ئانىنىڭ قەبرىسى (تەرجىمە)

ئەلقۇت511

	ئانىنىڭ قەبرىسى   كېم خى( كورىيە) ناھايتى قاتتىق قار ياغقان قىشنىڭ بىر كۈنى ئېگىز ھەم خەتەرلىك بىر تاغقا  كىچىك بىر جىلغىدىن ئىككەيلەن چىقىپ كەلدى.يېشى چوڭراقى ئامرىكىلىق،ياشراق كەلگىنى كورىيەلىك ئىدى. قەبرىنى قىلىن قار باسقان بولۇپ،قەبرە تاختىسى قارىماققا ناھايتى ئاددى كۆرىنەتتى.چوڭ ياشلىق ئامرىكىلىق ياش كىشىگە ‹‹ بۇ ئاناڭنىڭ قەبرىسى ،تازىم قىل...›› دىدى.ياش يېگىت ‹‹ گۈپ›› قىلىپ قارغا يىقىلدى. بۇ ۋەقە 1952-يىلى يۈز بەرگەن.چاۋشىيەننى قايتۇرۇۋىلىش ئۇرۇشى مەغلۇبىيەتكە يۈز تۇتقان پەيتتە،‹‹ بىرلەشكەن دۆلەتلەر تەشكىلاتى ئارمىيسى›› بىر تۈركۈم ئەسكەرلەرنى ياردەمگە ئەۋەتىدۇ.ۋېرسىن ئۇلارنىڭ ئىچىدىكى بىرسى بولۇپ،ئەينى چاغدا ئەڭ كەسكىن بولغان بىر قىتىملىق جەڭ موشۇ يەردە يۈز بەرگەن ئىدى. خەلق ئارمىيسىنىڭ كۈچلۈك ھۇجۇمى ئاستىدا ‹‹ بىرلەشكەن دۆلەتلەر تەشكىلاتى ئارمىيسى›› قەدەممۇ-قەدەم چىكىنىدۇ.چىكىنىش جەريانىدا ۋېرسىن چوڭ قىسىمدىن ئايرىلىپ كىتىپ ،ئۇلاردىن بارغانسىرى يىراقلاپ كىتىدۇ.بىرچاغدا ئۇ تۇيۇقسىزلا بوۋاقنىڭ يېغا ئاۋازىنى ئاڭلاپ قالىدۇ.يېغا ئاۋازى قارنىڭ تىگىدىن چىقىۋاتاتتى.ۋېرسىن يىغىلىپ قالغان قارنى كولاۋىتىپ،كۆز ئالدىدىكى مەنزىرىدىن داڭ قىتىپ تۇرۇپ قالىدۇ. بىر بوۋاق ئانىسىنىڭ قۇچىقىدا تۇرۇپ يىغلاۋاتاتتى.ئادەمنى تىخىمۇ ھەيران قالدۇرىدىغىنى ئانىنىڭ ئۈستىىبىشىدا  ھىچقانداق كىيىم يوق ئىدى. ئەسلىدە بۇ ئانا بالىسىنى ھاپاش قىلىپ پاناھلىق ئىزدەۋىتىپ ،مۇشۇ جىلغىغا قاپسىلىپ قالغان،قار يىغىشقا باشلىغاندا ئانا بالىسىنى قۇتقۇزۇپ قىلىش ئۈچۈن،ئۆزىنىڭ بارلىق كىيىمىنى سىلىپ بالىسىغا كىيدۈرۈپ، بالىسىنى چىڭ قۇچاقلىۋالغان.گەرچە ئانا ئاللىقاچان جان ئۈزۈپ بولغان بولسىمۇ،بىراق ئۇنىڭ قۇچىقىدىكى بوۋاق تىخى ھايات ئىدى. ۋېرسىن بۇ پەۋقۇلئاددە مەنزىرىدىن چوڭقۇر تەسىرلىنىدۇ.ئۇ جەڭ قورالىدىن پايدىلىنىپ توڭنى چىقىپ چوڭقۇر ئورەك كولاپ بۇ ئانىنى دەپنە قىلىدۇ.ئارقىدىن قاتتىق يىغلاۋاتقان بوۋاقنى ئىلىپ چوڭ قىسىمنى ئىزدەپ كىتىپ قالىدۇ. ئۇرۇش ئاياغلاشقاندىن كىيىن ئۇ بۇ بالىنى ئامرىكىغا ئىلىپ كىتىپ باقىدۇ.بالا ئاستا-ئاستا چوڭ بولىدۇ.ۋېرسىن ئۇنىڭغا ئەينى چاغدىكى ۋەقەنى ئىيتىپ بىرىپ ئۇنى ئانىسىنىڭ قەبرىسىنى يوقلاشقا ئىلىپ كىلىدۇ. قەبرە ئالدىدا يۈكۈنۈپ ئولتۇرغان ياشنىڭ كۆز يېشى خۇددى يىپى ئۈزۈلگەن مارجاندەك تۆكۈلىدۇ. بىر ئازدىن كىيىن يىگىت ئورنىدىن تۇرۇپ،قەبرە ئۈستىدىكى يىغىلىپ قالغان قارنى تازلاشقا باشلايدۇ.ئۇ بەدىنى چىلىق-چىلىق تەرگە چۆمۈلگەن ھالدا قارلارنى پاك-پاكىزە تازىلاپ بولغاندىن كىيىن كىيىمىنى بىردىن-بىردىن سىلىپ قەبرە ئۈستىگە ياپىدۇ.ئاندىن قەبرىگە مەيدىسىنى يىقىپ تۇرۇپ ئۇزۇن ۋاقىتتىن بىرى قەلبىدە ساقلاپ كەلگەن مونۇ سۆزنى ئىيتىدۇ ‹‹ ئانا،شۇنچە يىللاردىن بىرى قانچىلىك توڭۇپ كەتكەنسىز –ھە!››. بۇئەسەر‹‹ئوقۇرمەنلەر ›› (读者)  ژۇرنىلىنڭ 2007-يىللىق 24- سانىدىن تەرجىمە قىلىندى.

ھۆكما

	ئاھ ئانا! ئانا نىمە دىگەن مۇقەددەس، نىمە دىگەن ئۇلۇغ، ھە!!! شۇ ئانىلارنىڭ مىھرى-شەپقىتى بىلەن دۇنيا ئىللىق.   تىما ئىگىسىگە كۆپ رەھمەت !

گۆزەل

	ئەتتىگەندىلا يىغلىتىۋەتتىڭىزغۇ ئادەمنى. نىمىدىگەن تەسىرلىك. ھارمىغايسىز.ئانىنىڭ قۇينى مۆجىزە قۇينىدەپ بىكا دىمەپتىكەن.

akkogul

	ئانىلار ئۇلۇغ

iptihar2014

	جەننەت ئانىلارنىڭ ئاياغ ئاستىدا

شەبنەم52

	ئانىلىرىمىزنىڭ  تىنىنى   ئامان  قىلسۇن ~!

natonux-kiz

	بۇلارنى ئوقۇۋىتىپ كۆزلىرىمگە ياش كەلدى ...... ئۇلۇغ ئاللاھ جىمى ئانىلارنىڭ ئۆمرىنى ئۇزۇن قىلغاي

yagax

	ئانا ئەنە شۇنداق ئۇلۇغ،ئانلارغا ھەرقانچە قىلساق ئەرزىيدۇ (پاتپاراقچىقىق ئىچىدە نۇرغۇن جەسەتلەر دۆۋلىنىپ كەتكەن بۇلۇپ،جەسەتلەر ئارسىدا بىر ئانا پەرزەنتىنى ئىمىتكەن ھالدا خاتىرجەم كۇز يۇمغان ئىدى) مانا بۇ ئانا.شۇڭا بىز نىمە قىلشىمىز كىرەك.

326ayixa

	نىمىدىگەن تەسىرلىك . ئانىلار بالىلىرى ئۈچۈن جنىدىنمۇ كېچىدۇ . لېكىن بەزى بالىلارچۇ ؟ ھازىرقى زاماندا 10 بالا بىر ئانىنى باقالمايۋاتقانلارمۇ يوق ئەمەس . ئانىلىرىمىزنى قەدىرلەيلى .

mahatjan

	ئالەمنىڭ گۈزەللىكى ئادەملەر بىلەن، ئادەمنىڭ گۈزەللىكى ئانىلار بىلەن. -------------------