چوڭ ھەجىملىك ئاۋاز مەنبەلىرىنى تېز سۈرئەتتە قايتا قاچىلاش

Bahsome

چوڭ ھەجىملىك ئاۋاز مەنبەلىرىنى تېز سۈرئەتتە قايتا قاچىلاش
ئەسسالامۇ ئەلەيكۇم دوستلار ! مۇنبەردىكى دوستلار كومپيۇتېردىكى مەشغۇلات سىستېمىسىنى قايتا قاچىلىغاندىن كېيىن ، قانداق قىلىپ تېز سۈرئەتتە ئاۋاز مەنبەلىرىنى قايتىدىن قاچىلاش توغرۇلۇق بەزى مەسىلىلەرگە يولۇققان بولسا كېرەك . تۆۋەندە مەن MIDIFAN تور بېكىتىنى قۇرغۇچىلاردىن بولغان جاڭ خو ۋە لۇ شياۋشۈ قاتارلىقلار يازغان «كومپيۇتېر مۇزىكىسى ئىشلەش---يۇمشاق ئاۋاز مەنبەلىرىنى ئىشلىتىش قامۇسى (电脑音乐制作---软音源使用大全)» دېگەن كىتابتا ئوتتۇرىغا قويۇلغان «  بەزى يۇمشاق ئاۋاز مەنبەلىرىنىڭ سىغىمى بەك چوڭ ، قايتا قاچىلاشتا قانداق قىلىپ ماتېرىيال ۋە ۋاقىتنى تېجەش كېرەك؟ » دېگەن مەزمۇننى تەرجىمە قىلىپ دوستلارغا سۇندۇم ، پايدىسى بولۇپ قالسا ئەجەپ ئەمەس .
1.6.6 بەزى يۇمشاق ئاۋاز مەنبەلىرىنىڭ سىغىمى بەك چوڭ ، قايتا قاچىلاشتا قانداق قىلىپ ماتېرىيال ۋە ۋاقىتنى تېجەش كېرەك؟
جاۋاب: ھازىرقى قىستۇرما ئاۋاز مەنبەلىرىنى ھەقىقەتەن بارغانسېرى يوغىناۋاتىدۇ دېيىشكە بولىدۇ . «مەۋھۇم گىتتارچى (Virtual Guitarist)»غا ئوخشاش 3 CD لىق سىغىم بۈگۈنكى كۈندە ئىنتايىن كىچىك ھېسابلىنىدىغان بولۇپ قالدى . تېخىمۇ چوڭ قىستۇرما دېتاللارنى ھەممە يەردە ئۇچراتقىلى بولىدۇ  ، بەزى دېتاللار تېخى نەچچە DVD بولغاچقا ،  قاچىلاشقا خېلى كۈچ كېتىدۇ . ئۇنىڭ ئۈستىگە كومپيۇتېر داۋاملىق سىستېمىنى قايتا قاچىلاشتىن ئايرىلالمايدۇ ، بۇ ئەلۋەتتە كەڭ كومپيۇتېر مۇزىكا ھەۋەسكارلىرى ئۈچۈن ئەڭ چوڭ ئازاب . گەرچە  سىستېمىنى قايتا قاچىلاش بىردەملىك ئىش بولسىمۇ ، ئەمما بۇ زور ھەجىملىك قىستۇرما دېتاللارنى پۈتۈنلەي قاچىلاشنى ئويلىساق بېشىمىز ئاغرىيدۇ .دائىم بەزى دوستلىرىمىزنىڭ مۇنداق گەپلىرىنى ئاڭلاپ قالىمىز : سىستېمىنى قايتا قاچىلىدىم ، لېكىن ئاۋۇ قىستۇرما دېتاللارنى (VST لارنى ) ساق بىر كېچە كۈندۈزدىمۇ قاچىلاپ بولالمايۋاتىمەن !
ئەمەلىيەتتە ، سىستېمىنى قايتا قاچىلىغاندا ئاشۇ زور ھەجىملىك ئاۋاز مەنبەلىرىنى بەزى كىچىك ئۇسۇللار بىلەن تېز سۈرئەتتە قاچىلىغىلى بولىدۇ ، قاچىلاشمۇ ئىنتايىن ئاسان .تۆۋەندە كىشىلەر كۆپ ئىشلىتىدىغان «مەۋھۇم گىتتارچى (Virtual Guitarist)» يۇمشاق دېتالىنى قاچىلاشنى مىسال قىلىپ ، قانداق قىلىپ تېز سۈرئەتتە زور ھەجىملىك ئاۋاز مەنبەلىرىنى قايتا قاچىلاشنى سۆزلەيمىز.
ئالدى بىلەن ئەسكەرتىدىغىنىم ، بۇ ئۇسۇل سىز ئىلگىرى قاچىلاپ بولغان ئاۋاز مەنبەلىرىنى قايتا قاچىلاشقا  ، ياكى كومپيۇتېرىڭىزدا بۇ قىستۇرما دېتالنىڭ ئاۋاز ھۆججەتلەر توپلىمى (音色包) بار بولغان ئەھۋالغا ماس كېلىدۇ .ئەگەردە سىز بۇ قىستۇرما دېتالنى ئەزەلدىن قاچىلاپ باقمىغان بولسىڭىز ، ياكى قولىڭىزدىكىسى يېڭىدىن ئېلىپ كەلگەن ھەقىقىي نەشردىكى يۇمشاق دېتال بولسا ، ئەمىسە يەنىلا بىردىن بىردىن قاچىلىماي ئامال يوق.
كۆپلىگەن زور ھەجىملىك ئاۋاز مەنبەلىرىنى قاچىلىغاندا ، سىزدىن دائىم ئىككى ھەتتا ئۈچ قېتىم نەگە قاچىلاشنى سورايدۇ ، ھەر بىر قېتىم سورىغىنى ئوخشاش بولمايدۇ .  ئادەتتە بىرىنچى قېتىم يۇمشاق دېتالنىڭ قاچىلىنىش ئورنىنى ، ئاندىن VST قىستۇرما دېتالنىڭ قاچىلىنىش ئورنىنى (VST قىستۇرما دېتالنىڭ قاچىلىنىش ئورنى دېگىنىمىز رەھبەر دېتال ، يەنى Nuendo ياكى Cubase SX قاتارلىقلارنىڭ VSTplugins ھۆججەتدانىنى كۆرسىتىدۇ ) سورايدۇ ، بەزى زور ھەجىملىك ئاۋاز مەنبە قىستۇرما دېتاللىرى يەنە سىزدىن ئاۋاز ھۆججەت توپلىمىنى نەگە قاچىلاشنى سورايدۇ . ئەگەر بىز بۇرۇن «مەۋھۇم گىتتارچى»نى قاچىلاپ بولغان بولساق ، ئاۋاز ھۆججەت توپلىمىنىڭ قاچىلىنىش ئورنىدا ، بىر ئاۋاز ھۆججەت توپلىمى ساقلانغان ھۆججەتدان بولىدۇ . 1-رەسىمگە قاراڭ .

ئەگەردە كېيىنكى قېتىم قاچىلىغاندا تېز سۈرئەتتە قاچىلىماقچى بولسىڭىز ، بۇ ھۆججەتداننى ئوبدان ساقلاپ قويۇڭ ياكى زاپاس ساقلاپ قويۇڭ ، ياكى سىستېمىنى قايتا قاچىلاشتىن بۇرۇن كۆچۈرىۋېلىڭ.
تۆۋەندە «مەۋھۇم گىتتارچى»نى قاچىلايمىز . تۇنجى قېتىم چىققان كۆزنەكتە ئىككى تاللاش بار بولۇپ ، بىرىنچىسى قىستۇرما دېتالنىڭ كۆرۈنمە يۈزى ، ئىككىنچىسى ئاۋاز ھۆججەتلىرى توپلىمى . بىز ئىككىسىنى تولۇق تاللايمىز . 2-رەسىمگە قاراڭ.

ئەمدى بولسا ، قاچىلاش ئورنىنى كۆرسىتىپ بېرىمىز ، بۇنى ھەممىمىز بىلىشىمىز مۇمكىن ، يەنى رەھبەر دېتالنىڭ VSTplugins دېگەن ھۆججەتدانى ئىچىگە قاچىلايمىز . 3-رەسىمگە قاراڭ.

تۆۋەندىكىسى بولسا ئەڭ مۇھىم باسقۇچ ، يەنى ئاۋاز ھۆججىتى توپلىمى (音色包)نىڭ قاچىلىنىش ئورنى . بۇ ئورۇننى خالىغانچە تاللىساق بولىدۇ . ھېلىقى تەييارلاپ قويغان ئاۋاز ھۆججىتى توپلىمى ئېسىڭىزدە باردۇ ؟ سىز زاپاس ساقلىغان ئاۋاز ھۆججىتى توپلىمى قەيەردە بولسا ، شۇ ئورۇننى تاللايسىز . 4-رەسىمگە قاراڭ.

لېكىن  قاچىلىنىش ئورنىنى تاللاپ بولغاندىن كېيىن  OK نى بېسىۋەتمەي ، بايا ئاۋاز ھۆججىتى توپلىمىنى قويغان ئورۇنغا بېرىپ ، ئەسلىدىكى زاپاس ساقلانغان ئاۋاز ھۆججىتى توپلىمىنىڭ ئىسمىنى ئۆزگەرتىپ قويۇڭ . مەسىلەن ، ئەڭ ئاخىرقى بىر ھەرپىنى ئۆچۈرىۋەتسەكلا بولىدۇ .بۇنداق قىلىشىمىزدىكى مەقسەت ، زاپاس ساقلانغان ئاۋاز ھۆججىتى توپلىمىنىڭ قايتا ئۆزگىرىپ كېتىشىدىن(ئىچىگە يېڭى نەرسىلەرنىڭ يېزىلىپ كېتىشىدىن) ساقلىنىش ئۈچۈن . 5-رەسىمگە قاراڭ.

ئەمدى قاچىلاشنى باشلايمىز . قاچىلاش داۋاملىشىپ ،  ئاۋاز ھۆججىتى توپلىمىنى قاچىلاشقا باشلىغاندا ، بىۋاسىتە ۋاز كېچىشنى (取消) نى تاللىساق بولىدۇ . بۇ چاغدا ، ئاۋاز ھۆججىتى توپلىمىنىڭ قاچىلىنىش ئورنىدا ئىككى ئاۋاز ھۆججىتى توپلىمى پەيدا بولدى. 6-رەسىمگە قاراڭ.

ئەمدى بولسا ، بايىلا ھاسىل بولغان ئاۋاز ھۆججىتى توپلىمىنى ئۆچۈرىۋېتىپ ، ھەقىقىي ئاۋاز ھۆججىتى توپلىمىنى ئەسلىدىكى ئىسمىگە ئۆزگەرتىپ قويداقلا بولىدۇ . 7-رەسىمگە قاراڭ.

Nuendoنى ئېچىپ ، F11نى بېسىپ ، كۆزنەكتىن «مەۋھۇم ئېلېكترونلۇق گىتتارچى»نى تاللايمىز ، بۇ چاغدا ئۇ سىزدىن ئاۋاز ھۆججىتى توپلىمىنىڭ قاچىلىنىش ئورنىنى سورايدۇ  ، سىز  ئاۋاز ھۆججىتى توپلىمىنىڭ قاچىلىنىش ئورنىنى تاللاپ قويسىڭىزلا بولىدۇ . 8-رەسىمگە قاراڭ.

شۇنداق قىلىپ ، «مەۋھۇم گىتتارچى»نى نورمال ئىشلەتكىلى بولىدىغان بولدى . ئاۋاز تۈسى جەدۋىلىنى ئاچقىنىمىزدا ئۇنىڭ بارلىق ئاۋاز تۈسلىرىنى كۆرەلەيمىز. 9-رەسىمگە قاراڭ.

ئەمەلىيەتتە ، بۇ ئۇسۇل پەقەت «مەۋھۇم گىتتارچى» ، «ئېلېكترونلۇق گىتتارچى» قاتارلىقلارغىلا ماس كېلىپ قالماي ، ئاۋاز ھۆججەت توپلىمى بىلەن قىستۇرما دېتال ئۆزى ئايرىۋېتىلگەن بۇ خىلدىكى زور ھەجىملىك قىستۇرما دېتاللارنىڭ ھەممىسىگە ماس كېلىدۇ ! ئەلۋەتتە ھەر قايسى قەدەم باسقۇچلىرىدا ئازدۇر كۆپتۇر پەرق بار ، لېكىن پرىنسىپى پۈتۈنلەي ئوخشاش . مەسىلەن ،RA ، ئۈچ گىگانت دەپ نام ئالغان Stylus , Atmosphere , Trilogy ۋە Stylus RMX ،Symphonic Orchestra Platinum Edition , Gold Edition ، ئۇنىڭدىن باشقا Wizoo نىڭ  PLP120 , VLP 120 ، SampleTank , Darbuka ,  Xphraze قاتارلىق نۇرغۇن زور ھەجىملىك دېتاللارنى مۇشۇ ئۇسۇل بويىچە تېز سۈرئەتتە قاچىلىغىلى بولىدۇ . ئەلۋەتتە ، ئالدىنقى شەرتى سىز ئىلگىرى بۇ دېتاللارنى بىر قېتىم قاچىلىغان بولىشىڭىز ، ئاۋاز ھۆججەت توپلىمى تولۇق بولۇشى لازىم . ياكى بولمىسا ، باشقىلاردىن كۆچۈرۈپ ئەكەلگەن تولۇق ئاۋاز ھۆججەت توپلىمى بولسىمۇ بولىدۇ . شۇنداق بولغاندا ، قاچىلاش جەريانى كۆپ ئاسانلىشىدۇ ! «مەۋھۇم ئېلېكترونلۇق گىتتار ماھىرى(Virtual Guitarist Electric Edition)» دېگەنگە ئوخشاش بۇنداق دېتاللارنى ئادەتتىكى ئۇسۇل بويىچە ئوپتىك دېسكىدىن قاچىلىساق ، ئۈچ CD نى كەم دېگەندە 10 مىنۇتتا قاچىلاپ بولالايمىز . يوقۇرىقى ئۇسۇلدا بولسا ، يېرىم مىنۇتتىلا ھەل قىلىمىز. ئوقۇرمەنلەرنىڭ مۇشۇ ئۇسۇلنى ئۈنۈملۈك ھالدا باشقا  قىستۇرما دېتاللارنى قاچىلاش جەريانىغا تەدبىقلاپ ، قىممەتلىك ۋاقتىنى تېجەپ قېلىشىنى ئۈمىد قىلىمىز !

PARUK213

رەخمەت سىزگە ...كۆپ ئەجىر قىپسىز ..رەسىم يوللانمىدىمۇ قانداق ...

PARUK213

ۋوي  ئەمدى كۆرۇندى ....:)

makan

ئەجرىڭىزگە رەھمەت،كۆپ ئەجىر قىپسىز

izna

كۆپ رەخمەت سىزگە ،بۇ ھەقىقەتەن نادىر تېما بوپتۇ .
ماكان ئەپەندى بولسا بۇ تېمىنى جەۋھەرلەپ قويسىڭىز قانداق؟

makan

تېما يوللانغان چاغدىلا جەۋھەرلىنىپ بولدى.

burkut

مۇزىكا ئىشلەيدىغەن دوسلارنىڭ نۇرغۇن ۋاختىتنى تىجەپ بېرىپسىز  رەخمەت ئەجىرىڭىزگە دوستۇم مۇشۇنداق نادىر تېمىلار بولسا داۋاملىق يوللاپ تۇرۇشىڭىزنى ئۈمۈد قىلىمەن

Steinberg

رەھمەت سىزگە

Sama

مۇھىم تېما بوپتۇ ، كۆپ رەھمەت سىزگە ، مەنمۇ ئادەتتە چوڭ سىغىملىق ئاۋاز مەنبەلېرىنىڭ ئاۋاز ئامبىرىنى باشقا دىسكىغا قاچىلايمەن ~~~

YAMAHA

رەخمەت سىزگە.

MUSICPRO

رەخمەت سىزگە مەنمۇ مۇشۇ خىل ئۇسۇلنى قوللانغىلى نەچچە يىل بولدى ،ھەقىقەتەن ۋاقىت تىجەيدۇ

@music@

ئەجرىڭىزگە رەخمەت مەن ئۆزۈم قوللىنىۋاتقان بىر ئۇسۇلنى سۆزلەپ ئۆتەي قولايلىق دەپ قارىساڭلا ئىشلىتەرسىلە  مەن مۇ نەچچە يىللاردىن بىرى كومپىيوتىر سېستىمىسى بۇزۇلسا نەچچە كۈنلەپ مۇزىكا ئىشلەيدىغان قىستۇرما يۇمشاق دىتاللارنى قاچىلايمەن دەپ بەك جاپا تارتىپ كەتكەن  شۇنىڭ بىلەن مەن ئۇيان ئويلاپ بۇيان ئويلاپ  مەشغۇلات سېستىمىسىنى قاچىلىسىلا مۇزىكا ئىشلەشكە تەييار بولىدىغان مەشغۇلات سېستىمىسى بولسا دەپ ئويلىدۇم ھەمدە دەرھال گوسىت مەشغۇلات سېستىمىلىرى يادىمغا كەلدى ھەممىمىزگە مەلۇم ھازىر كۆپىنچە كىشىلەر مەشغۇلات سېستىمىسىنى يىشىپ قاچىلاشتىن گوسىتلانغان نۇسخىسىنى ئىشلىتىشكە كۆنۈپ كەتتى بۇنۇڭدا سۈرئەت تىز ھەمدە نۇرغۇنلىغان نەرسىلەرنى قاچىلاش ۋە تۇنۇتۇشتىن قۇتۇلغىلى بۇلۇدۇ (ئەلۋەتتە گوسىت نۇسخىسى بىخەتەر ئەمەس ھەم تىز بۇزۇلۇپ قالىدۇ) بۇخىلدىكى مەشغۇلات سىستىمىلىرىنى مەن مۇزىكا ئىشلەيدىغان دوسلارغا تەۋىسيە قىلمايمەن
ئەمدى گەپكە كىلەيلى شۇنىڭ بىلەن مەن گوسىت مەشغۇلات سېستىمىسىنى قانداق ياسايدىغاندۇ ياساشتىن بۇرۇن مۇزىكا ئىشلەيدىغان دىتاللارنىمۇ قوشىۋەتسەك قاچىلىساقلا مۇزىكا ئىشلەشكە تەييار بولىدىغان قىلساق قانداق بولار دەپ ئىزدەندىم ھەمدە ھەل قىلىش ئۇسۇلىنىمۇ تاپتىم ۋە ئۆگەندىم مەن بۇتوغرىلۇق ئىلگىرى مۇنبەردە دوسلار بىلەن پىكىرلەشكەن دوسلار ماڭا بۇنداق قىلساق بولمايدۇ بىرىنجىدىن قانۇنسىز مەشغۇلات سېستىمىسى ياسىغان بولۇپ قالىسىز مىكروسوفىن بىلىپ قالسا جايلايدۇ ئىككىنجىدىن بۇ خىل سېستىمىنىڭ سىغىمى بەكلا چوڭ بۇلۇپ كېتىدۇ دىسكىغا ئويۇش مۇمكىن ئەمەس پەقەت يوتكىمە دىسكا يەنى يىدۇڭ يىڭپەن ئارقىلىقلار يۆتكەپ قاچىلاشقا بۇلۇدۇ دىگەن مەسلىھەتلەرنى بەرگەنلىكى ئۈچۈن بۇ ئىشنى قىلمىدىم ئەمما ئۆزۈمگە لازىملىقنىلا ياسىۋالدىم

ئۇسۇلى ئىنتايىن ئاددى دوسلار بەلكى بىلىشى مۇمكىن توردىن ghost 11.2نى چۈشۈرۈپ كومپىيوتىرىڭىزغا قاچىلاڭ بۇ ئەڭ يېڭى نۇسخىسى ئەمدى بۇدىتالنى قاچىلاشتىن بۇرۇن سىز چوقۇم ياخشى بولغان مەشغۇلات سېستىمىسىدىن بىرنى قاچىلايسىز ۋىندوۋىس 7 بولسىمۇ ياكى xp sp3بولسىمۇ بۇلۇدۇ قايسى سىستىمىنى ياقتۇرسىڭىز شۇنى قاچىلاڭ ئەڭ ياخشىسى يىشىپ قاچىلايدىغىنى يەنى ھېچقانداق ئۆزگەرتىش كىرگۈزمىگىنى بولسۇن گوسىت شەكىلدىكىسى ئەمەس دىمەكچى بولسا ھەقىقى نۇسخىدىكى بولسا تېخى ياخشى ئەمدى سىستىمىنى قاچىلاپ بولغاندىن كىيىن كومپىيوتىرىڭىزغا تونۇتۇشقا تىگىشلىك بارلىق نەرسىلەرنى تونۇتۇڭ ياكى قاچىلاڭ ئاندىن كىيىن سىز مۇزىكا ئىشلەشتە ئىشلىتىدىغان ئۆزىڭىز ياقتۇرىدىغان بارلىق مۇزىكا ئىشلەش دىتاللىرىنى قىستۇرما دىتاللارنى قاچىلاڭ ئەلۋەتتە  بۇنىڭغا دەسلىپىدە بىر ئىككى كۈن سەرىپ قىلىشىڭىز مۇمكىن ئەمما كىيىن پەقەت يېرىم سائەتلا سەرىپ قىلىسىز دىتاللارنى قاچىلاپ بولغاندىن كىيىن ghost 11.2نى قاچىلاپ سېستىمىنى قايتا قوزغۇتۇپ ghost 11.2نى تاللاپ قوزغىتىپ سېستىمىڭىزنى يەنى cدىسكىڭىزنى گوسىتلاپ ساقلىۋالىسىز مانا ئىش پۈتتى ئەمدى بۇنىڭدىن كىيىن سېستىمىڭىزنى بۇزۇلۇپ كىتىشىدىن ۋىروسنىڭ پاراكەندىچىلىك سېلىشىدىن قورىقمىسىڭىزمۇ بۇلۇدۇ سېستىمىڭىز بۇزۇلساghost 11.2دا قوزغۇتۇپ ھېلىقى زاپاسلاپ قويغان گوسىت ھۆججىتىنى يېشىۋەتسىڭىزلا بولىدۇ چوڭ كىچىكلىكىگە قاراپ 10مىنۇتتىن 30مىنۇتقىچە ۋاقىت كىتىدۇ كومىپىيوتىرىڭىز يېڭىلا سېستىما قاچىلىغان دەسلەپكى ھالىتىگە قايتىدۇ مۇزىكا ئىشلەيدىغان يۇمشاق دىتاللىرىڭىزمۇ نورمال ئىشلەيدۇ
سەل جىق سۆزلەپ كەتتىممۇ قانداق ئىشقىلىپ بىر قېتىم جاپا تارتىۋاتسىڭىز كىيىن ئىشڭىز ئاسان بوپ كىتىدۇ مەنمۇ ئۈچ تۆت يىلدەك بوپ قالدى كومپىيوتىرىمنى xp sp3دا بىر قېتىم ۋىندوۋىس7دا بىرقېتىم گوسىتلىۋالغان سېستىمىدىن چاتاق چىقسىلا قايتىدىن يىشىۋېتىمەن ئىشلىتىشتىن قېپقالغان دىتاللار بولسا ئۆچۈرۋېتىمەن يېڭىلىرى بولسا قاچىلىۋالىمەن ھەراس گوسىتلىۋالغان ھۆججىتىڭىزنى يىدۇڭ يىڭپەندىن بىرنى سېتىۋېلىپ شۇنىڭدا زاپاسلاپ ساقلاڭ كومپىيوتىرىڭىزدا بولسا ۋىروس بۇزۇۋېتىشى  مۇمكىن ھەم بەك چوڭ يەرنى ئىگەللەپ تۇرۇپ قالىدۇ يەنى بىرگەپ كومپىيوتىرىڭىزنى زاپاسلاشتىن بۇرۇن چوقۇم ئەڭ يېڭى ۋىروس دىتالىدا كومپىيوتىرىڭىزنى بىر قېتىم تازىلىۋېتىڭ سېستىمىنى يېڭى قاچىلىغان بولسىڭىزمۇ باشقا دىسكا رايۇنلىرىغا يوشۇرنىۋالغان ۋىروسلار ئاساسى دىسكا رايۇنىغا كىرىۋېلىشى مۇمكىن بۇنداق بولسا گوسىت ھۆججىتى بۇزۇپ كېتىش ئىھتىماللىقى بار ھەم ۋىروسنى بىللە ساقلاپ يۈرۈيدىغان گەپ
ھە بولدى ئەمدى دوسلار ئۆزۈڭلار قايسىسىنى ياخشى دەپ  بىلسەڭلار شۇبۇيىچە سىناپ بېقىڭلار گوسىتلاشنىڭ ئۇسۇل يوللىرىنى توردىن ئىزدىسەڭلا تاپالايسىلەر ياكى بىلەلمىسەڭلا مەن دەپ بەرسەممۇ بۇلۇدۇ تەس ئەمەس ئاددىيلا

makan

ئەسلى يوللانما @music@ تەرىپىدىن 2011-6-21 23:11 دە يوللانغان
ئەجرىڭىزگە رەخمەت مەن ئۆزۈم قوللىنىۋاتقان بىر ئۇسۇلنى سۆزلەپ ئۆتەي قولايلىق دەپ قارىساڭلا ئىشلىتەرسىلە  مەن ...

تەجىربىڭىزنى دوسلار بىلەن ئورتاقلاشقانلىغىڭىزغا رەھمەت! لىكىن بۇ يازمىڭىزدا چىكىت ياكى پەش تاپالمىدىم،بىرەرسى ئىملا قائىدىسى بىلەن ئوقۇپ قالسا،نەپەس يىتىشمەي ئۆلۈپ قالغۇدەك

MUSICPRO

ھا ..ھا..ھا... ماكان ئەپەندى ئاجايىپ قىزىق گەپ قىلىسىزدە ...

@music@

ھا ھا ھا راستىنلا تىنىش بەلگىلىرىگە دىققەت قىلماپتىمەن. بۇنۇڭدىن كىيىن دىققەت قىلاي رەخمەت.