باشئەگىمدىكى كاتتا يىغىلىش:مەن ئۆزۈمنى ئىنكار قىلمىدىم

مارشال

	باشئەگىم دىيارىدا ئەلى مۇئەللىم لېكسىيە سۆزلىدى     سىلەر خىرۇستال تىزغان يەرلەرگە كىتاپ تىزغان بولساڭلار پۈتۈن ئۆيۈڭلار خىرۇستالغا ئايلانغان بولاتتى.       -ئەلى مۇئەللىم(كورلا) باشئەگىم دىيارىدىكى كاتتا يىغىلىش:مەن ئۆزۈمنى ئىنكار قىلمىدىم     2014-يىلى 4-ئاينىڭ 13-كۈنى چۈشتىن كېيىن كورلىدا ياشاۋاتقان خەلقىمىز ئۈچۈن تەربىۋى ئەھمىيتى ئىنتايىن زور بولغان بىر يىغىلىش بولدى.بۇ قۇتلۇق پائالىيەتكە قاتنىشىش ئۈچۈن بايىنغولىن ئوبلاستىنىڭ ھەر قايسى جايلىرىدىن كەلگەن مېھمانلار گۈزەل كۆنچى دەرياسىنىڭ يېنىدىكى خۇايەن مېھمانخانىسىنىڭ 5-قەۋەت مەرىكە زالىغا يىغىلدى.بۇ كاتتا يىغىلىشقا شىنجاڭ تەۋپىق مائارىپ تەربىيلەش مەركىزىنىڭ ئوقۇتقۇچىسى،شىنجاڭ خەلق رادىئو ئىستانىسىنىڭ تەكلىپلىك پىسخىك مەسلىھەتچىسى،ئېنگىلىزتىلى،فىرانسۇز تىلى،گىرمان تىلى ۋە ئىسپان تىلى قاتارلىق تىللارنى بويسۇندۇرۇپ 9ئاي ئىچىدە خەلئارالىق ئېنگىلىزتىلى سەۋىيە سىناش ئېنتىھانىدا توفىل دىن يوقۇرى نۇمۇر ئالغان گېپنوز ئۇستىسى،داڭلىق پىسخۇلۇگ ئەلى مۇئەللىمنىڭ لېكسىيەسى ئىدى.ئەلى مۇئەللىم شۇ كۈنى  سۆزلىگىنى ‹‹مېنىڭ پىسخىك مەسلىھەتچىم››دېگەن تېمىدىكى  نۇتۇق بولۇپ ،لېكسىيەگە جەمئىي 500گە يېقىن ئادەم قاتناشتى.    پائالىيەتنىڭ باشلىنىش مۇراسىمىدا بايىنغولىن تېلىۋىزىيە ئىستانىسىنىڭ رىياسەتچىسى دىلرەبا تۇرسۇن بۈگۈنكى پائالىيەتكە قاتناشقان مېھمانلارغا باشلىنىش سۆزى قىلىپ ئەلى قۇربان مۇئەللىمنى گۈلداراس ئالقىشلار بىلەن سەھنىگە تەكلىپ قىلدى.    لېكسىيە باشلىنىشتىن بۇرۇن ئەلى قۇربان مۇئەللىم تۇنجى بولۇپ ئۆزىنىڭ تەۋەللۇت قىلغان يۇرتى،ئاتا-ئانىسى،ئائىلە تارىخى،مەكتەپتىكى ئوقۇش ھاياتى ھەققىدە سۆزلەپ بېرىپ  مۇستەققىل ياشاش ئېڭىنىڭ  مۇھىم ئورۇندا تۇردىغانلىقىنى ئىسپاتلاپ بەردى.يۇمۇرىستىك تۇيغۇغا باي،ھەربىر سۆزلىردىن ھېكەت دۇردانىلىرى چىقىپ تۇردىغان نۇتۇقىدا كىشىلەر قىزغىن چاۋاكلىرى بىلەن كۆڭۈل قويۇپ ئاڭلاشقا باشلىدى.ئەلى مۇئەللىم ئۆز بېشىدىن كەچۈرگەن ئىش-ئىزلىرىنى سۆزلەپ بولغاندىن كېيىن،ياشلارنىڭ مۇۋەپىقىيەت قازىنىشقا توسالغۇ بولىدىغان پىسخىكىلىق ئامىللار،نىكاھ تۇرمۇشىنىڭ بۇزۇلىشىغا سەۋەب بولۇدىغان پىسخىك ئامىللار،پەرزەنت تەربىيسىدە ساقلىنۋاتقان ناچار پىسخىكىلىق ئامىللار ھەمدە بۇ مەسىللەرنى ھەل قىلىش توغۇرسىدا سېستىمىلىق،ئەتراپلىق،ھەممە كىشىنى قايىل قىلغۇدەك لېكسىيە سۆزلەپ لېكسىيەگە قاتناشقان كىشىلەرنىڭ قىزغىن قوللاپ-قۇۋەتلىشىگە ئېرىشتى.    لېكسىيە ئاخىرلاشقاندىن كېيىن پائالىيەتكە قاتناشقان كىشىلەرنىڭ كۈچلۈك تەلىۋى بويىنچە ئەلى قۇربان مۇئەللىم گېپنوس ھەركىتى ئېلىپ باردى.گېپنۇس ھەركىتىدە ھەممە كىشى ئوڭ-سول قولىنى ئېگىز كۆتۈرۈپ ئەلى قۇربان مۇئەللىمنىڭ دېگەن سۆزلىرىگە بويسۇنۇپ بىر قېتىملىق پىسخىكىلىق داۋالىنىش ئېلىپ باردى.سورۇنغا تۆت كىشى چىقىپ ئەلى مۇئەللىمنىڭ يېتەكچىلىك قىلىشى بىلەن گېپنوس ھەركىتى ئېلىپ باردى.پائالىيەتكە جەم بولغان قېرىنداشلار گېپنوس دېگەن سۆزنى ئەلى مۇئەللىمنىڭ قىلىۋاتقان ئەمەلىي ئىش-ھەركىتى ئارقىلىق  ئاز-تولا بولسىمۇ ئېنىق چۈشەنچىگە ئىگە بولدى.    گېپنوس ھەركىتى ئاخىرلاشقاندىن كېيىن،لىكسىيەگە قاتناشقۇچىلار ئىچىدە بەش كىشى ئەلى قۇربان مۇئەللىمدىن سوئال سورىدى.ئەلى قۇربان مۇئەللىم سوئاللارغا ئەستايىدىللىق بىلەن جاۋاب بېرىپ،سورۇنغا جەم بولغان كىشىلەرگە يەنە بىر قېتىم ھاياتلىق دەرسى بەردى. پائالىيەت ئاخىرىدا ئەلى قۇربان مۇئەللىمنىڭ ‹‹مېنىڭ پىسخىك مەسلىھەتچىم››تېمىسىدىكى پىلاستىنكىنى نەق مەيداندا ئەلى مۇئەللىمنىڭ ئىمزا قۇيۇشىدا سېتىلدى ۋە ئەركىن پاراڭلىشىش،پىخسىكىلىق مەسلىھەت بېرىش پائالىيەتلىرى ئېلىپ بېرىلدى. يېرىم كۈنلۈك مەزمۇنى چوڭقۇر،قاراتمىلىقى كۈچلۈك،كەڭ دائىرىدە سۆزلەنگەن لېكسىيەدە  پائالىيەتكە قاتناشقۇچىلار ناھايىتى رازى بولدى.پائالىيەتنى تەشكىللىگەن شەخسلەرمۇ لېكسىيەنىڭ ئەتراپلىق ئورۇنلاشتۇرۇلۇپ،مول مەزمۇنلۇق پائالىيەتنىڭ ناھايىتى غەلبىلىك ئۆتكۈزۈلگەنلىكىدىن ئەجرىگە يارىشا خوشاللىققا،مەمنۇنلۇققا ئېرىشتى.    بىز ئاخىرىدا باشئەگىم دىيارىنى يىراق كۆرمەي قىممەتلىك ۋاقتىنى چىقىرىپ كەلگەن ئەلى قۇربان مۇئەللىمگە ۋە جاپالىق رەسمىيەت ئۆتەش باسقۇچلىردىن زېرىكمەي مانا مۇشۇنداق ئەھمىيەتلىك پائالىيەتنى ئورۇنلاشتۇرۇش ئۈچۈن تىرىشچانلىق كۆرسەتكەن،ئەجىر سىڭدۈرگەن ئوت يۈرەك ياشلىرىمىزغا چىن كۆڭلىمىزدىن رەھمەت ئېيتىمىز.   قۇشۇمچە: ئەلى مۇئەللىمنىڭ ‹‹مېنىڭ پىسخىك مەسلىھەتچىم››تېمىسدىكى پىلاستىنكىنى سېتىۋالماقچى بولسىڭىز تۆۋەندىكى نۇمۇر بىلەن ئالاقىلاشسىڭىز بولىدۇ.كورلا شەھىرىدىكى باش ۋاكالەتچىسى:   13899080882                              13899000275   13699332205                              15199940909

Qabiljan

	ناھايىتى ئەھمىيەتلىك پائالىيەت بوپتۇ،تەشكىللىگۈچىلەرگە ئاپىرىن.بۇ كاتتا پائالىيەتتىن ۋاقتىدا خەۋەر بەرگەن ئىنىمىز مارشالغىمۇ رەھمەت ئېيتىمىز.

Qabiljan

	كىم گېپنوس ھەققىدە تەپسىلى چۈشەنچە بېرەلەيدۇ؟!

.tuz.

	ئەسسىلامۇ ئەلەيكۇم ! شىنجاڭ خەلىق رادۇيى ئۇزىلىدا ئىلىجان مۇئەلىمگە ، دىيارمىزنىڭ ھەر قايسى جايلىردىكى خەلقىمىز ، تۇرمىشىدىكى ئوڭۇشسىزلىقلارغا قارىتا ئىچ قارنىنى تۆكۈپ مەسلىھەت سورايدۇ . ئىلىجان مۇئەللىم ناھايتىمۇ ئەتراپلىق مەسلىھەت بىرىدۇ . مۈمكىن بولسا مىسرانىم مۇنبىردىمۇ ،ھەپتىدە ۋە ئايدا بىرەر قىتىم مەسلىھەت بىرىشىنى تەۋسىيە قىلىمەن .

xamal5

	Qabiljan يوللىغان ۋاقتى  2014-4-15 02:18 PM كىم گېپنوس ھەققىدە تەپسىلى چۈشەنچە بېرەلەيدۇ؟! شۇنداق مەنمۇ تازا ئىنىق  چۈشۈنەلمىدىم  ،   راستىنلا گىپنۇز قىلسا ئادەم  كونتۇرۇللۇقىنى يوقىتامدۇ   ،   مەن توردا  ئايالنى  گىپنۇز قىلىپ قاتۇرۇپ ، بىشىغا ، پۇتىغا   ئوروندۇق قويۇپ ئادەمنى ئوڭدىسىغا ياتقۇزۇپ قورىسقىغا بىر ئادەم چىقىپ دەسسىسە بىلى ئىگىلمەي تۈز تۇرغىنىنى كۆرگەن ،  راستىنلا  شۇنداق  بولامدۇ؟

SaBa_002

	ناھايىتى    ئەھمىيەتلىك    پائالىيەت  بوپتۇ  .  ئەلى  مۇئەللىمنىڭ     كىيىنكى  ئىشلىرىغا     ئۇتۇقلار  يار  بولسۇن    !   قەشقەرگىمۇ     كىلىپ     لىكسىيە  سۆزلەپ  بەرگەن  بولسا     بوپتىكە  ..............ھەي............

SaBa_002

	ۋوي               مارشال            تۇرامدۇ  نىمە    ئىىيەدە

XERHAN

	مەن بۇ مۇئەللىمنىڭ تۇنجى قېتىملىق لىكسىيەسىنى ‹‹ مەخپىيەتلىك ›› دىگەن زىيارەت فىلىمىدە كۆرگەن ئىدىم ، شۇ چاغدىمۇ ناھايىتى ئورۇنلۇق ۋە ئۆتكۈر بولغان جاۋاپ بىرىش ، مۇلاھىزە قىلىش ئېلىپ بارغان ئىكەن . كىيىن پىسخىكا ساھەسىدە كۆزگە كۆرۈنگەن مەسلىھەتچى بولغاندىن باشقا بىر قانچىلىغان خەلقئارالىق تىل سەۋىيسىنىڭمۇ ناھايىتى ياخشى ئىكەنلىكىنى بىلىپ قايىللىقىم ئاشقان ئىدى . بولسا ئەلى مۇئەللىم كورلىدىن قايتىپ كەتمەي جەنۇبى شىنجاڭ تەرەپتىكى شەھەر ، ناھىيەلەرگىمۇ قەدەم تەشرىپ قىلغان بولسا ياخشى بولار ئىكەن .

XERHAN

	Qabiljan يوللىغان ۋاقتى  2014-4-15 02:18 PM كىم گېپنوس ھەققىدە تەپسىلى چۈشەنچە بېرەلەيدۇ؟! گېپنوس دىگەنلىك پىسخىكا ئارقىلىق ھەركەتنى كونتىرول قىلىش ، يەنى قارشى تەرەپ ( ئەلى مۇئەللىمدەك پىسخىكشۇناشلار ) سىزگە سۆزلەش ئارقىلىق سىزنىڭ كاللىڭىزدىكى ئۆي - پىكىرلەرنى باشقا بىر دۇنياغا ئاپىرىپ قويدىكەن ، ئۇ چاغدا سىز ئۆزىڭىزنى ئۇنتۇپ قالغاندەك تۇيغۇغا كىلىپ قالىدىكەنسىز . ئۇ چاغدا جىسمانىي ھەركىتىڭىزنى قارشى تەرەپ كونترول قىلىدىكەن . مەن ھازىر مۈشۈنچىلىك چۈشەندىم .

feruq

	.tuz. يوللىغان ۋاقتى  2014-4-15 02:34 PM ئەسسىلامۇ ئەلەيكۇم ! رادىئۇ ئۇزېلى ئەمەس رادىئۇ ئىستانسىسى