سۆيگۈ دەپ ياشاش كېرەكمۇ؟
شۇنداق بىر خىيال بار گالدۇر سۆزلىرىم،
تىپىرلاپ جىم تۇرماس ھەتتا يۈرەكمۇ .
ئاشكارە قىلدىغۇ ھەتتا كۆزلىرىم ،
بىلمىدىم سۆيگۈ دەپ ياشاش كېرەكمۇ؟ .
مۇھەببەت يولى تار مېڭىشتۇر مۈشكۈل،
تېپىش تەس چىكىگە قىستۇرغىدەك گۈل .
داد دېدىم تەسەلىي تاپمىدى كۆڭۈل ،
بىلمىدىم سۆيگۈ دەپ ياشاش كېرەكمۇ؟.
مەجنۇننىڭ ئىزىدىن ماڭغىنىم راستتۇر،
مەن دېدىم نىشانىم لەيلىگە خاستۇر .
ۋەلېكىن بۇ زامان ئۇنىڭغا ياتتۇر ،
بىلمىدىم سۆيگۈ دەپ ياشاش كېرەكمۇ؟.
قەسەملەر شۇنچىلىك بۈيۈكتىن بۈيۈك ،
قىينىغاچ دىللارنى ئىشقى ھەم كۆيۈك .
سەزگەندە قەسەمنى بىلىپ ئېغىر يۈك،
بىلمىدىم سۆيگۈ دەپ ياشاش كېرەكمۇ؟.
تاڭغىلى بولمايدۇ تاياقنى تاشقا ،
كىم بىلەر ھەر كىمنىڭ سۆيگۈنى باشقا.
يىتىشچۈن ۋىسالغا كۆز تولسا ياشقا،
بىلمىدىم سۆيگۈ دەپ ياشاش كېرەكمۇ؟.
مۇھەببەت دەردىدە يۈرەكلەر زىدە،
زارلىنىش توختىماس كۈندۈز كېچىدە.
نەزەربەنت بولغۇچە ئەلەم ئىچىگە ،
بىلمىدىم سۆيگۈ دەپ ياشاش كېرەكمۇ؟.
مەنبەسى: ئەپچىلەم
بۇ يازمىنى ئاخىرىدا Qabiljan تەھرىرلىگەن. ۋاقتى 2014-7-18 02:31 PM
يوللىغان ۋاقتى 2014-7-18 12:53:04 PM
