تاشپولات: مۇزىكا تەربىيىسى بالىلارنىڭ كاللىسىنى ئۆتكۈر قىلالمايد

TashpolatRozi

	مۇزىكا تەربىيىسى بالىلارنىڭ كاللىسىنى ئۆتكۈر قىلالمايدىكەن. تاشپولات روزى بىز ھازىرغىچە مۇزىكا تەربىيىسى ئارقىلىق بالىلار كوپ نەرسە ئۆگىنەلەيدۇ، مۇزىكا ئەسۋابلىرىنى چېلىپ بەرسە بالىلارنىڭ يېڭىلىق يارىتىشچانلىقى ئاشىدۇ دەپ كەلدۇق. يەنە، بالا مۇزىكا ئەسۋابىنى قايتا-قايتا چېلىپ بەرسە ئۇلارنىڭ زېھنىنى مەركەزلەشتۈرگىلى ھەم سەۋر-تاقەتنى ئاشۇرغىلى بولىدۇ دەپمۇ كەلدۇق! بىراق، ئامېرىكا خارۋارد ئۇنىۋېرسىتېتىنىڭ تەتقىقات گۇرۇپپىسى، بالىلار مۇزىكا تەربىيىسى كۆرسە بالىلارنىڭ كاللىسى ياخشى ئىشلەيدۇ دېگەن گەپنىڭ پەقەت بىر خاتا چۈشەنچە ئىكەنلىكىنى كۆرسەتتى. بۇ تەتقىقات ماقالىنى خارۋارد ئۇنىۋېرسىتېتنىڭ تەتقىقاتچىسى Samuel Mehr بىلەن Elizabeth Spelke 12-ئاينىڭ 11-كۈنىدىكى ژۇرنال PlOS ONE دا ئېلان قىلدى. تەتقىقاتچى Mehr نىڭ دېيىشىچە ئامېرىكادىكى چوڭلارنىڭ 80% دىن كۆپرەكى مۇزىكا بالىلارنىڭ نەتىجىسىگە ھەم ئۇلارنىڭ ئەقىلگە ئالاھىدە ياردەم قىلىدۇ دەپ قارايدىكەن. بۇ ئىككى تەتقىقاتچى خارۋارد تۇرىدىغان كامبرىچ ئەتراپىدىكى 4 ياشلىق 29 بالا ئۇستىدىن تەتقىقات ئېلىپ بارغان. ئۇلار بۇ بالىلارنى ئىككى گۇرۇپپىغا بۆلگەن. بىرىنچى گۇرۇپپىدىكى 15 بالىغا مۇزىكا ئاڭلاتقان، يەنە بىر گۇرۇپپىدىكى 14 بالىغا مۇزىكا ئاڭلاتماي ئۇلارنى ئويۇنغا قويۇپ بەرگەن. ئۇلارنىڭ تەجرىبە نەتىجىسىگە ئاساسلانغاندا بۇ ئىككى گۇرۇپپا بالىلارنىڭ ئاقىلىنىڭ ئۆزگىرىشىدە بەكلا كىچىك پەرق بولغان. ماقالىنى خۇلاسىلىگەندە ئۇ بالىلارنىڭ ئەقلىدە ھېچقانداق بىر چوڭ ئۆزگىرىش بولمىغان. مېنىڭچە ئەگەر بالىڭىز مۇزىكىنى ياخشى كۆرسە ئۇنى ئۆگەنسۇن، ئۇنى ئۆزىنىڭ بىر قىزىقىدىغان نەرسىگە ئايلاندۇرسۇن! ئەگەر بالىڭىز مۇزىكىنى ياخشى كۆرمىسە بالىغا زورلاپ مۇزىكا ئۆگىتىپ، بالىنىڭ ئەقلىنى ئاشۇرىمەن دېمەسلىك لازىم. مېنىڭ بىلىشىمچە بەزى ئاتا-ئانىلار بالىنىڭ مۇزىكىنى ياخشى كۆرمەسلىكىگە قارىماي، بالىغا ناھايىتى قىممەتلىك مۇزىكا ئەسۋابلىرىنى ئېلىپ بېرىپ، بالىنى مۇزىكىغا زورلايدۇ.    قارىغاندا ماتېماتىكىدىن باشقىسى ئەقىل ئاچالمامدۇ نېمە؟ يەنىمۇ كۆپ ئۇچۇرلارغا ئېرىشمەكچى بولسىڭىز تۆۋەندىكى ئۇلىنىشنى چېكىڭ. http://news.harvard.edu/gazette/story/2013/12/muting-the-mozart-effect/

mustapa222

	بۇ پىكىرنى مەن قوللايمەن! بالىلارنىڭ قىزىقىشىغا چوقۇم ھۆرمەت قىلىش كېرەك!

ئايچەش

	تاشپولات ئاكا، مەن بۇ خەۋەرنى ئوقۇپ بولۇپ ئويلىنىپ قالدىم. مىنىڭ قىزىممۇ پىئانىنۇ ئۈگۈنۋاتقان ئىدى. ئۆزىمۇ خىلى قىزىقىپ ئۈگەنگەن. خىلى داڭلىق مۇزىكىلارنى چالالايدىغان سەۋيىگە يەتتى. ماتىماتىكا نەتىجىسىمۇ ئالاھىدە ياخشى. مەن بالىلىرىمنى تەربىيلەشتە بەزىدە ھەققىقەتەن گاڭگىراپ قالىمەن. ئۆزۈمنى ئۇلارغا توغرا يول كۆرسىتىپ بىرەلمەيۋاتقاندەك ھېس قىلىمەن. چۇنكى ئەتراپىمدىكى مۇھىت، جەمىيەتتىكى نۇرغۇن مەسسىلىلەر بىر -بىرگە زىدىيەتلىك. زادى قانداق تەربىيەلەش ئۇسۇلىنى قوللانسام بالىلىرمنى ئوبدان تەربىيەلىيەلەيمەن؟

ozbeg

	بىر ۋاقىتلاردا كىنولاردا باي، ھاللىق ئائىلىلەردە پەرزەنتلىرىنى مۇزىكا بىلەن تەربىيىلەيدىغان ئىشلارنى كۆرگەنتۇق، ھازىر قارىسا نۇرغۇن ئۇيغۇر ئائىلىلىرىدە بالىلىرىغا پىئانىنو، ئىسكىرىپكا قاتارلىق غەربچە، دۇنياۋى چالغۇلارنى ئۆگىتىش ئادەتكە ئايلاندى. بىر قىسىم ئاتا-ئانىلار بالىلىرىنىڭ مۇزىكانت بولۇشىنى ئارزۇ قىلسا، يەنە بىر قىسىم بالىلار ئۆزلىرىدە شۇنداق قىزىقىش بولۇشى مۇمكىن، لېكىن بەزى قارىغۇلارچە ئېقىمغا ئەگىشىپ بالىلىرىنى مەقسەتسىزلا مۇزىكا كۇرسلىرىغا بېرىدىغان، ھەتتا قەتئىي قىزىقىشى يوق، پاسسىپ پوزېتسىيىدىكى بالىلىرىنىمۇ زورىغا مۇزىكا ئۆگىنىشكە زورلايدىغان ئەھۋاللارمۇ يوق ئەمەس. مېنىڭ دېمەكچى بولغىنى، بۇ يەردە نۇرغۇن ئىقتىساد ئىسراپچىلىقى، ۋاقىت ئىسراپچىلىقى ۋە زېھىن ئىسراپچىلىقى مەسىلىسى مەۋجۇت. چۈنكى مۇزىكا كۇرسلىرىنىڭ ئوقۇش ھەققى تىل تەربىيىلەش كۇرسلىرىدىن خېلىلا يۇقىرى بولۇشى تەبىئىي، تېخى چالغۇ سېتىۋېلىش كېرەك. دېمەك بۇنداق بىر قەدەر يۇقىرى چىقىم تۈرىنى ئەستايىدىل ئويلىنىپ، زۆرۈرلۈك دەرىجىسىنى كۆزدە تۇتقان ھالدا قارار قىلسا، ئەگەر زۆرۈرىيىتى بولمىسا، ئۇنىڭدىن ياخشىراق، ئەھمىيەتلىك ئىشلار(مەسىلەن، ساخاۋەتچىلىك)غا ئىشلەتسىمۇ يامان كەتمەيدۇ.

iltebir

	مەنمۇ مۇزىكا ئادەمنىڭ ئەقلى ئىقتىدارىنى ئاشۇرىدۇ دەپ ئاڭلىغان.بۇ مۇتلەخ  بۇلىدىغان ئىش ئەمەسكەن.بالىنىڭ قەزىقىشى بۇيىچە تەربىيەلەش.بالىغا زىيادە ئەركىنلىك بېرىش بىلەن  زىيادە چىڭ تۇتىۋىلىشمۇ توغرا تەربىيە ئۇسۇلى ئەمەس.

ramu

	سول قول بارماقلىرىنى كۆپ ئىشلەتسە ئوڭ مىڭە يېرىم شارى يەنى تەپەككۇر مىڭىسى تەرەققىياتى ياخشى بولىدۇ دەپ جىق ئاڭلايتۇققۇ

706

	ئايچەش يوللىغان ۋاقتى  2013-12-13 06:01 PM تاشپولات ئاكا، مەن بۇ خەۋەرنى ئوقۇپ بولۇپ ئويلىنىپ قال ... پەيغەمبەر ئەفەندىمىز بىزگە يول باشچى  ئەفەندىمىزنىڭ تەربىيلەش يولىنى تاللاڭ

706

	ئايچەش يوللىغان ۋاقتى  2013-12-13 06:01 PM تاشپولات ئاكا، مەن بۇ خەۋەرنى ئوقۇپ بولۇپ ئويلىنىپ قال ... پەيغەمبەر ئەفەندىمىز بىزگە يول باشچى  ئەفەندىمىزنىڭ تەربىيلەش يولىنى تاللاڭ

326ayixa

	مۇنداق ئىشكەندە . ھازىرقى بالىلار نىمانچە بەختلىك -ھە ....

گۆزەل

	مەنمۇ مۇزىكا بالىلارنىڭ زىھنىنى ئاچىدۇ دەپ قارايتتىم. ئەسلى ئۇنداق ئەمەسكەندە.