ھەرىپلىرىم2

ئىبنۇرى

	ھەرىپلىرىم(2)                     ئىمام ئىسمائىل ئىبنۇرى                                    بىر ئۇدۇم يېزىقى بار ھەر قوۋىمنىڭ،                                    يارقىن تارىخ ئۇ،ئۆچمەس مەنەسى.                                    شۇ سۈپەتتە بار مېنىڭ ئەڭگۈشتىرىم،                                    گەۋھردەك چاقنايدۇ يارقىن ئىزناسى.                                                  ...       ...                                   ‹ئا› دېسەم ئانام كېلەر ئالەمگە تەڭ،                                   ‹ب› بىلەن بوۋام ئايان تارىخى ئەڭ.                                   ‹س› دېسەم سەلكىن ئىكەن تاڭدا شامال،                                   ‹د› بىلەن (دىۋان)كۈلەر ھېكمىتى كەڭ.                                   ‹ئې› دېسەم ئوغلىمەن ئېلىمنىڭ دەيمەن،                                   ‹ف› بىلەن ئېلھامىم فونتاندەك تاشار.                                   ‹گ› دېسەم گىرىككە تونۇشلۇق يىپەك،                                   ‹خ› بىلەن تاڭلاردا خورۇزۇم چىللار.                                   ‹ئى› بىلەن ئىلىم تاراپ يوللار راۋان،                                   ‹ج› دېسەم كۆز قىسار چولپان يۇلتۇزى.                                   ‹ك› بىلەن باقار ماڭا كۈلۈپ دەۋران،                                   ‹ل› دېسەم دىمىغىمدا ئىپارنىڭ ھىدى.                                   ‹م› بىلەن ئۇرغۇپ تۇرار ئۇيغۇرلىقىم،                                   ‹ن› دېسەم سەپەردە ھەمرا ماڭا نان.                                   ‹ئو› بىلەن سۆزلەرگە قىلىمەن گىرىم،                                   ‹چ› دېسەم تاڭلاردا چاقنايدۇ چولپان.                                   ‹ر› بىلەن خۇش پۇراق چاچىدۇ رەيھان،                                   ‹ت› دېسەم تەپچىيدۇ يۈرەكتە تىلەك.                                   ‹ئۇ› بىلەن ئۇيۇشۇپ يوقالسۇن ئىللەت،                                    شۇ سەۋەپ گۈللىنەر يېڭى كېلەچەك                                    ‹ۋ› دېسەم ئانامدەك ۋاپادار مىللەت،                                    ‹ش› بىلەن شوخلۇقۇم بېرىدۇ قۇۋەت.                                    ‹ڭ› دېسەم تاپىمەن قۇۋەت ياڭاقتىن،                                     بۇ گۈزەل يۇرتۇمدىن قىلىنغان نېھممەت.                                     ‹ز› بىلەن قەلبىمدە زەلىلى بوۋام،                                     ‹پ› دېسەم پولاتتەك مەندە ئىرادە.                                     كۈيچى بولبۇل مەن سابانى سۆيگەن،                                     ‹ي› بىلەن ياشنىغاي بىزدىكى مىڭە.                                     ‹غ› بىلەن غورۇرۇم تىكلەيدۇ تۈۋرۈك،                                     ‹ھ› دېسەم ھەر تىنىق ئالغا ئۈندەيدۇ.                                     ‹ق› بىلەن قەدىمدىن قالغان ئۇدۇم شۇ -                                     ‹ئە› دېسەم ئەل بىلەن يۇرتۇم گۈللەيدۇ.                                     ‹ئۆ› بىلەن ئۆملۈكتىن ئەل زەپەر قۇچتى،                                     ‹ز› كەلسە جۇر بولۇپ توۋلايمەن ناخشا.                                     ‹ئۈ› دېسەم ئۈنلەيدۇ باھاردا كاككۇك،                                     ھەر ھەرىپ سەپ تۈزۈپ چاپىدۇ ئالغا.                                   . ،

sardor0908

	رەھمەت قىرىنداش!

FIRDEWIS

	ر بىلەن رەھمەتنى ئېيتايلى سىزگە ب بىلەن مۇكاپاتنى بەردىڭىز بىزگە

红柳

	شىئېرنىڭ ئۇسلۇبى ئۆزگىچە، ئاجايىپ مەنالىق چىقىپتۇ. قەلەم ئىگىسىگە باراكاللا!

سەۋدايى

	ئانا تىلىم جان تىلىم، يوقالسا گەر تۈگەر ئىلىم. ئانا تىلنى قوغداش ھەر بىر مىللەت ئەزاسىنىڭ قەرزىدۇر.

hujayin1

	رەھمەت قېرىندىشىم.

ئۇتغۇر

qaraxani

	‹ج› دېسەم كۆز قىسار چولپان يۇلتۇزى. ‹ئو› بىلەن سۆزلەرگە قىلىمەن گىرىم، ‹ل› دېسەم دىمىغىمدا ئىپارنىڭ ھىدى.   ‹ز› كەلسە جۇر بولۇپ توۋلايمەن ناخشا.   ‹م› بىلەن ئۇرغۇپ تۇرار ئۇيغۇرلىقىم، مۇشۇ سۆزلەرنىڭ مىسرا بىلەن باغلىنىشى ھەققىدە قايتا ئىزدىنىپ بېقىڭ....

qaraxani

	ئو بىلەن توغراققا ئويىمەن نەقىش... ل بىلەن لوتۇننىڭ تارقىلار ھىدى... م بىلەن مەڭگۈلۈك ماكانغا بېقىپ... دىگەندەك....

yaprak2012