خۇشال ياشا

sutbulak

	خۇشال ياشا مۇھەممەدئىمىن ھەسەن سەبى چېغىڭ ئاتا-ئاناڭ ئۆلگەن بولسىمۇ، سەن يىغلىساڭ بارچە ئالەم كۈلگەن بولسىمۇ، گۈل تىرىساڭ خۇخا-يانتاق ئۈنگەن بولسىمۇ، خۇشال ياشا بۇ ھاياتتا بىر كۈن بولسىمۇ. بۇ جاھاننىڭ ئالتە كۈنلۈك مىھمانىدۇرسەن، ھاياتلىقنىڭ تەڭرى بەرگەن ئىھسانىدۇرسەن، بۇ دۇنيانىڭ ھۆسن قوشقان ئىنسانىدۇرسەن، خۇشال ياشا بۇ ھاياتتا بىر كۈن بولسىمۇ. ھاياتلىقنىڭ غەم-قايغۇسى خۇشلۇقى باردۇر، ئۇچار قۇشلار قاناتىنىڭ سۇنمىقى باردۇر، ئالەمنىڭمۇ بوران -چاپقۇن يامغۇرى باردۇر، خۇشال ياشا بۇ ھاياتتا بىر كۈن بولسىمۇ. مەجرۇھ بولۇپ بەدەنلىرىڭ ئاغرىسىمۇ ھەم، يوقسۇزلۇقتىن رەڭگى-روھىڭ سارغايسىمۇ ھەم، نامەرد كېلىپ قوللىرىڭنى باغلىسىمۇ ھەم، خۇشال ياشا بۇ ھاياتتا بىر كۈن بولسىمۇ. بارچە ئازاپ سەن ئۈچۈنلا بولسىمۇ ئەگەر، باشلىرىڭغا بەختسىزلىك قونسىمۇ ئەگەر، يۈرەكلىرىڭ دەرد ئازاپقا تولسىمۇ ئەگەر، خۇشال ياشا بۇ ھاياتتا بىر كۈن بولسىمۇ. بەكمۇ قىسقا بۇ ھاياتلىق ئۆتەر ئۇ بىراق، قەدرى بىلمەي يىغلىساڭمۇ كېتىدۇ يىراق، نىمە قىلساڭ،ھاياتلىقتىن بولىدۇ سوراق خۇشال ياشا بۇ ھاياتتا بىر كۈن بولسىمۇ. ئاپتۇر:قاغىلىق ناھىيە شادلىق دوختۇرخانىسىدىن

ھەرە

	مۇشۇنداق ياخشى تمىلارغا كىرىپ ئىنكاس يازماي چىقىپ كېتىدىغانلارنى قانداق قىلۋەتسەم بولا؟ بىرسى بىرە ئېغىز گەپنى خاتا قىلىپ قويسا ئاران تۇرىمىز ھەر تەرەپتىن تالىغىلى. خەق ۋاقتىنى زېھنىنى سەرپ قىلىپ شۇنداق ياخشى تېمىلارنى يوللىسا ئىلھاملاندۇرۇپ بىرە ئېغىز گەپ قىلىدىغان بىرسىمىز چىقمايمىز.    بەك ياخشى يېزىپسىز قېرىندىشىم. بۇ شېئرىڭىزنى ئوقۇپ بەكلا سۆيۈندۈم .ئۆلۈم بىزگە قاچان بۈگۈنمۇ ئەتىمۇ ھېچقايسىمىز بىلمەيمىز،شۇڭا سىز دېگەندەك خوشال ياشايلى.....! ئىجادىيەتلىرىڭىزگە ئۇتۇق تىلەيمەن.

kulgan-parexta

	بۇ شئىرىڭىز ماڭا بەكمۇ ياقتى ،خۇددى ماڭا ئاتاپ يازغاندەكلا رەھمەت .بوسا مۇشۇ ھەقتە يەنېمۇ كۆپ يازسىڭىز. مەندەك خۇشال ياشاي دەپمۇ ياشىيالمايۋاتقانلارغا مەدەت بوپ قالسا ئەجەپ ئەمەس ئىدى

Gvlbargi0999

	شۇنداق ياخشى چىقىپتۇ، رەھمەت سىزگە!

mahatjan

	ئادەمسەن ھەر قاچان ئادەمدەك ياشا، ئالەمنى قوياشتەك ئايلان كە تاشا. خالادا پوق پۇراپ ياتقان چىۋىندىن،   مىڭ ياخشى تەستەك يەپ ئۆلگەن شۇ پاشا.

mahatjan

	ئادەمسەن ھەر قاچان ئادەمدەك ياشا، ئالەمنى قوياشتەك ئايلان كە تاشا. خالادا پوق پۇراپ ياتقان چىۋىندىن،   مىڭ ياخشى تەستەك يەپ ئۆلگەن شۇ پاشا.

mahatjan

	ئادەمسەن ھەر قاچان ئادەمدەك ياشا، ئالەمنى قوياشتەك ئايلان كە تاشا. خالادا پوق پۇراپ ياتقان چىۋىندىن،   مىڭ ياخشى تەستەك يەپ ئۆلگەن شۇ پاشا

sehi

	ئىجادىيەتلىرىڭىزگە ئۇتۇق تىلەيمەن

nazila998

	شېئىرىڭىز  جانلىق چىقىپتۇ ، توغرا دەيسىز ئادەم دىگەن بىر كۈن بولسىمۇ كۈلۈپ ياشىسا ياخشى ئەمەسمۇ ،

faruh193

	خۇشال ياشا ئەركەداشلارىم .