رامىزان توۋلاش ئادىتىمىز نەگە كەتتى؟

99sahrayi99

	بىز كىچىك چاغلاردا مەھەللىدە بىر نەچچە ياش بالىلار مۈرىلىرىگە خۇرجۇننى ئارتىپ، رامىزاننىڭ ئونىنچى ئاخشىمى ئۆيمۇ-ئۆي، ئىشىكمۇ-ئىشىك رامىزان قوشىقىنى ئېيتىپ،  نەرسە كېرەكلەرنى، بولۇپمۇ يىمەك -ئىچمەكلەرنى يىغىدىغان،  ئاندىن ئۇ يىغىلغان نەرسىلەرنى ئۈلىشىدىغان، يەنە بىر قىسىملىرىنى بولسا شۇ مەھەللىدىكى ئاجىز، مەيىپ كىشىلەرگە ياكى تۇل خۇتۇن، يىتىم-ئوغۇللارغا تارقىتىپ بېرىدىغان ئىشلار بار ئىدى. بۇمى رامىزان ئېيتىش دەپ ئاتايتتۇق، شۇ چاغلاردا. بۇ بىزدىكى ئۇزاق تارىخقا ئىگە ئەنئەنەلەرنىڭ بىرى ئىدى. لېكىن بىر قانچە يىلدىن بىرى بۇ خىل ئادەتلەر ئاستا-ئستا يوقىلىپ كەتتى. نىمىچۈن بۇنداق ئېسىل ئەنئەنە بىزنىڭ ئىچىمىزدىن تۇيۇقسىز غايىپ بولىدۇ؟ بۇ پەقەت بىر خىل كوللىكتىپ ھالدا ئىئانە يىغىش ئادىتى بولۇپ ئادەتتە بۇ ئىشلارغا چوڭلار بەك ئارلىشىپ كەتمەيدۇ. بۇلارنىڭ كۆپىنچىسى ياشلار بولۇپ، ھەر بىر مەھەللىنىڭ ياشلىرى بىر گۇرۇپ بولۇپ ماڭاتتى. شۇنداقلا بۇ بىر خىل قىزىقارلىق كۆڭۈل ئېچىش كۈنى ۋە ئۇلۇغ رامىزانى مۇبارەكنى تەبرىكلەشنى ئۆز ئىچىگە ئالاتتى. باشقا يۇرتلاردا قانداقتۇ، بۇ بىزگە قاراڭغۇ، ئەمما بىزنىڭ يۇرتلاردا خېلى يىللار بولۇپ قالدى بۇ خىل ئەنئەنىلەر كۆزگە چېلىقمايدىغان بولۇپ قالدى. مۇمكىن بولسا ھەر قايسى يۇرتلاردىكى مۇسۇلمان ياشلار بۇ ئەنئەنىنى داۋاملاشتۇرساق،  شۇ ئارقىلىق جەمىيەتتىكى ئىگە- چاقىسىز ئاجىزلارغا، تۇل خۇتۇن،  يىتىم-ئوغۇللارغا ياردەم قولىمىزنى سۇنساق دېگەن ئۈمىتتىمەن. رامىزان قوشاقلىرىدىن ئېسىمدە قالغانلىرى: رامىزان ئېيتىپتىكەن ھەزتىئەلى، ئۇلاردىن قاپتىكەن بىز ئېېتىلى. رامىزان ئاللا، ماھى شېرىپ رامىزان، اللە ... اللە..... ئاخشىمى قاراڭغۇدا ئاي كۆرىنىدۇ، ھەممە ئۆيدىن مۇشۇ ئۆي باي كۆرىنىدۇ. رامىزان اللە، ماھى شېرىپ رامىزان، اللە..... اللە..... مەنمۇ بەك ئەسلاپ بولالمىدىم، بىلىدىغانلار بولسا، ئاخىرىغا ئۇلاپ يوللاپ قويساڭلار، تۇلىمۇ مەمنۇن بولغان بولاتتىم. اللە رەھمەت قىلسۇن بىلىدىغانلار يوللاپ قويۇڭلار!... قۇمۇلنىڭغۇ دەيمەن بىر سۆرەتلىك فىلىم بولىدىغان، مەن كۆرگەندەك قىلىمەن، باشقىلارمۇ كۆرگەن بولىشى مۇمكىن.   شۇنىڭدا ئىنتايىن جىق ئىدى ئۇنىڭ بېيتلىرى......   ھەممىمىز ئورتاقلاشساق.... دېمەكچى.... مەنبە: ئۆز ئىجادىيىتىم.

hokumran

	رامىزان توۋلاش ئادىتى ئاۋات ناھىيەسىنىڭ قىسمەن يېزىلىرىدا ھازىرغىچە داۋاملىشىپ كېلىۋاتىدۇ. بۇندىن 30 يىل مۇقەددەم مەنمۇ بىر قېتىم رامىزان توۋلىغانلارغا ئەگىشىپ توۋلاپ باققان. ئېسىمدە قېلىشىچە بىرەيلەن ئۇزۇن خادىنىڭ ئۇچىغا ياغقا چىلانغان لاتىنى باغلاپ شۇ لاتىغا ئوت يېقىپ مەشئەل ئورنىدا كۆتۈرۈپ ماڭغان ئىدى، قالغان بىر نەچچەيلەن خۇرجۇن كۆتۈرگەچ ھەر بىر ئىشىك ئالدىدا رامىزان توۋلاپ ماڭاتتى. ئۆي ئىگىلىرى نان ياكى پارچە پۇللارنى بېرەتتى. توۋلىغان قوشاقلار تازا ئېسىمدە قالماپتۇ. لېكىن بىر قوشاق ئېنىق ئېسىمدە تۇرۇپتۇ. شۇ چاغدا ھېلىمخان ئىسىملىك بىر ئايالنىڭ ئىشىكى ئالدىدا خېلىغىچە توۋلىساقمۇ ئۇ ئايال چىققىلى ئۇنىمىغان. شۇنىڭ بىلەن بالىلار: ھېلىمخاننىڭ ئۈيىنىڭ، ھويلا ئەتراپى چىتلىق. بىزگە ئاش-نان بەرمىگەن، ھېلىمخان دېگەن پىشتلىق. رەببىم اللا، رەببىم اللا رامىزان، خوش مۇبارەك كېلىدۇ رامىزان. دەپ توۋلىغىلى تۇرۇپتى، ھېلىمخان ئاچىمىز بىر نەچچە ناننى كۆتۈرۈپ چىقىپ: _ ما تازلىنىڭ ئەسكىلىكىنى كۆرۈڭا، ناننى تەييارلاپ بولغىچە ئادەمنى تىللاپ ئۆلتۈردىغۇ، ئېلىشە مانى،- دەپ كۈلۈپ قۇيۇپ ناننى بىرىپ كىرىپ كەتكەن ئىدى.

axek13999649893

	مىنىڭچە ئىسلامىيتىمىزدە يوق   ئىنكاسىمغا ئەگەشمەڭ ئاقساقاللىق قىپ ئۇچۇر يىزىشمايلە

99sahrayi99

	ئىبادەت تۈرىگە كىرىدىغان ياكى ئىبادەت دەپ قاراپ، ئىتىقاتدەرىجىسىگە كۆتۈتۈرۈش بۇ خاتا بىدئەت بولىدۇ. ئەمما ئىبادەت دەپ قارالمايدىغان ئۆرپ- ئادەت دائىرىسىگەكىرىدىغان ئىشلار بۇنىڭدىن پەرقلىنىدۇ.

alzapar0302

	تۆڭلىكىڭدىن قارىسام ئاي كۈرىنەر ھەممە ئۆيدىن مۇشۇ ئۆي باي كۈرىنەر . ئىشىكىڭنىڭ ئالدىدا ئىت ياتىدۇ . بۇ پىخسىقنىڭ قوينىدا پىت ياتىدۇ ،

sawapkarkiz

	بەلكىم بۇرۇن شۇنداق خەيرى ساخاۋەت ئۇچۇن ئىيتقان بۇلىشى مۇمكىن، بىراق جۇملىدىن مەنمۇ تىخى 4-يىل ئاۋال كىچىك بالىلار بىلەن رامىزان تۇۋلايتۇق. لىكىن بىز ئۇنى پەقەت بىر ئۇيۇن ،رامىزان خۇشاللىقى دەپلا بىلەتتىم.ياشتا چوڭراق لاردىن سۇراپ باقسام بۇلغۇدەك جۇمۇ.

0999uyghurkizi

	بىزنىڭ مەھەللىدىكى كىچىك بالىلار رامىزاننىڭ ئونىغىچە ساقلاپ بولالماي ئېيتىۋېرىدىغۇ ، تېخى ئاخشام ھەممىسىگە بىر تىلىمدىن تاۋۇز ئاچىقىپ بېرىۋېدىم .

sawapkarkiz

	0999uyghurkizi يوللىغان ۋاقتى  2014-7-6 04:18 PM بىزنىڭ مەھەللىدىكى كىچىك بالىلار رامىزاننىڭ ئونىغىچە  ... بىزنىڭ بۇيەدىكى كىچىك بالىلار مۇ رامىزاننىڭ 1-كۇنىدىن باشلاپلا باشلىۋەتكەن رامىزان تۇۋلاشنى،

kaxtexijan

	قار قوساقتىن بىرى چىقىپتۇ مانا، رامىزان توۋلاشنىڭ ئىسلامىيەتكە پايدىسى بولسا بولىدىكى زىيىنى يوق. ماۋۇ دىننى كاللىدا بىلىم بولمىسا, مەڭگۈ قول بولۇپ،ئۆز-ئارا پايدا مەنپەئەت، ھاكىم مۇتلەقلىق تالىشىپ ئۆتىدىغان گەپ ئەرەپ ئەللىرىدەك.

dilbar

	ئۇنداق ئەمەستۇ. كۈندە دىگۈدەك تولاۋاتىدۇ مەلىمىزنىڭ كىچىك بالىلىرى،يەنە كېلىپ بىنادا . ئېرىنمەي قەۋەت چىقىپ  تولاۋاتىدۇ