بۆلۈم باشلىقىنىڭ ھەپتىلىك خىزمەت خاتىرسى

.tuz.

	دۈشەنبە : چۈشتىن بۇرۇن ئىشخانا تازلىدىم ، شەنبىگە نەزەر سالدىم ، يەكشەنبە كۈنى نۆۋەتچىلىك ئىشخانىسى ئىلىپ كىرگەن گېزىت- ژورناللارنى كۆردۈم . قالغان ۋاقىتتا تورغا چىقىپ ، يىقىندا تونۇشقان بىر قانچە قىز تورداش بىلەن توردا پاراڭلاشتىم . چۈشتن كىيىن ھاۋا بىر قەدەر ياخشى بولۇپ ، ئىدارە باشلىقى چەتئەلگە تەكشۈرۈشكە چىقىپ كەتكەنلىكى ئۈچۈن ،ئىلگىركى قارتداشلار بىلەن بىر ئائىلە ئارامگاھىغا بىرىپ چاي ئىچكەچ قارت ئوينىدۇق . كەچتە بىر غەرىپچە رېستۇراندا بىر قىز تورداشنى تەكلىپ قىلىپ تاماق يېدۇق . بىر - بىرىمىزگە ياخشى تەسىرات قالدۇرۇش يۈزسىدىن ناھايتى كۆپ ھاراق ئىچتۇق . ئايرىلدىغان چاغدا قۇچاقلىشىپ ئايرىلغىنىمىز ئۈچۈن ئۆيگە بارغاندىن كېيىن ئۇيقۇم قىچىپ ئۇخلىيالمىدىم . سەيشەنبە : مۇئاۋىن ئىدارە باشلىقى بىلەن شەھەر ئەتراپىدىكى بىر قانچە يېزا ،بازارغا بىرىپ خىزمەت تەكشۈردۇق ، بىر ئۈلگە كۆرسىتىش كەنتىگە بىرىپ ، يېڭى يېزا قۇرلىشىنى كۆرۈشكە ئونبەش مىنۇت ۋاقىت كەتتى ، ئۇنىڭدىن كېيىن شۇ كەنىتتىكى بىر دېھقانلار ئارامگاھىدا بازار كادىرلىرى بىلەن ماجاڭ ئوينىدۇق . تەلىيىم ئوڭدىن كەلدىمۇ 3000 نەچچە يۈز يۈئەننى ئۆتۇۋاپتىمەن . كەچتە ناھىيە بازىردا ئولتۇردىغان بازارلىق پارتىكۇم شۇجىسى ، بازار باشلىقى بىلەن شەھەرگە قايتىپ بىر رېستۇراندا كەچلىك تاماق يىگەندىن كېيىن 19- قەۋەتتىكى كۆڭۈل ئىچىش شەھەرچىسىگە چىقىپ ، ناخشا ئېيتىپ ، تانسا ئويناپ چارچىغان مېڭىنى ئارام ئالدۇردۇق . ئىدارە رەھبەرلىكى بۇ بازارنىڭ خىزمىتىنى شەھەر بويىچە ئالدىنقى ئورۇندا تۇردىكەن دەپ ماختىدى ، بۇنداق ئاساسى قاتلام كادىرلىرنى ماختىماي كىمنى ماختايمىز ؟ چارشەنبە : چۈشتن بۇرۇن بىزنىڭ ساھەگە مەسئۇل يۇقۇرى دەرجىلىك رەھبەرلەر ئىدارىمىزگە خىزمەتلەرنى تەكشۈرۈپ تەتقىق قىلىپ يېتەكچىلىك قىلىشقا كەلدى . ئىدارە باشلىقىنىڭ ئورۇنلاشتۇرىشىغا ئاساسەن ئۇلارغا ھەمرا بولۇپ ،شەھرىمىزدىكى بىر قانچە ساياھەت نۇقتىسىنى ئېكۇسكۇرسىيە قىلدۇق . چۈشتىن كېيىن 30نەچچە مىنۇت داۋاملاشقان بىر سۆھبەت يىغىنىغا قاتنىشىپ ، تەكشۈرۈشتىن ئەمدىلا قايتىپ كەلگەن ئىدارە باشلىقىغا خىزمەتلەرنى دوكلات قىلدىم . كەچتە شەھەر بويىچە ئەڭ ئالى بەش يۇلتۇزلۇق شەرىقى ئاسىيا خەلقئارا كاتتا رېستۇرانىدا زىياپەت ئورۇنلاشتۇرۇپ يۇقۇردىن كەلگەن رەھبەرلەرنى كۈتتۈق . ئۇنىڭدىن كېيىن ئۇلارغا ھەمرا بولۇپ قارتا ئوينىدۇق . بۇ قېتىم تەلىيىم كەلمەي بىر دەمدىلا 4000نەچچە يۈز يۈئەننى ئۇتتۇرۋەتتىم . تازا ئىچىم ئىچىشىپ تۇرغاندا ئىدارە باشلىقى قۇلقۇمغا پىچچىرلىدى : _ھېچقىسى يوق ، ئۇتتۇرىۋېرىڭ ، ۋاقتى كەلگەندە ھەممىنى مېھمان كۈتۈش خىراجىتى بىلەن قوشۇپ بىر تەرەپ قىلىپ تولۇقلايمىز ..... شۇنىڭ بىلەن سەھەر سائەت بەشكىچە كۈرەش قىلدۇق . پەيشەنبە : چۈشتىن بۇرۇن ئاخشام تاڭ ئاتقۇچە جەڭ قىلىپ ھاردۇق يەتكىنى ئۈچۈن ئۆيدە ئۇخلىدىم . چۈشتىن كېيىن خوتۇننىڭ ئىنىسى قاتناش قائىدىسىگە خىلاپلىق قىلىپ تۇتۇپ قالغان ماشىنىسىنىڭ مەسلىسىنى بىر تەرەپ قىلدىم ، ھېلىمۇ ياخشى ماشىنىنى ئىلىپ چىقالىدۇق . ئەسلىدە باج تاپشۇرۇشقا تىگىشلىك ئىكەن . مۇناسىۋەتكە تايىنىپ مەن پاي قوشقان چايخانىدا چاي ئىچكەچ باج كەچۈرمىگە ئىرىشتۇق . كەچتە باج ئىدارىسىدىكى مۇناسىۋەتلىكلەرنى تەكلىپ قىلىپ بىرگە تاماق يىدۇق . ھەمدە ئۇلارغا ھەمرا بولۇپ ،ئۇۋۇلاش شەھەرچىسىدە پۇت يۇدۇرۇپ بەدەن ئۇۋلاتتۇق . جۈمە : چۈشتىن بۇرۇن ئىدارە ئورۇنلاشتۇرغان سىياسى ئۈگىنىشكە قاتنىشىپ راسا بىر مۈگدىۋالدىم . چۈشتىن كېيىن ئىدارە ئىشچىلار ئۇيۇشمىسى ئۇيۇشتۇرغان ماجاڭ ، قارتا بىلەن كۆڭۈل ئىچىش پائىلىيىتىگە قاتناشتىم . كەچلىك تاماقنى يىگەندىن كېيىن ئۆيگە قايتىپ ، خوتۇن بالىلار بىلەن جەم بولۇپ ئائىلە شاتلىقىدىن ئورتاق بەھرىمان بولدۇم . مەنبە : فېليەتونلار گېزىتىنىڭ 2012- يىل 14 ئاۋغست سانىدىن سۇلتانى تەرجىمىسى .

faruh193

	ھەي باشلىقلىرىمىز  ئوينايلى ئوينايدىغاننىڭ زامانى بۇ      ::::::::::::::::::::::::«»«»:::::::::::::::::::::::::  مىرئۇشكە   فىليەتۇنلىرى !!!!!!!!!!!!!!!!!!!!!!!!!!!!!

Gvlmisal

	باشلىق بولغۇم كىلىۋاتىدۇ.ئۇۋاقىتتا مىنىڭ خاتىرەمگە نىمىلەرنى يازار بولغىيدىم؟؟؟؟؟

ئىز0997

	بۇ ئەسەر ھەقىقەتەن ئوبرازلىق يېزىلپتۇ،،، دىمىسمۇ باشلىق غۇجاملار  شۇنداق ئەيىش -ئىشرەتلىك خىزمەت قىلمىسا بەك چارچاپ كېتىدۇ،،،

卍Ｌife

	خەجلە خايىنلار خەجلە ، بىگىمغا پوسما دەپ خەجلە ، خىنىمغا ئوسما دەپ خەجلە

musilina

	باشلىقلار مۇشۇنداق ئەيشى -ئىشرەتلىك ياشاۋاتقاچقا،بار جاپا ئاددىي پۇقرالارنىڭ زىممىسىگە چۈشىۋاتىدۇ... ئادەمنىڭ غەزىپىنى قوزغايدىغان ئىشلار -دە بۇلار..

yagax

	ھۆكمەت خىزمىتىنى سەنلا ئىشلىسەڭ بۇلدىكەن.بۆلوم بالىقى

okoguqi9

	شۇڭا باشلىق بولغانلار پىنسىيەگە چىققان كۈنىنىڭ ئەتىسى مىڭىسىگە قان چۈشىدۇ ئەمەسمۇ ؟

babur99

	ھەي ئاغىننىلەر بىزمۇ ئۆزىمىزنى  باشلقىنىڭ ئورنىىغا قويۇپ ئويلاپ باقايلى : ھازىر باشلىق بولۇش ،بولغاندىمۇ  پىچاق كېسىدىغان باشلىق بولۇش ئاسانمۇ ؟ ئاددىيسى بىرەر يېزا باشلانغۇچ مەكتىپىنىڭ مۇدىرى بولۇش ئۈچۈنمۇ ،يۇقىرىغا قانچىلىك قاتراش ،يالۋۇرۇش ،ئادەمگەرچىلىك ئۈچۈن قانچىلىك خەج لەشكە توغرا كېلىدۇ ؟ شۇنچىۋالا جاپا تارتىپ ئاران ئەمەلگە ئېرىشكەندە ، ئۇنى مېغىزنى چاقماي ،سالغان مەبلەغنى بولسىمۇ قايتۇرۋالماي بولامدۇ ؟ بۇجاھاندا كىممۇ زىيان تارتىدىغان سودىنى قىلىدۇ ؟ قىسقىسى :يۇقىرىغا خۇشامەت قىلمىساڭ تېخى ،             تۆۋەننىڭ پىكرىنى باسمىساڭ تېخى ،             سالغان دەسمىنى تاپمىساڭ تېخى،             جاھاندا ھەممىدىن باشلىق بولماق تەس!