كېسەل داۋالاش (كۈلدۈرگە)

mehriban

	ئەسسالامۇ ئەلەيكۇم ئەزىزقېرىنداشلار،   ئېغىر كېسەلنىڭ ئالامەتلىرى بولسا دەرھال مىنى ئىزدەڭلار . مەندە دادامدىن قالغان مەخپىي رېتسىپ بولۇپ ، بۇ رېتسىپ ئارقىلىق يامان كېسەللەرنى بولۇپمۇ تەخسىكەشلىك ۋە خوشامەتچىلىك كېسىلىنى ئۈزۈل -كېسىل داۋالاپ ساقايتىمەن . كېسەل داۋالاشتا تىللاش ۋە نوقۇشتىن ئىبارەت ئىككى خىل ئۇسۇلنى قوللىنىمەن ئۇنىڭدىن سىرىت تەخسىكەشنىڭ قولىنى ھەرىدەش ئۇسۇلى ، خوشامەتچىنىڭ يۈزىگە تۈكۈرۈش ئۇسۇلى ،كۆرەلمەسلىكنى موللاق ئاتقۇزۇش ئۇسۇلى ، چېقىمچىنى چىقىرىتىش ئۇسۇلى ،كۆتەمىچىنى پىقىرىتىش ئۇسۇلى .. قاتارلىق داۋالاش ئۇسۇللىرىنى قوللىنىمەن .   بۇ كېسەللەر تۆۋەندىكى تۈرلەرگە بۆلۈنىدۇ : 1-كۈن بويى خوشامەت قىلىپ پۇشقاقتىن كۆتىرىدىغانلار . 2-كەسپىي كۆتۈرمىچىلەر . 3-ئىشتىن سىرتقى ھەۋەسكار كۆتۈرىدىغانلار 4-ئارىلاپ كۆتۈرىدىغانلار 5-مارىلاپ كۆتۈرىدىغانلار 6-قوغلاپ كۆتۈرىدىغانلار 7-ئاۋايلاپ كۆتۈرىدىغانلار 8-چاندۇرۇپ كۆتۈرىدىغانلار 9-چاندۇرماي كۆتۈرىدىغانلار                يەلتاشما تەخسىكەشلىك كېسىلى   بۇ كېسەل يۇقۇملۇق خاراكتېردىكى تەخسىكەشلىك كېسىلى بولۇپ تەخسىكەشنى سۆيۈپلا قويسىڭىز يۇقۇپ قالىدۇ. بالىڭىزنى سۆيسىڭىز بالىڭىزغا ،ئايالىڭىزنى سۆيسىڭىز ئايالىڭىزغا يۇقىدۇ ، بۇ كېسەلنى داۋالاش ئۇسۇلى مۇنداق :ئالدى بىلەن ئايالىڭىزدىن مەجبۇرى ئاجرىشىسىز ، ئاندىن ئۆزىڭىزنى تۇرپاننىڭ قۇمىغا تىكلەپ قويۇپ تاراقشىغان تېرىدەك قۇرىتىسىز ، تەرلىگەندە بەدىنىڭىزدىن چۈشكەن قۇرۇق توڭرىنى يۇمشاق ئېزىپ قۇزغۇننىڭ مايىقى بىلەن ئارلاشتۇرۇپ مالھەم قىلىپ <ئەمدى تەخسىكەشلىك قىلمايمەن >دىگەن قەسەمگە ئارىلاشتۇرۇپ ، باشلىقنى كۆرسە توختىماي ماڭىدىغان پۇتىڭىزنىڭ ئالقىنىغا ، باشلىقنى كۆرسە توختىماي ماختايدىغان باش بارمىقىڭىزغا سۈرتۈپ ھېچكىمگە بەرمەي بىر ئاي شوراپ بەرسىڭىز ، سەللىمازا ساقىيىپ كېتىسىز . ئەگەر بۇنىڭدىنمۇ ياخشى بولالمىسىڭىز مايمۇننىڭ تەرىتىنى كاپ ئەتسىڭىز بولىدۇ . كېسەل ئېغىرلاشقاندا تۆۋەندىكىلەرنى ئىشلىتىڭ : غات-غات پاقىنىڭ تەرىتىدىن 100گرام ، ھېسامنىڭ سېسىق چاقچىقىدىن ئۈچ مىسقال ، بىر تال يېسىڭىز ئۈچ كۈن تاقلىتىدىغان ئاچچىق قىزىلمۇچتىن توققۇز تال ،<تەخسەكەشلىك قىلىپ جان باققۇچە ئۆلسەڭچۇ>دىگەن خەلىقنىڭ نەپرەت تۈكۈركىدىن بىر تال ، باللىرىڭىزنىڭ :<دادا ، بىزنى ئويلىساڭ ئەمدى تەخسىكەشلىك قىلمىغىن >دىگەن نالىسىدىن يۈز گرام ،ئايالىڭىزنىڭ <تەخسىكەشلىك قىلىپ مېنىمۇ يولدىن چىقادىڭ !> دېگەن تاپا تەنىسىدىن 150گرام ئۇرۇق تۇققانلىرىڭىزنىڭ :<بىزنىڭ ئىچىمىزدە سەندەك تەخسىكەش يوق ئىدى > دىگەن ھاقارىتىدىن 185گرام ئىچىپ ۋىجدانلىق ئەرگە ۋىجدانسىز 15 ئايالغا تۈكۈرسىڭىز سەللىمازا ساقىيىپ كېتىسىز .                   كۆرەلمەسلىك كېسىلى         بۇ كېسەل يۇقۇملۇق خاراكتېردىكى غوت-غوت كېسىلى بولۇپ كۆپۈنچە ھەسەتخورئادەملەردە بولىدۇ . ھەسەتخورلۇق كېسىلى :نادان ، قارا قورساق مىكروپلىرىنىڭ قارىداپ كېتىشى ، چىداش ھۈجەيلىرىنىڭ كۆپۈپ كېتىشى ، ۋىجدان دانچىلىرىنىڭ يوقۇلۇپ كېتىشى ، ئۇششاق گەپ خالتىلىرىنىڭ تېشىلىپ كېتىشىدىن پەيدا بولغان بولۇپ بۇ كېسەلنى داۋالاش ئۇسۇلى مۇنداق :ئالدى بىلەن ئابدۇۋەلى راخماننىڭ <ھەسەتخور > ناملىق ساتېرىك شېئىرلار توپلىمىنى ئوقۇپ ، ئۆردەكنىڭ ئۈزگىنىنى كۆرەلمەيدىغان غازنىڭ مېيىدىن 100 گرام ، ساق بازنى كۆرەلمەيدىغان تازنىڭ مېيىدىن 100گرام ئىچسىڭىز ياخشى بولۇپ قالىسىز .  ئەگەر بۇنىڭدىنمۇ ياخشى  بولالمىسىڭىز ھازازۇل خوتۇننىڭ تۈكۈركىدىن غار-غار قىلسىڭىز بولىدۇ ئەگەر مېنى تاپماقچى بولسىڭىز 17- يول ئاپتوبۇسىنىڭ ئاخىرقى بېكىتىدە چۈشۈپ ئالدىڭىزغا 50 مىتىر ، ئارقىڭىزغا 49 مىتىز داجىپ مىنى ئىزدىسىڭىز بولىدۇ . نام - شەرىپىم موللامەت ، دوختۇرلۇقتا كارامەت . دارىلىرىم  ئالامەت ، بوپ كېتىسىز سالامەت . تېلفونۇم توققۇز ساندىن ئونبىر كۈلۈپ كېتىسىز خىر- خىر !!!                        مەنبە : ئەل ئارىسى     توپلاپ  رەتلىگۈچى: ئابدىۋەلى راخمان

781847813

	يارايسىز بۇرادەر

nazukay2

	قالتىس ئەسەر بوپتۇ

.tuz.

	رېتسىپلىرىڭىز قالتىسكەن ، مۇشۇنداق جايىل كېسەللەرگە ئۈنۈملىق ئاچچىق دورىلارنى تەۋسىيە قىلىڭ تۇرۇڭ. ھى ھى ھى ھى ھە راس ئادەم تىللاش كېسىلىگە گىرىپتار بولغان ساقايماس كېسەلنىڭ رېتسىپى بارمىدۇ تىۋىپ ئۇستام ؟! مىسرانىم شىپاخاسىغا جىددى لازىم ئىدى ؟

nurjahan0997

	تۇز ئەپەندىمنىڭ سۇئالى تازىمۇ جايىدا بوپتۇ قېرىندىشىم،بۇنىڭ دورىسىنى تېزرەك كەشىپ قىلىڭچۇ؟ بۇ دورىنى مىسرانىمدىكى بىرنەچە ئوت قۇيرۇقلارغا يىگۈزۈپ قويساق

Gvlbargi0999

	.tuz. يوللىغان ۋاقتى  2014-2-19 12:54 PM رېتسىپلىرىڭىز قالتىسكەن ، مۇشۇنداق جايىل كېسەللەرگە ئ ... توغرا دەيسىز تۇز ئەپەندىم،بولسا شۇ دورىدىن تېپىپ تۇخۇمدىن تۈك ئۈندۈردىغان،يوق يەردىن پۇتاق چىقىرىدىغان كىشىلەرگە ئازراق يىگۈززەك بولاتتى. ئاززاق نوقساننى تېپىۋالسا،يۈزنگە سېلىشقا ئالدىرايدىغان،چىرايلىق چۇشەندۈرمەيدىغان،ھەم چۈشەندۈرۈشلەرنى قوبۇل قىلمايدىغان كىشىلىرىمىزمۇ بار...............بۇ مۇنبەردە! ئەلۋەتتە نوقسانسىز ئادەم يوق.لىكىن چىرايلىق گەپ بىزگە ئوزۇق!

Gvlbargi0999

	بەك ياخشى قامچىلاش بوپتۇ!  ۋاي...........ۋاي........ۋاي!!!

yagaqqi

پوكان

	ۋاي بۇندا داۋالىسىمۇ ساقايمايدۇ جۇما بەزىلەر ! ئۇنى كۆتەمەي مانى كۆتەگىن دەپ ئالتۇن قاچىلانغان خۇرجۇن بەسىمۇ ، ياق مەن ئاشۇنى كۆتۈرىتىم دەپ تۇرىۋالىدىغانلار با~~~~

ئالمىچى

	پەن تەخنىكا ھەقىقەتەن تەرەققى قىپتۇ جۇما ھا ھا ھا