شېئىرى تېپىشماقلار

hiyalqan8169

	ئەسسالامۇ ئەلەيكۈم!  مىسرانىم مۇنبىرىدىكى بارلىق دوستلار،ياخشىمۇ سىلەر؟ ھەممىڭلارنىڭ ئەزىز تەنلىرى سالامەت بولسۇن!  مەن بۈگۈن غۇلجا ناھىيە ئارا ئۆستەڭ يېزا ئويمان بايتوقاي كەنتىدىكى دېھقان  ئابدۇخېلىل كېرىم ئاكىنىڭ تۆت كۇبلىت شېئىرى تېپىشمىقىنى يوللىدىم.   بۇ ئاكىمىزنىڭ شېئىرى تېپىشماقلىرىنىڭ تىلى يەڭگىل،راۋان، تېپىش ئاسان بولۇشتەك ئالاھىدىلىكلەرگە ئىگە.  تېپىشماقنىڭ جاۋابىنى يوللىمىدىم.  تېپىشماقنىڭ جاۋابىنى تاپقان مۇنبەرداشلىرىمىزنىڭ ئاپتور بىلەن بېۋاستە تېلېفۇن ئارقىلىق ئالاقىلىشىشىنى ئۈمىد قىلىمەن. ئەلۋەتتە،بۇ ئاپتورنىڭ تەۋسىيىسى. بۇ ئارقىلىق بۇ ئاكىمىزغا ئىلھام ۋە مەدەت بېرەلىسەك تولىمۇ ئەھمىيەتلىك ئىش قىلغان بولىمىز.  شېئىرى تېپىشماق ئىشلىتىش ئېھتىياجى بارلار ئاپتور بىلەن بېۋاستە ئالاقىلاشسا بولىدۇ.    ئاپتور : ئابدۇخېلىل كېرىم    تېلېفۇن : 15299024693           1 جالا-جالا ئۈنچىدەك، رەڭگى قارا،ئاق،قىزىل. يېسە قانار باغرىڭىز، تەمى تاتلىق بىر ئېسىل.         2 ئىچى قىزىل ئوتقاشتەك، باردۇر قارا ئۇرىقى. يېشىل كىمخاپ تون كىيگەن، يەر شارىدۇر تۇرقى.          3 ئوخشاپ كېتەر يۈرەككە، ئەمما،ئۇنىڭ قېنى بار. چىشلەپ كۆرسەم مەن ئۇنى، نەدە ئۇنىڭ جېنى بار؟!        4 قىزىل،قارا ھەم قىرلىق، نەقىشى بار تېشىدا. ئەزىز بىلىپ خەلقىمىز، كۆتۈرۈپ يۈرەر بېشىدا.

Desni

	2.تاۋۇز 4.دوپپا قالغىنى ئامانەت

gfd

	2 تاۋۇز 3 شاپتۇل 4 دوپپا

زەردار007

	2.تاۋۇز 3.بۆلجۈرگەن 4.دوپپا 1- بىلمىدىم.

mirzadam

	1. ئۈزۈم 2.تاۋۇز 3.بۆلجۈرگەن 4.دوپپا