ئىئانە پۇلنىڭ تارقىتىلىش ئەھۋالىدىن خۇلاسە

rohlanbiz

	ئىئانە پۇلنىڭ تارقىتىلىش ئەھۋالىدىن خۇلاسە ئەسسالامۇ ئەلەيكۇم روھلان تور بېكىتىنىڭ ئاتامانى ئادىلجاننىڭ تەشكىللىشى بىلەن 2014-يىل 2-ئاينىڭ 14-كۈنى توردا كىرىيەدىكى ئاپەتكە ئۇچرىغان رايۇندىكى قېرىنداشلارغا مېھرىبانلىق يەتكۈزۈش ، توردا ئىئانە توپلاش پائالىيتى باشلانغان بولۇپ، بۇ تېما بىرلا ۋاقىتتا روھلان ، مىسرانىم، ئىنتىل، نۇرقۇت، بىجىرىم، كومپيۇتېر ھەۋەسكارلىرى، كېرىيە تورى، ئالىپ، ئەندىزە تورى، ئۇيغۇرچە روم تورى، ئۇستازىم تورى، باغداش، ئەلكۈيى قاتارلىق تور بېكەتلەرگە يوللانغان بولۇپ، باغداش بىلەن ئەلكۈيىنىڭ بۇ ئەھمىيەتلىك پائالىيەت تېمىسىنى تەستىقلىمىغانلىقىنى ھېسابقا ئالمىغاندا (ئېلان تېمىسى دەپ قارىدى بولغاي) باشقا مۇنبەردىكى كۆرۈلىشى تېزلىكتە ئېشىپ، بىر ھەپتە ئىچىدە 7110 سوم ئىئانە پۇل يىغىلدى. مۇناسىۋەتلىك تېمىلار: http://bbs.rohlan.com/thread-29362-1-1.html http://bbs.rohlan.com/thread-29503-1-1.html بۇنىڭ ئىچىدە بىر ئادەم بىرلا ۋاقىتتا ئىئانە قىلىنغان ئەڭ يۇقىرى سومما 500 سومغا يەتتى، تۆۋىنى 10 سومدىن كەم بولمىدى، بىر قىسىم كىشىلىرىمىز بۇ ئىشىمىزغا ئالاھىدە كۆڭۈل بۆلدى ۋە ھەرقايسى ئۈندىدار توپلىرى، كىيۇ كىيۇ توپلىرىدا تارقىتىشقا ھەمدەمدە بولدى، بىز بۇ يەردە ئۆزىنى ئاشكارلاشنى خالىمىغان بۇ ساخاۋەتچى كىشىلىرىمىزگە، ياردەمگە ئېرىشكەن ئاشۇ ئوماق سەبىيلەر نامىدىن رەھمىتىمىزنى بىلدۈرىمىز. شۇنىڭغا ئەگىشىپ، يىغىلغان بۇ ئىئانە پۇللارنىڭ روھلان تورى قۇرغۇچىسىنىڭ يانچۇقىغا كىرىپ كېتىش ئېھتىماللىقىنىڭ بارلىقىدىن ئەنسىرىگەنلەرمۇ بولدى. شۇڭلاشقا بىز بۇ قېتىملىق توردا ئىئانە توپلاش پائالىيتىدىن قىسقىچە خۇلاسە چىقىرىپ، تورداشلارغا ئومۇميۈزلۈك ئاشكارلاشنى لايىق تاپتۇق، ئەسلىدە كونىلارنىڭ «ئوڭ قولۇڭ بەرگەننى سول قولۇڭ تۇيمىسۇن» دېگىنىدەك قىلساق بولاتتى، ئەمما يۇقىرىدا دېيىلگەندەك گەپ-سۆزلەرنىڭ بولۇنىشى ئېنىق بولغاچقا بىر قىسىم ئەمەلى كۆرۈنمە سۈرەتلەرنى ئاشكارلىدۇق. توردا ئىئانە توپلاش سۇپىسى ئارقىلىق يىغىلغان ئىئانىنى ۋاقتىدا قىيىنچىلىقى بارلارغا نەقلەشتۇرۈش ئۈچۈن تورداشلاردىن بىر قانچىمىز 2-ئاينىڭ 24-كۇنى خوتەن ۋىلايەت  كىرىيە ناھىيسنىڭ ئاتچان يىزىسدا بۇيۇملارنى نەقلەشتۇرۇش پائالىيتى ئىلىپ باردۇق . بىز خۇتەن شەھردىن 180 كىلومېتىر يول يۈرۇپ چۈشتىن كىيىن سائەت 4 ئەتراپىدا كىرىيە ناھىيلىك خەلق ھۆكىمەتكە يېتىپ كەلدۇق، ھۆكىمەتتە بىر قىسىم رەسمىيەتلەر ئۆتىلىپ سائەت 4:30 يىرىم ئەتراپىدا ناھىيە بازىردىن 60 كىلۇمىتىر يىراقلىقتىكى ئاتچان يىزىسىغا قاراپ يول ئالدۇق، سائەت 5:30 ئەتراپىدا ئاتچان يىزا مەركىزى باشلانغۇچۋە تولوقسىزئوتتۇرا مەكتەپكە يىتىپ كەلدۇق،  بۇ بۇ ۋاقىتتا كەچ كىرىپ قالغاچقا ھەم ئوقۇغۇچىلار تىخىغچە مەكتەپتىن قايتىمغاچقا بىز ئىلىپ چىققان ماددى بۇيۇملارنى دەرھال تارقىتىشقا باشلىدۇق، كەيپىيات شۇنداق ياخشى بولدى ،بىز ئىلىپ چىققان 260 دانە ئوقۇغۇچىلار سومكىسى،  2500 دانە خاتىرە دەپتەر 350 دانە چوڭ خاتىرە،  800 دانە قەلەم  ۋە ياتاقتا ياتىدىغان ئوقۇغۇچىلارنىڭ ئىسسىق چاي ئىچىشى ئۈچۈن 2 دانە قىزىق چاي ساقلاش تۇڭى (保温桶) قاتارلىق مادى بۇيۇملار بۇ مەكتەپتىكى ئوقوتقۇچى ئۇقۇغۇچىلارنىڭ قولغا يەتكۈزۈلدى. بۇ جەرياندا ئاپەت يۇز بەرگەن رايۇننىڭ ئەمىلى ئەھۋالى ۋە ياردەمگە كىلۋاتقان نەق پۇل ۋە مادى بويۇملارنىڭ  قولغا تىگىش ئەھۋالىنى تەپسىلى بىلىپ, بىر قىسىم كىشلەرنىڭ توردا ئېغۋا تارقىتىپ دىگنىدەك يوقاپ كىتىش ئەھۋالنىڭ يوقلىقىنى بىلدۇق. بۇ قېتىملىق پائالىيتىمىزگە روھلان مۇنبىرىدىن ئىدرىسجان باش بولۇپ بارغاندىن باشقا يەنە روھلان مۇنبىردىكى مېھرى خانىم كىرىيەدىكى مۇناسىۋەتلىك تۇنۇشلىرى بىلەن ئالاقىلىشىش ئارقىلىق نۇرغۇن ئىشلارغا ھەمدەمدە بولدى. تۆۋەندە نەق مەيداندىن بىر قىسىم كورنۇشلەر: ئەسلى تېما ئادرىسى: http://bbs.rohlan.com/thread-29699-1-1.html ھۆرمەت بىلەن: روھلان تور بېكىتى 2014-يىل 2-ئاينىڭ 26-كۈنى

gulsumay

	ئاپەتكە  ئۇچرىغان  رايونلاردىكى  بارلىق  قېرىنداشلىرىمىزنىڭ  ئامانلىقىنى چىن  دىلىمدىن  تىلەيمەن، شۇنداقلا  ئۇلارغا  چىن  دىلىمدىن  ھېسداشلىق  قىلىمەن ! ئۇلارنىڭ  ئائىلىسىنى ، يۇرت-ماكانلىرىنى  قايتىدىن ، يېڭىدىن  قۇرۇپ  چىقىشىغا  تىلەكداشمەن !

dilbar

	ياردەم جايىغا بولۇپتۇ، تەسرلەندىم. روھلان تورىنىڭ تېخىمۇ روناق تېپىشىغا   تىلەكداشمەن

Hammimiz~Yolda

	قېرىنداشلىرىمىزنىڭ  ئامانلىقىنى  چىن  دىلىمدىن  تىلەيمەن،

miskin380

	ساخاۋەتلىك قوللار ئۇزۇن سۇنۇلسۇن!!!! ئاللاھ سىلەرگە ھەمدەم بولغۇسى!!!

sulayman

	ئاللاھ رەھمەت قىلسۇن. بىراق مۇشۇ بالىلار مەكتەپتە بىر نەرسە ئۈگۈنۈپ چىقالىسا ياخشى بۇلاتتى،تولىمۇ ئەپسۇس بۇ بالىلانىڭ 90% تى مەكتەپتە 9 يىل ئوقۇپ ئۇيغۇرچە ئىسمىنى ئىمىر _چىمىر يېزىشتىن باشقا ھېچ نەرسە بىلەلمەي مەكتەپ ھاياتىنى ئاخىرلاشتۇرىدۇ.:L:L:L بىراق بۇ بالىلا دۆت ئەمەس، بۇنىڭدىكى مەسئۇلىيەت زادى كىمدە؟ ئۇنىڭ ئۈستىگە 9 يىل ئوقۇپ(نامدا)بولغاندىن كىيىن، (بۇلا ئاللىبۇرۇن كالا قويدەك بۇپ بولغان)كىچىككەن بولسىمۇ بىرە ھۈنەر ئۈگۈنەي دەپ ئويلىسا، بۇلانى باشقا خىلدىكى ھۈنەر ئۈگۈنۈپ سالامىكى دەپ يەنە كالا_قويلار ئېغىلىسىغا 2   3   يىل سۇلاپ بىكار قىلىدىغان بۇپتۇ. ئەپسۇس تولىمۇ ئەپسۇس بۇلا كالا -قويلار ئېغىلىسىدا يەنە 2   3  يىل ياشىسا 18   19   غا كىرىدۇ. بىراق بۇ بالىلا يەنىلام ھېچ نەرسە بىلمەيدۇ. 18   19 غا كىرگەن لەرنىڭ كاللىسىغا نىمە كىرىدۇ بۇنى ھەممىڭلا بىلىسىلە .....شۇنىڭ بىلەن ئارزۇسىغىمۇ يىتىدىيۇ ....مەڭگۈ ھاياتنىڭ لەززىتىنى تاپالماي ئۆتۈپ كېتىدۇ:L:L:L بۇ چېچىلاڭغۇ ئىنكاستا دىيىلگەن ئەھۋال ئاساسەن خوتەننىڭ يېزىلىرىدىكى كالا -قويلار ئېغىلىسىدا بۇلۇۋاتقان ئىشلار. بۇلانى ئۆز كۆزۈم بىلەن كۆردۈم ھەم ئاچچىق نادامەت بىلەن بېشىمدىن ئۆتكۈزۈۋاتىمەن. باشقا يەرلەدە قانداق ئۇقمايمەن .....باشقىلامۇ ئۆزۈڭلارنىڭ يۇرتىدىكى كالا -قويلار ئېغىلىسى توغۇرلۇق ھىس قىلغانلىرىڭلىنى ئوتتۇرىغا قويىۋېتەسىلە.

atilla705

	خالىس يىغىلغان مۇشۇنداق مەبلەغنى چوقۇم خەلق ھۆكۈمىتىگە ياكى مۇناسىۋەتلىك ئورۇنلارغا چوقۇم دوكلات قىلىپ شۇلارنىڭ قولىغا ياكى شۇلارنىڭ قولى ھەم قوشۇلىشى بىلەن ئاندىن  تارقىتىلامدۇ؟ بېرىپلا خەلق ئاممىسىغا بىۋاستە تارقاتقىلى بولمامدۇ؟

uyol

	ئاللاھ رازى بولسۇن قىلغان ئىشىڭلاردىن

rohlanbiz

	sulayman يوللىغان ۋاقتى  2014-2-26 11:51 PM ئاللاھ رەھمەت قىلسۇن. بىراق مۇشۇ بالىلار مەكتەپتە بىر  ... قاراڭ بۇ بالىلارنىڭ روھلۇق قىياپىتىگە، شۇنداق ئۇماق. مەن ھەرگىز سىز ئويلىغاندەك ئويلىمايمەن، سىز كۆرگەن ئىشلار بىر مەكتەپتىكى قىسمەن ئەھۋال، بۇنى ئومۇميۈزلۈك ھادىسە ھالىتىگە كۆتۈرىۋالماڭ. سىزنىڭ بىراق بۇ بالىلا دۆت ئەمەس، بۇنىڭدىكى مەسئۇلىيەت زادى كىمدە؟ دېگىنىڭىزدىن بارلىق مەسئۇلىيەتنى ئاشۇ جاپاكەش مۇئەللىملەرگە ئارتىپ قۇيىۋاتقانلىقىڭىزنى ھېس قىلىۋاتىمەن، قاراڭ ئاۋۇ رەسىملەرگە قاراڭغۇ چۈشسىمۇ يەنىلا ئاشۇ بالىلار بىلەن بىرگە يۈرىۋاتقان، ئائىلىسىگە قايتمىغان ئوقۇتقۇچىلارغا.

SaBa_002

	ئەجەپ   بىرسى  بىرسىدىن     ئوماق    ئۇكاشلاركىنا   ..............     ئاللاھ   ئەجىرىڭلارنى  بەرسۇن    ساخاۋەتچى    قېرىنداشلىرىم