ئوقۇش پۇلى
(ھېكايە)
ئاپتورى:پادىشاھ
ئۇ قايرىلىپ تۇرۇپ «دادا بولدى قايتىپ كەت»دېدى.دادا ئۈندىمەستىن ئۇنىڭ ئارقىدىن مېڭىشنى داۋاملاشتۇردى.«داد،قايتىپ كەت،ئۆزۈم بارالايمەن.»ئۇ دادىسىنى قايتىپ كېتىشكە ئۈندىدى.دادىسى ھە دېگىنىچە توختاپ قالدى.
ــ «قانداقلا بولمىسۇن دېققەت قىلغىن ئوغلۇم،بېرىپلا تېلىفون قىلغىن!»بولامدۇ
ئۇ ئارقىدا قېلىۋاتقان دادىسنىڭ سايىسىگە قارىغىنىدا،كۆڭلى بىئارام بولۇشقا باشلىدى.ئەسلىد دادىسى ئۇنى مەكتەپكە ئاپىرىپ قويماقچىدى بىراق ئائىلە ئىقتىسادى يار بەرمىگەچكە بارمايدىغان بولغاندى.
تۇيۇقسىز ــ«توختا ئوغلۇم،توختا »دېگەن ئاۋاز ئاڭلاندى ئۇ ئارقىغا قايرىلدى دادىسى يېقىنلاپلا كېلىۋاتاتتى ،ئۇ دادىسى تەرەپكە ماڭدى ۋە:
ــ دادا نېمە بولدى؟دەپ سورىدى.ئۇ ئوغلىنىڭ يېنىغا كەلگەندىن كېيىن ئۇنىڭ چاپىنىنىڭ سول مەيدىسىگە تىكىلگەن يانجۇقنى بىر نەچچە قېتىپ سىللىغان ھالدا:
ــ ئوغلۇم بۇ ئوقۇش پۇلۇڭدىن خاتىرجەم بولالمايۋاتىمەن،ئۇنى باشقا جايغا سېلىۋالساڭ سەل بىخەتەر بۇلارمىكىن دىدى.
ــ قايەرگە سالىمەن دادا.
ــ ئايىقىڭنىڭ ئاستىغا شۇنداق قىلساڭ سەل بىخەتەر بۇلارمىكىن دەيمەن.
ــ ماقۇل ئەمىسە سەن دىگەندەك قىلايلى ئوغۇل يانجۇقىنى سۆكۈپ پۇلنى چىقاردى.دادا پۇللارنى قوللىرى تىترىگەن قىياپەتتە ئىككىگە بۆلۈپ بىر بۆلىكىنى ئوڭ ئايىقىنىڭ ئىچىگە يەنەبىرنى سول ئايىقىنىڭ ئىچەگە سالدى.ۋە خاتىرجەم بولغان ھالدا ئورنىدىن تۇرۇپ مەھەللىگە يۈرۈپ كەتتى.ئۇ تاغ يولىنى بويلاپ ئىلگىرلەشكە باشلىدى،بىر ئاز ماڭغاندىن كېيىن ئايىقىدىكى پۇللار پۇتىغا پېتىپ ماڭغۇدەك مادارى قالمايلا قالدى.ئۇ يوغان بىر تاشنىڭ ئۈستىدە ئولتۇرۇپ ئايىقىنى سېلىپ پۇلللارنى چىقاردى پۇلنىڭ بىر نەچچە ۋارىقى ھۆل بولۇپ رەڭگى ئۆچۈپ كەتكەندى.ئاپلا دېگىنىچە يەنە بىر ئايىقىنى سالدى ئۇ پۇللارمۇ شۇنداق بولغاندى.«قانداق قىلارمەن»دېگىنىچە پۇللارنى رەتلەشكە باشلىدى ئۇ. تۇيۇقسىز چىققان شامال پۇللارنى ئۇچۇرۇشقا باشلىدى،پۇللار چۆپلۈك،ئازگال،دۆڭلۈكلەرگە ئۇچۇپ چىقىپ كەتتى.ئۇ بىر تەرەپتىن پۇل تەرسە يەنە بىر تەرەپتىن يېغلايتى...
بىر ھازادىن كېيىن ئۇ پۇللارنى رەتلەپ ساناشقا باشلىدى.1000سوم كام چىقتى ئۇ ئەتراپنى بىر نەچچە قېتىم ئىزدىگەن بولسىمۇ قالغان پۇللار تېپىلمىدى قانداق قىلارمەن؟ئۇ ناھىيگە بارىدىغان ئاپتۇبۇسقا كېچىكىپ قالماسلىق ئۈچۈن يولىنى داۋاملاشتۇرۇشقا باشلىدى.
مەكەتەپە كەلگەن كۈنىلا ئۇ ئوقۇش پۇلىنى تاپشۇرۇۋەتتى،بىر نەچچە كۈندىن كېيىن ئۇ مەكتەپ رەھبەرلىكىگە ئەھۋالىنى ئېيتتى ۋە دەرستىن سىرت ئىشلەيدىغان ئىش تاپتى.شۇنۇڭ بىلەن ئۇ دادىسىغا تېلىفون قىلدى.
ــ دادا مەندىن خاتىرجەم بول،مەكتەپ ۋە مۇئەللىملەر بەك ياخشى ئىكەن مەن تېخى ئوقۇشتىن سىرت ئىشلەيدىغان بولدۇم دىدى.
ــ مەن سېنىڭ شۇنداق قىلالايدىغانلىقىڭغا ئىشىنەتتىم.ئۆتكەندە بىر ئوقۇغۇچىنىڭ مىڭ سوم پۇلىنى شامال ئۇچۇرۇپ كەتكەنلىكىنى ئاڭلىغاندىم .
مەن چوقۇم ئوغلۇم ئەمەس چۈنكى ئوغلۇم ئۇنچىۋالا ھامەقەتلەردىن ئەمەس دەپ ئويلىغاندىم دىدى دادىسى كۈلۈپ تۇرۇپ.دادىسىنىڭ بۇ سۆزلىرىدىن كېيىن ئۇنىڭ كۆز چانقلىرىدىن ياش سىرغىشقا باشلىدى...
بۇ يازمىنى ئاخىرىدا پادىشاھ تەھرىرلىگەن. ۋاقتى 2013-12-16 06:24 PM
يوللىغان ۋاقتى 2013-12-16 06:22:37 PM
