ئىشەنچسىز توخو ، بېلىقلارنى داستىخىنىڭىزدىن چىقىرىۋەتتىڭىزمۇ؟

faeza

	قەدىرلىك قېرىنداشلىرىم ، توردۇنياسى ئارقىلىق تۇنۇشۇپ ، بىلمىگەنلىرىمىزنى بىلدۇق ھەم بىلدۈردۇق ، بۇلۇپمۇ يىمەك ئىچمەك جەھەتتە بەكرەك ئەھمىيەت بېرىدىغان بۇلۇپ قالدۇق . بازارلاردىكى توخو گۈشى ، بېلىق گۈشى ، توخو تۇخۇمى قاتارلىقلارنى كۆرسەك بەكرەك دىققەت قىلىدىغان ، دوست يارەنلەرنىڭكىگە مىھمان بۇلۇپ بارغاندا بولسا نەدە بېقىلغان توخو ، قايسى دەريادا بېقىلغان بېلىق دەپ سوراپ تۇرۇپ يەيدىغان بولدۇق . لېكىن رىستۇرانلاردىكى توخو ، بېلىقلارنىچۇ ؟ رىستۇران ئۈستىلىدىن چىقىرىۋەتكىلى بولماسمۇ ؟ نىمىشقا ھەرقېتىم توي تۈكۈنلەرگە كىرسەك ئىشەنچسىز توخو ، بېلىقلار بىزىرىپ تۇرىۋىرىدۇ ھەم بىزلەر يەۋىرىمىز؟ نىمىشقا كاللىمىزنى سىلكىۋەتمەيمىز ؟ تېخىچىلا توخو قورۇمىسى يىدۇق ، بېلىق كاۋىپى يىدۇق دەپ يۈرىۋىرىمىز ؟    ئۆتكەندە ئىشخانىمىزدىكى خىزمەتداشلار رىستۇراندا ئولتۇرماقچى بولدۇق . مىنىڭ تەلىپىم بۇيىچە ، خىزمەتداشلىرىم توخو گۈشى بىلەن بېلىق گۈشىنى يىمەسلىكنى قارار قىلدى . ئۆزەم رىستۇران خۇجايىنىغا توخو گۈشى بىلەن بېلىق گۈشىنى يىمەيدىغانلىقىمىزنى ، ئۇنىڭ ئورنىغا باشقا قورۇمىلارنى چىقىرىپ بېرىشنى ئېيتتىم . ئۇ ماڭا ئورنىغا گۆش قورۇمىسى قىلسا تەننەرقى ئېشىپ كىتىدىغانلىقىنى ئېيتتى . مەن گۆشنى سەل جىقراق چىقىرىپ بېرىشنى ، قىيمىلىق تائامنى بىر تەخسە ئارتۇق چىقىرىپ بېرىشنى تەلەپ قىلدىم . شۇنىڭ بىلەن ھەرھالدا ئىشەنچلىك تاماقلارنى يىدۇق . لېكىن قارىسام ئەتراپتىكى ئۈستەللەرنىڭ ھەممىسىدە ئاشۇ بىز يىمەيمىز دىگەن قورۇمىلار بىزىرىپ تۇرىدۇ . ھەممىسى ئىشتىھا بىلەن يەپ ئولتۇرۇپتۇ . بۇنىڭغا نىمە دەيمىز ئەمدى ؟   بىر تۇرۇپ مەن بەك ئېشىپ كىتىۋاتىمەنمۇ نىمە ؟ دەپ ئۆز ئۆزەمدىن گۇمانلىنىپ كىتىمەن . ئەتراپىمدىكىلەرگە يىمەك ئىچمەك توغرىسىدا ھارماي سۆزلىدىم . قۇبۇل قىلغانلارمۇ بولدى . قۇبۇل قىلماي ، مىنى مەنسىتمىگەنلەرمۇ بولدى . ھەتتا ئوقۇمۇشلۇق ئادەملەرمۇ ماڭا غەيرى پوزىتسىيە تۇتتى . بەزىلەر تېخى تور دىگەندە خالىغانچە يېزىۋىرىدۇ ، ئۇنچىلىك سەگەكلىشىپ كەتمەڭ ، يەيدىغان نەرسە تاپالماي ، ئۈلۈپ قالماڭ يەنە ... دىگەنلەرمۇ بولدى .    مەن بىر ئوقۇتقۇچى ، بازارلاردىكى ئىسمى ئۇيغۇرچە ، زاۋۇتى خەنزوچە مەھسۇلاتلار ، ئىچىملىكلەر ، خالتىلىق سۈتلەر ، ھەرخىل گۆشلەر ، خالتىلىق چۆپ ، لازا قاتارلىق ئەخلەت يىمەكلىككە ئائىت رەسىم ، سۆرەت ، يېزىق كۆرۈنۈشلىرىنى توردىن ئىزدەپ يۈرۈپ ئوقۇغۇچىلىرىمغا دەرسكە بىرلەشتۈرۈپ ھارماي ، قايتا قايتا كۆرسەتتىم ، شۇنىڭ بىلەن كۆپ قىسىم ئوقۇغۇچىلىرىم دىققەت قىلىدىغان بولسىمۇ ، بەزىلىرى يەنىلا يەۋاتىدۇ . مىنى كۆرگەندە يۇشۇرۇپ ، قېچىپ تۇرۇپ يەۋاتىدۇ . شۇنداقتىمۇ مەن تا ھازىرغىچە سۆزلەشتى توختاتمىدىم ھەم توختاتمايۋاتىمەن . ئۆتكەندە بىر سىنىپقا دەرسكە كىرىشىم بىلەنلا ئوقۇغۇچىلىرىم تەنەپۇستا يەۋاتقان نانلىرىنى يۇتۇپ بۇلالماي ئالدىراپ ئورۇنلىرىغا بېرىپ ئولتۇردى . ئۇلارنىڭ دىيىشىچە ، مىنىڭ تەسىرىمدىن ئۆيلىرىدىن نان ئەكىلىۋېلىپ ، شۇنى يەۋىتىپتۇ . بۇ قېتىم مەن ئۇلاردىن شۇنچىلىك سۈيۈنۈپ كەتتىم . نىمىلا بولمىسۇن مىنىڭ تەربىيەم ئۇلارغا سىڭىپتۇ . ئەمگىكىم بىكار كەتمەپتۇ . ھەريىلى يېڭى ئوقۇغۇچىلارغا دەرسكە كىرىمەن . شۇ ئوقۇغۇچىلارغا تەسىر قىلالىسام ، ئۇلار يىمەك ئىچمەك جەھەتتىن ئىھتىيات قىلسا دىگەن ئىدىيەدە يىمەك ئىچمەك جەھەتتە ھەردائىم ئىزدىنىپ تۇرۇۋاتىمەن .   قەدىرلىك قېرىنداشلىرىم ، سىلەرچە مىنىڭ دىگەنلىرىم توغرىمۇ ؟ قاچانغىچە شۈبھىلىك يىمەكلىكلەرنى بىلەلمەي يۈرىۋىرىمىز ؟            مەنبە:ئۆزۈمنىڭ ھىس قىلغانلىرىم

!UYGHURJAN

	پاكلان گۈشىدىن ھەزەر ئەيلەپ ، پاقلان گۈشى يىيىشتە چىڭ تۇرايلى !

uyol

	ئەڭ ياخشىسى ئۆزىمىز باققان ھالال نەرسىلەرنى يەيلى. مەن بازاردىن تاماق يىيىشتىن سەل ئەندىشە قىلىپ قالدىم،بىراق يىراق شەھەردە ئۇقۇيمەن.،يىمەي ئامالىم يوق！！

ئۇلكەر

	ھەرقانداق  يىمەكلىكتىن  دىققەت قىلغۇلۇق  ھازىر ...

KUTALQESI

	ئالدى بىلەن  ياراتقان ئاللاھتىن بۇنىڭدىن  كېيىنكى ئىشلىرىڭىزغا بەركەت، تۇرمۇشىڭىزغا خاتىرجەملىك، تىنىڭىزغا سالامەتلىك ئاتا قىلىشىنى چىن يۈركۈمدىن تىلەيمەن. ئەگەر دىيارىمىزدىكى بارلىق ئوقۇتقۇچىلار ھىچ بولمىسا ئەللىك پىرسەن ئوقۇتقۇچىلار سىزدەك تەربىيلىيەلىگەن بولسىتى بالىلىرىمىزنىڭ كەلگۈسىدىن خاتىرجەم بولغان بولاتتۇق. مىنىڭ ئەجەپمۇ بالامنى سىزنىڭ قولىڭىزدا ئوقۇتقۇم كىلىپ كەتتى دىسە

DAWRAN0991

	ئىمانىمىزنى قەدىرلەپ، پاكلان توخو گۆشىدىن يىراق تۇرايلى!!