ئۇنتاي دەيمەن سۆيگۈمنى
ئۇنتاي دەيمەن قەلبىمدىكى سۆيگۈنى،
چىن ۋاپادىن كۆرۈنمىگەچ نەۋ باھار.
يۈرەك يېرىپ كۆرسىتىشكە ئامالسىز،
ئەمدى كىتەر سىنى سۆيگەن شۇ دىلدار.
ۋاپا بىلەن ئۆتكەن ئاشۇ كۈنلەرنى،
نەقىش قىلىپ ئۇيۇۋالماي قەلبىمگە.
سىھىر بىلەن تولغان جادۇ كۆزلەرنى،
مىسرالاردا قايتۇرۋىتەي ئۆزەڭگە.
چىللىق تەردە ئىش باشلىغان شۇ كۈنۈڭ،
تۇنۇشقانتۇق تاسادىپىي تۇنجى رەت.
جۇشقۇن، روھلۇق، جاسارەتلىك شۇ كۆزۈڭ،
يۈرىكىمگە مۆھۈر بولۇپ يازغان خەت.
غىمىڭ يەيتىم كۆزۈڭ مۇڭلۇق كۆرۈنسە،
ئالدىرايتتىم غەملىرىڭنى بىلىشكە.
دەس تۇرۇشۇڭ مەن ئۈچۈن چوڭ بەخت دەپ،
كۈچلىنەتتىم غەملىرىڭنى يىڭىشكە.
سىھىر قىلغاچ سۆزلىرىڭنىڭ قۇدرىتى،
چوڭ ئىش قىلار ئىسىل يىگىت دەپتىمەن.
ئىشەنچنى قالقان قىلىپ پۇل سورىساڭ،
ھىچ گۇمانسىز چۆنتىكىڭگە سەپتىمەن.
زىيان تارتىپ قىلغان ئىشىڭ ئاقمىسا،
شۇئان پەيدا بۇلاتتىمغۇ قىشىڭدا.
ئۆگۈنۈپسەن پايداڭ ئۈچۈن ئىزدەشكە،
تېنىۋالما ئاللاھ باردۇر بىشىڭدا .
ئىشەنگەنتىم چىن سۆيگۈنىڭ كۈچىگە،
تېرىشساقلا يېتىمىز دەپ غەلبىگە .
سۆيگۈ ئاتلىق ئىشەنچىسىز ئەي قىسمەت،
ئۇنتاي دەيمەن سېنى ئەمدى مەڭگۈگە.
مەنبە: مەن 2014 - يىلى 3- ئاينىڭ 2 - كۈنى كەچ تۇرپان
بۇ يازمىنى ئاخىرىدا gulbaxikar تەھرىرلىگەن. ۋاقتى 2014-3-2 11:53 PM
يوللىغان ۋاقتى 2014-3-2 11:42:25 PM
.gif)
دىمسىمغۇ شۇ ئەمدى،جىڭ گەپ قىپسىز زادى!.gif)
.gif)
.gif)