بىزلەردىكى ۋاقىت ئېڭى ھەققىدە
ۋاقىت ھېچقاچان، ئۆزىنىڭ قەدىرىنى بىلگەنلەرگە ھىممىتىنى ئايىغان ئەمەس. ۋاقىتتىن ،پۇرسەتتىن ياخشى پايدىلانساقلا ئۇ بىزگە بايلىق ،خۇشاللىق ئاتا قىلىدۇ. كۇن-بويى لاغايلاپ يۇرگەنلەرنىڭ ھالىغا ۋاي، ئۇلارنىڭ ئېرشىدىغىنى - پۇشايمان ،قېرىلىق ،يوقسۇزلۇقتىن ئىبارەت خالاس.
بۇ يەردە چاقىرسا ئۇ يەردە ھە دەيدىغان لايغەزەل مۆرىمەس ئادەملەرمۇ ئارىمىزدا ئاز ئەمەس . بەش ،ئون مىنۇتتا بارىمەن دەپ ئادەم ساقلىتىپ ۋاقىتىنى ئۆلتۈردىغان ئىشلارغۇ كۈندە ئۇچراپ تۇرىدۇ .
ئادەتتە ئايالىم بىلەن بازارغا چىقسام، ئايالىم بىر تال نەرسىنى 10 ،20 يۈئەن ئەرزان ئېلىش ئۈچۈن يېرىم كۈن ۋاقىتنى ئىسراپ قىلاتتى،مەن ئەستايدىل چۇشەندۇرۇپ قىلغاچقا ھازىر نۇرغۇن سودىلىق ئىشلىرىنىمۇ بىردەمدىلا تۈگۈتىدىغان بولدى .ئەمما بۇنداق 10 ،20 يۈئەن پۇلنى تىجەيمىز دەپ بىر كۈن ۋاقىتنى ئىسراپ قىلىپ بازار چۆرگىلەۋاتقانلار ئازمۇ ؟ بۇلار ئائىلسىدىكى ئەڭ مۇھىم ئىشلىرىنى تاشلاپ ،كىچىككىنە مەنپەئەت ئۈچۈن نۇرغۇن ۋاقىتنى ئىسراپ قىلىدۇ . تۈگمە ئۈچۈن تۆگىدىن قۇرۇق قاپتۇ دىگەن مانا مۇشۇ .
مېنىڭ ئۇكام بىر كۈنى چۈشلۈك تاماققا ئۆيگە كەپتۇ بەزەن بىر سەۋەپلەر بىلەن تاماق ئېتىش ئازراق كېچىكىدىغان بولغاچقا ،مەن ؛ ئىشقا كېچىكىپ قالىسەن بازاردىنلا تاماق يەپ ماڭغىن دىسەم ئۆيدىكىلەر قوشۇلماي ،بىردەمدىلا تەييار قىلىمىز دەپ ئۇكامنى توسۇۋېلىشتى . ئۇكام تاماق يەپ ئىشقا بارغاندا يوقلىمىغا ئۈلگۈرەلمەي 50 يۈئەن جەرىمانە تۆلەپتۇ ، بۇ ئىشلارغا نىمە دىگۇلۇك .
ئەتراپىمىزغا قارايدىغان بولساق ،كۈن- كۈنلەپ ئۆيگە كىرمەي، قاۋاقخانىلاردا ئىچىپ ،قىمارخانىلاردا تۈنەپ ئويناۋاتقانلار ئازمۇ؟ ھېچبولمىسا بىرەر ھۆنەر كەسىپ ئۈگەنسە ئائىلىگە يۈك بولمايدۇ ،تۇرمۇشى ياخشىلىندۇ .لىكىن نۇرغۇن ياشلىرىمىز ئۇنداقمۇ قىلمايدۇ . ئويۇن-تاماششاغا ۋاقىت چىقىدىكەنۇ بىرەر ھۆنەر كەسىپ ئۈگۈنۈشكە ۋاقىت چىقمايدىكەن . بۇنداق ياشلىرىمىز ئاتا- ئانىسىنى ئويلىمامدىغاندۇ ياكى ئۇلارنىڭ تۈگىمەيدىغان پۇللىرى بەك جىقمىدۇ؟
يېقىندا بىرسىدىن ئاڭلاپ قالدىم ؛ قەشقەرلىك بىر قىزىقچى بالا مەھەللىسىدىكى ياشلارغا كورلىدا پويىز ئىستانسىغا خىزمەتچى ئالىدىكەن ، پويىزنىڭ چاقىغا يەل بېرىدىغان ئىش ئىكەن ،ئۇ دىگەن بەك ئاسان ،ئايلىقى 5000 يۈئەن ئىكەن دەپ قىزىقتۇرۇپ قويۇپتۇ شۇنىڭ بىلەن سەھرادىن چىقىپ باقمىغان بالىلار قىزىقىپ كەلسە پويىزنىڭ چاقى تۆمۈر تۇرغۇدەك،شۇنىڭ بىلەن ئەخمەق بولغۇنىغا ئاچچىغى كەلگەن بالىلار قايتىپ كېتىپتۇ . بۇ راس-ياكى يالغان بولسۇن جەميەتتىكى پاراڭ . ئەقلىمىزنى ئىشلەتسەكلا؛ بىھۇدە جاپادىن ،ۋاقىتتىن پايدىلىنىشنى ئۈگەنسەك ؛يامان ئىشلارنى قىلىشتىن ساقلىنىپ قالىمىز. ھەر بىرىمىز ئۆزىمىزگە مۇناسىۋەتلىك بىلىملەرنى توغرا ئىگەللەپ ، كەسپىمىزگە ماھىر بولساقلا نەتىجىگە ئېرىشىش دىگەن تەس ئەمەس. كونىلارمۇنۇ گەپنى بىكار ئېيتمىغان ؛ ۋاقتىڭ كەتتى-بەختىڭ كەتتى .
مەنبە ؛مەخمۇتجان مەمەت تەشنائى
بۇ يازمىنى ئاخىرىدا پەرى تەھرىرلىگەن. ۋاقتى 2014-7-22 07:05 PM
يوللىغان ۋاقتى 2014-7-22 06:40:24 PM
