يېتىز لىرىكىلىرى

bilkuya

	يېتىز لىرىكىلىرى ئۆمەر مۇھەممەتئىمىن تەرجىمىسى قېرىغاندا ، بېشىڭدا ئاق ، ئۇيقۇڭمۇ ئېغىر ، مەش يېنىدا ئۈگدىگەندە بۇ شېئىرنى ئال ؛ ئۇقۇ ئاستا ، ئەسلە ئىللىق ، چاقناق كۆزۈڭنى ، ھەم ئۇندىكى كۆلەڭگىنى ئۆز ئېسىڭگە ئال ؛ سېنىڭ قوۋناق ياشلىقىڭنى سۆيگەن قانچىلار ، كۆيگەن ساڭا ، بولسۇن مەيلى چىن ياكى ساختا ، پەقەت بىرسى سۆيگەن ئۇلۇغ روھىڭنى ، سۆيگەن چىرايىڭنى – ھەسرەت قۇرۇق سالغان ئازاپتا ؛ يېنىپ تۇرغان مەش يېنىدا ساڭگىلىتىپ باش ، دىگىن غەمكىن : غايىپ بولدى شۇ مۇھەببەتمۇ ھەم ، چوقاڭدىكى تاغ ئۈستىدە يېيىلىپ ئاستا ، بىر توپ يۇلتۇز يۇشۇرماقتا چېھرىڭنى بۇدەم . قۇڭۇر تۇپراق پەس ئاۋازدا دېدىم : «مەن بەك ياش» . كەينىدىنلا دېدىم : «قېرىدىم » ئالدىم ھەمدە بىر سىقىم تۇپراق ، تاپالمىدىم سۆيگۈنى ئۇندىن . «سۆيگىن ، سۆيگىن يىگىت ، ئاشۇ قىز ياش ھەم گۈزەل بولسا مۇبادا .» ئاھ ، تۇپرىقىم قوڭۇر رەڭ تۇپراق مەن يۆگىشىپ قالدىم ئۇنىڭكى دولقۇنسىمان بۈدرە چېچىغا . سىلاپ تېپىپ ئالالايدىغان ئۇنداق نەرسە ئەمەس مۇھەببەت يوقتۇر ئۇنداق ئەقىل ئىنساندا كۆڭۈلدىكى شېرىن سۆيگۈنى ئۇنچە ئېنىق سېزەلىگۈدەك ؛ چۈنكى ئۇ سۆيگۈنى ئويلار ئۆزى دەپ ، يۇلتۇزلار غايىپ بولغانغا قەدەر . ئار ، تۇپرىقىم ، قوڭۇر رەڭ تۇپراق ، ئادەملەر ، ئادەملەر بۇنچە ئالدىراپ ، قويمىسۇن سۆيگۈگە بالدۇر ئىشتىياق . ئارزۇلايمەن جەننەتنىڭ گۈزەللىكىنى ئېرىشسەم جەننەتنىڭ گۈزەللىكىگە ، ئالتۇنرەڭ ، كۈمۈشرەڭ نۇرلارغا تولغان . بولسا ئۇ سۇس ، زەڭگەر ، كۆك ھەم قاپقارا ، كېچىدە ، كۈندۈزدە تۇتۇق نۇر ئالغان ، ياياتتىم مەن ئۇنى پۇتۇڭ ئاستىغا ؛ بىراقكى نامراتمەن ، ھېچنىمىسى يوق ، بار پەقەت چۈشۈم ، پۇتۇڭنىڭ ئاستىغا سالاي مەن ئۇنى ، دەسسەپ ئۆت سەن ئۇنى يېنىڭ ھەم ئاستا چۈنكى سەن دەسسىمەكتىسەن مېنىڭ چۈشۈمنى . ئاياللارنىڭ يۈرىكى ماڭا نە مەززىسى ئۇ كىچىك ئۆينىڭ ، بولسىمۇ گەر ئۇندا جىملىق ۋە ئىستەك ؛ چىرلايدۇ ئۇ مېنى گۈگۈم قوينىغا ، مەن يېقىن كېلىمەن ياقىمەن كۆكرەك . نە ھاجەت ئانامنىڭ كۆڭۈل بۆلۈشى ، ھەممىدىن خاتىرجەم بولساممۇ ئۆيدە ؛ بۇ گۈللەر باغجانلاپ پاخپىيىپ چىققان ، يۇشۇرار ئۆزىنى بوران ئىچىگە . ئۇنىڭ شۇ چاچلىرى ، سۈپسۈزۈك كۆزى بىلمىدىن تىرىكمۇ مەن ياكى ئۆلۈك ، ياققاندا يۈرەكنى يۈرىكىمگە چىڭ نەپىسىمىز قۇشۇلۇپ كېتەر مەڭگۈلۈك . بوستان ژورنىلى 1999 – يىل 2 – سانىدىن ئېلىندى ۋىزانتىيىگە سەپەر مۇختار مەخسۇت تەرجىمىسى 1 قېرىلارغا ئۇندا يوق ئورۇن ، ياشلار يۈرەر سۆيۈشۈپ قىزغىن . ئەسلىگەندەك زەئىپ كۈنلەرنى قۇشلار شاختا سايرايدۇ غەمكىن . شاقىراتما ، زەڭگەر رەڭ دېڭىز ، جاندارلارغا جەننەت بۇ ماكان . كۈيلەپ چىقار ياز بۇيى قۇشلار ، ھايات - مامات ئېتىدۇ داۋام . ئەسىر ئۇلار شەھۋەت كۈيىگە ، پىسەنىت قىلماس ئەقىل سۈيىگە . 2 بىراك مالغا ئوخشار قېرىلار – تون يېپىنغان ھاسا تاياققا . جۇلدۇر كېپەن ئالەمنى كۈيلەپ مىسكىن دىللار قاتار قوشاققا . كىم نامايان قىلماس دۇنيادا شانلىق ئەشئارىنى ئۆزگىگە . كېچىپ دېڭىز – ئوكيانلارنىي مەن ، كەلدىم بۈيۈك ۋىزانتىيىگە . 3 ئوتتا كۆيگەن ئاھ ، شۇ بەندىلەر نەقىشلەنگەن تاملاردا ئايان① . چىق شۇ ئوتتىن ، چەرخنى پىرقىرات②، روھ كۈيۈمگە بولغىن پىر كالان . گۇمران بولسۇن شەھۋەت ئىستىكىم ، ئۇنتۇپ كېتەي تەبىئىتىمنى . ياشاي ئەبەت نەپىس بۇيۇمغا ئايلاندۇرسۇن كاسىپلار مېنى ③. 4 تەبىئەتتىن ھالقىسام ئەگەر ، زىنھار ئۇندىن ئالمايمەن ئەندىز . زەر يالاتقان تۇتىقۇش قىلىپ سوقسۇن مېنى يۇنانلىق زەرگەر . غەپلەتتىكى شاھلار ئويغانسۇن ، ئالتۇن شاختا ئېيتاي ناخشامنى ④ . ۋىزانتىيىلىك ئېسىلزادىلەر تىڭشىسۇن بۈگۈن ، ئەتە ، ئاخشامنى . «ئىلاھە چوققىسى»دىن ئېلىندى

jawzaa

	ئەسسەلامۇ ئەلەيكۇم .......................... بۇ تىمىغا مۇناسىۋەتسىز بولسىمۇ سوراۋىرەي: بىر يازما قانداق   قانداق   ماۋزۇ ۋەمەزمۇنلارنى ئۆز ئىچىگە ئالسا كىتاب بولىدۇ؟ ئىغىر كۆرمەي دەپ بىرىۋەتسەڭلا بوپتىكەن!

asrari

	كىتاپنىڭ قانداق بۇلىدىغانلىقنى بىلمەكچىمۇ ياكى كىتاپ تۈزمەكچىمۇ؟ ھەقىقەت كىتاپ  ، چۈنكى ئۇ رېئاللىق! ئادەم بىر كىتاپ  ،چۈنكى ئۇ سىرلىق! رېئاللىق بىلەن سىر ئارىسىدا كىتاپ قىستۇرما

كارۋان

	ياخشى يېزىلغان شئېرلارىكەن..

Gvljahan

	ياخشى يىزىلغان شىئېرلاركەن ، مىنىڭ ئىجادى شىئىېرىم نىمىشقا ھازىرغىچە يۇرۇق كۆرمەيدۇ مۆھتىرەم باشقۇرغۇچىلار ؟

bilkuya

	سىز قانداق كىتاب تۇزمەكچى ،ئالدى بىلەن كىتاب خاراكتىرنى بېكىتىش كېرەك.ئاندىن قالغان مەسىلىنى ئويلىشىمىز.

bilkuya

	سىز قانداق كىتاب تۇزمەكچى ،ئالدى بىلەن كىتاب خاراكتىرنى بېكىتىش كېرەك.ئاندىن قالغان مەسىلىنى ئويلىشىمىز.