ئارمان ئاپەت رايونىدىكى ئامما بىلەن ھەر ۋاقىت بىللە

uyol

	ئارمان ئاپەت رايونىدىكى ئامما بىلەن ھەر ۋاقىت بىللە 12 – فېۋرال، خوتەن ۋىلايىتىنىڭ كېرىيە ناھىيەسىدە 7.3 بال يەر تەۋرەپ، شۇ يەردىكى ئاممىنىڭ ئاپەتكە ئۇچرىغانلىق خەۋىرى تارقالغاندىن كېيىن، شىنجاڭ «ئارمان» مۇسۇلمانچە يېمەكلىكلەر سانائىتى گۇرۇھ چەكلىك شىركىتى ئاپەت رايونىدىكى مۇناسىۋەتلىك تارماقلار بىلەن دەرھال ئالاقىلىشىپ، ئاپەت رايونىدىكى ئاممىنىڭ ئەھۋالى ۋە ئۇلارنىڭ نېمىلەرگە ئېھتىياجلىق ئىكەنلىكىنى ۋاقتىدا ئىگىلەپ، ئاپەت رايونىدىن ھال سوراش تەييارلىقىنى باشلىۋەتكەنىدى. مانا بۈگۈن، يەنى 14- فېۋرال «ئارمان» گۇرۇھىنىڭ مۇناسىۋەتلىك مەسئۇللىرى ۋە شىركەتتىكى خادىملاردىن تەشكىللەنگەن پىدائىيلار «ئارمان» لىقلارنىڭ ھەم خىزمەت مۇناسىۋىتى بىلەن سىرتتا بولۇپ قالغان شىركەت باش دىرېكتورى رادىل ئابلانىڭ سەمىمىي تىلىكى ۋە كۆڭلىنى ئېلىپ، ئاپەت رايونىغا ماڭدى.       ئىگىلىنىشىچە، ئاپەت يۈز بەرگەندىن كېيىن، «ئارمان» گۇرۇھى ۋە ئۇلارنىڭ ئىشچى- خىزمەتچىلىرى بەس– بەستە ئاپەت رايونىدىكى ئاممىغا نەق پۇل ھەم ماددىي بويۇم ئىئانە قىلغان. 14- فېۋرال كەچقۇرۇنغىچە، شىركەت بويىچە دەسلەپكى قەدەمدە جەمئىي 300 نەچچە مىڭ يۈەن نەق پۇل، قۇۋۋەت تالقىنى، كىيىم- كېچەك، ماددىي بويۇم يىغىلغان. شىركەتتىكى خىزمەتچىلەرمۇ ئۆزلىرىنىڭ ئاپەت رايونىغا بېرىپ، شۇ يەردىكى ئاممىدىن ھال سوراش ۋە ئۇلارغا ھەمدەمدە بولۇش ئارزۇسىنى بىلدۈرۈپ، شىركەت مەسئۇللىرى باشلامچىلىقىدا ئون نەچچە كىشىدىن تەشكىللەنگەن پىدائىيلار ئەترىتى «ئارمان» دىكى ئىشچى– خىزمەتچىلەرنىڭ كۆڭلىنى، مېھىر-مۇھەببىتىنى ئېلىپ كېرىيە ناھىيەسىگە ماڭغان.

ablimitt

	رادىل ئابلا سىرتتا بۇپ قاپتىكەندە، ئەمدى بولسىمۇ ياخشى بۇپتۇ... قۇرۇق گەپ ئازلايدىغان بولدى...

TIRIXQANBALA

	ئارمان شىركىتى ئاپتۇنۇم رايۇنىمىزدىكى تەرەققى قىلىۋاتقان مىللى كارخانىدۇر ، مىللى رايۇنلاردا ئاپەت بوپتىكەن ، كۆكرەك كىرىپ ئىئانە يىغىپ ، پىدايىلار قۇشۇنى تەشكىللەپ ياردەمدە بوپتۇ ، ھەممىمىز بىرلىكتە ئارمان مەھسۇلاتلىرنى سېتىۋالساق ، ئۇلارنى قوللىغان بۇلىمىز ، ئۇلارمى روناق تاپسا ، ئۆز مىللىتىنى ئۇنۇتمايدۇ ،نۇرغۇن ئىچكىرى ئۆلكىلەردىكى زاۋۇت كارخانىلارنى قوللاپ كەلگەن بولساقمۇ ،مۇشۇنداق ئاپەت بولغاندا ياردەمدە بۇلىدىغان پىدايىلار يوق كۈرۋاتىسىلەن ، بىز ئۇلارنى قوللىساق ، ئۇلار ھەرگىز بىزنى قوللىمايدۇ ،

uyol

	بىر قىسىم ئۆپكىسى يوق قېرىنداشلىرىمىز ئالدىنقى تېمىلاردا ئۆزىڭلارچە ئۇلارنى تىللاپ كېتىۋاتاتتىلار. ئەمدى نېمە دىيسىلەر؟ بىر ئىشقا ئالدىراپ باھا بەرمەيلى! ئۆزىمىزنىڭ پۇتىغا ئۈزىمىز پالتا چاپماي، ئۇلارنى بولسىمۇ قوللايلى! چۈنكى قول مەڭگۈ ئىچىگە ئىگىلىدۇ!

pervaz

	ساخاۋەتچى كارخانىلارنىڭ ئەمەلىي ھەرىكىتىدىن كۆڭلۈم سۆيۈندى !!

alipbay

	ئارماننىڭ تىجارىتى، سودىسى ،تەتقىقاتى،كۈندىن-كۈنگە روناق تاپقاي.

xaban010

	ئىخلاس قالدى

kumkazi

	ئاللاھ ئارمانلىقلارنىڭ ئەجىرىنى بەرسۇن ! باشقا مىللىي كارخانىلارمۇ قول قويۇشتۇرۇپ ئولتۇرماپتۇ ، ئۇلارغىمۇ ئاپىرىن ؛ ---------- ئارماننى باغداش مۇنبىرىدە بايقۇت قىلغان‹‹ مىللەتپەرۋەر›› قېرىنداشلىرىمىز بۇ بىر نەچچە كۈندىن بېرى نىمىش قىلىۋاتقاندۇ دەپ ئويلاپ قالدىم ............