خېجىڭ ناھىيىسىدە تىل-ئەدەبىيات ئۇچۇق دەرىس پائالىيتى ئۆتكۈزۈلدى

ۋەلىجان

	ھەممىمىزگە مەلوم ئانا تىل بىزنىڭ ئۇيغۇر مىللىتىمىزنىڭ تىلى. مۇشۇ ئۇيغۇر تىلىلا بىزنى باشقا مىللەتلەردىن پەرىقلەندۈرۈپ تۇرىدىغان بىردىنبىر بەلگە. ئەگەر بۇ بەلگە يوقۇلۇپ كەتسە، دۇنيادىكى ئورنىمىز قانداق بولىدۇ. نامى ۋە ئورنى بولمىغان مىللەتنىڭ كەلگۈسى قانداق بولىدۇ. بىر مىللەتنىڭ دۇنيادىكى ئورنىنىڭ مەۋجۇت بولۇپ تۇرۇشى ئاساسلىقى شۇ مىللەت تىل-يېزىقى ئارقىلىق دۇنياغا قوشقان تۆھپىسى بىلەن مۇناسىۋەتلىك. مۇشۇ مەنىدىن ئېيتقاندا مىللىتىمىز تىلىنىڭ يوقىلىش ۋە گۈللىنىشى ئانا تىل ئوقۇتۇشىنىڭ مائارىپقا قوشقان تۆھپىسى ئارقىلىق بەلگىلىنىدۇ. دېمەكچى مىللىتىمىزنىڭ تىل-يېزىقى مەسىلىسى ئۇيغۇرلارنىڭ كەلگۈسى تەرەققىياتىنى بەلگىلەشتە ھەل قىلغۇچ رول ئوينايدىغان ئانا تىل دەرس ئوقۇتقۇچىلىرى ئويلىمىساق ئۇنداقتا كىم ئويلايدۇ؟ مىللىتىمىزنىڭ كەلگۈسىگە كىم مەسئول بولىدۇ؟ ئانا تىل ئوقۇتۇشىنى كۈچەيتىش مىللەت تەرەققىياتىنىڭ جىددى تەقەززاسى بولىۋاتقان پەيىتتە خېجىڭ ناھىيلىك مائارىپ تەتقىقات ئىشخانىسىدىكى يولداشلار پۇتۇن ناھىيىدىكى تىل-ئەدەبىيات ئوقۇتقۇچىلىرىنى خېجىڭ ناھىيىلىك 3-باشلانغۇچ مەكتەپتە ئۇچۇق دەرىس ئۆتۈش ھەمدە مۇزاكىرە پائالىيىتىگە ئورۇنلاشتۇرۇپ، ئۆز-ئارا تەجىرىبە ئالماشتۇرۇشقا تەشكىللىدى.ھازىر تىل-ئەدەبىيات ئوقۇتۇشىدا ساقلىنىۋاتقان ھەمدە ھەل قىلىشقا تېگىشلىك مەسىللەر ئوتتۇرغا قۇيۇلۇپ، بىرلىكتە مۇزاكىرە قىلىندى.

kok-sultan

	مۇسابىقىگە قاتناشقان ئۇستازلارغا مۇۋەپپەقىيەتلەر يار بولسۇن!

quxtikiakku

	ئانا تىلنى ھەرۋاقىت قوغداپ مۇشۇنداق مۇسابىقىلەر كۆپرەك ئۆتكۇزۇلسە باللىرىمىز ئۇچۇن بەكلا مۇھىم. ئۇستازلارغا ئۇتۇق تىلەيمەن.

uyol

	ئانا تىل ئۈچۈن بېسىلغان قەدەملەر مەڭگۈلۈك بولسۇن

iltebir

	مۇشۇنداق ئەھمىيەتلىك پائالىيەتنىڭ  كۆپرەك ئۆتكۈزۈلۈپ ،ئوقۇتقۇچىلارنىڭ ئۆز-ئارا ئۆگىنىدىغان    پۇرسىتىنىڭ ئېشىپ مېڭىشىنى ئۈمىد قىلىمەن.

keysarjan

	مۇمكىن بولسا ئاشۇ مۇسابىقىگە قاتناشتۇرۇلغان دەرسلىكلەرنى كۆپچىلىك بىلەن بەھىرلەنگەن بولسىڭىز، باقىشلارمۇ بۇ دەرسلەردىن پايدىلانغان بولسا.

esilzad

	بىزمۇ ئۆتكەن ھەپتە ئېلىپ بارغان ئىدۇق، يېزىمىزدىكى بارلىق بىرىنجى يىللىقلارنىڭ ئېلىپبە ئوقۇتقۇچىلىرى ۋە مەكتەپ مۇدىرلىرى قاتناشقان ئىدى.  مۇشۇنداق پائالىيەت كۆپرەك ئۆتكۈزۈلسە، بولۇپمۇ 9-ئايدا باشلانغۇچ مەكتەپ بىرىنجى يىللىق ئوقۇغۇچىلىرى قوبۇل قىلىنىپ سىنىپ مۇدىرلىرى بېكىتىلگەن ھامان مۇشۇنداق تەجرىبە ئالماشتۇرۇش پائالىيىتى ئۆتكۈزۈلۈپ ئالدىنقى يىلى ئېلىپبە ئۆتكەن ئوقۇتقۇچىلار بۇ يىل ئېلىپبە دەرسى بېرىدىغان ئوقۇتقۇچىلارغا تەجرىبىلىرىنى تونۇشتۇرسا ئۈنۈمى تېخمۇ  ياخشى بولىدۇ. باشلانغۇچ بىرىنجى يىللىق ساۋات چىقىرىش خىزمىتى مائارىپىمىزدىكى مۇھىم خىزمەت، ئوقۇغۇچىنىڭ ئۆگىنىشىگە ئۇل سېلىنىدىغان باسقۇچ بولۇپ، ئوقۇغۇچى ساۋات چىقىرىش جەريانىدا ھەرپلەرنى قانداق يازسا ئاخىرىغىچە شۇنداق يازىدۇ، قەلەمنى قانداق تۇتسا ئاخىرىغىچە شۇنداق تۇتىدۇ. شۇڭا بىرىنجى يىللىق ئېلىپبە ئوقۇتقۇچىلىرىنى پات-پات تەربىيلەش ۋە ئۆز-ئارا تەجرىبە ئالماشتۇرۇشقا تەشكىللەش مائارىپىمىزنىڭ سۈپىتىنى ئۆستۈرۈشكە پايدىلىق.  ساۋات چىقىرىش خىزمىتىدە ساقلانغان مەسلىلەر ۋە ئۇنى ھەل قىلىش چارىلىرى، تۈرلۈك ئوقۇتۇش تەجرىبىلىرى، مائارىپىمىزغا پايدىلىق پائالىيەت ۋە ماقالىلەر بولسا يوللاپ تۇرساڭلار ئوقۇتقۇچىلار ۋە ئاتا-ئانىلار پايدىلانسا.   خېجىڭ مائارىپىنىڭ گۈللىشىگە تىلەكداشمەن.

hujayin1

	ياخشى پائالىيەت بوپتۇ،بالىلارغا ئانا تىلنىڭ مۇھىملىقىنى تۇنۇتۇش بەكمۇ زۆرۈر.