查看完整版本: [-- توردىن ئالغان پايدىلىرىم(ھەمزە) --]

كەڭ ساي مۇنازىرە مۇنبىرى -> پەندى نەسھەت -> توردىن ئالغان پايدىلىرىم(ھەمزە) [打印本页] 登录 -> 注册 -> 回复主题 -> 发表主题

ھەمزە 2011-01-06 11:58
توردىن ئالغان پايدىلىرىم

مەن توردۇنياسىغا قەدەم تاشلىغىلى 7يىلدەك بۇپتۇ. بۇنىڭ ئىچىدە مىنىڭ توردىن ئالغان پايدىلىرىممۇ كۈرنەرلىك بۇپتۇ. ئەلۋەتتە مىنىڭ ئالغان پايدىلىرىم بولغانىكەن زىينىمۇ بۇلىدۇ.ئەمما پايدا ئېلىش ئۈچۈن مەلۇم مىقدارتا زىيان تارتىشقا توغرا كىلىدۇ. شۇڭا مەن بۇ زىيانلارنىڭ گىپىنى قىلىپ ئولتۇرمايمەن. تۈۋەندە ئالغان پايدىلىرىمنى سۆزلەپ ئۈتىمەن.

1.   مەن ئەڭ ئاۋۋال مۇنبەرگە تىما يوللاشتىن باشلىدىم. بۇ 2008.يىدىن باشلاپ يىتىلگەن ئىش ئىدى.مەن دەسلەپ قاشتېشى مۇنبىرىگە كىردىم.ئۇ يەردىكى ‹ناخشىنىڭ ئىسلامدىكى ئورنى› دىگەن تىمام بەس مۇنازىرە قوزغىۋەتتى. ئەمما ئۇنىڭ پايدىسى بولغانلىقىنى بىر قانە تورداش ماڭا ئۇختۇردى. مەن شۇ مۇنبەرگە تىما يوللاۋەردىم. ئاردا تور تاقالدى. قايتا ئېچىلغاندىن كىيىن يەنە تىما يېزىشقا كىرىشتىم. تور قايتا ئەسلىگە كەلگەندىن كىيىن تىمىنى كۆپ يوللاشقا باشلىدىم.مۇشۇ جەرياندا مەندە يېزىقچىلىق قۇۋۋىتى ئاشىشقا باشلىدى.ئىسلام مۇنبەرلىرىگىمۇ تىما يوللاشقا باشلىدىم، مەن دەسلەپتە دىنىي تىمىلارنى يوللىغاندا پەقەتلا مەنبەنى يازمايتتىم، قۇرئان ئايىتىنى يازسام قايسى سۈرە ،قايسى ئايەت ئىكەنلىكىنى يازمايتتىم. مەن مۇشۇ ئىشىم تۇپەيلى خېلى تەنقىدكە ئۈچرىغانمۇ بولدۇم.ۋە دىنىي تىما يازسام مەنبەلەرنى تۇلۇق ئەسكەرتىدىغان بولدۇم. بۇ ماڭانىسبەتەن چوڭ پايدا ئىدى.مۇشۇ ئىش تۇپەيلى بەزى ساختا ھەدىسلەنىڭ كىرىپ قېلىشىنىڭ ئالدىنى ئالدىم.قۇرئان ئايەتلىرىنى يازسام ئۈزۈم تەرجىمە قىلىپلا يازاتتىم. ھازىرقى ئۇيغۇرچە قۇرئان تەرجىمىسى بىلەن مەلۇم مىقداردا پەرقلىنىپ تۇراتتى.مەزمۇنى بىر ئەمما بەزى لەپزىلىرى ئۆزگىرىپ كىتەتتى. ھازىر ئۇنداق قىلمايدىغان بولدۇم.قۇرئان ئايىتىنى يازغاندا ئامال بار ئۇيغۇرچە قۇرئانغا سېلىشتۇرۇپ ئاندىن يازىدىغان بولدۇم. شۇنىڭ بىلەن يېزىلغان تىما يىڭىچە ئۇسلۇب بىلەن چىقتى. تىمىنى مۇشۇ بۇيىچە يازدىم. شۇنداقتىمۇ بەزى زەئىپ،مەۋزۇئ ھەدىسلەرمۇ قۇشۇلۇپ قالغان بولدى. شۇنىڭ بىلەن مەن ھەرقانداق بىر تىما يازسام ئەڭ ئاۋۋال بۇخارىي ۋە مۇسلىمغا مۇراجىئەت قىلدىم.ئۇنىڭدىن باشقا ئۇيغۇرچە سەھىھ ھەدىسلەر توپلىمىدىن پايدىلاندىم. ھەدىسلەرنىڭ پەقەت سەھىھ بولغانلىرىنىلار يازىدىغان بولدۇم. ناھايتى ئاز ساندا ‹ھەسەن› دەرىجىلىك ھەدىسلەرمۇ قۇشۇلۇپ قالدى. مۇشۇنداق بۇلىشىمغا قېرىندىشىمىز قۇتلۇق سەۋەبچى بولغان بولدى. ئاللاھ ئۇ قېرىندىشىمىزغا ئەجىر ئاتا قىلسۇن.

2.   بەزى مەسىلىلەردە مەن پەقەت ئايەت ۋە ھەدىسلەرنىڭ مەزمۇنىغا قاراپلار جاۋاب بىرەتتىم. مۇنبەردىكى بەزى قېرىنداشلىرىمنىڭ رەددىيەلىرى بىلەن مەسىلىلەردە ئىسلام دۇنياسىغا تۇنۇلغان ئالىملارنىڭ ، مۇجتەھىدلەرنىڭ مەن دەلىل قىلماقچى بولغان ئايەت ۋە ھەدىس توغۇرلۇق نىمە دىگەنلىكىنى بىلىپ بېقىپ شۇ بۇيىچە مەسلەھەت بىرىدىغان بولدۇم.

3.   سۇغۇق قانلىقنى يىتۇشتۇردۇم، بۇرۇن بەكلا قېنىم قىززىق ئىدى. بىر ئىشنىڭ بىدئەت ئىكەنلىكىنى بىلسەم شۇ ئىشقا قاتتىق قارشى تۇراتتىم.بۇ تەرەققىي قىلالمايدىغان كىچىك بىدئەت بولسىمۇ شۇ ئىشنىڭ بىدئەت ئىكەنلىكىنى بىلدۈرۈپ قۇياتتىم. بۇ ئىشىمنىڭ مۇسۇلمانلار ئارسىدا پىتنىگە سەۋەبچى بۇلۇپ قېلىشى بىلەن كارىم يوقتى. كىيىن مەن ئوتتۇرغا قويماقچى بولغان ئىشنىڭ مۇسۇلمانلار ئارسىدا قانچىلىق پايدا ئېلىپ كىلىدۇ،قانچىلىك زىيان ئېلىپ كىلىدۇ؟ مۇشۇلارنى ئويلايدىغان بولدۇم.بەزى ئىشلاردا  مەلۇم بىر ھەدىسكە زىت ئىشنى كۆرگەن بولساممۇ مۇسۇلمانلارنىڭ بىرلىكىنى دەپ سۈكۈت قىلدىم.ئەمما تەرەققىي قىلىپ دىنغا بۇزغۇنچۇلۇق ئېلىپ كىلىدىغان بىدئەتنى كۆرسەم ئۇنى جەزمەن تۇسىمەن،ياكى بىلدۈرۈپ قۇيىمەن،ياكى قەلبىمدە نارازى بۇلىمەن.

4.   بىلگەنلىرىمنى يەتكۈزدۇم. ۋە رەسۇلۇللەنىڭ ‹مەندىن بىر ئايەت بولسىمۇ يەتكۈزۈڭلار› دىگەن ھەدىسىگە مۇشۇ تور ئارقىلىقمۇ ئەمەل قىلالىدىم.مۇشۇ ئارقىلىق بەزى قېرىنداشلارنىڭ مەلۇم بىرگۇناھنى ئۆتكۈزمەسلىكىگە سەۋەبچى بولغان بولدۇم.جەمىيتىىمىزدە جارى بۇلىۋاتقان بەزى گۇناھ ئىشلارنى ھەدىس ئارقىلىق كۆرسەتكەن بولدۇم.

5.   مىنىڭ ئىزدىنىشىمگە سەۋەبچى بولدى.تىما يازسام سۇئال چىقىدىغانراق قىلىپ يازدىم. بەزى قېرىنداشلىرىمنىڭ قىسقىغىنە بىر ئىنكاسىمۇ مىنى نۇرغۇنلىغان ماترىياللارنى كۈرۈپ ئىزدىنىشكە،ئۇستازلاردىن مەسلەھەت ئېلىشقا،سەئۇدىيدىكى بەزى ئەھلى ئىلىملاردىن سۈراشقا سەۋەپ بولدى. شۇ ئىزدىنىش جەريانىدا مەن بىلمەيدىغان نۇرغۇنلىغان بىلىملەرگىمۇ ئىگە بولدۇم.مەن ئۇزەممۇ باشقىلارنىڭ خېلى ئىزدىنىشىگە سەۋەبچى بولدۇم.

6.   بەزى قېرىنداشلارنىڭ قۇرئان ئۇقۇشنى ئۆگىنىشىگە سەۋەبچى بولدۇم. مەن ئارقىلىق بىر ئادەمنىڭ قۇرئان ئۇقۇشنى ئۆگىنىشى مەن ئۈچۈن مەن ئىرىشكەن بارلىق ياخشىلىقلارنىڭ ئالدىدا تۇرىدۇ.

7.   نەۋەتتىكى ئۇيغۇر قېرىنداشلىرىمىزنىڭ بىر پۇتۇن ئەقىدىلىرىنى چۈشەنگەن بولدۇم.توردا مەن كۈرۈشمىگەن خىرىستىيانلار(بۇلار قۇرغان ئۇيغۇرچە تور بىكەتلىرىنىمۇ ماڭا كۆرسىتىشتى)،ئىسلام داۋاسى قىلىدىغان قۇرئانچىلار،جەدىدچىلىكنى يامان كۈرۈدىغان تەرىقەتچىلەر،تەسەۋۋۇپچىلاريەنە ئۇنىڭدىن باشقا مەن شىنجاڭ دىيارىدا بۇلىشىنى ئويلاپ باقىمغان بەزى پىرقىلەرنىڭ ھىلھەممۇ بارلىقىنى بىلدىم. بۇئارقىلىق مەن بەزى قېرىنداشلىرىمنى ئۇلارنىڭ تەسرىگە ئۇچراپ كىتىشتىن ئىھتىيات قىلدۇردۇم. تور دۇنياسى ئاجايىپ دۇنيا ئىكەن.ئادەم ئويلىمىغان ئىشلا يۈز بىىدىكەن.

8.   بەزى كىشىلەرنىڭ ئىسلام دىنىغا پۇتۇنلەي كىرشىگە،ناماز ئۇقۇشىغا،ئىسلام ئەركانلىرىنى چۈشىنىشىگە سەۋەپچى بولدۇم. بۇ ماڭا قىيامەت كۇنى ئەڭ پايدا يەتكۈزىدىغان ئىش.

9.   مىنىڭ تور ئەسلىگە كەلگەندىن بۇيان يازغان بارلىق تىمىلىرىم 300بەت كەلگۇدەك بۇپتۇ. بۇنى word  شەكىللىك قىلىپ يىغىپ قويدۇم. كۈرەشنى خالايدىغانلارغا مەن ئەۋەتىپ برىمەن.

10. مەن ئىرىشكەن ماددىي مۇكاپات. كەڭ ساي ئەپەندىم بەرگەن يۈز يۈەن نەخ پۇل. مۇنبەر پۇلىسى 10000غا يەتسە يۈز يۇۋەن مۇكاپات بىرلىدۇ دىگەن ۋاخلارغا ئۈلگۈرۈپ مىنىڭ مۇنبەر پۇلۇم بەلگىلەنگەن سانغا يىتىپتىكەن. تېلپۇنۇمغا 100يۈەن جالاندى.

يۇقارقىلار بولسا مىنىڭ توردىن ئىرىشكەن پايدىلىرىم. مەن توردا ئۆتكۈزگەن ۋاختىمغا رازى. ئۇيۇن ئويناپ ۋاقىت ئۆتكەزمىدىم.

قېنى سىزنىڭكىنىمۇ بىر ئاڭلاپ باقايلى.

سىز قانچىلىك پايدىغا ئىرىشتىڭىز؟ ئەگەر سىز ئىرىشكەن پايدىڭىزنى دەپ بىرەلمىسىڭىز سىز تۇلىمۇ بېخىل ،پايدا –زىيان بىلەن ھىسابلاشمايدىغان،ئۇزىڭىزدىن ھىساب ئېلىپ تۇرۇشنى بىلمەيدىغان ئادەم بۇپ قالىسز.

 

fatih204 2011-01-06 12:46
1- خىلى كوپ كىشىلەر بىلەن سىرداشتىم ، پىكىرلەشتىم ، بەزىلىرى ھەتتا مەندە شۇنچىلىك ھورمەت تۇيغىسى پەيدا قىلدى .
2- ئوزەمنىڭ قانچىلىك بىلىمسىزلىكىمنى ھىس قىلىپ قالدىم . بەزىدە خاتالىقىنى بىلسەممۇ ،قورئان ھەدىس ئارقىلىق ئىسپاتلاپ بىرەلمەي تۇرۇپ قالغىنىمدا ئىچىم ئاچچىق بولدى ،بەزىدە مۇشۇ توردىكى بەزى پىكرلەر بىزنىڭ دىن ھەققىدە ئىزدىنىشىمىزگە سەۋەب بولىدىكەن .
3- ئوزەمنىڭ ھەق مەيدانلىرىدا جۇرئەتسىزلىكىمنى ھىس قىلىدىم ، ھەق سوزلەش كىرەك بولغان ئورۇنلاردا سوزلىمەي سۇكۇتتە تۇرغان ۋاقىتلىرىم كوپ ئىدى ، بۇلارنىڭ بەزىلىرى پىتنىدىن يىراق تۇرۇش ئۇچۇن بولسا بەزىلىرى ھەقىقەتەن جۇرئەتسىزلىكمدىن بولغان ئىدى ، مەۋھۇم دۇنيادا جۇرئەت قىلالمايمەن ، ئەمەلىي تۇرمۇشتىن سوز ئىچىش بەك تەس ،،،
4- خىلى كوتۇرۇشلىك بوپ قالدىم ،، بۇيەردە يۇز ئاياش بولمايدۇ ،، بەزى دوسلىرىمغا رەھمەت ئىيتىمەن ،، خاتا بوپ قالسا ئايىماستىن يۇز بەرمەستىن ئىيتىدۇ ،، شۇنىڭ بىلەن گەپ سوز قىلغاندا ئىھتىيات قىلىدىغان ، تەنقىد بولسا ئىتتىكلىك قىلماسلىقنى ئوگىنىۋالدىم،،
5- ھەر خىل پىكىر ئىقىملار بىلەن ئۇچراشتىم ، تورغا كىرمىگىنىمدە بىلمەستىم ،، بىرى دىسىمۇ ئىشەنمەس ئىدىم ،، پىچاق بىلىگەندەك مىنىڭچە بىر ئىتىقادمۇ شۇنداق ھەرخىل پىكىرلەر بىلەن ئۇچرىشىپ ئوز مەيدانىدا مۇكەممەل تۇرالىسا ئاندىن ئۇ پۇت تىرەپ تۇرالىشى مۇمكىن . بۇ جەرياندا ھەم تەۋھىد ئىلىمنىڭ مۇسۇلمانلار ئىتىقادى ئۇچۇن قانچىلىك مۇھىملىقىنى ھىس قىلدىم
6- توردىكى قويۇق دىنى تىمىلار بەزى تورداشلاردا ھەر خىل پىكىرلەرنىڭ بولىشىغا سەۋەب بولدى ،، بۇنى قايسى بىر فىزىكىغا ئائىت تىما يوللانغاندا بۇ توربەتتە مۇنداق پەنگە ئائىت تىمىلارنىمۇ كورگىلى بولىدىكەن ھە دىگەن پىكىرلەردىن ھىس قىلىۋالدىم ،،،
لىكىن بۇ پىكىردىن بىز ئوزىمىزگە بىر ئوزۇق ئىلىشىمىز كىرەك ،،، يەنى مۇسۇلمان ئۇممىتى ئوزىنىڭ ھەر تەرەپتىكى ساپاسىغا قاتتىق ئەھمىيەت بىرىشى كىرەك ،، خەندەك غازىتى مانا جەڭ ئىلىملىرىدىن بىرى دىيىشكە بولىدۇ ،، بۇنى مانا سالمان فارىسىينىڭ مەسلەھەتى بىلەن پەيغەمبىرىمىز  مەدىنى قوغداش جىڭىدە قوللانغان ،  مانا بۇ تەدبىرلەر قايسى جەڭ ئىلمىدىن كەم ،،، بۇندىن ئىككى ھىكمەت بىزگە كورىنىپ تۇرۇپتۇ ،،، بىرى ئىلىم يەنى قورئان ھەدىسكە زىت بولمىغان ئاساستا مۇسۇلمان ئۇچۇن زەرۇر ،،
مانا مەدىنە خەۋىپتە قالغاندا كىشىلەر ئويلەردىن چىقماي دۇئا قىلىپلا ئولتارغىنى يوق ، ئەلبەتتە دۇئا ھەممىنىڭ بىشى ، ئاللاھدىن نۇسرەت تىلەش شۇبھىسىز ئىشلارنىڭ ئەڭ ئەۋۋىلى شۇندىن كىيىن سەۋەب قىلىش كىرەكلىكى شۇنداق جەڭ ئىلىمدىن پايدىلىنىپ دۇشمەندىن مۇداپىئە قىلىشى بۇ بىر جانلىق دەرىس ،،بۇ دەرىس بىزنى ئىلىم ئارقىلىق قوراللىنىپ ئوز ئىتىقادىمىزنى ،ئوزىمىزنى قوغداشقا دەۋەت قىلىپ تۇرۇپتۇ ،،، يەنە بىر ھىكمەت بولسا سەلمان فارىسىي بۇ بىر نامرات ، فارىس مىللىتىدىن بولغان كىشى ئىدى
مانا كورۇلۇپ تۇرۇپتىكى شۇ كىشىنىڭ مەسلىھەتىنى رەسۇلۇللاھ قوبول كورگەن ،، بىز تۇرمىشىمىزدا كىبىر يوقىرى بولوش سەۋەبلىك مەرتەۋىسىز ، ئاددى كىشىلەرگە ئىتىبارسىز قارايمىز ، ھەتتا بۇ توردىمۇ يىڭى كىرگەن ئەمما پىكرى شۇنچىلىك ياخشى بۇرادەرلەرنىڭ
ئىنكاس تىمىلىرى ئىتىبارسىز قالىدۇ ،،، بۇ ئەيىپ ھەمىمىزدە ئازدۇر كوپتۇر بار ،،، ئاللاھ رەسۇلنىنىڭ يولىدا مەن دىگەن كشى بىر كىشىنىڭ ئوزىگە ئەمەس سوزىگە قارىسۇن ،،، تىمىدىن چەتنەپ كەتتىم يىغىپ ئىيتساق ، بۇ توردىكى ئىلم پەن ھەققىدىكى تىما مۇنازىرىلەرنىڭ ئاز بولىشى بۇ ئىتىقادى كامىل بولغان كىشىنى ئەپسۇسلاندۇرىدۇ  ،،، لىكىن بۇ قانداقتۇر تەقۋا بۇرادەرلەرنىڭ خاتالىقى ئەمەس ،،، ئۇلار توسمايدۇ ، ئەكسىچە ھەققە زىت بولمىغان ئاساستىكىلىرىنى قوللايدۇ ،،، شۇڭا بۇ ھەقتە ھىس قىلغىنىم بولسا شۇنداق ئىقتىساد پەن ساھەسىدىكى تىمىلارنى شۇ ساھەدە ئارتۇقچىلىقىم بار دىگەنلەر يوللاڭلار ،،
7-خاتالىقىمنى تۇزىتىۋالدىم ، شۇ باھانىدە ياخشى ئۇلپەتداشلار بىلەن ئۇچرىشىۋالدىم ، ئىشقىلىپ كەڭساي بىلەن تاسادىبىي ئۇچرىشىپ قالغىنىمغا خوشالمەن ،،،  بۇ نەچچە ئايدا مەن دىلىنى ئورۇنسىز رەنجىتكەنلەر بولسا ئوزرە ،،، بۇ جەرياندا ماڭا ھەمسۇھبەت بولغانلارغا ، ھەم بۇسورۇننى ھازىرلاشقا كۇچ چىقىرىۋاتقان كەڭساي باشچىلىقىدىكى باشقورغىچىلارغا رەھمەت ئىيتىمەن

saifulla 2011-01-06 13:30
ئەسسالامۇ ئەلەيكۇم:
مىنىڭ توردىن ئالغان پايدىللىرىممۇ خىلى بار. ئويناپ سۆزلىسەڭمۇ ئويلاپ سۆزلە دىگەن گەپنى مۇشۇيەردە ئەمىلى لەشتۈردۈم. مەيلى توردا بولسۇن ياكى كۇندۈلۈك تۇرمۇشىمىزدا بولسۇن .باشقىلار بىلەن مۇئامىلە قىلغاندا ئالدىرقسانلىق قىلماسلىقنى،يىنىكلىك بىلەن ئىش قىلماسلىقنى ئۈگەندم. چۈنكى (بۇرنىمغا سۇكىرپ) .
(قاتتىق بىر مۇنازىر لىشىپ باقايلى) دىگەن تېما ماڭا بەك ياخشى پايدا بەردى.(ناماز ئوقۇغۇچىلاردىكى 15خاتالىق دىگەنگەئوخشاش تېمىلار...يەنە ئالىملىرىمىزنىڭ تەرجىمھاللىرى...ئىشقىلىپ بۇتوربەتكە تىزىملىتىم ھازىرغىچە بىر تىپىلغۇسىز ئىسىل كىتاپتىن بىرنى ئۇقۇغاندەك بولدۇم.
ھەم دىيارىمىز مۇسۇلمانلىرىنىڭ كاللىسىنى قاتتىق سىلكىۋىتىپ  ئىتىپاقلاشمىسا ئاخىرىنى تەسەۋۇر قىلغۇسىز تىراگىدىيەگە دۇچ كىلىدىغىنىنى ھىس قىلدىم .
يەنەكىلىپ ئۆزۈمنىڭ ناھايىتىمۇ قارا قورساق ئىكەنلىكىمنى ھىسقىلدىم...ئالدىمدا بىرسى شۇنداق بۇزغۇنچىلىق قىلىۋاتسىمۇ .قۇلۇمدا قۇرال تۇرۇم قانداق ئىتىشنى بىلمىدىم. بۇماڭا ئىلىم ئىلىشنىڭ ھەقىقەتەم مۇھىملىقىنى ھىسقىلدۇردى.بۇمۇ بىر پايدا دەپ ئويلايمەن.

bugra 2011-01-06 14:00
1 - مەن ئىلگىرى خەتمۇ باسالمايتىم ھازىر ئۇستا بوپكەتتم،
2-دىندىمىزدىكى بىر قىسىم مۇھىم ئىشلارنى بىلىۋالدىم.
3-خەلىىقىىئارالىق ئىشلار ئۈستىدە مۇلاھىزە يۈرگۈزۈشنى ئۈگىنۋالدىم.
4-شۇ تۈركىيەنىڭ كىنولىرىنى ئانچە-مۇنچە كۆرۈپمۇ قويدۇم.
5-مەنمۇ نادىرتىمىلارنى يېزىش ئۈچۈن تەييارلىق قىلىۋاتىمەن،ئىزدىنىۋاتىمەن.
6-ئۆزۈمنىڭ تەپەككۇر قىلىش ئىقتىدارىمنىڭ بارغانسىرى ئېشىۋاتقانلقىنى ھېىس قىلدىم.
7-ئۆزۈمنىڭ بىلىمىمنىڭ ناھايتىمۇ تۆۋەنلىكىنى، تېخىمۇ تىرىششىپ،دىننى ۋە پەننى بىلىم ئۈگىنىشىمنىڭ زۆرۈرلىكىنى ھېس قىلدىم.
8-كەڭساي مۇنبىرىگە ئامراق بولۇپ قالدىم،كەڭساي مۇنبىرى مېنىڭ مىھرى ئىللىق ئائىلەمگە ئوخشاپ قالدى.
9-ئاخىرىدا كەڭساي مۇنبىرىغا،ۋە كەڭساي مۇنبىرىدىكى ھەمزە باشلىق ئىزدىنىۋاتقان،تىرىشىۋاتقان بارلىق ئەزالارغا رەخمىتىمنى بىلدۈرىمەن.ئۇلۇغ ئاللاھ ھەممىزگە خاتىرجەملىك، مۇستەھكەم ئىىمان ئاتا قىلغاي.

bugra 2011-01-06 15:12
كىيۇ كىيۇ ئويناۋېرىپ قىز دوسلىرىڭىز كۆپىيىپ كەتكەن ئوخشايدۇ ھە،

كۆكئاي 2011-01-06 15:55
http://dar-alifta.org/ViewBayan.aspx?ID=199&LangID=1

ھەمزە ئەپەندىم خالىسىڭىز يەنە بىر پايدا ئىلۋىلىڭ.

human 2011-01-06 16:28
مەن يېڭى بولغاچقا...........

ھەمزە 2011-01-06 17:51
ئىشلىتىش
引用第6楼gokay于2011-01-06 15:55发表的 :
http://dar-alifta.org/ViewBayan.aspx?ID=199&LangID=1

ھەمزە ئەپەندىم خالىسىڭىز يەنە بىر پايدا ئىلۋىلىڭ.قالدۇرغان ئىنكاسلېرىڭىزغا قاراپ كىبىرلىكنى تاشلاپ ئىنساپ بىلەن كەلسىڭىز يەنە بىر ئىشنى ئەسكەرتىپ قۇيىمەن.

ئەسسالامۇ ئەلەيكۇم گوكەي ئەپەندى.  ئەۋەتكەن ئادرىسىڭىزنى مەزمۇنلاردىن خەۋەردار بولدۇم. ئاللاھ سىز ئارقىلىق بىر ئىلىمگە ئىگە قىلىپتۇ بۇگۇن......
ئىلىم ھەرقانداق ئادەمدە بولسا ئۇنى ئۈگىنىمىز. ئۇ ئادەمنىڭ ئىتقادىنىڭ قانداق بۇلىشىدىن قەتئىينەزەر.

مانا مۇشۇنداق دەلىل ئارقىلىق رەددىيە قايتۇرساڭلار قۇبۇل قىلىمەن.
قېنى ماڭا ئەسكەرتمەكچى بولغان يەنە بىر ئىشنىمۇ دەڭ............

xahida 2011-01-06 18:23
ئەسسالامۇ ئەلەيكۇم
ھەمزھ  قىرىندىشىم سىزگە ۋە شۇنداقلا كەڭ سايدىكى بارلىق قىرىنداشلىرىمىزغا اللە رەھمەت قىلسۇن!!!!!
سىزنىڭ نادىر تىمىللىرىڭىز كەڭ سايدا ئۇزۈلۈپ قالمىسۇن !
مەنمۇ بۇ تور دۇنياسىدىن نىمىلەرگە ئىرىشكىنىمنى بۇ تىمىڭىز ئارقىلىق سىزىپ يەتتىم .
1: مەن ئەڭ ئاۋال سىز بىلەن تونۇشتۇرغان اللە غا ھەمدۇ سانا ئىيتىمەن .
2؛مەن چچ ئارقىلىق  خىلى كوپ مۇسۇلمان قىرىنداشلار بىلەن تونۇشۇپ قالدىم.
3؛چچ ئارقىلىق تورداشلاردىن ئىسلام تور بەتلىرىبى تاپتىم .
4؛مەن خەت باسالمايتىم مۇنبەرگە كىرىپ خەت بىسىشنى ئۈگەندىم .
ئىشقىلىپ مەن تورغا چىقىشنى ئۈگەنگەندىن بۇيان زىيان تەرەپلىرىنى كۆرمىدىم

ھەمزە 2011-01-06 18:30
ۋە ئەلەيكۇم ئەسسالام. مەن زىيانلىق تەرەپلىرىنىمۇ كۆردۇم. ئەمما يېزىشنى لايىق تاپمىدىم

bugra 2011-01-06 18:50
ئېتىيات قىلمىسىڭىز زىيانلىق تەرەپلىرىمۇ بەك كۆپ جۇمۇ بۇ ؛؛تورنىـــــــــــــــــــــــــــــــــــــــڭ


查看完整版本: [-- توردىن ئالغان پايدىلىرىم(ھەمزە) --] [-- top --]


Powered by PHPWind v7.3.2 Code © 2003-08 PHPWind
Time 0.048366 second(s),query:3 Gzip enabled

You can contact us