‹‹چەكسىزتور››غا سوغۇققان بولۇڭلار

yan

	ئەسسالامۇ ئەلەيكۇم! تۈنۈگۈندىن بېرى تورلاردا تېلېگراف، كۆچمە، بىرلەشمىلەرنىڭ كارتىسىدا چەكسىز تورغا چىقىش ھەققىدىكى تېمىلار تورداشلارنى ھاياجانغا سېلىۋەتتى. مەن تېلېگراف ۋە كۆچمىنىڭ كارتىسىنى ئىشلىتىمەن، لېكىن، ئىشخانىدا ۋە ئۆيدە WiFi بولغاچقا، ئايلىق ئېقىم مىقدارىم خېلى كۆپ ئىشپ قالىدۇ، شۇڭلاشقا، «چەكسىز تورغا چىقىش» تېمىسىغا ئانچە قىزىقمايمەن. شۇنداقتىمۇ، دوستلارنىڭ ئىقتىسادىي مەنپەئەتكە تاقىلىدىغان بۇ ئىشتا سوغۇققان بولۇشىنى تەۋسىيە قىلىمەن. ئاۋۋال مېنىڭ مۇنۇ ئۈچ ئېغىز سۆزۈمگە قۇلاق سېلىڭلار: 1. تورغا چىقمىغانغا ھېچنېمە بولۇپ قالمايسىز، لېكىن، ۋاقتى كەلگەندە يانچۇقتا 2 سومنىڭ يوقلۇقىدىن بىر نان ئېلىپ يېيەلمەي، بىر كۈن ئاچ قالىدىغان ئىشمۇ بولىدۇ؛ 2. بىرلەشمە، كۆچمە، تېلېگراف قاتارلىقلار مەخسۇس ئۇچۇر ئالاقە كەسپى بىلەن پۇل تاپىدىغان شىركەتلەر. ئۇلارنىڭ خىزمىتىنىڭ مەركىزىي نۇقتىسى پۇل، پۇل، پەقەت پۇل! 3. خەنزۇلارنىڭ ئەقلىيە سۆزى: «قىساسنى يۈز يىلدىن كېيىن ئالساڭمۇ كېچىكمەيسەن.» ئۇيغۇرلارنىڭ ماقال-تەمسىللىرىدىن: «چۆچىنى كۈزدە ساناڭ». «چەكسىز تور»نىڭ ھەقىقىي ماھىيىتى ھەققىدە مېنىڭ ھېچقانداق پاكىتىم يوق، بەلكىم راستتۇر، ياكى يالغاندۇر. مەن پەقەت تورداشلارنى ھاياجانلىنىپ كەتمەسلىككە، ھېچبولمىسا مۇشۇ 2-ئاينىڭ ھېساباتى چىقىپ بولغىچە «چەكسىز ئېقىم مىقدارى»نى ھەددىدىن زىيادە كۆپ ئىشلىتىۋەتمەسلىككە چاقىرماقچى. شۇنىڭغا ئىشىنىڭلاركى، مېنىڭ تورداشلارغا بولغان مېھر-مۇھەببتىم ھەرگىزمۇ «چەكسىز تور» ھەققىدە تېما يازغانلاردىن كەم ئەمەس. بەزىلەرنىڭ مۇناسىۋەتلىك تېمىلاردا ئېيتىلغان ئۇسۇل بويىچە APNنى ئۆزگەرتىپ خېلى كۆپ تورغا چىققان بولسىمۇ، 10000، 10010، 10086گە تېلېفون سوقۇپ ياكى ئۇچۇر يوللاپ، ۋە ياكى باشقا ئۇسۇللار بىلەن تەكشۈرگەندە ئېقىم مىقدارى سەرپ بولمىغانلىنى بايقىغانلىقىغا قارىتا مېنىڭ گۇمانىم: بىزنىڭ ئەسلىي تورغا چىققاندا ئىشلەتكەن APN نامىمىز CMNET، CMWAP (كۆچمە)؛ CTNET، CTWAP (تېلېگراف)؛ UNINET، UNIWAP (بىرلەشمە) بولىدۇ، بىز ئېقىم مىقدارىنى تەكشۈرگەندىمۇ سىستېما ئاپتوماتىك ھالدا ئەنە شۇ نامدىكى APN بىلەن تورغا چىققان ئېقىم مىقدارىمىزنىلا تەمىنلەپ بېرىدۇ؛ ئەمدى بىز APN نامىنى تېمىلاردا دېيىلگەندەك باشقا بىر ئىسىمغا ئۆزگەرتىپ تورغا چىققاندىن كېيىن تەكشۈرمەكچى بولساق، سىستېما بىزگە يەنىلا ئۆزلىرىنىڭ رەسمىي بېكىتىلگەن APNىدىكى ئېقىم مىقدارىمىزنىلا ئېيتىپ بېرىدۇ، بىز ئۆزگەرتكەن APNدىكى ئېقىم مىقدارىمىزمۇ ئەنگە ئېلىنىدۇ-يۇ، ئېقىم مىقدارىنى تەكشۈرۈش سىستېمىسىدا بۇ «ياۋا نام» بولمىغاچقا، بىزگە بۇ تۈردىكى ئېقىم مىقدارىنى ۋاقتىنچە ئېيتىپ بەرمەيدۇ، ئەمما، ئايلىق ھېسابات قىلىدىغان چاغدا بارلىق APNلاردىكى ئېقىم مىقدارىنىڭ ھېساباتىنى بىراقلا چىقىرىدۇ (يۇقىرىقىلار مېنىڭ تەسەۋۋۇرۇم، خالاس، ھېچقانداق پاكىتىم يوق). بىردىنبىر شەكسىز ئىشىنىدىغىنىم: جۇڭگو ئالاقە-ئۇچۇر ساھەسىدىكى بۇ ئۈچ كارخانا ھەرگىزمۇ پۇقرالارنىڭ ئۇنداق-مۇنداق ئۇسۇللار بىلەن ئۆزلىرىنى «بوزەك قىلىۋاتقانلىقى»نى سەزمەي قالمايدۇ ھەم مۇناسىپ تەدبىر قوللانماي قالمايدۇ. بەلكىم، مۇشۇ تاپنىڭ ئۆزىدە بۇ ئۈچ ئالاقە كارخانىسىدا خىزمەت قىلىۋاتقانلار ئىچىدىكى بەزىلەر «چەكسىز تور»دىن ھاياجانغا چۆمگەن تورداشلارنىڭ تېما-ئىنكاسىغا قاراپ مېيىقىدا كۈلۈپ ئولتۇرغاندۇر... بولسا، يۇقىرىقى ئۈچ شىركەتتە خىزمەت قىلىۋاتقان ئاقكۆڭۈل قېرىنداشلىرىمىز بولسا مۇشۇ ھەقتە ئېنىق بىر ئىزاھات بېرىۋەتكەن بولسا بەك ياخشى بولاتتى! ئاخىرىدا يەنە بىر قېتىم ئەسكەرتىپ قويايكى، «چەكسىز تورغا چىقىش»نىڭ راستلىقىغىمۇ، يالغانلىقىغىمۇ پاكىتىم يوق، ئىشەنچىڭلەر كۈچلۈك بولسا خالىغانچە ئىشلىتىڭلەر... مەنبە:(ئالىپ)

yan

	بۇ يازمىنى ئاخىرىدا e-chewendaz تەھرىرلىگەن. ۋاقتى 2014-2-13 11:02 ئەسسالامۇ ئەلەيكۇم ئالىپ تورىدىكى بارلىق ئېلېكتىرون،Arduino ھەۋەسكارلىرى! ھەممىڭلارغا كەمىنە ئېلېكتىر چەۋەندازدىن ئوتلۇق سالام! ئالدىنقى تېمام «Arduino-توردىن كېرەكلىك ماتىرىياللارنى سېتىۋىلىش»تا كۆپچىلىككە ئاردىينۇنىڭ مۇناسېۋەتلىك سەزگۈچلىرى توغرىسىدا چۈشەنچە بىرىدىغانلىقىمنى ئىيىتقانىدىم.بۈگۈن بۇ تېمام ئارقىلىق ئازىراق بولسىمۇ ئاردىينونىڭ قوشۇمچە سەزگۈچلىرى توغرىسىدا تۈرلۈك قۇرۇلما تەسەۋۋۇرلىرىغا بىرلەشتۈرۈپ چۈشەنچە بىرىشنى توغرا تاپتىم،قېرىنداشلىرىمىز توردىن مۇناسېۋەتلىك دىتاللارنى سېتىۋالغاندا پايدىلانغاي(سەزگۈچ نامى،قانداق ئورۇنلاردا ئىشلىتىلدىغانلىقىنىلا ئوتتۇرىغا قويدۇم،ۋاقىت مۇناسېۋىتى بىلەن قالغان تەپسىلى پارامېتىرلارنى كىيىنگە قالدۇردۇم،ئەمەلى تەجرىبە تېمىلىرىدا ئوتتۇرىغا قويارمەن).بۇلارنىڭ كۆپىنچىسنى مەن توردىن يىغىپ توپلىغان،بەزىلىرىنى ئۆزۈم تەجرىبە قىلىشقا ئۈلگۈرمىگەن،لىكىن بۇلار بىزنىڭ ئىجادىي تەپەككۈرىمىزنى قوزغايدۇ،ئىشەنچىمىزنى ئاشۇرىدۇ.بەزى قۇرۇلمىلار ئاساسىدا يەنە باشقا بىر قۇرۇلمىنى ياساپ چىقىشقا بولىدۇ،شۇڭا قېرىنداشلىرىمىزنىڭ ھوزۇرىغا سۇندۇم: 1.نەمىلىك سىزىش مودىلى تۈنۈگۈن 10:22 چىقىرىش چۈشۈرۈش (213.07 KB) بۇ سەزگۈچ تۇپراقنىڭ نەملىكىنى سېزىش ئىقتىدارىغا ئىگە بولۇپ،ئاپتۇماتىك سۇغۇرۇش ئۈسكۈنسى(گۈللەرنى،دەل-دەرەخلەرنى سۇغۇرۇش) ياساشتا قوللىنىشقا بولىدۇ.تۆۋەندىكىدەك: تۈنۈگۈن 10:23 چىقىرىش چۈشۈرۈش (114.29 KB) تۈنۈگۈن 10:23 چىقىرىش چۈشۈرۈش (158.67 KB) 2.RFID كارتا ئوقۇش مودىلى تۈنۈگۈن 10:25 چىقىرىش چۈشۈرۈش (71.36 KB) بۇ خىل كارتا ئوقۇش مودىلى سىلەرگە ناتونۇش بولمىسا كېرەك،يەنى ئاپتۇبوسقا چىققاندىكى سىمسىز پۇل تۆلەش(بىلەت سېتىۋىلىشنى دىمەكچى)،مىھمانخانىلاردىكى ياتاق ئىشكىنى كارتا ئارقىلىق ئېچىش دىگەندەك نۇرغۇن جايلاردا ئىشلىتىلىدۇ.ھەربىر كارتىنىڭ ID نۇمىرى بار بولۇپ،ئوخشاش بولمىغان ID نۇمىرى ئارقىلىق يوقلىما قىلىش دىگەندەك ئىشلارنى قىلىشقا بولىدۇ.مىسال سۈپتىدە تۆۋەندىكى ئىشىكىنى RFID كارتىسى ئارقىلىق ئېچىش تەجرىبىسنىڭ رەسىمى كۆرىستىلىدى. تۈنۈگۈن 10:28 چىقىرىش چۈشۈرۈش (93.26 KB) تۈنۈگۈن 10:28 چىقىرىش چۈشۈرۈش (160.5 KB) بۇ تەجرىبىگە ئالاقىدار ئەسلى تېمىنى (بارلىق ياساش جەرىيانى،ئەسلى كودى چۈشەندۈرۈلگەن) كۆرمەكچى بولسىڭىز بۇ يەرنى بېسىڭ. بۇنىڭدىن باشقا بۇ كارتا مودىلى ئارقىلىق ئامراق ماشىنىمىزنىڭ ئىشكىنى ياكى ئۆيىمىزنىڭ ئىشكىنى سىمسىز ئىچىش قۇرۇلمىسىنىمۇ ياساپ چىقىشقا بولىدۇ. 3. كۆكچېش مودىلى بۇ مودىل توغرىسىدا ئىلگىركى تىمامدا چۈشەنچە بىرىپ ئۆتكەنىدىم،«مەن Arduinoغا ئاشىق» ناملىق كىتابىمدىمۇ چۈشەنچە بىرىلگەن،مىنىڭ بۇ يەردە ئوتتۇرىغا قويغان تەسەۋۋۇرۇم شۇكى كۆكچىش ئارقىلىق ئىشىكنى ئېچىش(ماشىنا ئىشكىمۇ بار)،كۆكچىش ئارقىلىق ئۆي ئىچىدىكى بارلىق ئېلېكتىرون ئۈسكۈنلىرىنى كونتىرول قىلىش ئۈسكۈنىسىنى ياساپ چىقىشقا بولىدۇ،(بۇ خىل قۇرۇلمىدا كۆكچىشتىن باشقا رىلى مودىلىمۇ مۇھىم رول ئوينايدۇ) مۇناسېۋەتلىك رەسىم: كۆكچىش ئارقىلىق ئىشىك ئىچىش قۇرۇلمىسى تۈنۈگۈن 10:38 چىقىرىش چۈشۈرۈش (98.54 KB) بۇ تەجرىبىگە ئالاقىدار ئەسلى تېمىنى (بارلىق ياساش جەرىيانى،ئەسلى كودى چۈشەندۈرۈلگەن) كۆرمەكچى بولسىڭىز بۇ يەرنى بېسىڭ 4. ئۇلتېرا ئاۋاز دولقۇنلۇق سەزگۈچ مودىلى بۇ جەھەتتە ئالدىنقى تېمام «Arduino-ئۇلتېرا ئاۋاز دولقۇنلۇق مېتىر» گە نەزىرىڭىزنى ئاغدۇرۇڭ. 5. گاز سىزىش مودىلى تۈنۈگۈن 10:43 چىقىرىش چۈشۈرۈش (32.91 KB) بۇ گاز سىزىش مودىلى ئائىلىلەردە ئىشلىتىلىدىغان تەبئى گاز،سۇيۇقلاندۇرۇلغان گاز قاتارلىقلارنى سىزىش ئىقتىدارى ئىنتايىن يۇقىرى بولۇپ،گاز چىقىپ كىتىشتىن مەلۇمات بىرىش قاتارلىق قۇرۇلمىلارنى ياساشتا پايدىلىنىشقا بولىدۇ.(ئەمەلى مىساللىرى كىيىنگە قالدۇرۇلدى) 6. Arduinoدىن پايدىلىنىپ ياسالغان باشقا قۇرۇلمىلار: ئاپتۇماتىك دوسكا ئۆچۈرگۈچ تۈنۈگۈن 10:44 چىقىرىش چۈشۈرۈش (165 KB) ئىز قوغلاش ئىقتىدارىغا ئىگە ئەقلى ئىقتىدارلىق ماشىنا تۈنۈگۈن 10:44 چىقىرىش چۈشۈرۈش (337.89 KB) سۈرئەتنى wifi ئارقىلىق يوللاش ئىقتىدارىغا ئىگە ئەقلى ئىقتىدارلىق ماشىنا تۈنۈگۈن 10:48 چىقىرىش چۈشۈرۈش (438.97 KB) مىخاينىكىلىق بىلەك تۈنۈگۈن 10:51 چىقىرىش چۈشۈرۈش (785.35 KB) ۋاقىت مۇناسېۋىتى بىلەن تېمامنى مۇشۇ يەردە ئاخىرلاشتۇراي،مەن Arduino مۇتەخەسىسى ئەمەس،بەلكى مەنمۇ قېرىنداشلىرىمىزغا ئوخشاش بىر ئۈگەنگۈچى خالاس،شۇڭا كۆپچىلىك قېرىنداشلىرىمىزنىڭ ۋاقتى بولسا Arduino توغرىسىدا ئىزدىنىپ كۆرۈشىنى قانداق ئىجادىي تەكلىپ-پىكىرلىرى بولسا ئوتتۇرىغا قويۇشنى،ياخشى تەجرىبىلىرى بولسا تېما شەكىلىدە ئوتتۇرىغا قويۇشنى ئۈمىد قىلىمەن. Arduino توغرىسىدا ھىچقانداق چۈشەنچىگە ئىگە ئەمەس قېرىنداشلىرىمنىڭ ئالىپ تورىدىكى «ئاپتۇماتىك كونترول قىلىش» دىگەن سەھىپىدىكى يازمىلارنى كۆرۈپ چىقىشنى ياكى «مەن Arduinoغا ئاشىق» ناملىق كىتابىمنى كۆرۈپ چىقىشىنى تەۋسىيە قىلىمەن. بىز ئۆز-ئارا ئۈگىنىشكە،ھەمكارلىشىشقا مۇھتاج! قېرىنداشلىرىمىزنىڭ ياخشى تەكلىپ-پىكىرلىرىنى،قىممەتلىك بىلىملىرىنى،تەجرىبىلىرىنى ئايىماسلىقىنى سورايمەن! ھۆرمەت بىلەن:ئېلېكتىر چەۋەنداز 2014-يىلى ھۇتنىڭ 13-كۈنى يېزىلىدى سەمىمي ئەسكەرتىش: بۇ تېما مەخسۇس Arduino ئۈچۈن يېزىلدى،شۇڭا باشقا جەھەتتىن ياردەم سورىماقچى بولغان قېرىنداشلىرىمىزنىڭ ئالىپ تورىنىڭ ياردەم سەھىپىسگە ياكى مۇناسېپ ھالدىكى باشقا تېمىلارغا ئىنكاس يېزىشىنى،قالايمىقان ئىلان ۋە ياردەم خاراكتىرلىك ئىنكاسلارنى يازىماسلىقىنى سەمىمىيلىك بىلەن ئۆتىنىمەن مەنبە : (ئالىپ)

nijatkurban

	چەكسىز تورغا چىقىمىز دەپ قىممەتلىك ھەم چەكلىك ۋاقتىمىزنى ئىسراپ قىلىۋەتمەيلى قېرىنداشلار.

ixaniq14

	قارىغاندا بۇ چەكسىز تورغا چىقىدىغان ئىش يالغان ئوخشىمامدۇ؟

SaBa_002

	مەنغۇ    چىداپ  پۇل   تۆلەپ   ئىشلىتىمەن

maxal138

	مەن ئىنكاس يازسام نىمىشقا كورۈنمەيدۇ

بانكىر

	تۈنۈگۈن كەچ ئۆلمەكنىڭ ئۈستىگە تەپمەك دىگەندەك، گۇما ناھىيلىك تىلگىراف زالىغا پۇل تاپشۇرغىلى كىرسەم، ھەق بەك كۆپ چىقىپ كىتىپتۇ. ھەر ئايلىقى 129 يۈەنلىك تور ھەققىگە 165 يۈەندىن بووپ قاپتىكەن. نىمىشقا بۇنداق بوپ قالغانلىقىنى دىسەم، تىجارەت زالىدىكى قىزلار جاۋاپ بىرىشنى رەت قىلدى،

بانكىر

	互联网平台及  ， 互联星空费  دەپ ئىيىغا 10 يۈەندىن پۇل تۇتۇپتۇ، تىجارەت زالىدا ئەمەلدىن قالدۇرۇشنى تەلەپ قىلسام، 10000 ئارقىلىق بىجىرىڭ دەپ ئەمەلدىن قالدۇرۇپ بەرمىدى. SSL-VPN 服务费 ， 通信助理VIP版月功能使用费   دەپ مەندىن ھەق تۇتۇپ كەپتۇ. بۇ زادى قانداق ھەقلەر؟ نىمە كەسىپ ئىكەنلكىنىمۇ بىلمەيمەن، زادى بۇنى قانداق ئەمەلدىن قالدۇرىدىغاندىمىز؟ بىلىدىغان دوسلارنىڭ جاۋاپ بىرىشنى تەلەپ قىلىمەن.

شامال7

	ئۆردەك، غىزى ئاي ئاخىردا ئايرىلىدۇ.