مۇسۇلمان ئاياللارنىڭ ئېرى ئالدىدىكى ۋەزىپىللرى(1)

guljetin

	كىرىش   بۇنىڭىدىن بىر نەچچە يۈز يىل ئىلگىرى، ئەرەب قەبىلە بشلىقلىرىدىن ئەۋف ئىبىن مىلھەم ئىسىملىك كىشى بويىغا يەتكەن قىزى-ئۇممۇ ئىنەسىنى قەبىلە پىشۋالىرىدىن بىرىگە تۇرمۇشقا بېرىشكە قارار قىلغان ئىدى. مىلھەمنىڭ خوتۇنى ئۇمامە يات ئائىلىگە ئۇزىتىلىۋاتقان قىزىنى ئالدىدا ئولتۇرغۇزۇپ، ئۇشبۇ قىممەتلىك نەسھەتلەرنى ئېيتقان:«جېنىم بالام!»   بىرەر كىشىنى ياخشىلىققا ئۈندەش ئۈچۈن پەندى-نەسىھەتلەر بېرىلىدۇ. ئەدەپ-ئەخلاقلىق ياكى باي بىر كىشىنىڭ پەرزەنتى بولۇش ياكى ھەممىگە ماقۇل خىسلەتكە ئىگە بولۇشنىڭ ئۆزى ئىنسانغا كۇپايە قىلغاندا ئىدى، ساڭا نەسىھەت قىلىپ ئولتۇرمايتتىم.   ئەسلىدە، نەسىھەت ۋە تەۋسىيە، ئۇنۇتقان كىشلەرگە قىلىنىدۇ. شۇنىڭغا كۆرە، نەسىھەتلەر ئىنتايىن پايدىلىقتۇر.   سۆيۈملۈك قىزىم!   ئەگەر، بىرەر قىز ئاتا-ئانىسى باي بولغانلىقىدىن تۇرمۇشقا چىقىشقا مۇھتاج بولمىسا ئىدى، سېنىڭ ھېچقاچان ئەرگە ئېھتىياجىڭ قالماستى. ئەمما ھايات سەن ئويلىغاندەك ئەمەس. ئەرلەر بىز ئۈچۈن، بىز بولساق ئەرلەر ئۈچۈن يارىتىلغانمىز.   قىزىم!   ئۆزۈڭ چوڭ بولغان .ئائىلىدىن چىقىپ، مۇتلەق ناتۇنۇش، يات بىر ئۆيگە بارىسەن، ھېچ كۆرۈشۈپ-گەپلەشمىگەن، مىجەز-خۇلقىنى بىلمىگەن بىر كىشىنىڭ ئۆمۈر يولدىشىغا ئايلىنىسەن، سەن ئۇنىڭ خىزمەتكارى، بىلگىنكى، ئۇ ھەم ساڭا ياردەمچى بولسۇن!   بالام!   كەل، ئەمدى، بەزى نەسىھەتلەرنى بىرەي، ئۇلارنى ياخشى ئۆگىنىپ، چىرايلىق ئەمەل قىلساڭ، ئۆمۈر بويى راھەتتە ياشايسەن. ئۆمۈر يولدىشىڭ بىلەن ھېچقاچان ئاراڭلار بۇزۇلمايدۇ. بۇ دۇنيادا بەخىتلىك ھايات كەچۈگىنىڭگە ئوخشاش، ئاخىرەتتە ھەم ئەبىدىي سائادەتكە ئېرشىسەن.   1.قانائەتلىك بول!يەنى، ئۆمۈر يولدىشىڭ كەلتۈرگەن ئوزق-ئوقەت، كىيىم-كېچەكنىڭ ھەممىسىنى مەمنۇنىيەت بىلەن قوبۇل قىل. چۈنكى، قانائەت-قەلبىگە ھوزۇر- ھالاۋەت بېغىشلايدۇ.   2.ئېيتىلىۋاتقان گەپلەرنى دائىما دىققەت بىلەن ئاڭلا ۋە ھەمىشە ئىتائەتتە بول. ئۆمۈ يولدىشىڭىغا ئىتىراز بىلدۈرمە، ئۇنىڭ بىلەن ھەمپىكىر ۋە بىر نىيەتتە بولۇشقا ھەركەت قىل. بۇنداق ھەركەتلىرىڭ بىلەن جانابىي ھەقنىڭ رازىلىقىغا ھەم يېتىشىسەن.   3.ئۆمۈر يولىشىنىڭ كۆزى چۈشۈشى مۇمكىن بولغان ھەممە جايغا ئېتىبار بەر، شۇنداق قىلغىنكى، ئۇنڭ كۆزى زىنھار قالايمىقان ھالەتلەرگە چۈشمىسۇن.   4.يامان ھىد (پۇراق) چىقىش ئېھتىمالى بولغان نەرسە ۋە يەرلەرگە دىققەت قىل. ئۇلارنى تېپىپ تازلا، ئۆيىڭدىن ھەر دائىم خۇشبۇي ھىدلار تارىلىپ تۇرسۇن.   5.شۇنى ياخشى بىل، تازلىق ۋە لاتاپەت سۇغا باغلىق. ھەرقانداق نەرسە سۇ بىلەن پاكىز بولىدۇ ئۆيدە، سۇلارنىڭ پاكىز تۇرۇشىغا ئەھمىيەت بەر.   6.ئېرىڭنىڭ تاماقلىنىش سائىتى بىلەن ئۇيقۇ ۋاقتىغا دىققەت قىل. تاماقنى ھەمىشە ئۇنىڭ ئادىتى بۇيىچە تەييارلا. ۋاقتىدا ئۇخلاشئۈچۈن ئىشلىرىڭىنى ۋاقتىدا تۈگەت. چۈنكى ئاچلىق كىشىنى بىئارام قىلىدۇ. ئۇيقۇسىزلىق بولسا-خاپىلىققا سەۋەب بولىدۇ.   7. ئۆيىڭىدىكى مال-مۈلۈك ۋە جاھازلارنى ئېھتىيات قىل، بۇ نەرسە، سېنىڭ تىجەشمەنلىگىڭنى كۆرسىتىدۇ.   8. ئېرىڭنىڭ يېقىنلىرىغا چىرايلىق مۇئامىلىدە بول. بۇ نەرسە، سېنىڭ ياخشى ئۆي ئايالى ئىكەنلىكىڭنى بىلدۈرىدۇ.   9. ئېرىڭنىڭ سىرلىرىنى زىنھار بىراۋغا ئېيتما. ئەگەر سىرلىرىنى ئەتراپىغا يايىدىغان بولساڭ، سەندىن رەنجىيدۇ. بىۋاپالىق يولىغا كىرىپ كېتىشى ھەم مۇمكىن.   10.ئېرىڭنى ھۆرمەت قىل، بۇيرۇقلىرىنى بېجىر، گەپ قايتۇرۇپ، ئۇنىڭغا قارشى چىقما، ئەگەر قارشى تۇرۇپ ئىسىيان كۆتەرسەڭ، ئاچچىقى كېلىپ، رەنجىشىگە ھەتتا دۈشمەن كەبى ھەرىكەت قىلىشقا سەۋەب بولىسەن. ئېرىڭ غەمكىن ۋە خاپا بولغان ۋاقتىدا ئۆزەڭنى خۇرسەن تۇتما، ئۇنىڭ غەم-تەشۋىشىگە شىرىك بول. ئۇ خۇرسەن بولسا، سەن ھەم شۇنداق كەيپىياتتا بولۇشقا ھەركەت قىل.   قىسقىسى!   قىزىم! ئېرىڭگە قانچىلىك ھۆرمەت ۋە ئىتائەت قىلساڭ، شۇنچىلىك سۈيۈملۈك بولىسەن، قانچىلىك رازى قىلساڭ، شۇنچىلىك مۇھەببەت كۆرىسەن، شۇنى ھەم تەكىتلەپ ئۆتىشىم لازىمكى، بۇ ئېيتقانلىرىمنى پەقەت ئۇنىڭ ئارزۇلىرىنى، ئۆز ھاۋايى-ھەۋەسلىرىڭىدىن، ئۇنىڭ رازىلىقىنى ئۆز ئارزۇلىرىڭىدىن ئۈستۈن قۇيۇش بىلەنلا ئوۇنلىيالايسەن.   ئۇمامەنىڭ ئۆز تۇرمۇش تەجرىبىلىرىگە ئاساسلىنىپ قىزىغا قىلىنغان بۇ پەندى-نەسىھەتلىرى، ئومۇمەن ئېرى بىلەن شېرىن ھايات كەچۈرۈش، ئائىلىنى ياخشى باشقۇرۇش ۋە ھوزۇر- ھالاۋەتتە، خاتىرجەم ياشاشنى خالايدىغان ھەربىر ئايال ئەمەل قىلىشى لازىم بولغان ئىشلاردىندۇر. بۇ نەسىھەت بارچە خانىملارنىڭ قۇلاقلىرىغا قوغۇشۇندەك قويۇلىشى، ئۆزلىرىگە مانا شۇ نەسىھەتلەرگە  مۇۋاپىق يول ھازىرلاشلىرى كىرەك.

awatbag

	قىزلىرىغامۇشۇنداق تەربىيەبېرەلەيدىغان ئاتىلاردىن نەچچىسى باردۇمۇشۇدەۋىردە

basut

	نېمە دېگەن ياخشى ئانا بۇ،مۇشۇنداق ئانىلارنىڭ قولىدا چوڭ بولغان ئانىلار ئەدەپ-ئەخلاقلىق،بىلىملىك،ئىشچان،پاكىز،ئىنساپلىق بولىدۇ.بىزنىڭ ئايللىرىمىزمۇ مۇشۇنداق بولغان بولسا نېمە دېگەن ياخشى بولاتتى-ھە؟

kariguja

	ئەپسوس  ۋەيران بولىۋاتقان نۇرغۇن ئىناق ئائىلىلەر ئاتا -ئانىلارنىڭ ،ئۇرۇق -تۇققانلارنىڭ ياخشى تەربىيە بېرەلمىگەنلىگىدىن ،توغرا يول كۆرسىتەلمىگەنلىكىدىن بولىۋاتىدۇ .

xajarim

	نىمانداق ياخشى تېما بۇ....  ئاللاھ رەھمەت قىلسۇن.....  بولسا  ئەرلەرنىڭمۇ ئاياللىرى ئالدىدىكى  ۋەزىپىللىرنى  يوللاپ قويۇڭا....بولمىسا  مىسرانىم خانىم -قىزلىرى يامانلاپ كەتسە    نەدىن قايتۇرۇپ ئەكىلمىز ئۇلارنى

بانكىر

	بۇ نەسىھەتلەرنى رەڭلىك باسما قىلىپ، ھەر قايسى ئاشخانىلار تامغا چاپلاپ قويسا، ھەر 10 ئادەمنىڭ 1  دىققەت قىلىدۇ. ھەم ئۈنۈمى بولىدۇ.

خەلىفە

	مۇنبەرلەردە مۇشۇنداق ئىسلامى تەربىيەۋى تىمىلار كۆپ يىزىلسا ھەممىمىزگە پايدىلىق ،جەمىيەتنىڭ تەرەققىياتىغا ئەگىشىپ قۇدىلار ئارسىدا ،قىز يىگىت ئارسىدا نۇرغۇنلىغان تۇرمۇشنى بۇزىدىغان يامان ئادەتلەر زىدىيەت پەيدا قىلىدىغان ئىشلار كۆپ بوپ كەتتى دىسە

sayramkizi

	ئەرلەرنى ھۆرمەت قىلىپ ۋاي دىگەنسېرى ھازىرقى ئەرلىرىمىز مەن چوڭ ئادەم ئىكەنمەن دەپلا نەپسى يوغىناپ كېتىدىغان ئەھۋاللامۇ بولىدىكەن، ئەرلەرمۇ تەڭ ماسلاشسا ئىناق ئائىلە ، بەخىتلىك تۇرمۇشنى قولغا كەلتۈرگىلى بولىدۇ.

nurjahan0997

	سەن ئۇنىڭ خىزمەتكارى، بىلگىنكى، ئۇ ھەم ساڭا ياردەمچى بولسۇن! ماۋۇ گەپلەرنى بەكمۇ ياقتۇردۇم

g-0

	مۇسۇلمان دۇنياسىدا شۇنداق بىر ئورتاقلىق بار ،يەنى ھەممىنى ئاياللارغا دۆڭگەيدىغان ، بىزگە بۇنىڭدىن بەكرەك «مۇسۇلمان ئەرلەرنىڭ ئاياللار ئالدىدىكى مەجبۇريىتى » لازىم ، چۈنكى غۇرۇرلۇق ۋىجدانلىق ،ئىمانلىق ئەرلەر بولغاندىلا ئاندىن شەرمى ھايالىق ئاياللار بۇلىدۇ ، ئۆزىنىىڭ ھالى چاغلىق تۇرۇپ كەچكىچە ئاياللاردىن قۇسۇر ئىزدەيدىغان،،،،،ئۆزىنىڭ شەيتىننى تىزگىنلىيەلمەي تۇرۇپ كەچكىچە ئاياللارنى تىللايدىغان ،،،،ئەگەر ئەرلەرنىڭمۇ ئاياللارنىڭكىدەك «ئەرلىك پەردىسى» بوپ باقسۇن، ياكى بويىدا قالىىدىغان بوپ باقسۇن ، ئاندىن ئىپپەتسىز ئەرلەرنىڭ نەقەدەر جىق ئىكەنلىكىنى بىلەر ئىدۇق ،،،،، يەھۇدىلارنى ئاياللار مائارىپىغا ئەھمىيەت بېرىدۇ دەيدىكەن ،مۇسۇلمانلاردا بولسا ئەكىسچە ،چالما كېسەك قىلىمىز ، ئاتىمىز ،چاپىمىز دەپ مۇش تەڭلەپ تەييار \تۇرغان ، ئاشۇ يولدىن چىققان قىزلارنىڭ دادىسى بار ، ئاكىسى بار ، مۇھىمى جەميەتتە دىندىشى بار ،،نىمىشقا سەۋەبىنى ئۆزىدىن ئىزدەپ باقمايدۇ ؟