PRO TOOLS نىڭ چۈشۈرۈش ئادىرىسىدىن ياردەم

kvyqi

باشقا مۇزىكا ئىشلەش يۇمشاق دىتتاللىرىغا نىسبەتەن ئېيتقاندا، MIDI تەھرىرلەش ئىقتىدارى ئاجىز، ئاساسلىق ئاۋازغا ئىلىش ۋە تەھرىرلەشنى ئاساس قىلغان يۇمشاق دىتاللارنى تۆۋەندە تونۇشتۇرۇپ ئۆتىمەن. باشتا تونۇشتۇرىدىغىنىم ،ئاۋازغا ئىلىش ئۆيلىرىدە نامايەندە يەنى نوپوزلۇق ئاۋازغا ئىلىش يۇمشاق دىتالى :  PRO TOOLS

چۈشۈرۈش ئادىرسىنى ئەۋەتىپ بېرەمسىز؟

makan

چۈشۈرۈش ئادىرىسى:1- كىرىش
2-كىرىش

ئاۋاز تەھرىرلەش ۋە ئاۋازغا ئىلىشقا ئىشلىتىدىغان يۇمشاق دىتاللارنىڭ ئىچىدە مەن سىزگە Adobe Audition 1.5 نى تەۋىسسىيە قىلىمەن،مەن ھازىر Adobe Audition 3.0 نى ئىشلىتىۋاتىمەن،بەك ياخشى يۇمشاق دىتال بۇنىڭ چۈشۈرۈش ئادىرىسى:  كىرىش

ark-xir

Adobe Audition 3.0   بۇنى  كەسپى  ئاۋاز  كارتىسى  سەپلەنگەن  شارائىتتا  پەقەت  ياخشى ئىشلىتەلمىدىم ، ئاۋاز  كارتىسى  سېتىۋالماستا  مەنمۇ  مۇشۇ  دىتالنى  ئىشلىتەتتىم  بولمىسا ،  ھەقىقەتەن  بىزگە ئوخشاش گاداي  مۇزىكا  ھەۋەسكارلىرىنىڭ  ناھايتى  ئوبدان ھەمرىيى .

kvyqi

Nuendo 3 تە مۇزىكىغا شياۋگو بەرگەندە ئىشلىتىدىغان بىر خىل تىياۋيىنتەينىڭ رەسمى چىقىدىغان ھەم تەڭشىگىلى بولدىغان يۇمشاق دىتال بارمۇ؟؟؟؟بولسا چۈشۈرۈش ئادىرسىنى يوللاپ بەرسىڭىز.........كۆپتىن كۆپ رەخمەت ئېيتاتتىم....

[ يوللانمىنى ئاخىرقى قېتىم تەھرىرلىگۈچى kvyqi ، ۋاقتى: 2008-4-29 17:34  ]

makan

بار، بۇ توغۇرلۇق تېمىنى يېزىۋاتىمەن،مەزمون بەك جىق شۇڭا خۇدايىم بۇيرىسا 3~4 كۈندىن كىيىن يوللايمەن

kvyqi

ئالدى بىلەن ماۋۇ 710371587غا يوللىۋەتمەمسىز بولمىسا ؟....... رەخمەت.......

makan

ئىزدىنىپ كۆردۈم بۇ خىل يۇمشاق دىتالنى ئىشلىتىش ئۈچۈن ئۇنىڭ قاتتىق دىتالىنىمۇ بىرلىكتە ئىشلىتىدىغان ئوخشايمىز ،باھاسى يۈز نەچچە مىڭ يۈئەن دەيدۇ .

El-Makan

PRO TOOLS   ھازىرقى دەۋردە ، كۆپلىگەن مۇزىكانتلار ئىشلىتىدىغان يۇقىرى دەرىجىلىك مۇزىكا يۇمشاق دېتالى. شەخسەن مەنمۇ PRO TOOLS  نى ئىشلىتىمەن . ئاساسلىق مەشغۇلاتلىرى ئاۋازغا ئېلىش ، ئاۋاز تەڭشەش ، ئاۋاز قۇراشتۇرۇش ، مۇزىكا ياساش ، MIDI  تەھرىرلەش ۋەھاكازالار .....
PRO TOOLS بولسا Digidesign شىركىتىنىڭ مەسھۇلاتى بولۇپ ، تۆۋەندىكى ئۈچ خىل تۈرگە بۆلۈنىدۇ .
1. Pro Tools HD
2. Pro Tools LE
3.Pro Tools M Powered
ئەمما Pro Tools ئۆزىنى قوللايدىغان قاتتىق دېتالى بولمىسا ئىشلىمەيدۇ.
تۆۋەندە Pro Tools قوللايدىغان قاتتاق دېتاللارنى تونۇشتۇرۇپ ئۆتىمەن.

Pro Tools HD  ۋە Pro Tools LE :
003
003 Rack
Digi 002
Digi 002 Rack
Digi 001
Mbox 2
Mbox 2 Pro
Mbox 2 Mini
Mbox 2 Micro
Mbox


Pro Tools M Powered :
Audiophile Series
Delta Series
Fast Track Ultra
Fast Track Pro
Fast Track USB
FireWire 1814
FireWire 410
FireWire Solo
Black Box
Ozone
MobilePre USB
Ozonic
ProjectMix I/O
NRV10
roFire Lightbridge
Transit
Jamlab

مەن Pro Tools M Powered نى ئشلىتىۋاتىمەن ، گەرچەمەن بۇ يۇمشاق دېتالنى ئىشلىتىۋاتقىلى ئۇزاق بولمىغان بولسىمۇ ،بۇ يۇمشاق دېتالنىڭ باشقا يۇمشاق دېتاللارغا قارىغاندا بىر قەدەر ئاسان ۋە مۇكەممەل ئىكەنلىكىنى ھېس قىلدىم.
بۇنداق دىيىشىم باشقا يۇمشاق دېتاللارنى ناچار ياكى قىيىن دىگىنىم ئەمەس . ھەممە مۇزىكا يۇمشاق دېتالىنىڭ قىلىدىغان ئىشى ئوخشاش ،  ئاۋازغا ئېلىش ، ئاۋاز تەڭشەش ، ئاۋاز قۇراشتۇرۇش ، مۇزىكا ياساش ، MIDI  تەھرىرلەش ، گەپ كىمنىڭ قايسى پروگراممىنى تاللىشىدا

makan

دوستىمىز  El-Makan قەدىمىگە مۇبارەك،تەپسىلى ،ئەتراپلىق چۈشەندۈرگىنىگە رەھمەت!

El-Makan

سىلەرگە كۆپ رەھمەت ، مۇشۇنداق بىر ئۇيغۇرچە توربەتنىڭ بولىشىنى ئۇزۇندىن بېرى ئارزۇ قىلاتتىم.
بىز ئۇيغۇرلارمۇ ئاخىرى ئۆزىمىزنىڭ مۇزىكا توغرىسىدا بىلگەن ئاڭلىغانلىرىمىزنى ئۆزئارا سېلىشتۇرۇپ ، بىر بىرىمىزگە ئۆگىتىدىغان ۋە بىربىرىمىزدىن ئۆگىنەلەيدىغان بولدۇق.
رەھمەت

[ يوللانمىنى ئاخىرقى قېتىم تەھرىرلىگۈچى El-Makan ، ۋاقتى: 2008-5-16 15:14  ]

Sama

مەن PRO TOOLS نى   قاچىلاپ ،ئشلىتەلمىدىم .كەسپى ئاۋاز كارتىسى بولمىسا بولمامدۇ قانداق ؟

El-Makan

PRO TOOLS  ئۆزىنىڭ ئاۋاز كارتىسى ياكى قاتتىق دېتالى بولمىسا ئىشلىمەيدۇ

taxna

مە ن  پەقەتلا  چۇشىرەلمىدىمغۇ
قانداققىلىشىم   كىرەك  ماڭا ياردەم قىلامسىلەر

DJ_MardaN

بۈگۈن بۇ سەۋىپىدىكى MUSICPRO نىڭ بىر تېمىسىغا جاۋاپ يېزىۋېتىپ بىر نەرسە دېققىتىمنى تارتىپ قالدى، مەدىكار ئەپەندىم كومپىيۇتېر سەپلىمىسى ھەققىدە مەسلىھەت بەرگەچ بىر ئويۇننىڭ ئىسىمىنى دەپ ئۆتۈپتۇ. قارىسام بۇ مەن ئىنتايىن ياخشى كۆرۈپ ئوينايدىغان ئويۇن ئىكەن، شۇڭا بۇ ئويۇن توغرۇلۇق بىر تېما ئاچقۇم كېلىپ قالدى. ئادەتتە ئىشتىن سىرتقى ۋاقىتلاردا بەزىدە ئانچە-مۇنچە ئويۇن ئويناپ قۇيىمەن، مەسىلەن: ئېتىشىش، ماشىنا مۇسابىقىسى دىگەندەك. ئەمدى بۇ دىگەن مۇزىكا توغرۇلۇق دە-تالاش قىلىدىغان مۇنبەر تۇرسا ئويۇننىڭ نىمە ئىشى؟ دېسەڭلار ئۆزەممۇ بىلمەيمەن ئىشقىلىپ مۇشۇنداق بىر تېما ئاچقۇم كەپ قالدىغۇ.   كەچكىچە مۇزىكا ئىشلەپ قۇلاقنىڭ ئىچى-تېشىمۇ پاڭ بۇلاپ كەتتى، بەزىدە ئاز-پاز ئويۇن ئويناپ كۆڭۈل ئېچىپ قويغاننىڭمۇ زىيىنى يوق.

بۇ تېمىنى يېزىشىمدىكى يەنە بىر سەۋەپ بولسا پۈتۈن دۇنيادا زور ئالقىشقا ئېرىشكەن، نەچچە ئايلاپ سېتىلىش ۋە بىرىنچىلىك تاختىسىدىن چۈشمىگەن بۇ ئويۇننى ئىشلىگەن Crytek شېركىتنىڭ خوجايىنى ۋە ئويۇننىڭ باش لاھىيەلىگۈچىسىنىڭ بىر تۈرك بۇلىشى ئىدى.

                                                                                                                     

Crytek شېركىتى، 1999- يىلى گىرمانىيەدە ياشايدىغان جەۋات يەرلىك، ئاۋنى يەرلىك ۋە پەرۇخ يەرلىك ئىسىملىك ئۈچ تۈرك تەرىپىدىن گىرمانىيەنىڭ كۇبورگ شەھرىدە قۇرۇلغان بولۇپ، يەرلىك ئاكا-ئۇكىلار 2006- يىلى باش مەركىزىنى فرانكفۇرتقا يۆتكەپ كېلىدۇ. ھازىر جەمئىي 250 ئەتراپىدا خادىمى بار. يەرلىك ئاكا-ئۇكىلارنىڭ ئىشلىگەن تۇنجى ئويۇنى Far Cry خەنزۇچە ئىسىمى 孤岛惊魂 بولۇپ، 2004- يىلى بازارغا سالغاندا خۇددى بۇ ئويۇندەكلا بازار تېپىپ كەتكەن. ئۇ ئويۇندا پۈتۈنلەي ئۆزلىرى ئىشلەپ چىققان CryEngine-1 ئويۇن موتورىنى ئىشلەتكەن ئىدى. ئاراڭلاردا ئۇ ئويۇننى ئوينىغانلار چوقۇم بۇلىشى مۈمكىن. تىنچ ئوكياندىكى بىر ئىپتىدائىي ئورمانلىقلار بىلەن تولغان ئارالدا ئۆتىدىغان بىر ئويۇن ئىدى. ئۇ توغرۇلۇق جىق سۆزلىمەي.

ئەسلى تېمىمىز بولغان يېڭى ئويۇنىنىڭ خەنزۇچە ئىسىمى 孤岛危机 ئەسلى ئىسىمى بولسا Crysis بولۇپ، زادى نىمە مەنىگە كەلگەنلىكىنى ئويۇننى ئىشلىگۈچىلەردىن باشقىلار بىلمىسە كېرەك. بۇ ئويۇن 2007- يىلىنىڭ ئاخىرىدا بازارغا سېلىندى، ئىشلەتكەن ئويۇن موتورى بولسا ئۆزلىرىنىڭ ئىجادىيىتى بولغان CryEngine-1 نىڭ تېخىمۇ تەرەققىي قىلدۇرۇلغان شەكلى CryEngine-2 موتورى بولۇپ، بۇ مەۋھۇم ئويۇن دۇنياسىدىكى كۆرۈنۈشلەرنى رېئال دۇنيادىكى ھەقىقىي كۆرۈنۈشكە تېخىمۇ يېقىنلاشتۇرغان بىر موتور. ئويۇننى ئىشلەشكە 3 يىلغا يېقىن ۋاقىت، 20 مىليون ياۋروغا يېقىن پۇل كەتكەن بولۇپ، ھازىرغا كەلگۈچە ئىشلەشكە ئەڭ جىق پۇل كەتكەن ئويۇن بولدى.  

ئەمدى ئويۇننىڭ قىسقىچە مەزمۇنى مۇنداق:

2020- يىللىرى... جەنۇبىي جۇڭگو دېڭىزىنىڭ يېقىنلىرىدىكى Spratly تاقىم ئارىلىغا ئاسماندىن بىر مېتىئورىت چۈشۈپ غەلىتە ئىشلار يۈز بېرىشكە باشلايدۇ. ئامېرىكا ھۆكۈمىتى بۇ ئارالنى تەتقىق قىلىش ئۈچۈن 6 نەپەر ئارخېئولوگ ئەۋەتىدۇ ( ئەسلىدە جاسۇسلار)، ئەمما بۇ ئارخېئولوگلار ئىز-دېرەكسىز يوقىلىپ كەتكەندىن كېيىن ئۇلارنى تېپىپ قۇتقۇزۇش ئۈچۈن دېڭىز ئارمىيەسىنىڭ بىر گۇرۇپپا زەربىدارلىرى ئارالغا بارىدۇ. ئەمما ئارالغا يېتىپ بارغاندا بۇ ئارالنىڭ ئامېرىكىلىقلاردىن بۇرۇن شىمالىي چاۋشىيەن ئارمىيەسىنىڭ ئىگەللەپ بولغانلىقىنى بايقايدۇ شۇنداق قىلىپ ئامېرىكا ئەسكەرلىرى بىلەن چاۋشىيەن ئەسكەرلىرى ئوتتۇرىسىدا ئۇرۇش كېلىپ چىقىدۇ. ئىككى تەرەپ تازا ئۇرۇشىۋاتقاندا ئارالدىكى بىر تاغ تۇيۇقسىز ئوتتۇرىسىدىن ئىككىگە ئايرىلىپ ئىچىدىن ئىنتايىن چوڭ بىر تاشقىي پىلانىتا كېمىسى چىقىدۇ ۋە بىر خىل كۆك نۇر چىقىرىپ پۈتۈن ئارالنى خۇددى ئانتراكتىداغا ئوخشاش توڭلىتىپ قۇيىدۇ. شۇنىڭ بىلەن ئامېرىكىلىقلار بىر تەرەپتىن ئۇرۇشۇپ بىر تەرەپتىن ئارالدىن قېچىشقا باشلايدۇ. ئۇچار كېمىنىڭ ئىچىدىن چىققان ھەر خىل مەخلۇقلار ئۇلارنى قوغلاپ ئۆلتۈرۈشكە باشلايدۇ....

ئادەملەر بىلەن تاشقىي پىلانىتلىقلار ئارىسىدىكى بۇ دەھشەت ئۇرۇشتا باش قەھرىمان بىز بۇلىمىز. ئىسىمىز بولسا نومېد بولۇپ، ئاۋىئاماتكىدىكى ۋات-ۋات، ئاقماس گېنىرالنىڭ تۈگىمەس بۇيرۇقلىرىنى ئىجرا قىلىپ ھارمايمىز:

نومېد! يۇلىمىزنى چاۋشىيەن ئەسكەرلىرى تۇسىۋالدى، بېرىپ يولنى ئاچ.
نومېد! ئەسكەرلىرىمىز قىرىلىپ كېتىپ بارسا سەن نەدە ھاڭۋېقىپ يۈرۈيسەن؟
نومېد! تانكىنى ھەيدىگەندە دېققەت قىل! مانچە مىليون دوللارغا ياسىغان تانكا بۇ!
نومېد! پالانچى يەرگە بېرىپ پۇستانچىنى ئۆلتۈرۈپ كەل.
نومېد! ئانى قىل، نومېد! مانى قىل..............................................

بۇ فانتازىيەلىك بىر ئويۇندەك كۆرۈنسىمۇ ئەمەلىيەتتە رېئاللىقتىكى بەزى نەرسىلەرنى ئويۇن ئارقىلىق تونۇتقانلىقى چىقىپ تۇرىدۇ. مەسىلەن: ئويۇندا بىز ئامېرىكا ئارمىيەسى تەرىپىدىن تەتقىق قىلىپ ياسىلىۋاتقانلىقى خېلى بۇرۇنلا مەلۇم بولغان «سۈنئىي ئىسكىلىت» ئىسىملىك بەدەننى قوغدايدىغان، ئادەمگە ئالاھىدە كۈچ بېرىدىغان، كەيگەن چاغدا ماشىنا ئادەمگە ئوخشاش قىلىدىغان، ئوق تەگسىمۇ، يارىلانسىمۇ يەنىلا ئادەمنىڭ ھەرىكەت قابىلىيىتىنى ساقلاپ قالالايدىغان كۆپ ئىقتىدارلىق ساۋۇتنى كېيىمىز. بۇ ساۋۇتنىڭ 4 خىل ئالاھىدىلىكى بولۇپ:
1. ئىنتايىن تېز يۈگۈرەيدىغان قىلىدۇ.
2.ئادەتتىكى ئادەمدىن 20 ھەسسە كۈچلۈك قىلىدۇ.
3. 5-6 پاي ئوق تەگسىمۇ ھىچنىمە بولمايدۇ.
4. 30 سېكۇنت ئادەمنى كۆرۈنمەس قىلالايدۇ.  

ئەمدى بۇ ئويۇننىڭ كومپىيۇتېرغا بولغان تەلىپىگە كەلسەك بەكلا يۇقىرى. ئادەتتىكى كومپىيۇتېرلار بۇ ئويۇننى كۆتۈرەلمەيدۇ. بۇ ئويۇندىن ھەقىقي زوق ئېلىپ ئويناش ئۈچۈن ئەڭ ئاز دىگەندىمۇ:

2 ئۆزەكلىك CPU،  
1.5G ئىچكى ساقلىغۇچ،
nVidia 8800 GT ياكى ATI 3870 سۈرەت كارتىسى لازىم.

كومپىيۇتىر سەپلىمىسى تۆۋەن بولغانلار ئويۇننىڭ ئېنىقلىق دەرىجىسىنى چۈشۈرۈپ مەسىلەن 1024x760 ياكى 800x600  قىلىپ ئويناپ سىناپ باقسا بۇلىدۇ،
لېكىن بۇنداق تۆۋەن ئېنىقلىقتا ئوينىسا ئويۇننىڭ ھەقىقىي مەززىسى بولغان رېئال دۇنياغا ئوخشاش كۆرۈنۈشلىرىنىڭ جىقىدىن مەھرۇم قالىدۇ.
ئىشقىلىپ بۇ ئويۇننى ئويناپ باقمىغانلار بىر قېتىم ئويناپ بېقىڭلار، بۇرۇن ئوينىغان ئويۇنلارغا ئوخشىمايدىغانلىقىنى چوقۇم ھىس قىلىسىلەر،
ئويناپ بولغانلار بولسا كومپىيۇتېرنىڭ ئالدىدا 2 سائەت مۈكچىيىپ ئولتۇرۇپ يازغىنىمنىڭ ھۆرمىتىنى قىلىپ بولسىمۇ يەنە بىر قېتىم ئوينىۋېتىڭلار .
تولىمۇ ئۇزۇن يېزىۋەتتىم، ئەمدى ئويۇننىڭ كۆرۈنۈشلىرىدىن ھۇزۇرلىنايلى:


ئويۇننى ئىشلىگەن Crytek شېركىتىنىڭ خوجايىنى جەۋات يەرلىك





























































ماۋۇ ئىككى رەسىمنى مەن ئويۇننىڭ ئىچىدىن ئالدىم، كۆپ ئىقتىدارلىق ساۋۇتنى كەيگەن ۋاقتى:






----------------------------------

[ يوللانمىنى ئاخىرقى قېتىم تەھرىرلىگۈچى DJ_MardaN ، ۋاقتى: 2008-7-16 02:39  ]