ھەققانىي: يەنە « مەندە بار»

akkani

	مەندە بار ( بىر ناداننىڭ تىلىدىن) ئاپتۇرى:  ئابدۇۋەلى راخمان ھەققانىي ئۆيدە جېدەل-دەتالاش كۈندە <تالاق> مەندە بار، ئۇشبۇ ھالىم مەست خۇددى كەيپى ھاراق مەندە بار، پىتنە-غەيۋەت، غۇم-غۇدۇر، غەلۋە-چاتاق مەندە بار، ئەلنىڭ ماڭا باھاسى- ئەسكى ئاتاق مەندە بار. *** ئەجدات ماڭا قالدۇرغان ئەنئەنىنى ئۇنۇتتۇم، پەرۋىش قىلماي ئەخلاقنىڭ گۈللىرىنى قۇرۇتتۇم، ھېچبىر ياخشى نامىم يوق،ئەل رايىنى سۇۋۇتتۇم، غەيرى مېجاز،غەيرى ھال،بىر خىل قاداق مەندە بار. ** ئۇرۇقلىغان داڭگىر مەن كۆرەلمەسلىك ۋەجىدىن، ئازاپلاندىم-تولغاندىم خەقنىڭ ئەمگەك-ئەجرىدىن، سەل ئالدىدا كىم ماڭسا چىشلەپ تارتتىم كەينىدىن، دېۋەيلەيمەن ياخشىغا رەزگى چوماق مەندە بار. ** ئىناقلىققا كۈشەندە كۆڭلى قارا نادانمەن، ئەل-يۇرتۇمغا ئاش بەرمەس تۈۋى تۈشۈك قازانمەن، تىلىم چەبدەس غەيۋەتكە،لېكىن ئىشقا قاشاڭمەن، كوچىلايمەن ئۆزگىنى،ئەگرى تاياق مەندە بار. ** ئىنتىلمەيمەن نىچۈندۇر ھۈنەر، تېخنېك، بىلىمگە، ئانچە خۇشتار ئەمەسمەن جاپاسى بار كىرىمگە، تەقەززامەن ئەجرىسىز كەلگەن جىق-جىق ئۈنۈمگە، ھەشەمەتتىن نەپ ئىزدەي،مىڭلاپ باغاق مەندە بار. ****** مەنبە: <ھەسەتخورلار> ناملىق ساتىرىك شېئىرلار توپلىمىم.

tizimlitiman

	دەششەت يىزىپسىز  ئابدۇۋەلىكا  مەن بۇ مۇنبەردە ھەممىدىن  بەك سىزگە قايىل  ھارمىغايسىز

警察184

	مەن ئابدۇۋەلى ئاكامنىڭ تالانتىنى يەنىمۇ جارى قىلدۇرۇشىنى ئۈمىد قىلىمەن  بۇ  ئائىىز قەيەرلىكتۇ

sumayya3

	تەربىيى ئەھمىيەتكە ئىگە ئىسىل تىمىكەن يازغان قوللىرىڭىزغا دەرت كەلمىسۇن

Hammimiz~Yolda

	ئەجدات ماڭا قالدۇرغان ئەنئەنىنى ئۇنۇتتۇم، پەرۋىش قىلماي ئەخلاقنىڭ گۈللىرىنى قۇرۇتتۇم، ھېچبىر ياخشى نامىم يوق،ئەل رايىنى سۇۋۇتتۇم، غەيرى مېجاز،غەيرى ھال،بىر خىل قاداق مەندە بار.   مۇشۇمىسرالاردا  دىيىلگەندەك  ئەتراپىمىزدىكى بىرقىسىم كىشىلىرىمىز ئۆزىنىڭ كىم لىكىنى  تونۇپ يەتكەن بولسى نىمىدىگەن ياخشى بولاتتى ھە...... تىمائىگىسىگە كۆپ رەھمەت

كۆڭلۈم

	بۇ مىللىتىمىز ئارىسىدىكى بەزى چۈشكۈن چىكىنىشلەرنى ئاپتورنىڭ ئۆتكۈر قەلىمى ئارقىلىق ئەكس ئەتتۈرۈپ بەرگەن ،كىشىنى چوڭقۇر ئويغا سالىدىغان بەك ياخشى تېما بوپتۇ.

katra

	چۈشەنگەنلەر چۈشىنىۋىرىپ چۈشەنمىگەنلەر يولىدا مېڭىۋىرىپ ھە ؟! ...قەلەملەر ھارمىسۇن كۆپ رەھمەت!

قورغان

akkani

	tizimlitiman يوللىغان ۋاقتى  2014-2-6 07:46 PM دەششەت يىزىپسىز  ئابدۇۋەلىكا  مەن بۇ مۇنبەردە ھەممىدىن ... ئىلھام بەرگىنىڭىزگە كۆپتىن-كۆپ رەھمەت.

akkani

	警察184 يوللىغان ۋاقتى  2014-2-6 08:58 PM مەن ئابدۇۋەلى ئاكامنىڭ تالانتىنى يەنىمۇ جارى قىلدۇرۇش ... ئىلھام بەرگىنىڭىزگە رەھمەت ئۇكام.ئۈمۈدىڭىزنى يەردە قويمايمەن.