىقىنىڭ كومپيۇتېردىكى ھەر قايسى ساھەلەردە كەڭ قوللىنىشىدا زور تۆھپىلەرنى قوشقان.2008-يىلى 11-ئايدا 4-نۆۋەتلىك «جۇڭگو يۇمشاق دېتال ساھەسىدە كۆزگە كۆرۈنگە 10 مۇنەۋۋەر ياش» نىڭ بىرى بولۇپ باھالانغان. 5.ھازىرقى زامان 3د تېخنىكىسىدىكى پەخرلىك ئوغلانىمىز- پەخىردىن قارلۇق: پەخرىدىن شېرىپ قارلۇق  1981- يىلى 9-سىنتەبىر ئاقسۇ ۋىلايەت شايار ناھىيسىدە مەدەنىيەتلىك ئائىلىدە تۇغۇلغان. 1994- يىلى Basic ۋە Assemble تىلىدىن باشلاپ كومپيۇتېر ساھەسىگە كىرگەن. 1996- يىلى 7- ئايدىن 1997- يىلى 8- ئايغىچە ئەقلىي ئىقتىدارلىق كومپيۇتېر شىركىتىدە، 1997- يىلى 8- ئايدىن 1998- يىلى 11- ئايغىچە پەن-تېخنىكا ئەجدىھاسى كومپيۇتېر شىركىتىدە يېزىق- جەدىۋەل ۋە ساندان بىر تەرەپ قىلىشقا مۇناسىۋەتلىك خىزمەتلەرنى ئىشلىگەن. 1998- يىلى 11- ئايدا ھازىرقى قارلۇق شىركىتىنىڭ ئاساسى بولغان «قارلۇق كومپيۇتېر مۇلازىمەت مەركىزى»نى قۇرغان. 2000- يىلى 3- ئايغىچە خەنزۇچە UCDOS مەشغۇلات سىستېمىسى ئاساسىدىكى ئۇيغۇرچە مەشغۇلات سىستېمىسى، DOS مۇھىتىدىكى كۆپ تىللىق مەتبەئە، جەدىۋەل ۋە ساندان باشقۇرۇشقا ئىشلىتىدىغان گىرافىك يۈزلۈك قوللىنىش پروگراممىسى Uyghur-word نى، مالىيە- مائارىپ ساھەسىدە قوللىنىلىدىغان ئۇچۇر باشقۇرۇش ۋە ئىستاتىستكا يۇمشاق دېتاللىرىنى ئىشلىگەن. 2000- يىلى 3- ئايدىن باشلاپ، نىشانىنى كومپيۇتېر گىرافىك ساھەسىگە قارىتىپ، رايونىمىزنىڭ D3 كومپيۇتېر گىرافىكى ساھەسىدە نۇرغۇنلىغان تۈرلەرنى ئىشلىگەن ۋە سىستېمىلاشتۇرۈغان. بېيجىڭ پايتەخت پېداگوگىكا ئۇنىۋېرستېتىنىڭ كومپيۇتېر كەسپىي ئېستېتىكا تەتقىقات مەركىزى،CG Power  ۋە Days of  View قاتارلىق شىركەتلەردە، CCTV-4، CCTV-9، CCTV-8، بيېجىڭ ۋە تېيەنجىن تېلېۋىزىيە ئىستانسىلىرىنىڭ كومپيۇتېر گىرافىكىغا مۇناسىۋەتلىك تۈرلەرنىڭ تۈر باشقۇرغۇچىسى، D 3 كۆرۈم ئېغغىكتى مەسئۇلى ۋە تېخنىكا يېتەكچىلىك خىزمەتلىرىنى ئىشلىگەن.  شىنجاڭ قارلۇق مېدىيا-پەن تېخنىكا چەكلىك شىركىتى 2008-يىلى 9-ئايدا قۇرۇلغان. ئاساسلىق ئېنتىرەكتىۋ يۇمشاق دېتال ياساش، جانلاندۇرۇم، مېدىيا مەھسۇلاتلىرى تەتقىقاتى بىلەن شۇغۇللىنىدۇ.قارلۇق شىركىتى يۇقىرى تېخنىكا سەۋىيىسىگە ئىگە مېدىيا تېخنىكا شىركىتى بولۇپ، شىركەتنىڭ بىلىم-مۈلۈك ھوقۇقىغا ئېرىشكەن بىر قىسىم جانلاندۇرۇم، يۇمشاق دېتال ۋە ئويۇنلىرى بار. شىركەت ھازىرغا قەدەر 26 قوللىنىش يۇمشاق دېتال، 57 جانلاندۇرۇم، 500 دىن ئارتۇق 3D مودىل، 5000 پارچىدىن كۆپرەك رەقەملىك سۈرەتلەرنىڭ ئەقلىي-مۈلۈك ھوقۇقىغا ئېرىشتى. 360 گىرادۇسلۇق تەسۋىر بىرىكتۈرۈش تېخنىكىسى، ئۈچ ئۆلچەملىك فىلىم ئىشلەش، ئۈچ ئۆلچەملىك ئىنتىرەكتىۋ يۇمشاق دېتال ياساش شىركەتنىڭ يادرولۇق تېخنىكىلىرى بولۇپ ھېسابلىنىدۇ. قارلۇق شىركىتى ئامېرىكا ئ‍الما شىركىتىنىڭ ئوتتۇرا ئاسىيادىكى بىردىنبىر يۇمشاق دېتال تەتقىقات تەجىرىبخانىسىدۇر. شىركەتنىڭ "خاتىرەم"، "ئېلىپبە"، "ئوكيان خەۋەرلىرى"، "سالام ئەلى"،"دەستەرپىچ"،"لۇغەت" تىن ئىبارەت كۆچمە يۇمشاق دېتاللىرى تاماملىنىپ، جامائەتچىلىك بىلەن يۈز كۆرۈشتى. شىركەتتە سەككىز بۆلۈم، 258 خادىم بار. شىركەتتىكى خادىملار قوشۇنى قاتتىق تاللاشتىن ئۆتكەن، تەجرىبىلىك، مۇنەۋۋەر ئىختىساسلىقلاردۇر. شىركەت ئىجادىيەت، سەنئەت ۋە مېدىيا تەتقىقات ئىشلىرىدا  ئاپتونوم رايونىمىزدا بەلگىلىك تەسىرگە ئىگە. 6.جۇڭگو تىببى ئىنىستۇتى دورىگەرلىك باشقارمىسى ئەسۋاب ئانالىزى مەركىزىنىڭ مۇدىرى ،پىراففىسور زەپەر ئابلىز: زەپەر ئابلىز كىچىكىدىن نامراتچىلىقتا چوڭ بولغان،ئاكىسىدىن قالغان كىيىم كېچەكلەرنى كىيىپ چوڭ بولغان. شۇنداقتىمۇ قەتئىي بوشاشماي تىرىشىپ ئۇقۇپ تۈنجى تۈركۈمدە ياپۇنغا چىقىپ ئۇقۇيدىغانلار تىزىملىكىگە كىرىپ ياپۇنىيەدە دوكتۇرلۇق،دوكتۇر ئاشتىلىق ئۇنۋانى ئالغان.30ياشقا توشماي تۇرۇپ ئەڭ ياش كاندىدات پىروففىسور بولغان. 39يېشىدا دوكتۇر يېتەكچىسى بولغان. ئۇ ھازىر جۇڭگو تىببى پەنلەر ئاكادىمىيسىنىڭ ئەزاسى،جۇڭگو تىببى ئىنىستىتوتى مەكتەپ ئىلمىي ھەيئىتىنىڭ ئەزاسى،داڭلىق خەلىقئارا ژورنال«Rapid Commun. Mass Spectrom» ۋە «J.Am.Soc.Mass Spetrom»نىڭ تەھرىرى بۇلۇپ ئىشلىمەكتە. ئۇيەن كۆپ قېتىم مەملىكەت خاراكتىرلىك ئىلمىي مۇھاكىمە يىغىنىنى ئۇيۇشتۇرغان. 7. يىتىشىۋاتقان نەزىرىيە فىزىكا ئالىمى - ساھىبجامال دۆلەت: ساھىبجامال دۆلەت1967-يىلى 10-ئايدا خوتەن ۋىلايىتىنىڭ چىرا ناھىيىسىدە تۇغۇلغان. ئۇ كىچىكىدىنلا تەبىئەت ھادىسلىرى ۋە فىزىكا ئىلمىگە ئوتتەك ئىشتىياق باغلىغانلىقى تۈپەيلى ئالي مەكتەپتە فىزىكىدا ئوقۇشنى تاللىغان.1985-يىلى شىنجاڭ ئۇنۋىرسىتىنىڭ فىزىكا فاكۇلتىتىغا قۇبۇل قىلىنغان.1990-يىلى ئەلا نەتىجە بىلەن شىنجاڭ ئۇنۋىرسىتىنىڭ فىزىكا فاكۇلتىدىدا ماگىستىرلق ئۇقۇش ھاياتىنى باشلىغان.گەچە تۇلۇق ئوتتۇرغىچە پۈتۈنلەي ئۇيغۇرچە ئۇقىغان بولسىمۇ ،تىل جەھەتتىكى قىيىنچىلىقنى باتۇرلۇق بىلەن يېڭىپ بىر تەرەپتىن خەنزۇتىلى ئۆگىنىپ يەنە بىر تەرەپتىن دەستىن سىرت ماتىرىياللارنى كۆپلەپ كۈرۈپ ئۇيغۇر ئاياللىرىنىڭ قەيسەرئىرادىسىنى نامايان قىلدى.1995-يىلى 9-ئايدىن 1996-يىلى 9-ئايغىچە ئىتالىيە خەلىقئارا نەزىرىيە فىزىكا تەتقىقات مەركىزىدە ئۆگىنىشتە بولدى.2000-يىلى 8-ئايدا جۇڭگو پەنلەر ئاكادىمىيسى نەزىيە فىزىكا تەتقىقات مەركىزى ۋە گېرمانىيە بونىن ئونۋىرسىتىتى فىزىكا تەتقىقات مەركىزىدە دوكتۇرلۇق ئۇنۋانىنى ئالدى.دوكتۇرلۇق ئۇنۋانىغا چىقىرىلغان ئۇقۇش پۈتتۈرۈش ماقالىسىنىڭ تېمىسىنى گىرمانىيە داڭلىق نەزىرىيە فىزىكا ئالىمى W. Nahmچىقارغا بۇلۇپ ،ھازىرقى زامان نەزىرىيە فىزىكىسىدىكى كونفورمال ئۆزگەرمەس مىقدار كىۋانت مەيدان نەزىرىيسى ،سۇپىر يىپ نەزىرىيسى،مودىللىق گۇرۇپپا،كىرىستال گۇرۇپپىسى قاتارلىق يۇقىرى ئىنىرگىيە فىزىكا ئۇقۇملىرىغا چېتىلاتتى.لىكىن ساھىبجامال دۆلەت جاپالىق تىرىشىپ تەتقىق قىلىپ ھەممىنى قايىىل قىلىپ دوكتۇرلۇق ماقالىسىنى پۈتتۈردى.2011-يىلى 4-ئاي مەزگىلدە ماگىستىر ئاسپىرانت ئوقۇغۇچىسى ماكەينى يىتەكلەش جەريانىدا ماتېرىيال كۆرۈۋېتىپ ئامېرىكا داڭلىق فىزىكا ئالىملىرى پەشكىن بىلەن لېپكىننىڭ دۇنيادا ئالدىنقى قاتاردا تۇردىغان ئەڭ نوپۇزلۇق فىزىكا ساھەسىدىكى ژۇرنال «فىزىكا ئوبزورى تېز خەۋەرلەر ژۇرنىلى» دا ئېلان قىلغان ماقالىسىدە «ئاخارونوۋ-كەشېر ۋە سىكاليارلىق ئاخارونوۋ-بوم ئېففېكتى تار دائىرىلىك ئېففېكت» دەپ چىقارغان يەكۈنى بىلەن ئۆزىنىڭ يۇقارقى مەسىلىگە بولغان تونۇشىنىڭ پۈتۈنلەي قارمۇ-قارشى ئىكەنلىكىنى بايقىدى. « ئۇلارنىڭ ماقالىسىنى كۆرۈپلا مەن ئۇلارنىڭ خاتالىقىنى بايقىدىم» دېدى ساھبجامال ئەھۋال تونۇشتۇرۇپ، « ئۇ ئىككى نەپەر ئامېرىكا فىزىكا ئالىمى نىسپىيلىك تىپىدا بولمىغان تەقرىبىيلىكنى ئىشلىتىپ ئۆزىنىڭ يەكۈنىگە ئېرىشكەن، بىراق بۇ مەسلىنى نىسپىيلىك نەزەرىيەنى ئاساس قىلىپ ھەل قىلىشقا توغرا كېلىدۇ».ساھىبجامال ماقالىسىدە بۇ مەسلىگە قارىتا ئۆزىنىڭ كۆز قارىشىنى ۋە ماتېماتىكىلق ئىسپاتىنى ئوتتۇرىغا قويدى، ھەمدە بۇ ئىككى نەپەر ئامېرىكا فىزىكا ئالىملىرىنىڭ خاتا نوقتىلىرىنى كۆرسىتىپ بەردى. شۇنداق قىلىپ ساھىپجامالنىڭ «ئاخارونوۋ-كەشېر ۋە سىكاليارلىق ئاخارونوۋ-بوم توپولوگىيەلىك ئېففېكتى» ناملىق ماقالىسى 2012-يىلى 2-ئاينىڭ 17-كۈنى «فىزىكا ئوبزورى تېز خەۋەرلەر ژۇرنىلى» تەرپىدىن قوبۇل قىلىنىپ بۇ ژورنالنىڭ مۇھىم ئىلمى ماقالىلەر سەھىپىسىدە ئېلان قىلىندى.شۇنداق قىلىپ ساھىپجامال دۆلەت 30يىلدىن بۇيان دۇنيا نەزىرىيە فىزىكا ساھەسىدە ھەل بولماي كىلىۋاتقان قىيىن مەسىلىنى ھەل قىلىپ بىراقلادۇنيانىڭ ئېتراپ قىلىشىغا ئىرىشتى. 8.سودا ساھەسىدىكى ياش باشلامچى ،مەسلىھەتچى -ئابدۇل خەبىر : شىنجاڭ ئاقسۇ  كەلپىن ناھىيسىدىن .تۇلۇق ئوتتۇرىنى پۈتتۈرگەندىن كىيىن ئامرىكىغا بېرىپ سودا ئىلمىي ئۆگەنگەن.باكلاۋۇرلۇق ئۇنۋانىنى ئامرىكا نىيۇيۇرۇك شىتاتلىق ئۇنۋىرسىتىتى قارمىقىدىكى بىڭخامتون مەكتىپىدە ئۇقۇغان.ئۈچ يىللىق ئۇقۇش جەريانىدا تىل جەھەتىكى قىيىنچىلىقنى يېڭىپ ھەرقايسى پەنلەردە 3.84 لىق ئوتتۇرچە نۇمۇر (ئۇمۇمىي نۇمۇر 4) بىلەن باكلاۋۇرلۇق ئۇنۋانىغا ئىرىشكەن.بۇئەلا نەتىجىسى بىلەن مەكتەپتە داۋاملىق ھەقسىز تۈردە MBA ئۆگەنگەن ھەمدە مۇنەۋۋەر خەلىقئارا ئۇقۇش مۇكاپاتىغا ئىرىشكەن.ئۇ ھازىر ئامرىكا يىپەك يۇلى خۇۋدې مائارىپ گۇرۇھىنىڭ باش تىجارت ئەمەلدارى.بېيجىڭ خوۋدې خەلىقئارا مائارىپ مەسلىھەت سوراش شېركىتىنىڭ تەكلىپلىك مەسلىھەتچىسى،شىنجاڭ ئاقسۇ راۋا شىركىتى ۋە راۋا فوندىنىڭ بىرلەشمە قۇرغۇچىسى.ئۇ خەنزۇچە،ئېنگىلىزچە،تۈركچە ۋە ئەرەپ تىللىرىغا پىششىق. 9.دۇنيادىكى 500باينىڭ بىرى بولغان ئۇيغۇر كارخانىچى -ئەلىجان ئىبراھىموف: قازىقىستانلىق ئۇيغۇر كارخانىچى ئەلىجان ئىبراھىموف ئاساسلىق كانچلىق مىتاللورگىيە كەسپى بىلەن شۇغۇللىنىدىغان بۇلۇپ ئامرىكا فۇبىس ژورنىلى تەرىپىدىن دۇنيادىكى 500باينىڭ 384چىسى بۇلۇپ تىزىلغان.قازاقىستان،روسسىيە،ياۋرۇپا ئىتتىپاقى دۆلەت تەۋەلىكىگە ئىگە .خەلىقئارادا نۇپۇزلۇق كارخانىچى ھېسابلىنىدۇ. 10.ئۇيغۇر زۇڭلى كېرىم مەسىموف: ھازىر قازاقىستان جۇمھۇرىيتىنىڭ ھۈكۈمەت زۇڭلىلىق ۋەزىپىسىنى ئۆتەۋاتقان ئۇيغۇر دۆلەت ئەربابى كېرىم مەسىموف 1965-يلى 6-ئاينىڭ15-كۈنى تۇغۇلغان . ئىلگىرى كىيىن بۇلۇپ روسسىيە خەلىق دوسلۇق ئونۋىرسىتىتى،بېيجىڭ تىل ئىنىستۇتى،ۋۇخەن ئۇنۋېرىستىتى قانۇن فاكۇلتىتى ۋە قازاقىستان دۆلەت باشقۇرۇش ئىنىستۇتىدا ئۇقىغان.ئىقتىساد ۋە خەلىقئارا قانۇننى ئۆگەنگەن.ئىقتىساتشۇناسلىق دوكتۇرلۇق ئۇنۋانى ئالغان.قازاقچە،روسچە،خەنزۇچە،ئىنگىلىزچە ۋە ئەرەپچىگە پىششىق .ئىلگىرى جۇڭگو چوڭ قۇرۇقلىقى ۋە شىياڭگاڭدا قازاقىستاننىڭ سودا كەسپى ئۈچۈن خىزمەت قىلغان.2006-يىلى 1-ئايدىن 2007-يىلى 1-ئايغىچە قازاقىستاننىڭ مۇئاۋىن زۇڭلىسى بولغان.قازاقىستان زۇڭتۇڭى نەزەربايىفنىڭ تەكلىپى بىلەن 2007-يىلى 10-ئايدا قازاقىستان جۇمھۇرىيتىنىڭ زۇڭلىسى بولغان.2012-يىلى 9-ئاينىڭ 24-كۈنى ۋەزىپە مۇددىتى تۇشۇپ قازاقىستان جۇمھۇرىيتى زۇڭتۇڭ ئىشخانىسىنىڭ مۇدىرى بۇلۇپ ئىشلىگەن.2014-يىلى 4-ئاينىڭ 2-كۈنى زۇڭتۇڭ نەزەربايىف تەرىپىدىن ئىككىنچى قېتىم زۇڭلىلىققا سايلانغان. ھۆرمەتلىك تورداشلار،مەن بىرنەچچە كۈن ئىزدىنىش ئارقىلىق بۇ ماتىرىياللارنى توپلاپ تەرجىمە قىلىپ چىقتىم.بۇنىڭدا تىلغا ئېلىنمىغان نۇرغۇن كىشىللىرىمىز بار.مەسلەن،خالمۇرات غۇپۇر،رادىل ئابلار،تاشپولات رۇزى،ئابدۇقادىر جالالىدىن،كۆرەش ئىبراھىم،قۇدرەت ياقۇپ ....... قاتارلىق.بۇنىڭدى باشقا يەنە خەلىق ئىچىدىن چىققان ھەرخىل دېھقان ئايرۇپىلان ياسىغان،ياغاچتىن ماشىنا ياسىغان،كۆتۈرۈشكە ئەپلىك كومپىيۇتىر ئاساسى ئاپراتى لايھەلىگەن ، ھاۋانى يېقىلغۇ قىلىدىغان ماتۇر ياسىغان ........ نۇرغۇن دېھقان كەشپىياتچىلار بار.ئىلىم يۇلىدا توختىماي ئىزدىنىپ ئائىلىسى ،يۇرتى،مىللىتى ،ۋەتىنى ئۈچۈن نۇرۇغۇن تىل ۋە مۇساپىرلىق جاپالىرىغا بەرداشلىق بىرىپ ئۆگەنگەن دوكتۇرلار ،دوكتۇر ئاشتىلار بار.بۇلار كۈندىن كۈنگە كۆپىيىۋاتىدۇ. كۈزەتسڭىز بۈگۈنكىدەك تىنىچ ۋەزىيەتتە پۇرسەتنى چىڭ تۇتۇپ مۇشۇنداق مىللەت ئۈچۈن ھەسسە قۇشىۋاتقان تۆھپىكارلار نۇرغۇن. مۇنبەرنى ئارىلاپ يۈرۈپ كۆپ قېتىم يۇلۇققان مەسىلەم بولسا نەدىكى پەلەستىن ئىسرائىلىيە مەسىلسى دىگەندەك بىز بلەن ھىچقانداق مۇناسىۋىتى يوق ئىشلار بىلەن بىر بىرىنى تللىشىپ ،بىر بىرىنىڭ ئېتقادلىرىنى سۈكىشپ كۈن ئۆتكۈزىدىغان كشىلىەرمۇ ئاز ئەمەس ئىكەن. شۇڭا مۇشۇنداقلارغا ۋە تورداشلارغا ئۈلگە بولسۇن ئۈچۈن بۇ تېمىنى يوللىدىم.مۇشۇنداق ئىلغار پىكرلىك ئىرادىلىك كىشىللىرىمىزدىن ئۆگىنىپ ھەممىىز ئىلىم يۇلىغا ھاياتىمىزنى سەرىپ قىلساق ھاياتلىقىمىز چىپچىرايلىق گۈل چېچەكلەرگە پۈرگەنگەن بولاتتى.شۇڭا ھەممەيلەن قىسقىغىنە ھاياتلىقنى قەدىرلەيلى.زېھنىمىزنى قىممىتى بار ئىشلارغا قارىتايلى.ئىلىم ئېلىشقا قارىتايلى،يېڭىلىق يارىتىشقا قارىتايلى.بىز مۇشۇنداقلا خەق ،ھىچ ئىش قولىمىزدىن كەلمەيدۇ دىگەنلەرگە بۇلار نىڭ ئىش ئىزلىرى كۈچلۈك رەدىيە بولسۇن.ئادەم پەقەت سەۋىرچان بۇلۇپ كۈچلۈك ئىرادە بىلەن  تىرىشسىلا چۇقۇم ئالەمشۇمۇل نەتىجىلەرنى قولغا كەلتۈرەلەيدۇ. تورداشلارنىڭ خاتا يېزىلىپ قالغان جايلار بولسا تۈزۈتىپ ئۇقۇشىنى ئۈمۈد قىلىمەن.

xirali120

	buyil xohrat mutallip apandi nobil mukapatiga erixixi mumkin

uyol

	رەھمەت، جاپا چىكسىز، لېكىن شۇنداق مۇھىم بىر .ئادەم چۈشۈپ قاپتۇ، يەنە ناسا ئالەم قاتنىشى ئىدارىسىنىڭ باش ئىنژىنىرى ئەركىن سىدىق (بىلىمخۇمار) ئەپەندى

belga

	ئۇنداق كىشلىرىمىز ھىس قىلىشىمچە خىلى كۆپقۇ دەيمەن... ئەلۋەتتە ئۈگىنىش كىرەك...

axek13999649893

	مەن  بىلمەيدىغان كىشىلىرىمىزمۇ  باكەن   رەھمەت بىلىۋالدىم

rayhan05

	بەك ياخشى تىما يوللاپسىز، يەنە داۋاملاشتۇرۇپ تېخىمۇ كۆپ تىرىشچان، ئىزدىنىشچان، مۇۋەپپىقىيەت قازانغان كىشىلىرىمىزنى تۇنۇشتۇرۋەتسىڭىز، رەھمەت.

TAXNAI2

	بىلمىگەننى بىلۋالدىم رەخمەت سىزگە ...ھارمىغايسىز ....

jim-jit

	كۆپ    ئەجىر    قىپسىز   ،    رەخمەت    سىزگە    .

Elem

	رەھمەت سىزگە. خىلى كۆپ ئىزدىنىپسىز. تورداشلار، بولسا مۇشۇ تېمىنىڭ داۋامىغا يەنە ئۆگىنىشكە تىگىشلىك كىشىلىرىمىزنى تۇنۇشتۇرۇپ، تۇلۇقلاپ قويساق پايدىلىنىش قىممىتى تېخىمۇ ئاشاتتى.

hekmat110

	ئۈگىنىش كىرەك