تاماشا كۆرۈش(ھىكايە)

madina520

	ئۇ ھەر كۈنى دېگۈدەك كەچلىك بازارغا باراتتى، ئەمما قانداقلا بولمىسۇن ، يانچۇقىغا بىرەر قاچا سۇيۇقئاش كەلگۈدەك پۇلنى سېلىۋېلىشنى ئېسىدىن چىقارمايتتى.بۇ چارە ئۇنىڭغا تالاي قېتىم ئەسقاتقان ئەمەسمۇ؟ئىلگىرىكى  چاغلاردا ئەل-ئاغىنە ، تونۇش-بىلىشلىرى ئۇنى كۆرگەن ھامان ئۆز سورۇنلىرىغا چاقىرىپ يېدۈرەتتى، ئىچۈرەتتى، ئوينىتاتتى....ھېلىقى سۇيۇقئاش پۇلى بولسا مەيدە يانچۇقىدا ھەپتىلەپ قونۇپ قالاتتى. ھازىر بولسا ئۇنىڭ نەزىرىدە جاھان چىڭىپ كەتتى، دوست بۇرادەرلىرىمۇ، تەلەي، ئامەت دىگەنلەرمۇ ئۇنىڭغا ئارقىسىنى قىلغىلى تۇردى." كۆتۈرەلمىسەڭ ساڭگىلىتىۋال " دىگەندەك "بىخىل قارىي" دىگەن لەقەم ئۇنىڭغا خۇددى قۇمغا سۇ سىڭگەندەك سىڭىپ قالدى.     بۇنداق لەقەملەردىن ئۇنىڭ پەرۋايى پەلەك ، خەق نىمە دىسە دىمەمدۇ؟ ئۇنىڭ قىزىقىدىغىنى ئۇرۇش-ماجرا ، مۇشتلىشىش، باشقىلارنى ئوڭدا قويۇش، بوزەك قىلىش....ئۇنىڭ تاماشاسى خالاس.     چوڭ شەھەر دىگەننىڭ ئاخشامدىن تاكى توخۇ چىللىغۇچە داۋاملىشىدىغان كەچلىك بازارلىرىدا "گالاچ-گۇلۇچ ، ۋاراڭ-چۇرۇڭ " بولماي قالامدۇ؟ ئۇ ھەر كۈنى كەچ دىگۈدەك ئەنە شۇنداق بىرەر ۋەقەدىن يىراقتا تۇرۇپ ھوزۇرلىناتتى. خىلۋەتتىكى بەزى " تاماشا"لارنى بولسا ، پەقەت ئۆزى كۆرۈپ پەيز قىلاتتى. يۈز-كۆزلىرى قانغا بويالغان مۇشتلاشچىلاردىن بىرى تاياق زەربىدىن يىقىلىپ قالغاندىلا ئۇ ئاندىن غىپپىدە كىتىپ قالاتتى. بۇ "قارىي" ئۈچۈن ئەڭ ياخشى تاماششا ، پاجىئەلىك كومىدىيەلەردىن لەززەتلىنىش ھىساپلىناتتى.ھازىرغىچە ئۇ كۆرگەن "تاماشا" لارنىڭ سانىنى ئېلىشمۇ تەس. لېكىن ، تالاي قېتىم ئاق كۆڭۈل بوۋايلار ، باغرى يۇمشاق مومايلارنىڭ :"ھەي ، قانداق نىمە سەن؟ ئۇلارنى ئاجرىتىپ قويساڭ بولمامدۇ؟ نۇمۇس قىلماي بەزدەك تۇرغىنىنى ، سېنىڭ نەرىڭ ئادەم؟" دىگەندەك تەنبىھلىرىگە دۇچ كەلگەنلىكى ئۇنىڭغا ئېنىق . لىكىن بۇنداق ئەيىپلەشلەر ئۇنىڭ ئۇڭ قۇلىقىدىن كىرىپ ، سول قۇلىقىدىن چىقىپ كىتىۋېرەتتى. بۈگۈن قېرىشقاندەك ، ئۇنىڭغا بىرەر"تاماشا" مۇ ئۇچرىمىدى. ئۇزۇن كوچىدىكى بارلىق سورۇنلار تېپتىنىچ ئىدى. ئۇ كۆڭلى غەش بولغان ھالدا كوچا دوقمۇشىغا كەلدى. دەل شۇ چاغدا بىر قىزنىڭ " ئادەم بامۇ؟ قۇتقۇزۇڭلار..." دېگەن ئاۋازى ئاڭلاندى. ئۇ كوچا چىراغلىرىنىڭ يورۇقىدا ئىككى مەستنىڭ بىر قىزنى سۆرەپ ، دولدەڭشىگىنىچە باغچا تەرەپكە ئېلىپ كېتىۋاتقانلىقىنى شۇنچە ئېنىق كۆردى.ئۇ:   _مانا تاماشا دىگەن!_ دېدى،_كاساپەتلەر قۇشلاپتۇ - دە!     قىزنىڭ ئاۋازى يەنە بىر نەچچە قېتىم ئاڭلىنىپ بىردىنلا جىمىپ كەتتى."قارىي" ئۆزىنى دالدىغا ئالغان جايدىن كوچىغا چىقىپ تۇرۇشىغا دادىسى ئۇچرىدى: _سىڭلىڭنى كۆردۈڭمۇ؟ _يا...ياق! _سېنى ئىزدەپ ئۆيدىن چىقىپ كەتكىلى نەۋاق! _نېمە؟ ئۆيدە بىرەر ئىش بولغانمىدى؟ _ياقەي ، ھېلىقى ئاغىنەڭ خوتەندىن سېنى ئىزدەپ كەپتىكەن.    "قارىي" نىڭ قۇلىقى تۈۋېدە بىردىنلا بايىقى قىزنىڭ "قۇتقۇزۇڭلار!"دېگەن ئاۋازى ئاڭلانغاندەك بولدى. ئۇ:"ئاپلا" دېدى-دە باغچا تەرەپكە قاراپ ئۇچقاندەك يۈگۈردى. بىراق، ئۇ كىچىككەن ئىدى. باشقۇرغۇچىدىن : تېما مەنبەسىنى ئەسكەرتىڭ! تولۇقلىما مەزمۇن (2014-2-10 04:51 PM): مەنبە:نىقابلانغان قاتىللار

Qabiljan

	مۇشۇ ئىقابىي باش پېرسۇناژغا ئىسىم ئىشلىتىدىغانلار  تۈزۈك ئىسىم ئىشلەتسەڭلار،ئىشلەتكەن ئىسمىڭلا باش پېرسۇناژ خاراكتىرىگە ماس كەلسۇن. ‹‹قارىي››،مۇھەممەت،موللام،دېگەندەك ئىسىملارنى نەدىكى لۈكچەك،ئوغرى،باغرى تاش ئەسكىلەرگە قويۇپ قويماڭلار. ئىسلام دىنى كىشىلىرى سىلەر ئويلىغاندەك ئۇنداق ئەسكىلەر ئەمەس.

huxalbala1

	كالنىڭ بېشىغا كەلگىنى مۇزايغىمۇ كىلىدۇ

belga

	تاماشا بولا مۇشتا بولا ....

گۆزەل

	تاماشا كۆردۈم دەپ سىڭلىسىنىڭ تاماشىسىنىمۇ كۆرۈپتۇ ،ھەي.

دۈشمەن

	قىزىق ئويۇن قويۇپ بىرىپتۇ مانا ئاخىرى،

پوكان

	كۆرۈڭە مانا تاماشا دېگەن،،،،،،

sarag17

	ئالەشەرىڭنى،تاماشانىڭ نوچىسىنى كۈرەپتۇدە بۇ قارى

naiyma

	بۇ ئىشقا نىمە دىگۈلۈك.

naiyma

	ھەر قانچە بولسىمۇ قاراپ قويسا بولمامدۇ دەيمەن ئا قىزغا.