ئالتۇن باھاسى نىمىشقا ئاشالمايدۇ ؟

1miskal

	ئالتۇن باھاسى نىمىشقا ئاشالمايدۇ ؟ يىقىنقى بىر ئايغا يىقىن ۋاقىت ئىچىدە ئالتۇن باھاسى تۆۋەن باھا رايۇنىدا بىردە ئىشىپ بىردە چۈشۈپ تەكرار ھالەتنى كۆپ داۋاملاشتۇرۇپ كەلدى . ھەر ئۇنسىيە ئالتۇن باھاسى يۇقۇرى بولغاندا 1315 دوللار تۆۋەن بولغاندا 1272 دوللار ئەتراپىدا . كۆپ قىتىم 1300 دوللاردىن ئۆرلىگەندە ئالتۇنغا مەبلەغ سالغۇچىلاردا ئەمدى ئاشىدىغان بولدى دىگەن كەيپىيات پەيدا بولۇپ   مەبلەغ سالسا ياكى مەبلەغ سىلىشنى ئويلۇشۇپ بولغىچە يەنە ئەسلىدىكى باھاغا چۈشۈپ قالغان ئەھۋاللار كۆرۈلدى. بۇنىڭ بىلەن ئالتۇنغا مەبلەغ سالغۇچىلاردا گاڭگىراش ، ئىككىلنىش پەيدا بولدى . شۇنداقلا ئۇزاق مەزگىل ئالتۇن باھاسىنىڭ جانلىنالماسلىقى ئالتۇن سودىگەرلىرىنى مەبلىغىنى باشقا ساھەگە ياكى باشقا تاۋارلارغا قارتىشقا مەجبۇر قىلدى . تۈنۈگۈن كەچتە ئالتۇن باھاسى ئىشىپ 1305 دوللارغا چىققان بولسىمۇ يەنە ئارقىغا چىكىنىپ ھازىر يەنە 1293 دوللار ئەتراپىدا تەۋرىنىش قىلىۋاتىدۇ . مۇشۇ يىقىنقى ئىككى ھەپتىدىكى ئالتۇن بازىرىغا نەزەر سالساق بازار ئىزچىل ئىشىش يەنە چۈشۈش ھالىتىنى داۋام ئىتىپ كىلىۋاتىدۇ . يەنى 1290 دوللار ئەتراپىدىن تىز كۆتىرىلىپ 1300 دوللاردىن ئىشىپ يەنىلا ئەسلىدىكى ھالىتىگە قايتىقان قايتىلنىش جەريانى بىر قەدەر كۆپ .   بۇ خىل قىسقا ئۆرلەش چۈشۈش تەكرارچىلىقى توردا قىسقا سودا قىلىدىغانلارغا ئەڭ پايدىلىق .   مىنىڭ ھىس قىلىشمچە بازاردا ئۆرلەشكە تايانىچ بولغىدەك ئامىل كامچىل . بازارنىڭ كۆتىرلىش كۈچى چەكلىك بولغاچ ئالتۇنغا مەبلەغ سالغۇچىلار يۈرەكلىك ھالدا بازارغا كىرەلمىگەچكە بازار ئازراق ئاشسىمۇ يەنىلا كۆتىرەلەلمەسلىك ھالەتنى داۋام ئىتىۋاتىدۇ .   بازار ھالىتى 50 نوقتا ئىشىپ ماڭالىغاندا يەنى 1340 دوللارغا چىقالىغاندا ئالتۇنغا مەبلەغ سالغۇچىلار تەبىيلا كۆپىيدۇ . بۇنىڭ بىلەن بازارغا بىر پىشاڭلىق رول ئوينىشى ۋە مەبلەغ سالغۇچىلارغا ئۈمۈت ۋە  ئىشەنىچ بىرىشى مۆمكىن . مەنبە ؛ بىر مىسقال مۇنبىرى www.1miskal.com

ئۆل

	ھازىر  قانچە بولۋاتقاندۇ جاي -جايلاردىكى ئالتۇن زىبۇ-زىنەتلەرنىڭ گىرامى ؟

ehrami

	مۇشۇ ئالتۇن دېگەن نەرسىنىڭ ئىقتىساد بىلەن بولغان مۇناسىۋىتىنى تازا چۈشەنمەيدىكەنمەن. بىرەر بىلىمدار بولسا سوراپ چۈشىنىۋالساق بولاتتى.

faeza.akef

	شۇنداق بولغاندا  ھازىر قانچە ئالتۇننىڭ باھاسى؟ ئالتۇننىڭ باھاسى  بەك ئۆرلەپ كەتمىسە  بولاتتى ،،،،،

Uyghurbufet

	ئالتۇننىڭ ھەر گىرامى  260 يۇەن ئەتراپىدا ئىكەن شاڭخەي قەرەللىك بازىىرىدا http://roll.finance.sina.com.cn/finance/gjs/hjzx/index.shtml

گۆزەل

	جۈمە كۈنى ھەدەم ئالغان ئالتۇننىڭ  گرامىنى  260تىن بەرگەندەك قىلغانتى ، چۆشسىكەن دىگەن ئۆمىدتتە  مەن .

زۇلھايا~

	گۆزەل يوللىغان ۋاقتى  2014-5-21 09:49 PM جۈمە كۈنى ھەدەم ئالغان ئالتۇننىڭ  گرامىنى  260تىن بەرگەن ... 260  بولسا   ئۆتكەنكىدىن  خېلىلا    چۈشۈپتىغۇ       مېنىڭچە  بۇ  باھادىن   چۈشۈپ  كەتمەسمىكى

turan83

	ۋاي ئالتۇننىڭ باھاسىنى ئۆستۈرۈپ نىمە قىلاتتىڭىز. سىز زەگامۇ قانداق .

Uyghurbufet

	ئەمدى بىر مەزگىل مۇشۇ ئەتراپتا تەۋرىنەرمىكى ئالتۇن باھاسى……ئالدىنقى 10 يىلدا تازا ئۆستى……ئەمدى چۈشىدىغان يېرىگىمۇ كەپ قالغاندۇ……

قىشلاق

	مېنىڭ ئىنكاسىمنى ئوقۇشتىن بۇرۇن ئۆزۈڭلارنى بېسىۋالغان بولساڭلار. سىز دەۋاتقان ئالتۇنغا مەبلەغ سالغۇچىلار ئەمەلىيەتتە دېڭىزدىكى ساناقسىز بېلىقلارنىڭ ئارىسىدىكى نىمجان بېلىقلار خالاس.ئەمەلىيەتتە ئالتۇنغا ھەقىقى مەبلەغ سالغۇچىلار دۇنيادىكى ئاز ساندىكى بايلار ئىكەن.پۇل ئۇرۇشى دىگەن كىتاپتىن ئوقۇپ مەن چۈچۈپ كەتتىم.چۈنكى خۇچىسىن جەمەتىنىڭ مەبلىغى غايەت زور ئىكەن.ئۇلارنىڭ ئالدىدا دۇنيا بايلار تىزىملىكىدىكى مىليادىرلار ھېچنىمە ئەمەس ئىكەن.ئەسلى مەبلەغ سالىدىغان ۋاقىت دەل ھازىر.چۈنكى يېقىنقى يىللاردىكى ئەڭ تۆۋەن باھادا بولغان ئالتۇننى ئېلىش ئاقىلانىلىك.سىز دىگەندەك باھا ئۆرلىگەندىكى مەبلەغ سالغۇچىلار بىر توپ ئەخمەقلەر.چۈنكى ئالتۇن دۇنيادىكى ھەقىقى قىممىتى بار پۇل.شۇنداق ئىكەن 2قېتىملىق دۇنيا ئۇرىشىدىن كېيىنمۇ يەنىلا ئۆزىنىڭ ئورنىنى يوقۇتۇپ قويمىغان.يەنە بىر قېتىملىق دۇنيا ئۇرۇشى بولسىمۇ يەنىلا ئۆزىنىڭ ئورنىنى يوقۇتۇپ قويماسلىقى مومكىن.مەن ھازىرقى بىلىم سەۋىيەمنىڭ تۆۋەنلىكىدىن ھېس قىلغانلىرىممۇ خاتا بولىشى مومكىن،ئەمما ئويلىغانلىرىمنى ئېيتىشنى توغرا تاپتىم.ھازىر دۇنيا ۋەزىيتىنىڭ ئىنتايىن كەسكىنلەشكەن پەيتتە ئالتۇنغا ھەقىقى مەبلەغ سالغۇچىلار مەبلەغ سېلىشتا ئېھتىياچچان بولىۋاتقان بولىشى ياكى قەستەن مەبلەغ سالماي بازارنىڭ مۇشۇ خىل ھالەتتىكى بەزى دۆلەتلەرگە بېسىم قىلىۋاتقان ،ھەتتا بىرەر ئۇرۇش قوزغىلىشىنى ئۆمۈد قىلىۋاتقان بولىشى مومكىن.بۇنداق دىسەم بىلمەيدىغانلار كۈلىشىڭلار مومكىن،سىلەر كۈلىشتىن ئاۋال پۇل ئۇرۇشى دىگەن كىتاپنى بىر قۇر ئوقۇڭلار.ئۇلار ھەتتا نەچچە پادىشاھ ھەم زۇڭتۇڭلارنى ئۆلتۈرۈشتىن ھەرگىز قورقمايدىغان گىگانىت بارلار ئىكەن.ئالتۇن باھاسى ئۆسكەندە مەبلەغ سالىدىغان بىزنىڭ ئاتالمىش ئالتۇنغا مەبلەغ سالىدىغان قېرىنداشلىرىمىز ئويغۇنۇپ مەبلەغ سالغان ۋاختى ئالتۇن بازىرىنىڭ ئەڭ يۇقىرى پەللىگە يېتىپ،چۈشىدىغان ۋاقىتقا كەلگىنى.لىكىن ئۇ ۋاقىتتا بىزنىڭ مەبلەغ سالغۇچىلىرىمىز كۈچەپ مەبلەغ سالىدۇ،چۈنكى ئۇلار ئالتۇننى ھەقىقى چۈشەنمەيدۇ.ئالتۇننىڭ دۇنيادىكى ئورنى ئىنتايىن يۇقىرى.شۇنداق ئىكەن ھازىرقى ۋاقىتتاقورقماي ئالتۇن ئېلىشى ،ئۆرلىگەندە سېتىشى كېرەك.ئەپسۇس ھازىر تۆۋەنلىگەندە ساتىدۇ ،ئۆرلىگەندە ئالىدۇ.ئۆرلەپ ئېلىشقا باشلىغان ۋاختى دەل ھەقىقى مەبلەغ سالغۇچىلار بازارنى تاقاپ بولغان ۋاختىغا توغرا كېلىدۇ.چۈنكى ھازىرقى ئەھۋالدىن قارىغاندا ئالتۇننىڭ باھاسى 200يۈەندىن تۆۋەن،500يۈەندىن يۇقىرى بولىشى ناتايىن.شۇنداق ئىكەن ھازىر ئەڭ ياخشى مەبلەغ سېلىش ۋاختى.دۇنيادىكى ھازىر ئۆتكۈزىلىۋاتقان دۆلەت باشلىقلىرى سايلاملىرى ئاخىرلاشقاندا بىر قەدەر ئۆرلىشى مومكىن.مىسىرنىڭ ۋەزىيتى موقۇملاشسا،روسىيەنىڭ زىمىن تالىشىشلىرى ھەم دىياۋيۈ ئارىلىنىڭ ئىشلىرى ھەقىقى بىر تەرپ بولماي تۇرۇپ خۇشاللىنارلىق ئۆرلىمەسلىكى ياكى دەل ئەكسىچە 400يۈەندىن ئېشىپ كېتىشىمۇ مومكىن.يەنە دۇنيا لوڭقىسىدىن كېيىن ئۆزگۈرىش بولىشى مومكىن.7-8ئايلاردا ئۆزگۈرۈش بولىشى مومكىن