مىسرانىم مۇنبىرى

كۆرۈش: 1262|ئىنكاس: 11

مۇز(مىكرو فىليەتونلار) [ئۇلانما كۆچۈرۈش]

ئەزا ئۇچۇرى
تىزىم نۇمۇرى: No. 67130
يازما سانى: 321
نادىر تېمىسى: 1
مۇنبەر پۇلى : 4569
تۆھپە نۇمۇرى: 919
توردا: 1306 سائەت
تىزىم: 2011-11-26
ئاخىرقى: 2015-5-14
يوللىغان ۋاقتى 2013-12-2 04:01:52 PM |ھەممە قەۋەتنى كۆرۈش |
مۇز
خىيالغا بەنت بولۇپ كىتىۋاتاتتىم.
تۇيۇقسىز بىر پارچە مۇزغا <<غىرت>>لا قىلىپ تېيىلىپ، كەينىمگە ئوڭدىسىغىلا چۈشتۈم.مەن ئۆزەمنى ئانچە پالاكەت دەپ ئويلىمايتتىم.لىكىن بۇ ئىشەنچىمگە رىئاللىق رەھىمسىزلەرچە زەربە بېرىپ،بېشىم يەرگە شۇنچىلىك قاتتىق تەگدىكى بىر دەمگىچە ھوشۇمغا كىلەلمەي،جايىمدىلا يېتىپ قالدىم.ھەر نىمە بولسا ئەتراپىمدا ئادەم ئاز ئىدى.خىجىلچىلىقتا ئامالىنىڭ بارىچە تېز ئورنۇمدىن تۇرۇپ،مەسخىرىگە قالماي دەپ دەرھال يولۇمغا راۋان بولدۇم.لىكىن ماڭغاچ بىر نەرسىنى ئۇنتۇپ قالغاندەكلا قىلاتتىم.نېمىنى ئۇنتۇپ قالغاندىمەن؟....بىر ھازادىن كىيىن ئۇنتۇپ قالغان نەرسىنى ئاخىرى ئېسىمگە ئالدىم.ئەسلى بىر نەرسىنى ئەمەس بىر ئىشنى ئۇنتۇپ قالغان ئىكەنمەن.شۇنىڭ بىلەن دەرھال كەينىمگە ياندىمدە،يېقىلىپ چۈشكەن يەرنىڭ بېقىنىدىكى بىر ئاشخانىغا كىرىپ ،گۈرجەكتىن بىرنى ئارىيەت ئېلىپ مۇزنى پاك-پاكىز تازلىۋەتتىم.
-----------------------------------------------------------------------
مۇز
ئۇ خىيالغا بەنت بولۇپ كىتىۋاتاتتى.
-ھەي....بىر ئامال قىلىپ ئازراق ئامما پىكىرى توپلىغان بولسام،بۇ قېتىملىق ئۆسۈشۈمگە جىق پايدىسى يەتكەن بولاتتى...لىكىن قانداق قىلسام بولار؟...،-ئۇ شۇ خىياللار بىلەن كىتىۋاتاتتى.تۇيۇقسىز بىر پارچە مۇزغا  <<غىرت>>لا قىلىپ تېيىلىپ،ئوڭدىسىغىلا چۈشتى.
-ۋايجان...ۋايجان..ۋايجان.....،-ئۇ يېقىلىپ باقمىغىلى خېلى زامانلار بولغاچقا ،ھەر قانچە قىلىپمۇ ئورنىدىن تۇرالمىدى. تەلىيىگە شوپۇرى كىلىپ قېلىپ،ئۇنى يۆلەپ تۇرغۇزىۋالدى.ئۇ ئاران ئورنىدىن تۇرىۋالغاندىن كىيىن ،غەزەپ بىلەن تېلىفۇن ئۇرۇشقا باشلىدى.
-ۋەي!!مەن ۋاڭ نازىر بولىمەن،جەنۇبى قوۋۇق يولىدىكى سېرىق قاشتېشى يولىنىڭ بېقىنىدىكى كوچىنىڭ تازلىقىغا قەيەر مەسئۇل؟؟؟؟؟بۇ يەردىكى مۇزلار تازىلانماپتۇغۇ؟؟؟ناۋادا بىرەر ھادىسە چىقسا قانداق قىلىسىلەر؟؟؟؟؟،-ئەمما ئۇنىڭ ئۇرغان تېلىفۇنى بىكارغا كەتتى.چۈنكى بۇ يەرنىڭ تازلىقىغا ھېچكىم مەسئۇل ئەمەس ئىدى.
-خەپ..مۇشۇنچىلىك مۇزغا ئامال قىلالمامدىم؟؟؟،-ئۇ شۇ ئاچچىقىدا ئىدارىگە بېرىپ يىغىن ئېچىپ،بارلىق خىزمەتچىلەرنى تەشكىللەپ شەھەر ئىچىدىكى ھېچكىم تازىلاشقا مەسئۇل ئەمەس يەردىكى مۇزنىڭ ھەممىنى تازىلىتىپ چىقتى.ئۆزىمۇ باشتىن ئاياق مۇز تازىلاش خىزمىتىگە رىياسەتچىلىك قىلدى.شۇنداق قىلىپ ئۇ بارلىق تازىلاقسىز مۇزلار ئۈستىدىن غەلىبە قىلغاندىن كىيىن ئاندىن مەغرۇر بىر كۈلۈپ قويۇپ،ئىشخانىغا قايتىپ كەتتى.ئويلىمىغان يەردىن ئەتىسى بۇلۇڭ پۇشقاقلاردىكى ئاممىنىڭ رەھمەت خەتلىرى،لەۋھەلىرى ئۇنىڭ ئىشخانىسىغا كىلىشكە باشلىدى.شۇ تۈپەيلىدىن ئۇ <<ئاممىنى خوشال قىلغان كادىر>>دىگەن نامنى ئېلىپ،يۇقىرى ئۇنىڭ ئەمىلىنى بىر دەرىجە ئۆستۈردى.
----------------------------------------------------------------------
مۇز
ئۇ خيالغا بەنت بولۇپ كىتىۋاتاتتى.
-مەن سىزنى ياخشى كۆرىمەن دەپ يازسام بولارمۇ ياكى مەن سىزنى سۆيىمەن دەپ ئالسام جانلىق چىقارمۇ...
ئۇ شۇ خىيال بىلەن كىتىۋاتاتتى.تۇيۇقسىز بىر پارچە مۇزغا <<غىرت>>لا قىلىپ سېرىلىپ ئوڭدىسىغا چۈشتى.
ئۇ شۇنچىلىك قاتتىق چۈشتىكى،ئاغرىقنىڭ زەربىسىدە ۋايجان دىمەي كاللىسىدىكى خىيالنى ئىختىيارسىز قۇسۇپ تاشلاپ <<مەن سىنى سۆيىمەن>>دەپ توۋلاپ تاشلىدى.ئۇ ئورنىدىن تۇرۇشنىمۇ ئۇنتۇپ ئولتۇرۇپلا خىيالغا كەتتى...
-ئېغىزىمدىن پارتلاپ چىققان ئىكەن،بۇ چوقۇم قەلبىمدىكى ئەڭ سۈزۈك ئىلھام!مەن سىنى سۆيىمەن دەپ يازاي!!،-دىگەن خيالغا كەتتى ئۇ.تەلىيىگە ئۇنىڭ جايىدا ئولتۇرغىنىنى كۆرگەن بىر قىز كىلىپ ئۇنى يۆلەپ قويدى.بولمىسا ئۇ بارلىق ئەسەرنى پۈتتۈرىۋەتكىچە مۇز ئۈستىدە ئولتۇرۇپ قېلىشى مۇمكىن ئىدى.
ئۇ ئورنىدىن تۇرغاندىن كىيىن،ھېلىقى قىزنى ھەيران قالدۇرۇپ،مۇزغا قاراپ خۇددى ئەڭ يېقىن دوستىغا كۈلۈمسىرىگەندەك بىر كۈلۈمسىرىۋەتكەندىن كىيىن،سومكىسىدىكى مىنىرال سۇنى ئېلىپ مۇز ئۈستىگە تۆكتى ۋە
<<باشقىلارغىمۇ ئىلھام بەرگىن>>دەپ قويۇپ ئويچان قەدەملىرى بىلەن كىتىپ قالدى.
----------------------------------------------------------------------
مۇز
ئۇلار بىرنەرسىلەرنى تالىشىپ كىتىپ باراتتى.
-نۆۋەت ساڭا كەلدى..مەن سىنى ئوتتۇز قەدەم ئىتتەردىم.ئەمدى سەن مىنى ئىتتەر،-دىدى ھۈسەن ئاكىسىنى ئىتتىرىشتىن توختىۋېلىپ.
-ياق..سەن ئەمدى تېخى يىگىرمە ئالتە قەدەم ئىتتەردىڭ،يەنە تۆت قەدەم ئىتتىرىسەن ،سەن تولا مىنى ئەخمەق قىلىمەن دىمە جۇمۇ چىم-چىم،-دىدى ھەسەن جايىدىلا توختىۋېلىپ.
-ماڭەۋە،تاز!مەن ئېنىق ساناپ تۇردۇم.مەن دەپمۇ دەل ئوتتۇز قەدەم ئىتتەردىم.،-دىدى ھۈسەن ئاكىسىنىڭ ئەيىبىنى چىشلەپ تارتقىنىغا ئاچچىقى كېلىپ.
-كىم تازكەن!!!ئىشەنمىسەڭ ئاباي سەن مىنى ئىتتەرگەن جايغا قايتىپ قايتا سانايمىز!
-سانىساق سانىدۇق!ماڭە!!!
ئۇلار ئەمدىلا بۇرىلىۋېدى،يەردىكى بىر پارچە مۇزغا <<غىرت>>قىلىپ تېيىلىپ،ئوڭدىسىغا چۈشتى.
-ۋايجان...ۋايجان..ۋايجان....بولە چىم-چىم مىنى يۆلە !كاسسام ئاغرىپ كەتتى.
-ۋايجان...ۋايجان...ۋايجان...سەن مىنى يۆلە تاز!!مىنىڭ پۇتۇم قايرىلىپ كەتتى.
-سەن مىنى يۆلە!
-سەن مىنى يۆلە!
-مەن ئاكاڭ سەن مىنى يۆلە .
-مەن ئۇكاڭ سەن مىنى يۆلە.
شۇنداق دىيىشىپ ئۇلار يەنە گەپ تالىشىپ،ياقىلىرىنى سىقىشىپ ئورنىدىن تۇرۇپ كىتىشتى.ئەمما يەنە تېيىلىپ يەنە يېقىلدى.
-ئانداق بولسا،مۇشۇ يەردە گەپ قىلماي ياتىمىز !كىم گەپ قىلسا شۇ يۆلەيدۇ.ھەم ئوتتۇز قەدەم ئىتتىرىدۇ!!
قانداق چىم-چىم چىدامسەن.
-چىدىسام چىدىماۋا!!تاز !!قاراپتۇ سىنى چوقۇم يېڭىۋالىمەن.
شۇنىڭ بىلەن ئۇلار گەپ سۆز قىلماي مۇز ئۈستىدە يېتىشتى.ئاخىرى ھەسەن يېڭىلىپ قېلىپ دىر-دىر تىترىگىنىچە ھۈسەننى ئىتتىرىپ ماڭدى.....ئۇلار ماڭغاندا مۇز ئاللىقاچان ئېرىپ كەتكەنىدى.
---------------------------------------------------------------------
مۇز
ئۇ خىياللارغا بەنت بولۇپ كىتىۋاتاتتى.
-ئۆتكەندە ۋاڭ موماينى ۋېلسىپىت سوقىۋىتىپتىكەن.ئۇ 20000يۈەن تۆلەم ئاپتۇ.ئەتىگەندە ئۇسسۇل ئوينىغىلى چىققاندا،ئېسىۋالغان يېڭى رادىئوسى بەكلا چىرايلىق ئىكەن.ئىسىت مىنى سوقسىچۇ!!!تېخى ئۇ پۈتۈن تەكشۈرۈشلەرگە بىر قېتىمدىن  چۈشۈپ چىقىپتۇ.
ئۇ شۇ خىيال بىلەن كىتىپ باراتتى<<غىرت>>لا قىلىپ بىر پارچە مۇزغا تېيىلىپ ئوڭدىسىغا چۈشتى.تەلىيىگە ئۇ ئانچە قاتتىق چۈشمىدى.ئەمما ئۇ ئورنىدىن تۇرمىدى.
-بۇ يەرنىڭ تازلىقىغا كىم مەسئۇلدۇ.خەپ پۈتۈن تەكشۈرۈشكە چۈشۈپ،تۆلەم ئالمىسام،-ئۇ شۇخىيالنى قىلىپ ياتاتتى.25 ياشلار چامىسىدىكى بىر بالا كىلىپ ئۇنى يۆلەپ ئورنىدىن تۇرغۇزۇپ قويدى.
-ئىسمىڭ نېمە؟،-دىدى موماي ئۇنىڭ بىلىكىگە ئېسىلىپ.
-لېي فىڭ.بولدى موما،قارىغاندا زەخمىلەنمەپسىز،مىنىڭ ئىشىم بارىدى مەن ماڭاي،-دىدى بالا سەمىمىلىك بىلەن.
-نىمە؟؟؟مىنىڭ بۆرەك ،يۈرەك،جىگەر،ئۆپكەمدە چاتاق بار!!!سەن مىنى ئىتتىرىۋېتىپ يەنە تېخى قاچماقچىما؟؟؟،-دەپ توۋلىغاچ ئۇنىڭغا چىڭ ئېسىلىۋالدى.
بىردەمدە ئەتراپقا ئادەملەر ئولىشىپ،<<بىر قېرى موماينى ئىتتىرىۋېتىپ،قاچماقچى بولغان مەلئۇن>>راسا ئەيىپلەپ،ساقچىغا تىلىفۇن قىلىۋىدى ساقچى بىردەمدە كىلىپ ئۇلارنىڭ گېپىنى تەپسىلى ئاڭلىدى.
-مەيلى كىمنىڭ راست بولسۇن.موماينىڭ يىقىلغانلىقى ئېنىق ئىكەن.ئەگەر مەن بۇنى قويىۋەتسەم مەسئۇلىيەت ماڭا كېلىپ قالىدۇ،-دەپ ئويلىدىدە.بالىنى موماينى داۋالىتىشقا بۇيرۇدى.موماي ئارزۇسىدىكىدەك ھەممە تەكشۈرۈشلەرگە چۈشكەندىن كىيىن،يەنە 10000يۈەن تۆلەم ئېلىپ بالىنى ئاندىن قويۇۋەتتى.ئۇ يانچۇقىدىكى پۇلنى سىقىمداپ ئۆيىگە ماڭغاچ خيال سۈرىۋاتاتتى.
-ھە...ئەمدى مەنمۇ يېڭى رادىئو ئېلىپ ۋاڭ موماينىڭ كۆزىدىن ئۆت چىقىرىۋىتىمەن.
ئۇ شۇخىيال بىلەن كېتىۋاتاتتى،ھېلىقى مۇزغا يەنە <<غىرت>>تىدە تېيىلىپ ئوڭدىسىغا چۈشتى.بۇ قېتىم ئۇ بەكلا قاتتىق چۈشكەنىدى.ئورنىدىن تۇرۇش ئۇ ياقتا تۇرسۇن ،بېشىنى كۆتۈرگىدەكمۇ ئەھۋالى يوق ئىدى.
ئانىسى بىلەن بىللە كېتىۋاتقان 18 ياشلار چامىسىدىكى بىر بالا ئۇنى يۆلەي دەپ مېڭىۋېدى.
-يالغان يېتىۋالغان بولىشى مۇمكىن!ئارتۇق ئىشلارغا ئارلاشما،-ئانىسى شۇنداق دەپ ئۇنى توختىتىۋالدى.
موماينىڭ مېڭىسىگە قان چۈشكەن ئىدى.دەرھال داۋالاش ئېلىپ بېرىلمىغاچقا ئۇ يانچۇقىدىكى 10000يۈەن پۇلنى سىقىمدىغىنىچە جىددى قۇتقۇزۇش كارۋىتى ئۈستىدە جان ئۈزدى.
--------------------------------------------------------------------
مۇز
ئۇ خيالغا بەنت بولۇپ كىتىۋاتاتتى.
-ھەي!!!مانا قىشلىق تەتىل توشىدىغانغىمۇ ئاران 3 كۈن قالدى..تەتىللىك تاپشۇرۇققا تېخى بىر چىكىت ئۇرمۇدۇم.شۇ چاغدىلا ئىشلىۋەتكەن بولسام بۇ غەممۇ يوق.بۈگۈن راسا ئارام ئېلىۋېلىپ،ئەتىدىن تارتىپ بار كۈچۈم بىلەن ئىشلەپ تۈگىتىۋىتەي.
ئۇ شۇ خىياللار بىلەن كىتىۋاتتى.بىر پارچە مۇزغا<<غىرت>>قىلىپ تېيىلىپ ئوڭدىسىغا چۈشتى.ئۇ  مىڭ تەسلىكتە ئورنىدىن تۇرۇپ،يولىنى داۋاملاشتۇردى.لىكىن نىمىشقىدۇر ئۇنىڭ كاللىسىغا ئۇنىڭ مومىسى كىرىۋالدى.ئۇنىڭ مومىسى مۇزغا تېيىلىپ،ئۇنى دەرھال دوختۇرغا ئاپىرىدىغان بىرەرمۇ ياخشى نىيەتلىك كىشى چىقماي،قۇقۇزۇش كارۋىتىدا جان ئۈزگەن ئىدى.ئۇ كەينىگە يېنىپ ئۆيدىن گۈرجەكنى ئېلىپ چىقىپ،مۇزنى تازلاشقا كىرىشىپ كەتتى.ئىككى گۈرچەك سېلىۋىدى،مۇز ھېچقانچە چېقىلمىدى.
-بۇنى پۈتۈن تازىلىۋىتىمەن دىسەم جىق كۈچ كەتكىدەك،ئەڭ ياخشىسى مۇزغا گۈرجەكنىڭ ئىزىنى سېلىپ،تېيىلمايدىغان قىلسام بولغىدەك،-ئۇ شۇنداق ئويلىدىدە گۈرجەك بىلەن مۇز ئۈستىگە كاتەك بەلگىسى چىقىرىشقا باشلىدى.ئانچە مۇنچە ئىشلىگەندىن كىيىن،سېرىلىپ بېقىۋىدى مۇز يەنىلا سىلىق ئىدى.
-قارىغاندا بۇنى سېرىلمايدىغان قىلىشقىمۇ جىق ۋاقىت كەتكىدەك،مەن بۈگۈن ياخشى ئارام ئېلىپ،ئەتىدىن باشلاپ تاپشۇرۇق ئىشلىمىسەم بولمايدۇ،ئەڭ ياخشىسى بۇ يەرگە بىر بەلگە قىلىپ قوياي.،- ئۇ شۇنداق ئويلاپ ،ئەتراپىغا قارىۋېدى،بەلگە قىلغىدەك ھېچ نەرسە كۆرۈنمىدى.يەنە سىنچىلاپ قارىۋىدى يولنىڭ بويىدا قايسى بىر مەسنىڭ قۇسۇقى تۇراتتى.ئۇ دەرھال گۈجەكتە قۇسۇقنى ئېلىپ،مۇز ئۈستىگە تۆكتى ۋە:
-بۇنىڭغىغۇ ھەممە ئادەم دېھقەت قىلار،-دەپ ئۆزىنىڭ ئەقلىدىن مەمنۇن بولۇپ بىر كۈلۈۋەتكەندىن كىيىن،گۈجەكنى ئېلىپ ئارام ئالغىلى كىرىپ كەتتى.
-------------------------------------------------------------------
ھا..ھا..ھا...ئەتىگەن شۇنداق قاتتىق چۈشۈپ كەتتىم دىسە...بىرىنچىسى مىنىڭ كەچۈرمىشىم قالغىنى توقۇلما.

مايماق ئىجادىيىتى



بۇ يازمىنى ئاخىرىدا   maymah تەھرىرلىگەن. ۋاقتى  2013-12-2 04:14 PM  


ھازىرغىچە 1 ئادەم باھالىدىمۇنبەر پۇلى يىغىش سەۋەبى
hokumran + 300 ئىجادىيەتچانلىقى كۈچ.

ھەممە باھا نومۇرى : مۇنبەر پۇلى + 300   باھا خاتىرىسى

تۈپتۈز  كۆرۈنگەن ئەسلى تۈز ئەمەس،
مايماق كۆرۈنگەن راس مايماق ئەمەس.
تۈزلۈكنىڭ ئىچىدە ئەسلى مايمىقى،

تۇزنى تۆكمە، قىز

ئۈلگىلىك ئەزا

ئەزا ئۇچۇرى
تىزىم نۇمۇرى: No. 1766
يازما سانى: 8978
نادىر تېمىسى: 0
مۇنبەر پۇلى : 36607
تۆھپە نۇمۇرى: 617
توردا: 7242 سائەت
تىزىم: 2010-5-31
ئاخىرقى: 2015-5-12
يوللىغان ۋاقتى 2013-12-2 09:39:13 PM |ھەممە قەۋەتنى كۆرۈش |
شۇنداق ياخشى يېزىلىپتۇ .

ھېلىقى مومايدەك ناچارلار دېمىسمۇ ئەجەپ كۆپيىپ كەتتى دېسە.

ھازىردەريا-كۆللەردە بۇرۇنقىدەك قېلىن قاتىدىغان مۇزلار يوقاپ كەتتى. ئەمما قەلبمىز بارغانسىرى قېلىن مۇزلايدىغان بولۇپ قالدى.

باتۇرلۇق ئوقنى تەدبىر ياسىدا ئاتسا نىشانغا دەل تېگىدۇ!

ئۇلۇغ اللاھتىن كۆڭلىمىزگە ئىنس

ئالىي ئەزا

ئەزا ئۇچۇرى
تىزىم نۇمۇرى: No. 120
يازما سانى: 12706
نادىر تېمىسى: 8
مۇنبەر پۇلى : 31892
تۆھپە نۇمۇرى: 2986
توردا: 4636 سائەت
تىزىم: 2010-5-20
ئاخىرقى: 2015-5-14
يوللىغان ۋاقتى 2013-12-2 10:17:28 PM |ھەممە قەۋەتنى كۆرۈش |
بىر تەرەپتىن كۈلدۈم ،بىر تەرەپتىن چوڭقۇر ئويغا پاتتىم...

‹‹مۇز ››ئارقىلىق جەمىيىتىمىزدىكى بىر قىسىم كارتىنىلارنى روشەن يورۇتۇپ بېرىپسىز...

مەن بىر ئاددىي ئوقۇتقۇچى،مەن ئالىم تەربىيلەشتىن بۇرۇن ئادەم تەربىيلىيەلىسەم،نىشانغا يېتەلىگەن بولىمەن...

مەن دۇنياغا ئادەم بولۇپ تۆرەلگە

ئەزا ئۇچۇرى
تىزىم نۇمۇرى: No. 79735
يازما سانى: 494
نادىر تېمىسى: 0
مۇنبەر پۇلى : 4068
تۆھپە نۇمۇرى: 90
توردا: 229 سائەت
تىزىم: 2012-5-4
ئاخىرقى: 2014-9-23
يوللىغان ۋاقتى 2013-12-2 10:53:44 PM |ھەممە قەۋەتنى كۆرۈش |
ئىنتايىن ياخشى ئەسەر بوپتۇ...

ئى رەببىم!ماڭا كۆڭۈل-خاھىشىمنىڭ تومشۇقىغا سېلىنغان يۇگەننىڭ چۇلۋۇرىنى ئەقىل-ئىدراكىمنىڭ قولىغا تۇتقازغۇدەك جۇرئەت ۋە ئىقتىدارنى مەندىن ئايىمىغىن...

ئەزا ئۇچۇرى
تىزىم نۇمۇرى: No. 95509
يازما سانى: 969
نادىر تېمىسى: 0
مۇنبەر پۇلى : 40
تۆھپە نۇمۇرى: 0
توردا: 493 سائەت
تىزىم: 2013-5-30
ئاخىرقى: 2014-1-2
يوللىغان ۋاقتى 2013-12-2 11:02:01 PM يانفوندا يوللانغان |ھەممە قەۋەتنى كۆرۈش |
موماينى يۈلەپ بالاغا قالغان بىچارىگە لېي فىڭ دەپ ئىسىم قۇيۇپ قۇيۇپسىزغۇ. . ھې ھې ھې . . .

خوش  مىسرانىم ساڭا قىيالمايمەن

ئەزا ئۇچۇرى
تىزىم نۇمۇرى: No. 77986
يازما سانى: 631
نادىر تېمىسى: 0
مۇنبەر پۇلى : 4710
تۆھپە نۇمۇرى: 90
توردا: 630 سائەت
تىزىم: 2012-3-27
ئاخىرقى: 2015-5-13
يوللىغان ۋاقتى 2013-12-3 12:20:56 AM |ھەممە قەۋەتنى كۆرۈش |
ماڭا ھەممىدىن ھەسەن بىلەن ھۈسەننىڭ تەسىر قىلدى ،مەن تېخى مۇشۇ ئىككىسى مۇشۇنداق يېتىپ مۇزلاپ قالىدىغان بولدى دەپ ئويلىغان باشتا،ھەنىمبوسا ئورنىدىن تۇرۇپتۇ.

ئەلمىساقتىن قەدرى يوقتۇر ياندا بارى ، ئىنسان شۇڭا ئەزەلدىن يوقنىڭ ئىنتىزارى

ئەزا ئۇچۇرى
تىزىم نۇمۇرى: No. 97331
يازما سانى: 122
نادىر تېمىسى: 0
مۇنبەر پۇلى : 382
تۆھپە نۇمۇرى: 0
توردا: 439 سائەت
تىزىم: 2013-8-28
ئاخىرقى: 2015-3-26
يوللىغان ۋاقتى 2013-12-3 12:29:41 AM يانفوندا يوللانغان |ھەممە قەۋەتنى كۆرۈش |
كىشىنى  چۇڭقۇر ئويلاندۇرىدىكەن

زۇلمەتتىن قۇتۇلۇشنى مىڭ يىل تىلىگەندىن، بىرتال شام ياققان ئەۋزەل

سۆيۈلۈش ئۈچۈن سۆيۈش كېرەك .

مەستانە ئـــەزا

ئەزا ئۇچۇرى
تىزىم نۇمۇرى: No. 98944
يازما سانى: 1967
نادىر تېمىسى: 0
مۇنبەر پۇلى : 5118
تۆھپە نۇمۇرى: 0
توردا: 1411 سائەت
تىزىم: 2013-10-24
ئاخىرقى: 2015-5-14
يوللىغان ۋاقتى 2013-12-3 11:19:36 AM |ھەممە قەۋەتنى كۆرۈش |
.ەتولىمۇ ياخشى چىقىپتۇ قېرىندىشىم.
قەلبىمىزدىكى مۇزلار قاچانمۇ ئىرىپ كېتەر ھە

ئاللاھ خالىسا مەن چوقۇم قىلالايمەن......!

قەدىرلىنىش ئۈچۈ

مۇنبەر باشقۇرغۇچىسى

Rank: 8Rank: 8

ئەزا ئۇچۇرى
تىزىم نۇمۇرى: No. 2003
يازما سانى: 2578
نادىر تېمىسى: 5
مۇنبەر پۇلى : 21714
تۆھپە نۇمۇرى: 1042
توردا: 9986 سائەت
تىزىم: 2010-6-2
ئاخىرقى: 2015-5-14
يوللىغان ۋاقتى 2013-12-3 12:47:29 PM |ھەممە قەۋەتنى كۆرۈش |
مايماخجان:
فىليەتۇنلىرىڭىز ھەقىقەتەن ياخشى چىقىپتۇ. ئەگەر تەرجىمە قابىليىتىڭىز ياخشى بولۇپ قالسا خەنزۇچە فىليەتۇنلار ژورنىلىغا ئەۋەتىپ باقسىڭىز. بىزدە تېخى خاس ژانېردىكى ئەسەرلەر ئېلان قىلىنىدىغان ژورناللار مەيدانغا كەلمىدى. مېنىڭچە فىليەتۇنلىرىڭىز مەتبۇئات ئۆلچىمىگە تامامەن توشىدۇ.

ھېسسىيات قارىشىڭنى ئەقلىڭنىڭ ئۈستىگە قويغان كۆنۈڭ، سېنىڭ خاتالىشىشقا يول قويغان تۇنجى كۈنۈڭدۇر.

ئەزا ئۇچۇرى
تىزىم نۇمۇرى: No. 67130
يازما سانى: 321
نادىر تېمىسى: 1
مۇنبەر پۇلى : 4569
تۆھپە نۇمۇرى: 919
توردا: 1306 سائەت
تىزىم: 2011-11-26
ئاخىرقى: 2015-5-14
يوللىغان ۋاقتى 2013-12-3 01:49:32 PM |ھەممە قەۋەتنى كۆرۈش |
hokumran يوللىغان ۋاقتى  2013-12-3 12:47 PM
مايماخجان:
فىليەتۇنلىرىڭىز ھەقىقەتەن ياخشى چىقىپتۇ. ئ ...

مەن قول قويىدىغان ئىككى ئەزا زەپەر ۋە ھۆكۈمراننىڭ فىليەتونۇمنى ياقتۇرغىنىغا كۆپ رەھمەت.سىلەرنىڭ رىغبىتىڭلار ماڭا كۆپ مەدەت بەردى.قېرىندىشىم ھۆكۈمران سىزنىڭ پىكىرىڭىزنى ئويلاشتىم ۋە قوبۇل قىلدىم.ئىلگىرى خەنزۇچىدىن ئۇيغۇرچىغا تەرجىمە قىلغان نەرسىلىرىم كۆپ قېتىم مەتبۇئاتلارغا بېسىلىپ،
مۇئەييەنلەشتۈرۈشكە ئېرىشكەن بولسىمۇ،ئىزچىل ئۇيغۇرچىنى خەنزۇچىغا تەرجىمە قىلىشقا جۈرئىتىم كاملىق قىلۋاتاتتى.ئىنشائاللا سىزنىڭ رىغبىتىڭىز بىلەن تۇنجى خەنزۇچىغا تەرجىمە قىلىشنى ئۆزەمنىڭ مۇشۇ فىليەتونۇمدىن باشلايمەن.رەھمەت سىزگە رەھمەت.

تۈپتۈز  كۆرۈنگەن ئەسلى تۈز ئەمەس،
مايماق كۆرۈنگەن راس مايماق ئەمەس.
تۈزلۈكنىڭ ئىچىدە ئەسلى مايمىقى،
كىرگەندىن كىيىن ئىنكاس يازالايسىز كىرىش | تىزىملىتىش

مۇنبەر باش بېتىگە قايتىش|يانفۇن|مىسرانىم مۇنبىرى
  
Powered by Discuz! X2(NurQut Team)© 2001-2011 Comsenz Inc. For misranim.com ( 苏ICP备:11007730号 )
چوققىغا قايتىش