ئۈگۈتۈپ قوي ئوماق بالاڭغا

sutbulak

	ئۈگۈتۈپ قوي ئوماق بالاڭغا مۇھەممەدئىمىن ھەسەن ئۈگۈتۈپ  قوي ئوماق بالاڭغا، بۇ ھاياتتا  قانداق  ياشاشنى، تۇنجى قەدەم، تۇنجى ئىشىنى، قانداق بېسىپ،قانداق باشلاشنى. ئاتا-ئانا  بىرىنچى   ئۇستاز، بالا  ئۈچۈن زامان - زاماندىن، ئۆز  بۇرچۇڭنى  ئادا  قىلمىساڭ، پەرقىڭ بولماس ھىچ بىر ناداندىن. ئۈگۈتۈپ قوي ئوماق بالاڭغا، ئەدەپ-ئەخلاق خىسلەتلىرىڭنى، كۆرسەتمىگىن  ئۇلارغا  ئەسلا، سېنىڭ ناچار  ئىللەتلىرىڭنى. ئۈگۈتۈپ  قوي ئوماق  بالاڭغا، ئەجداتلارنىڭ تارىخ، ئىزىدىن، ئەدەپ–ئەخلاق، ھايا كەتمىسۇن، ئەل-ۋەتەننىڭ ئوغۇل-قىزىدىن. ئامراقلىقىڭ،كۆيۈمچانلىقىڭ، ئاڭا زىيان سېلىپ قويمىسۇن، بالام كىچىك ئوينىسۇن دېمە، ئوينىغانغا بىر كۈن تويمىسۇن. بالاڭ ئۈچۈن  ئۆيلىرىڭ  پەقەت، مىھمان كۈتۈش بولۇپ قالمىسۇن، بىلىم بەرگىن ئۈگەتكىن ھەردەم، بوشاڭلىقىڭ  زىيان  سالمىسۇن. ئويۈڭ ئەسلا ئاشخانا ئەمەس، قورساق ئاچسا تاماق يەيدىغان، ئۇ بىر مەكتەپ ئۇ بىر مۇئەللىم، بالا ئۈچۈن ھەق گەپ دەيدىغان. ئۈگۈتۈپ قوي ئوماق  بالاڭغا، ئاتا كەسپىڭ  مىراسلىرىڭدىن، تەلىم بەرگىن كەلگۈسى ئۈچۈن، ئۇلۇغ   پىلان   قىياسلىرىڭدىن. ئاپتور:قاغىلىق ناھىيە شادلىق دوختۇرخانىسىدىن

mahatjan

	ئۈگۈتۈپ قوي ئوماق  بالاڭغا، ئاتا كەسپىڭ  مىراسلىرىڭدىن، تەلىم بەرگىن كەلگۈسى ئۈچۈن، ئۇلۇغ   پىلان   قىياسلىرىڭدىن. مەسىلەن، بالام؛-   ئادەم  سەن ھەر قاچان ئادەمدەك ياشا،   ئالەمنى قوياشتەك ئايلان كەڭ تاشا.   خالادا پوق پۇراپ ياتقان چىۋىندىن،   مىڭ ياخشى تەستەك يەپ ئۆلگەن شۇ پاشا.

aldawa

	ئېسىل شىئېركەن اللاھ قولىڭزغا دەرىت بەرمىسۇن .....

sutbulak

	ئېسىل شىئېركەن اللاھ قولىڭزغا دەرىت بەرمىسۇن ..... رەھمەت سىزگە

ھەرە

	ياخشى شئركەن قەلەم تۇلپارىڭىز ھارمىغاي...!

ھەرە

	mahatjan يوللىغان ۋاقتى  2013-9-24 11:06 PM ئۈگۈتۈپ قوي ئوماق  بالاڭغا، ئاتا كەسپىڭ  مىراسلىرىڭدىن ... ئىلھام دېگەن  ھەر ۋاقىت كەپ تۇرىدىكەن ھە سىزگە ؟

Gvlbargi0999

	ياخشى يېزىپسىز، دىمىسىمۇ بالا تەربىيلەشتە قەدەمنى كىچىگىدىن ئېلىش كېرەك.

muyas

	راستىنلا ياخشى شئېر ئىكەن... مەنمۇ ھازىردىن باشلاپ قانداق ئانا بولۇش ھەققىدە ئويلانغاچ تۇرسام بولغۇدەك...مىنىڭ كۆپ ئويلايدىغىنىممۇ مۇشۇ ئەمدى... چۈنكى كۆرۈنگەن تاغ يىراق ئەمەس ...

alenur

uyol

	شېئىر ھازىرقى ئاتىلاردا كەم بولۋاتقان كەمچىلىكنى بىر خىل روھنى روشەن ئەكىس ئەتتۈرۈپ بىرىپتۇ. رەھمەت. ئىجادىيىتىڭىزگە ئۇتۇق تىلەيمەن