مۇھاببەتنى قەدىرلەيلى دوستلار
ئەسسالامۇ ئەلەيكۇم ھۆرمەتلىك تورداشلار . تۆۋەندە مەن مۇھەببەتنىڭ قۇربانىغا ئايلىنىپ كىتىۋاتقان بىر-قىسىم ئاقكۆڭۇل قېرىنداشلىرىمىز ئۈچۈن بۇ تېمامنى كەڭ تورداشلارنىڭ كۆرۈپ بېقىشىغا سۇندۇم. دوسلارنىڭ قىممەتلىك پىكىر-تەكلىپىنى بىرىشىنى ئۆمۈت قىلىمەن.
ھەر-قانداق بىر ئىنساننىڭ رىئال تۇرمۇشىدا مۇھەببەت كەم بولسابولمايدۇ،ۋە ھەر قانداق مۇكەممەل بىرئىنساننىڭ قەلبى مۇھەببەتكە تەلپۇنىدۇ .
بەزى كىشىلىرىمىز بولسا مۇھەببەت دىگەن بۇ ئاتالغۇ چىقىشى ھامان، ھەممىسى يالغان ،ھىچقانداق يەردە پاك مۇھەببەت قالمىدى دەپ ئويلايدۇ ۋە مۇھەببەتنى ئادەمگە ئازاپ ئېلىپ كىلىشنىڭ مەنبەسى دەپ قارايدۇ. چۇنكى ئۇلار مۇھەببەتتە كۆڭلى ئازار يىگەنلەر بۇلىشى مۇمكىن.
مۇھەببەت شىرىن، تاتلىق، گۈزەل نەرسە ئۇ ھاياتلىقتىكى ئەڭ ئىسىل ناخشا، بۇ ھەر-بىر ئىنساننىڭ پاك قەلبىگە ئورناشقا تىگىشلىك ئۆچمەس نۇر ئىدى. بۇ نۇرنى ھەممىمىز چىن ئىخلاسىمىز بىلەن قەدىرلىشىمىز، سۆيىشىمىز، ئاسىرشىمىز كېرەك ئىدى. بىراق بەزى-بىر مۇھەببەت قاتىللىرىمىزنىڭ سەۋەبىدىن بۇ نۇر ئۆز كۈچىنى تۇلۇق نامايەن قىلالمايۋاتىدۇ.
بەزى ياشلىرىمىزغا قارايدىغان بولساق ئۇلار مۇھەببەت دىگەن بۇ ئاتالغۇنىڭ مەنىسىنى چۇشەنمەيلا بۇ ئۇلۇغ يولغا قەدەم قويىدۇ-دە،ئالدامچىلىق،قىزىلكۆزلىك،ساختىپەزلىك يوللىرى ئارقىلىق كىشىلەرنىڭ مۇھەببىتىگە ئېرىشىدۇ.دەسلەپتە ئاق بېلىقىم،جانجىگىرىم،تاتلىقىم،ھاياتىم دىگەندەك ياغلىما گەپلىرى ئارقىلىق قارشى تەرەپنىڭ كۆڭلىنى ئۆزىگە قاراتقان بولسا ،بىر-نەچچە ۋاقىت ئۆتكەندىن كىيىن ئۇنىڭدىن زىرىكىدۇياكى كۆڭلى قالىدۇ-دە،خۇددى ئەسكى چاپان ياكى سېسىق ئالمىنى تاشلىغاندەك چۆرۇپ تاشلىۋىتىدۇ.كۆڭلىنى بەرگەن بارلىقىنى ئۇنىڭغا ئاتىغان بىچارەبولسا سېغىنىش ئوتىدا كۇيۇپ يۈرىكى پۇچىلانسا،پۇشايمان ئازابىدا مۇھەببەتتىن ئاغرىنىدۇ،مۇھەببەتنى قارغايدۇ[قۇرۇپ كەتسۇن ئۇنداق مۇھەببەت دىگەندەك سۆزلەرنى دىمەكچى] ۋە [اللا]غا نالە قىلىدۇ.چۇنكى ئۇ مۇھەببەتتىن ئۆزى كۇتكەن بەخىتنى ۋە خوشاللىقنى تاپالمىدى.شۇنىڭ بىلەن ئۇلار مۇھەببەتتىن قورقۇيدۇ.بۇ ئۇلۇغ يول ئۇلارغا ھىچقانداق بەخىت ۋە خوشاللىق ئېلىپ كىلەلمىگەنلىكى ئۈچۈن. ئۇلار قەلبىدە، بۇ بىر تۇيۇق يول بۇلۇپ قالىدۇ.
يەنە ئەتراپىمىزغا نەزەر سالىدىغان بولساق توي قىلىدىغانلاردىن ئاجىرشىدىغانلار كۆپىيىپ كىتىۋاتقانلىقىنى كۆرىمىز.
بۇلۇپمۇ ھازىر قىسمەن ياشلىرىمىزغا قارايدىغان بولساق19-20ياشنىڭ قارسىنى ئالا-ئالمايلا ئائىلىدىن ئىبارەت بۇ سىرلىق قورغانغا كىرىشكە ئالدىرايدۇ ۋە كىرىدۇ.ئەمما توي قىلىپ 2-3 ئاي ئۆتە-ئۆتمەيلا ئۆزىنى خۇددى بىر تۈرمىگە سولىنىپ قالغاندەك ھېس قىلىدۇ.سىرتقى دۇنياغا يۇزلەنگۇسى كىلىدۇ ۋە بوشلۇقتا ئەركىن پەرۋاز قىلغۇسى كىلىدۇ-دە ،چۈشۈشنى بىلمەي ئاشنىدارچىلىق قوينىغا ئۆزىنى ئاتىدۇ.شۇنداقلا ئۆمۈرلۈك ھەمرايىم دەپ تاللىغان بۇ تۇرمۇشتىكى ھەمرايى ئاستا-ئاستا كۆزىگە سىغمايدۇ-دە ئاجىرىشىش يۇلىنى تاللايدۇ. ئۇلاردىن سورايدىغان بولسىڭىز بىر-بىرى بىلەن چىقىشالمىغانلىقىنى، بۇرۇن قارشى تەرەپنى چۇشەنمەيلا ئالدىراپ توي قىلغانلىقىنى ۋە ئۇنىڭ بىلەن توي قىلىپ قاتتىق پۇشايمان قىلغىنلىقىنى ئاغزى-ئاغزىغا تەگمەي سۆزلەپ كىتىدۇ. چۈنكى ئۇلار توي قىلىشتىن بۇرۇن مۇستەھكەم ۋە ساغلام بولغان بىر ئائىلە قۇرۇپ چىقىشنىڭ بۇنداق قىيىنلىقىنى ئويلاپمۇ باقمىغان.
توغرا مۇھەببەت دىگەن بۇ ئۇلۇغ يولنىڭ تىك داۋانلىرى،چوڭقۇر ھاڭلىرى،سېسىق كۆلچەكلىرى،كۈچلۈك بوران چاپقۇنلىرى بولغىنىغا ئوخشاش يەنە ئادەمگە ھۇزۇر بېغىشلايدىغان ئىللىق ھارارىتى ،زۇمرەت سۇلىرى،ئادەمنىڭ يۇرىكىنى يەلپۇپ ئۆتىدىغان مەيىن شاماللىرىمۇ بۇلىدۇ ئەلۋەتتە.يالغۇز دەرەخنى بوران ئاسانلا ئۆرىۋىتەلەيدۇ.ئەمما پاك مۇھەببەت، ساپ ۋىجدان ۋە ئىنسانى غورۇرنىڭ يۇغۇرۇلمىسىدىن بارلىققا كەلگەن بىر-جۈپ يۈرەك بولسىلا ھەر-قانداق كۈچلۈك بوران ئاستىدىمۇ تەۋرىنىپ قالمايدۇ.
ھۆرمەتلىك دوسلا مۇھەببەتنى قەدىرلەيلى،ياشلىقىمىزنى ئاسرايلى.پاك-مۇھەببىتىمىزنىڭ مۇھەببەت قاتىللىرىنىڭ تاپىنى ئاستىدا يەنجىلىپ كىتىشىگە يول قويمايلى.
[/siz
يوللىغان ۋاقتى 2013-9-9 06:53:23 PM
