بىر ئىستاكان سۈت

A.A

	بىر ئىستاكان سۈت      بىر نامرات ئوقۇغۇچى ئۆتكەنىكەن. ئۇ ئوقۇش پۇلىنى تېپىش ئۈچۈن دەم ئېلىش كۈنلىرى مىلىچماللار دۇكىنىدىن بىر نەرسىلەرنى ئاچىقىپ ساتىدىكەن. بىر كۈنى ئۇ ئۆيىدىن خېلىلا يىراق بىر جايغا مال ساتقىلى چىقىپتۇ، لېكىن كەچ بولغۇچە سودا قىلالماپتۇ. ئۇ قورسىقىنى توقلىماقچى بولۇپ يانچۇقىغا قارىسا، ئون تىيىندىن باشقا پۇل چىقماپتۇ. قانداق قىلىش كېرەك؟ ئۇ ئاخىر بىرەر ئۆيدىن ئازراق يېمەكلىك سوراپ يېمەكچى بوپتۇ. ئۇ بىر ئۆينىڭ ئىشىكىنى چېكىپتۇ. ئۆيدىن چىرايلىق بىر قىز چىقىپتۇ. بالا ئۇنىڭدىن يېمەكلىك تەلەپ قىلالماي، بىر ئىستاكان سۇ بېرىشىنى ئېيتىپتۇ. قىز ئۆيىگە كىرىپ كېتىپ، بىر ئىستاكان سۈت ئاچىقىپتۇ.بالا سۈتنى ئىچىپ بولغاندىن نەچچە پۇل بېرىدىغانلىقىنى سوراپتۇ. قىز پۇل ئالمايدىغانلىقىنى، ئاتا-ئانىسىنىڭ دائىم ئۇنىڭغا ھاجەتمەنلەرگە ياردەم قولىنى ئايىماسلىقىنى نەسىھەت قىلىدىغانلىقىنى ئېيتىپتۇ. بالا كېتىپ قاپتۇ. كۈنلەر ئۆتۈپ، ھېلىقى قىز ئېغىر كېسەل بولۇپ شەھەردىكى دوختۇرخانىغا كىرىپ داۋالىنىپتۇ. تەقدىرنىڭ ئورۇنلاشتۇرۇشى بىلەن ئۇنىڭغا مەسئۇل دوختۇر ئەينى يىلى ئۇ بەرگەن سۈتنى ئىچكەن بالا چىقىپتۇ. دوختۇر ئۇنىڭ ھالىدىن ياخشى خەۋەر ئېلىپ ئۇنى داۋالاپ ساقايتىپتۇ. قىز دوختۇرخانىدىن چىقىدىغان چاغدا، داۋالىنىش پۇلىنى تۆلىمەكچى بوپتۇ. ئۇنىڭ پەرىزىدە داۋالىنىش پۇلى چوقۇم كۆپ بولۇپ، ئۇنىڭ تۆلەشكە قۇربى يەتمەيدىكەن. ئۇ تالوننى ئېلىپ ھەيران قاپتۇ، چۈنكى تالونغا« داۋالاش ھەققى بىر ئىستاكان سۈت» دەپ يېزىلغانىكەن.        شۇنداق، ھاياتتا تۈرلۈك ئىشلار بولۇپ تۇرىدۇ. كىمكى باشقىلارغا قولىدىن كېلىشىچە غەرەزسىز ياردەم قىلىدىكەن، جەزمەن ئۇنىڭ پايدىسىنى كۆرىدۇ.

gulbelik

	توغرا ..كونلاردا ياخشلىق قىل قۇلۇڭىدىن كەلسە دېگەن گەپ بار ئەمەسمۇ ..بىزنىڭ قىلغان كىچكنىە ياردىمىمىز قىيىن ئەھۋاللاردا قالغان بىر كۆڭۈلنى يۇرۇتسا ئاللا بۇنىڭ ئەجىرىنى بىردۇ ئەمەسمۇ ..

svkvt99

	كىمكى زەررىچىلىك ياخشى ئىش قىلىدىكەن، ئۇنىڭ ساۋابىنى كۆرىدۇ، كىمكى زەررىچىلىك يامان ئىش قىلىدىكەن ئۇنىڭ جازاسىنى تارتىدۇ.

مۇكەرەم

	نىمدا مەزمۇنلۇق تىما ماۋۇ ، تەسىرلەندىم

MQM

	ھاياتتا تۈرلۈك ئىشلار بولۇپ تۇرىدۇ. كىمكى باشقىلارغا قولىدىن كېلىشىچە غەرەزسىز ياردەم قىلىدىكەن، جەزمەن ئۇنىڭ پايدىسىنى كۆرىدۇ.

XERHAN

	بىر ۋاقىتتا ‹ سۈتنى قانداق ئىچىسىز › دەپ بىر تىما بولىدىغان ئەجەپ تاپالمايۋاتىمەن ئالامەت تىما ئىدى ئۇ .

太阳

	كىچىككىنە ياخشىلىق بىر يۈرەكنى ياشارتالايدۇ

banker625

	ياخشىلىقنىڭ چېكى يوقتۇر

dunya1041

	شۇنداق، ھاياتتا تۈرلۈك ئىشلار بولۇپ تۇرىدۇ. كىمكى باشقىلارغا قولىدىن كېلىشىچە غەرەزسىز ياردەم قىلىدىكەن، جەزمەن ئۇنىڭ پايدىسىنى كۆرىدۇ

kokbora520

	ھەرقانداق كىشى ئۆزھاجىتىنىڭ ئۈمۈدىنى تىلىسە،ئاۋال جەزمەن ئۈزىگە ھاجەتمەن بولغانلانىڭ ھاجىتىنى راۋا قىلىپ بېرىشكە تىرىشىشى كېرەك