ئاقىللار مارشى

چارۇن

چارۇن

باھارغا باقىدۇ ھەممە ئىنتىلىپ،
باقىمەن ئاقىللار مۇنبېرىگە مەن.
بارايلى ئىناقلىق ئىلكىدە ھەممە،
كېلىڭلار ئىلىمگە—بىلىمگە زوقمەن.

بۇ كۆركەم ، مېھىرلىك، پايانسىز دۇنيا،
قوينىدا چاقنايدۇ ئىلىم قوياشى.
بۇلبۇللار بەسلىشىپ ئېيتىدۇ ناخشا،
ھەر يۇرتتىن ھەركىمنىڭ باردۇر ئاداشى.

ھەربىرى بىر دۇنيا ئاقىلداشلارنىڭ،
دىلىغا ئەركلىك بايرىقى ئاسقان.
ھەربىرى ئېيتىدۇ ئۆزگىچە ناخشا،
ئۆزىنى تاپىدۇ يولدىن ئاداشقان.

ئاقىللار ئۆم–ئىناق ھەممە قەلبداش،
ئاتىدۇ غەزەپلىك ئوقيانى ياۋغا.
ۋە لېكىن مېھىرلىك سېخى قوللارنى–
سۇنىدۇ； ئاجىزغا ، مىسكىن—بىراۋغا.

ئۆتەيلى قەلىبداش، ھەمنەپەس ھەممە،
رەيھانە ئورىغان بۇ گۈل چىمەندە.
ياڭرىتىپ ئەۋجىدە ئىلىم كۈيىنى ،
سۇنايلى گۈل دەستە گۈلگۈن ۋەتەنگە.

نەقرات:
ئۆتەيلى قەلىبداش، ھەمنەپەس ھەممە،
رەيھانە ئورىغان بۇ گۈل چىمەندە.

چارۇن

ماكان ئەپەندىنىڭ تەۋسىيىسىگە ئاساسەن يوللاندى ھى ھى ھى

Steinberg

بۇمۇ ياخشىكەنغۇ

makan

بۇنىڭغا ناخشا ئىشلەپ باقدىغانلار بارمۇ؟(ھەقسىز) ئاقىللار تورى بىلەن ماكان مۇزىكا بىلىملىرى تورى يېقىن تۇققان بوپ ئۆتىۋاتقان تور بىتكەتلەر،شۇنداقلا ئاقىللار تورى بىزنى نۇرغۇن تېخنىكا ۋە مۇنبەر سېستىمىلىرى بىلەن تەمىنلىدى شۇنداقلا قوللىدى.
ئەگەر ھەقلىق قىلىمەن دىسىڭىز پۇلىنى ئاقىل ئەپەندى بىلەن مەسلىھەتلەشسەك بولىدۇ