سېھىر قىلىنغان كىشى قانداق قىلىشى كېرەك؟ ھېكمەتلەر كەڭ ساي مۇنازىرە مۇنبىرى

查看完整版本: [-- سېھىر قىلىنغان كىشى قانداق قىلىشى كېرەك؟ --]

كەڭ ساي مۇنازىرە مۇنبىرى -> ھېكمەتلەر -> سېھىر قىلىنغان كىشى قانداق قىلىشى كېرەك؟ [打印本页]

登录 -> 注册 -> 回复主题 -> 发表主题

<< 1 2 >> Pages: ( 2 total )

hakikat

2010-12-24 16:05

سېھىر قىلىنغان كىشى قانداق قىلىشى كېرەك؟

جاۋاب:
بىسمىللەھىرراھمەنىرراھىيم

ئاللاھ تائالاغا ھەمدۇ -سانالار بولسۇن، پەيغەمبەر ئەلەيھىسسالامغا ۋە ئۇنىڭغا ئەگەشكەنلەرگە دۇرۇت-سالاملار بولسۇن.
سېھىر ھەقىيقەتتە مەۋجۇتتۇر، سېھىر قىلىنغان كىشى سېھىرنى بىكار قىلىش ئۈچۈن ئىسلام كۆرسەتكەن چارىلارنى قىلىدۇ، سېھىرنى بىكار قىلىش ئۈچۈن سېھىرگەرگە يول مېڭىش ۋە سېھىر ئارقىلىق سېھىرنى بىكار قىلىش ھارامدۇر.
سېھىرنى بىكار قىلىش ئۈچۈن ياكى سېھىردىن مۇداپىيە قىلىش ئۈچۈن ئىسلام كۆرسەتكەن ئەڭ ئۈنۈملۈك يول بولسا تۆۋەندىكىچە:
1-ئاللاھ تائالاغا يۈزلىنىش، ئۇنىڭغا تايىنىش ۋە تەۋەككۇل قىلىش، ئۇنىڭغا يېلىنىپ تۇرۇپ دۇئا قىلىش، ئاللاھ تائالانى ياد ئېتىپ زىكىر قىلىپ تۇرۇش، ئاللاھ تائالاغا ئىلتىجا قىلىپ سېھىر ۋە بارلىق مەخلۇقلارنىڭ زىيانكەشلىكىدىن پاناھ تىلەش، ۋە پەيغەمبەر ئەلەيھىسسالام كۆرسەتكەن مەخسۇس دۇئا-ئايەتلەرنى ئوقۇشتۇر. بۇ ئەينى ۋاقىتتا سېھىرنى بىكار قىلىشقىلا پايدىلىق بولماستىن تۈرلۈك زىيانكەشلىكلەرنىڭ ئالدىنى ئېلىپ ساقلايدىغان مۇداپىيە خاراكتېرلىق مۇستەھەب ياخشى ئىشتۇر. ئاللاھ تائالا مۇنداق دېگەن: ](ئاللاھقا تەۋەككۈل قىلغىن، ئاللاھ (ئۇنىڭغا) تەۋەككۈل قىلغانلارغا يېتەرلىكتۇر[(ئەھزاب 48-ئايەت)
]ئاسمانلاردىكى ۋە زېمىندىكى غەيبنى بىلىش ئاللاھقا خاستۇر، ھەممە ئىش ئاللاھ تائالانىڭ ئىلكىدەدۇر، شۇڭا ئاللاھقا ئىبادەت قىلغىن ۋە ئاللاھقا تەۋەككۈل قىلغىن (يەنى ھەممە ئىشىڭنى ئاللاھقا تاپشۇرغىن). پەرۋەردىگارىڭ قىلىۋاتقان ئىشلىرىڭلاردىن غاپىل ئەمەستۇر[(ھۇد123-ئايەت)
] (ئى مۇھەممەد!) قۇرئاننى ئوقۇساڭ ئاخىرەتكە ئىشەنمەيدىغانلار بىلەن سېنىڭ ئاراڭدا يوشۇرۇن پەردە پەيدا قىلىمىز[(ئىسرا سۈرىسى45-ئايەت).
2- سېھىر قىلىشقا ئىشلىتىلگەن ماددىنى تاپقىلى ياكى ئورنىنى بىلگىلى بولسا شۇنى تېپىپ بوق قىلىۋېتىش، پەيغەمبەر ئەلەيھىسسالاممۇ بىر يەھۇدىي تەرىپىدىن سېھىر قىلىنغاندىن كېيىن جانابى ئاللاھتىن شىپالىق سورىغان، ئاللاھ تائالا سېھىرگە ئىشلىتىلگەن تاغاقنىڭ ئورنىنى پەيغەمبەر ئەلەيھىسسالامغا بىلدۈرگەندىن كېيىن تاغاقنى قۇدۇقنىڭ ئىچىدىن ئالدۇرىۋەتكەندىن كېيىن سەللىمازا ساقىيىپ كەتكەن.(سەھىھەين).
بىمار ئالدى بىلەن دوختۇرغا كۆرۈنۈپ جىسمانىي كېسەللىك بار يوقلىقىنى بىلىشى زۆرۈر، پەيغەمبەر ئەلەيھىسسالام كېسەللىكلەردىن داۋالىنىشقا بۇيرىغان، داۋالىنىش بىلەن بىللە دۇئا ۋە ئايەتلەر بىلەن ئاللاھ تائالاغا يۈزلىنىپ ئۇنىڭدىن شىپالىق سورىشى كېرەك.
ئەمما بىنورماللىقنىڭ سەۋەبى جىسمانىي كېسەل بولماي سېھىر تەسىرى ئىكەنلىكى ئېنىقلانسا بىمار ئۆزى ئايەت ۋە دۇئالارنى ئوقۇسىمۇ بولىدۇ ياكى ئۇلارنى سۇ ۋە باشقا يېمەكلىكلەرگە سۈف دەپ دېمىدە قىلىپ ئىستىمال قىلسىمۇ بولىدۇ. ھەزرىتى ئائىشە رەزىيەللاھۇ ئەنھا مۇنداق دېگەن: «پەيغەمبەر ئەلەيھىسسالام ئۆيىدىكىلەردىن بىرى ئاغرىپ قالسا ئۇنىڭغا پاناھ تىلەش ئايەتلىرىنى (قۇل ئەئۇزۇ بىراببىل فەلەق، قۇل ئەئۇزۇ بىراببىنناس) ئوقۇپ سۈفلەييتى، ئاخىرقى قېتىمدا ئۆزى ئاغرىپ قالغاندا- شۇ ئاغرىقى بىلەن ئۆلۇپ كەتكەن- ئۇنىڭغا مەن سۈفلەپ قوياتتىم، مېنىڭ قولۇمدىن تېخىمۇ بەرىكەتلىك بولغانلىقى ئۈچۈن ئۆزىنىڭ قولى بىلەن بەدىنىنى سىلاپ تۇراتتىم» يەنە بىر رىۋايەتتە: (قۇل ھۇۋەللاھۇ ئەھەد، قۇل ئەئۇزۇ بىراببىل فەلەق، قۇل ئەئۇزۇ بىراببىنناس) ئايەتلىرىنى ئوقۇپ سۈفلىگەن دەپ كەلگەن(بۇخارى، مۇسلىم ۋە ئەلمەجمۇئ).
ھەزرىتى ئائىشە رەزىيەللاھۇ ئەنھا سۇغا ئايەت ۋە دۇئا ئوقۇپ دېمىدە قىلىپ كېسەلگە تۆكسە بولىدۇ دەپ قارايتتى(ئىمام ئىبنى ئەبى شەيبە ئەلمۇسەننەفتە رىۋايەت قىلغان).
ئىمام نەۋەۋىي مۇنداق دېگەن: "بارلىق ئالىملار (تۈكۈرۈكسىز) سۈفلەپ دۇئا ۋە ئايەت ئوقۇشنى جائىز دەپ قارايدۇ، ساھابە ۋە تابىئىيلار ۋە ئۇلاردىن كېيىنكىلەرنىڭ كۆپچىلىكى سۈفلەشنى مۇستەھەب دەپ قارىغان"(نەيلۇل ئەۋتار).

سېھىردىن ساقلىنىشقا ۋە سېھىر زىيانكەشلىكىگە ئۇچرىغاندا ئوقۇيدىغان دۇئا ۋە ئايەتلەر تۆۋەندىكىچە:
1-فاتىھە سۈرىسىنى ئوقۇش. پەيغەمبەر ئەلەيھىسسالام فاتىھەنى ئوقۇپ بىمارنى داۋالىغان بىر ساھابىگە: «بۇنىڭ شىپالىق دۇئا ئىكەنلىكىنى قانداق بىلدىڭ؟»دېگەن(بۇخارى ۋە مۇسلىم). فاتىھەنى ئۈچ ياكى يەتتە قېتىم ئوقۇسا بولىدۇ.
2-بەقەرە سۈرىسى 255-ئايەت (ئايەتۇل كۇرسىي)نى ئوقۇش: ][ بۇ قۇرئان كەرىمدىكى ئەڭ ئۇلۇغ ئايەتتۇر، بۇ ئايەتنى ھەر پەرز نامازدىن كېيىن، شۇنداقلا ئۇخلاشتىن ئىلگىرى ئوقۇيدۇ. سەھىھ ھەدىستە مۇنداق دېيىلگەن: «ئايەتۇل كۇرسىينى كەچتە ئوقۇسا شۇ كېچە ئاللاھ تائالا ئۇنى قوغدايدۇ، ئۇنىڭغا تاڭ ئاتقىچە شەيتان يېقىن كېلەلمەيدۇ»(بۇخارى).
3-كافىرۇن سۈرىسى(109-سۈرە)][ ئۈچ قېتىم ئوقۇيدۇ.
4-ئىخلاس سۈرىسى(112-سۈرە)] [ ئۈچ قېتىم ئوقۇيدۇ.
5-فەلەق سۈرىسى(113-سۈرە)] [ ئۈچ قېتىم ئوقۇيدۇ.
6-ناس سۈرىسى(114-سۈرە)] [ ئۈچ قېتىم ئوقۇيدۇ.
7-ئەئراف سۈرىسى(7-سۈرە) 117-119-ئايەتلەر.]
8-يۇنىس سۈرىسى(10-سۈرە) 79-82-ئايەتلەر. ][
9-تاھا سۈرىسى(20-سۈرە) 65-69-ئايەتلەر.]
10-بەقەرە سۈرىسىنىڭ ئاخىرقى ئىككى ئايىتىنى يەنى(ئەمەنەرراسۇلۇ 285-286-ئايەتلەرنى) ئوقۇش. ][ ھەدىستە مۇنداق كۆرسىتىلگەن: «كىمكى بەقەرە سۈرىسىنىڭ ئاخىرقى ئىككى ئايىتىنى بىر كېچىدە ئوقۇسا ئۇنىڭغا كۇپايە قىلىدۇ»(بۇخارى ۋە مۇسلىم).
11-پەيغەمبەر ئەلەيھىسسالام كۆرسەتكەن بۇ دۇئانى ئوقۇش:«»«ئى ئىنسانلارنىڭ پەرۋەردىگارى! ئاغرىق ۋە دەردلىرىمىزنى تۈگەتكىن، شىپالىق ئاتا قىلغىن، پەقەت سەنلا شىپالىق ئاتا قىلغۇچىسەن، سېنىڭ شىپايىڭدىن باشقا شىپالىق يوق»(بۇخارى ۋە مۇسلىم).
12-جىبرىيل ئەلەيھىسسالامنىڭ پەيغەمبەر ئەلەيھىسسالامغا ئوقۇپ قويغان بۇ دۇئاسى ئوقۇش: «»«ئاللاھنىڭ ئىسمى شەرىپى بىلەن ساڭا ئازار بېرىدىغان ھەر قانداق نەرسىنىڭ زىيىنىدىن ساڭا شىپالىق تەلەپ قىلىمەن، ھەرقانداق بىر نەفسنىڭ ياكى ھەسەت قىلغان كۆزنىڭ زىيىنىدىن ساڭا ئاللاھ شىپالىق ۋە پانالىق بەرسۇن، ئاللاھنىڭ ئىسمى شەرىپى بىلەن ساڭا شىپالىق تەلەپ قىلىمەن»(ئىمام ئەھمەد ۋە مۇسلىم).
13-تەۋبە سۈرىسى 129-ئايەتتىكى بۇ دۇئانى ئوقۇش:][ ]ئاللاھ ماڭا كۇپايە قىلىدۇ، ئۇنىڭدىن باشقا ھېچ ئىلاھ يوقتۇر، ئۇنىڭغا تەۋەككۈل قىلدىم، ئۇ بۈيۈك ئەرشنىڭ پەرۋەردىگارىدۇر[.
14-ئەتىگىنى ۋە ئاخشىمى بۇ دۇئانى ئۈچ قېتىمدىن ئوقۇش:][ «ئاللاھنىڭ ئۇلۇغ كەلىمىلىرى بىلەن مەخلۇقلارنىڭ شەررىدىن پاناھ تىلەيمەن» (ئىمام مۇسلىم). بۇنى ئەتىگىنى ئاخشىمى، كېچە كۈندۈز، ئۆيگە كىرگەندە ياكى تالاغا چىققاندا ئوقۇيدۇ.
15- ئەتىگىنى ۋە ئاخشىمى بۇ دۇئانى ئۈچ قېتىمدىن ئوقۇش: ][ «نامى بىلەن ئاسمان ۋە زېمىندە ھېچنەرسە زىيان يەتكۈزەلمەيدىغان ئاللاھنىڭ نامى بىلەن پاناھلىنىمەن، ئاللاھ ھەممىنى ئاڭلاپ ۋە كۆرۈپ تۇرغۇچىدۇر»(ئەبۇ داۋۇد ۋە نەسائىي قاتارلىقلار).
16-بۇ دۇئانى ئوقۇش: ][. «ئى ئاللاھ! سەندىن دۇنيا ۋە ئاخىرەتتە سالامەتلىك تىلەيمەن. ئى ئاللاھ! سەندىن گۇناھلىرىمغا مەغپىرەت، دىنىمدا، دۇنيالىقىمدا، ئائىلەمدە، پۇل-مېلىمدا سالامەتلىك تىلەيمەن. ئى ئاللاھ! ئەۋرەتلىرىمنى ياپقىن، قورقۇنچلىرىمنى تۈگۈتۈپ خاتىرجەم قىلغىن. ئى ئاللاھ! مېنى ئالدىمدىن، كەينىمدىن، ئوڭ تەرىپىمدىن، سول تەرىپىمدىن ۋە ئۈستى تەرىپىمدىم قوغدىغىن. سېنىڭ ئۇلۇغلىقىڭ بىلەن ئاستى تەرىپىمدىن سۈيقەستكە ئۇچرىشىمدىن پاناھ تىلەيمەن» (نەسائىي ۋە ئىبنى ماجە).
17-ئەييۇب ئەلەيھىسسالامنىڭ بۇ دۇئاسىنى ئوقۇيدۇ: ][ «ھەقىقەتەن مېنى بالا (يەنى قاتتىق كېسەل) ئورىۋالدى، سەن ئەڭ مەرھەمەتلىكسەن»(ئەنبىيا سۈرىسى83-ئايەت. بۇ بەك خاسىيەتلىك ئۇلۇغ دۇئا بولۇپ ھەزرىتى ئەييۇب ئەلەيھىسسالام مۇشۇ دۇئانى قىلغان ھامان دەرھال ئاللاھ تائالا ئۇنى ئىجابەت قىلغان. قۇرئان كەرىمدە ئاللاھ تائالا بۇنى مۇنداق بايان قىلغان: ]ئۇنىڭ دۇئاسىنى دەرھال ئىجابەت قىلدۇق، ئۇنىڭ بېشىغا كەلگەن بالانى كۆتۈرۈۋەتتۇق[ئەنبىيا سۈرىسى84-ئايەتنىڭ بىر قىسمى.
يۇقىرىقى دۇئا ۋە ئايەتلەرنى ئەتىگىنى ۋە ئاخشىمى ۋە باشقا بارلىق چاغلاردا ئۆزىگە ئوقۇپ ھۈرۈپ سۈفلىسە بولىدۇ، قولىغا سۈفلەپ بەدىنىنى سىلىسا بولىدۇ، ياكى سۇغا ئوقۇپ سۈفلەپ دېمىدە قىلىپ ئىچسىمۇ بولىدۇ، ياكى شۇ سۇدا يۇيۇنۇپ تاھارەت ئالسىمۇ بولىدۇ. بۇلارنى مۇمكىن بولسا ئەرەبچە تولۇق تەلەپپۇزدا ئوقۇغىنى ئەۋزەل، ئۇنداق ئوقۇيالمىسا ئۇيغۇرچىسىنى قېتىرقىنىپ ئىخلاس بىلەن ئوقۇسىمۇ بولىدۇ.
ياكى بۇ دۇئا ۋە ئايەتلەرنى ياخشى ئوقۇيالايدىغان تەقۋادار كىشىنىڭ يېنىغا بېرىپ بۇلارنى بىمارغا ئوقۇتۇپ سۈفلەتسىمۇ بولىدۇ، بۇ ئەھۋالدا ئوقۇپ قويىدىغان كىشى سېھرىگەر ياكى پالچى ياكى داخان، رەممال بولماسلىقى، ئايال كىشى بىلەن مەھرەمسىز خالىي يەردە بولماسلىقى، ئايالنىڭ تولۇق كىيىمى بىلەن بولىشى شەرتىگە رىئايە قىلىش كېرەك.
بۇرۇنقىلاردىن ۋەھب ئىبنى مۇنەببىھ، كېيىنكىلەردىن ئالۇش شەيخ (فەتھۇل مەجىيد) دېگەن كىتابىدا ۋە شەيخ ئابدۇللاھ ئىبنى باز قاتارلىق بەزى ئالىملار سىدىر دەرىخىنىڭ يەتتە يوپۇرمىقىنى سۇغا چىلاپ شۇ سۇغا يۇقىرىقى ئايەتلەرنى ئوقۇپ ھۈرۈپ ئۇنى ئىچسە ۋە ئۇنىڭدا تاھارەت ئالسا سېھىردىن ساقىيىدۇ دېگەن قۇرۇق گەپنى ئوتتۇرىغا قويغان بولسىمۇ بۇنداق قىلىشنىڭ سەھىھ ياكى ئاجىز بىر ھەدىستىن دەلىلى يوقتۇر، شۇڭا بۇنداق قىلماسلىق كېرەك.
دۇئالارنىڭ ئىجابەت بولۇشى ئۈچۈن دۇئانىڭ تۆۋەندىكى ئەدەب-قائىدىلىرى ۋە شەرتلىرىگە تولۇق رىئايە قىلىشقا تىرىشىش لازىم:
1-خاسىيەتلىك ۋاقىتلارنى غەنىيمەت بىلىپ دۇئا قىلىش مەسىلەن: سەھەر ۋاقتى، ئاللاھ تائالا دېدى:]ئۇلار سەھەر ۋاقىتلىرىدا ئىستىغفار ئيتىشىدۇ[ ئەزان بىلەن تەكبىر ئارىلىقى، جۈمە كۈنى، ئەرافات كۈنى، رامىزان ئېيى، سەپەر ئۆستىدىكى ۋاقىت.....قاتارلىق چاغلاردا دۇئا قىلىش.
2-خاسىيەتلىك ئەھۋاللارنى غەنىيمەت بىلىپ دۇئا قىلىش مەسىلەن: سەجدە قىلغان ھالدا، سەپەر ئۆستىدىكى چاغدا، يامغۇر ياغقان چاغدا، روزا تۇتقان كۈنلەردە، ئىپتار قىلىشتىن ئىلگىرى، ئەرافات كۈنىدە، ناماز ئوقۇپ بولغاندا....
3-ئاللاھ تائالاغا ۋە دۇئاسىنى ئىجابەت قىلىدىغانلىقىغا كەسكىن ئىشەنچ بىلەن دۇئا قىلىش. پەيغەمبەر ئەلەيھىسسالام مۇنداق دېگەن: «سىلەر ئاللاھ تائالانىڭ ئىجابەت قىلىشىغا كەسكىن ئىشەنگەن ھالدا دۇئا قىلىڭلار»
4- دىلى بىلەن تولۇق بېرىلىپ پۈتۈنلەي ئاللاھ تائالاغا يۈزلىنىپ ۋە يېلىنىپ تۇرۇپ دۇئا قىلىش. غەپلەتتە بېپەرۋالىق بىلەن دۇئا قىلماسلىق، قولىنى كۆتۈرۈپ، تىزلىنىپ ئولتۇرۇپ دۇئا قىلىشمۇ يېلىنىپ دۇئا قىلىشنىڭ بىر شەكلىدۇر. بەزى ياشلىرىمىز نادانلىق قىلىپ قولنى كۆتۈرۈپ دۇئا قىلىشنى بىدئەت دەپ تۇرىۋالغان ئەھۋاللارمۇ مەۋجۇت، ئەمەلىيەتتە پەيغەمبەر ئەلەيھىسسالاممۇ يامغۇر تەلەپ قىلغاندا قولتۇقىنىڭ ئېقى كۆرۈنۈپ قالغۇدەك دەرىجىدە قولىنى كۆتۈرۈپ دۇئا قىلاتتى(سەھىھەين). ئىمام بۇخارى يەنە دۇئادا قول كۆتۈرۈش دېگەن كىتابىدا پەيغەمبەر ئەلەيھىسسالامنىڭ بىرقانچە ئورۇندا قولىنى كۆتۈرۈپ دۇئا قىلغانلىقىنى كۆپ ساھابىلاردىن سەھىھ ھەدىسلەردە رىۋايەت قىلغان. يەنە بىر ھەدىستە پەيغەمبەر ئەلەيھىسسالام مۇنداق دېگەن: «ئاللاھ تائالا ھايالىق ۋە سېخىدۇر، بىر كىشى ئىككى قولىنى كۆتۈرۈپ دۇئا قىلسا ئۇنىڭ ئىككى قولىنى قۇرۇق ياندۇرۇشتىن ھايا قىلىدۇ»(ئەبۇ داۋۇد)، يەنە پەيغەمبەر ئەلەيھىسسالام بەقىيئ قەبرىستانلىقىغا كېچىدە بارغاندا قولىنى ئۈچ قېتىم كۆتۈرۈپ دۇئا قىلغان»(مۇسلىم). يەنە شەيتانغا تاش ئاتقندا قولىنى كۆتۈرۈپ دۇئا قىلغان(مۇسلىم). يەنە ھەزرىتى ئەبى مۇسا ئەلئەشئەرىي رەزىيەللاھۇ ئەنھۇغا دۇئا قىلغاندا قولىنى كۆتۈرۈپ دۇئا قىلغان(بۇخارى ۋە مۇسلىم). يەنە باشقا نۇرغۇن سەھىھ ھەدىسلەر بار.
5-دۇئانى ئارقا-ئارقىدىن قاشاڭلىق بىلەن قىلىش. بىر قېتىم قىلىپ توختاپ قالماسلىق. بەلكى دۇئانى ئۈچ قېتىم تەكرارلاش. «پەيغەمبەر ئەلەيھىسسالاممۇ دۇئا قىلسا ئۈچ قېتىم تەكرارلاپ قىلاتتى، ئاللاھ تائالادىن تىلىسە ئۈچ قېتىم تەكرارلاپ تىلەيتتى»(مۇسلىم). «پەيغەمبەر ئەلەيھىسسالام ئۈچ قېتىم تەكرارلاپ دۇئا قىلىشنى، ئۈچ قېتىم تەكرارلاپ ئىستىغفار ئېيتىشنى ياقتۇراتتى»(ئىمام ئەھمەد ۋە ئىبنى ھىببان)
6-ھالال كىرىم بىلەن ياشاش، ھالال يەپ، ھالال ئىچىش، ھالال كېيىش. ھەدىستە پەيغەمبەر ئەلەيھىسسالام ئۇزۇن مۇددەت سەپەرگە چىقىپ يۈز-بېشى توپا بولۇپ كەتكەن ھالدا ئىككى قولىنى كۆتۈرۈپ: ئى پەرۋيەردىگارىم! ئى پەرۋيەردىگارىم! دەپ دۇئا قىلغان ئادەم ھەققىدە مۇنداق دېگەن: «ئۇنىڭ يېيىشى ھارام، ئىچىشى ھارام، كىيىشى ھارام، ھارام بىلەن غىزالانغان تۇرسا دۇئاسى قانداقمۇ ئىجابەت قىلىنسۇن؟»(مۇسلىم)
7-ئاللاھ تائالاغا ھەمدۇ -سانا ۋە پەيغەمبەر ئەلەيھىسسالامغا دۇرۇت-سالاملار ئېيتىش. دۇئاسىنى يەنە ئاللاھ تائالاغا ھەمدۇ-سانا بىلەن ئاياغلاشتۇرۇش.
8-تاھارەت بىلەن پاك ھالەتتە دۇئا قىلىش.
9-باشقىلارغا زۇلۇم قىلغان بولسا دەرھال باشقىلارنى رازى قىلىپ ھەققىنى قايتۇرۇش. گۇناھ قىلغان بولسا دەرھال تەۋبە قىلىپ گۇناھ ئىشقا قايتماسلىققا بەل باغلاش.
10-ئاللاھ تائالاغا تائەت-ئىبادەتنى كۆپ ۋە توغرا قىلىش، ئاسىيلىق قىلماسلىق.
11-قىبلىگە قاراپ تۇرۇپ دۇئا قىلىش. پەيغەمبەر ئەلەيھىسسالاممۇ ئۇلۇغ ئەرافات كۈنىدە قىبلىگە قاراپ تۇرۇپ دۇئا قىلغان.
12-دۇئا قىلىپ بولغىاندىن كېيىن ئىككى ئالقىنى بىلەن يۈزىنى سىلاش. «پەيغەمبەر ئەلەيھىسسالاممۇ دۇئا قىلىپ بولغاندىن كېيىن يۈزىنى سىلىمىغىچە قولىنى پەسكە چۈشۈرمەيتتى»(تىرمىزىي-سۇبۇلۇسسالام).
13-ۋارقىراپ توۋلىماي پەسرەك ئاۋازدا دۇئا قىلىش. ئاللاھ تائالا مۇنداق دەپ بۇيرىغان: ]پەرۋەردىگارىڭلارغا يېلىنىپ تۇرۇپ پەس ئاۋازدا دۇئا قىلىڭلار، توۋلاپ ھەددىدىن ئاشۇرۇۋەتكەنلەرنى اللھ ياقتۇرمايدۇ[(ئەئراف سۈرىسى 55-ئايەت)
14-دۇئانىڭ ئىجابەت قىلىنىشىغا ئالدىراپ كەتمەسلىك. پەيغەمبەر ئەلەيھىسسالام مۇنداق دەيدۇ: «قايسىڭلار ئالدىراپ كەتمىسە دۇئاسى ئىجابەت قىلىنىدۇ، ئۇ ئالدىراپ كېتىپ : دۇئا قىلسام ئىجابەت بولمىدى دەپ قالىدۇ»(مۇسلىم).
15-قىلغان خالىس ياخشى ئەمەللىرىنى تىلغا ئېلىپ تۇرۇپ دۇئا قىلىش. ھەدىستە غارغا سولۇنۇپ قالغان ئۈچ كىشى قىلغان خالىس ئەمەللىرىنى شەپى كەلتۈرۈپ دۇئا قىلغاندا غارنىڭ ئېغىزى ئېچىلىپ قۇتۇلغانلىقى بايان قىلىنغاندۇر.(بۇخارى ۋە مۇسلىم).
ۋەللاھۇ ئەئلەم.

ئەرەپچىسى نورمال كۈرۈنمىگەنلىكتىن قىسقارتىلدى .
مەنبە : ئىلگىرىكى ئىسلام تورىدىن ساقلانما

albax	2010-12-24 18:02
كۆپ رەھمەت ! ئىپلاس ئادەملەرگە يۇلۇققان نۇرغۇن بىگۇناھلار بۇنىڭغا بەكلا مۇھتاج !

happy	2010-12-24 18:05
رەھمەت ياخشى نەرسىلەرنى دەپ بەردىڭىز

ھەمزە	2010-12-24 18:15
ئاللاھ ئەجرىڭىزنى بەرسۇن قېرىندىشىم.بۇ نادىرلىغۇدەك تىما بۇپتۇ. بۇنىڭدىن كىيىنمۇ داۋاملىق مۇشۇنداق نادىر تىمىلىرىڭىز ئۈزۈلمىسۇن.

hakikat

2010-12-24 18:19

ئىشلىتىش
引用第3楼ھەمزە于2010-12-24 18:15发表的 :
ئاللاھ ئەجرىڭىزنى بەرسۇن قېرىندىشىم.بۇ نادىرلىغۇدەك تىما بۇپتۇ.
بۇنىڭدىن كىيىنمۇ داۋاملىق مۇشۇنداق نادىر تىمىلىرىڭىز ئۈزۈلمىسۇن.

ھەممىڭلارغا ئاللاھ رەھمەت قىلسۇن ، تورتاقىلىشتىن ئىلگىرى ئىسلام مۇنبەرلىرىدىن ساقلاپ قويغان خېلى كۆپ ماقالىلەر بار . باشقۇرغۇچىلار تەستىقلاپلا بەرسە ئايىماي يوللايمەن .

yamghur	2010-12-24 20:11
كۆپتىن كۆپ رەھمەت، مەن دەل مۇشۇ توغرىسىدا ئىزدەۋاتاتتىم.

atka	2010-12-24 20:54
سىزگە اللە رەھمەت قىلسۇن!

owqi520	2010-12-24 21:27

appakhoja

2010-12-24 23:00

ئەمدى بۇنى ئۇقۇپ ،دەم سەپ پۇل تاپىدىغان ئوغرىلار چىقمىدى،جىن موللىرى بىلەن داخانلارنى يىغىشتۇرالمايۋاتقاندا،ئۇستازلىرىمىز تەلىم بېرىپ قويسا باشقا ئەچىقالماي،ئالجوقى سوزلەيدىغان جا سوپىلار مەن جىق كۆرگەمەن ،بۇنداق تېمىلارنى تەكلىپ جىق يوللىمايلى بىزنىڭ بېشىمىزدىن ئۆتكەن،بۇنداق ئىشلار،پۇل بېرىپ خەتمە ئوقۇتىدىغان،ھەتتە ئۈرۈمچىدە بىر قىسىپ خۇمپەر جا سوپىلار ،سودىلىشىپ خەتمە ئوقۇيدىكەن بىر قېتىم خەتمە ئوقىشى 1000 سومدىن ئۇشۇقكەن ،توختالسىمۇ بەك ئىنچىكىلىك بىلەن توختالمىسا دىمەكچىمەن ئەزىزلەر....

wijdanim	2010-12-24 23:43
ئەزا يېزىش چەكلەندى ، بۇ مەزمۇن تاقالدى

ھەمزە

2010-12-25 13:21

ئىشلىتىش
引用第4楼hakikat于2010-12-24 18:19发表的 :

ھەممىڭلارغا ئاللاھ رەھمەت قىلسۇن ، تورتاقىلىشتىن ئىلگىرى ئىسلام مۇنبەرلىرىدىن ساقلاپ قويغان خېلى كۆپ ماقالىلەر بار . باشقۇرغۇچىلار تەستىقلاپلا بەرسە ئايىماي يوللايمەن .

يوللاۋرىڭ بۇرادەر. قېرىنداشلىرىمىز ئۇچۇن باشقىلارنىڭ بىلجىرلاشلىرىغا قارىماي يوللاۋېرىڭ.

sadakat1013	2010-12-25 23:37
بەك ياخشى تېماكەن.

aliplar	2010-12-26 00:19
<<ئۇقۇتىۋاپتۇ >> دىگەن گەپ ئەسلى راست كەندە مەن قەتئىيلا ئىشەنمەي كەلگەن ! تېما ئىگىسىگە كۆپ رەخمەت !

yaxam

2010-12-26 00:20

ئىشلىتىش
引用楼主hakikat于2010-12-24 16:05发表的 سېھىر قىلىنغان كىشى قانداق قىلىشى كېرەك؟ :
سېھىر قىلىنغان كىشى قانداق قىلىشى كېرەك؟

جاۋاب:
بىسمىللەھىرراھمەنىرراھىيم

.......

((بۇرۇنقىلاردىن ۋەھب ئىبنى مۇنەببىھ، كېيىنكىلەردىن ئالۇش شەيخ (فەتھۇل مەجىيد) دېگەن كىتابىدا ۋە شەيخ ئابدۇللاھ ئىبنى باز قاتارلىق بەزى ئالىملار سىدىر دەرىخىنىڭ يەتتە يوپۇرمىقىنى سۇغا چىلاپ شۇ سۇغا يۇقىرىقى ئايەتلەرنى ئوقۇپ ھۈرۈپ ئۇنى ئىچسە ۋە ئۇنىڭدا تاھارەت ئالسا سېھىردىن ساقىيىدۇ دېگەن قۇرۇق گەپنى ئوتتۇرىغا قويغان بولسىمۇ بۇنداق قىلىشنىڭ سەھىھ ياكى ئاجىز بىر ھەدىستىن دەلىلى يوقتۇر، شۇڭا بۇنداق قىلماسلىق كېرەك. ))

ماۋۇ گەپنىڭ جېنى بار.
سەئۇدى ئەرەبىستان ئالىملىرى سەل ئاجىزراق ھەدىس بولسا كۆتۈر دەپ تۇرىۋالىدىغان تۇرۇقلۇق ماۋۇ ۋەھب ئىبنى مۇنەببىھنىڭ سۆزىنى فەتھۇل مەجىيدكە كىرگۈزۈپ ياخشى قىلماپتۇ. دىنىمزدا رەسۇلۇللاھ سەللاللاھۇ ئەلەيھى ۋەسەللەمدىن باشقا كىشىنىڭ سۆزىدىن دەلىلگە تايانغىنى قوبۇل قىلىنىدۇ، تايانمىغىنى رەت قىلىنىدۇ.
ئاللاھ رازى بولسۇن. بولسا مەنبەنى ئېنىقراق ئەسكەرتىپ قويسىڭىز. قايسى ئىسلام تورى؟ ئادرىسى قايسى؟

fatih204	2010-12-26 00:26
ئاللاھنىڭ رىزاسىنى كوزلەپ قەلىبدىن چىقىرىپ زىكىر قىلىڭ ،،،مىنىڭچە نوقول كىسەلنىڭ شىپاسىنى كوزدە تۇتۇپ قىلىنغان زىكىردىن كوپ ئەبزەل بولسا كىرەك ،

dastargul	2010-12-26 00:29
بەك ياقتۇدۇم ، قىزىقىمەن تېمىلىرىڭىز ئۈزۈلمىسۇن ..!

dastargul	2010-12-26 00:34
ئۇلۇغ ئايەتلەرنى كۆرۈپ سۆيۈندۇم رەھمەت

uyghur	2010-12-26 00:57
ئىشلىتىش 引用第1楼albax于2010-12-24 18:02发表的 : كۆپ رەھمەت ! ئىپلاس ئادەملەرگە يۇلۇققان نۇرغۇن بىگۇناھلار بۇنىڭغا بەكلا مۇھتاج ! قوللايمەن ...

hakikat

2010-12-26 11:00

ئىشلىتىش
引用第13楼yaxam于2010-12-26 00:20发表的 :

ئاللاھ رازى بولسۇن. بولسا مەنبەنى ئېنىقراق ئەسكەرتىپ قويسىڭىز. قايسى ئىسلام تورى؟ ئادرىسى قايسى؟
.......

ئاللاھ ھەممىمىزدىن رازى بولسۇن .
بۇ ماقالە ئىلگىرى ئىسلام ئاۋازى تورىدا نەشىر قىلىنغان ، ھازىر دىياردا ئېچىلمايدۇ .

tamqabulak

2010-12-26 13:28

سېھىر ھەقىقەتەن مەۋجۇت. بۇنى ۋاقتىدا داۋالاتمىسا ئادەمنى ئاجىزلاشتۇرىۋىتىدۇ، ھەتتا جانغا تاقىلىش خەۋپى بار. ئەمما ئۇنى داۋالاش ئۈچۈن ھەرگىز سېھىرگەرگە بىرىشقا بولمايدۇ، ئۇنداق قىلساق ئاللاغا ئىغىر شىرىك كەلتۇرگەن بولىمىز. نۇرغۇن ئادەم بۇنى بىلمەيدۇ، بىلسىمۇ سەل قارايدۇ. مەن بۇرۇن مەخسۇس جىن ۋە سېھىرگە قارشى تۇرۇش توغرىسىدىكى <<جىن ۋە سېھىرگە قارشى تۇرۇش قوللانمىسى>> دىگەن كىتاپچىنى ئوقۇغان ئىدىم ، ئەرەپچىدىن تەرجىمە قىلىنغان ئىكەن. شۇ كىتاپتا ئىنتايىن تەپسىلى بايان قىلىنغان ئىدى. ئەمەلىيەتتە بىز ھەممىمىز ھەرۋاقىت جىن ۋە سېھىرنىڭ تەسىرىگە ئۈچراپ تۇرىمىز، شۇڭا ھەرۋاقىت ئالدىنى ئىلىش تەدبىرلىرىنى قىلىپ تۇرمىساق بولمايدۇ. ئەگەر سېھىرلەنگۈچىلەر بولسا ۋاقتىدا تەقۋادار قارىي-ئۆلىمالىرىمىزدىن ياردەم سورىسا بولىدۇ. ھازىر مەخسۇس جىن ۋە سېھىر تەسىرىگە ئۈچرىغانلارنى داۋالايدىغان خالىس ياكى مۇۋاپىق ھەق ئالىدىغان كىشىلەرنى ھەممە يۈرتلاردىن ئاساسەن تاپقىلى بولىدۇ. بولۇپمۇ <<ئايەتۇلكۈرسى>>نى ھەرۋاقىت ئوقۇپ، ئوزىمىزگە ھۆرۈشنى دائىملىق ئادىتىمىزگە ئايلاندۇرىۋالايلى.

esil818	2010-12-26 17:11
ئەي قېرىندىشىم سىزنى ۋە سىزگەئوخشاش ئۈگەنگەن بىلىمىنى زايا كەتكۈزۋەتمەيدىغان كىشلەرنى < ئاللا > ئىگەم ئۈزپاناھىداساخلىغاي.! ھەممىمىزنىڭ ئنسابىنى< ئاللا > ئىگەمدىن تىلەيمەن ۋە تىلەيلى.!

ayhenim	2010-12-27 00:12
يھشھپ كھت

kasimjan998	2010-12-27 02:16
ئاللا رازى بۇلسۇن

biliknur	2010-12-28 23:36

sad~da

2010-12-31 15:46

ئىسلام ئالىملىردىن نەچچىسى سىھىر مەۋجۇت دىسە يەنە نەچچىسى سىھىر مەۋجۇت ئەمەس دەيدۇ

ئەگەر سىھىر مەۋجۇت بولغان تەقدىردىمۇ ھەممىلا كىشلەرگە ئېقى ۋەرمەيدۇ ئەگەر سىھىرنىڭ راستنلا شۇنداق كارامىتى بۇلدىغان بولسا ئۈچۈنجى دۇنيا سىھىرگەر باخشىلارنىڭ ئۇرشى بۇلدۇ چۈنكى سىھىر راستنلا مەۋجۇت بولسا ئۇنى سىياسىي ئىشلاردا ئىشلەتسە ئەڭ ئۈنۈملۈك بۇلدۇ بىر ئۇقۇپلا بىر دەلەتنىڭ گىنرالىنى خاتا بۇيرۇق بەگىزۋەتكىلى بۇلدۇ

rizwangul	2011-01-03 17:53
ئاللا رەخمەت كېلسۇن

wukumran	2011-01-03 18:37
مەنغۇ ئاللاھتىن باشقا ھەرقانداق بىر كىمنىڭ بىرسىنى بىرقانداق قىلىپ قويالايدىغانلىقىغا ئىشەنمەيتىم ،ئاللا رەخمەت قىلسۇن ...

kula1ne	2011-01-06 03:00
ياخشىتىرشىڭ

dito_dito

2011-01-06 15:18

ئىشلىتىش
引用第24楼sad~da于2010-12-31 15:46发表的 :
ئىسلام ئالىملىردىن نەچچىسى سىھىر مەۋجۇت دىسە يەنە نەچچىسى سىھىر مەۋجۇت ئەمەس دەيدۇ

ئەگەر سىھىر مەۋجۇت بولغان تەقدىردىمۇ ھەممىلا كىشلەرگە ئېقى ۋەرمەيدۇ ئەگەر سىھىرنىڭ راستنلا شۇنداق كارامىتى بۇلدىغان بولسا ئۈچۈنجى دۇنيا سىھىرگەر باخشىلارنىڭ ئۇرشى بۇلدۇ چۈنكى سىھىر راستنلا مەۋجۇت بولسا ئۇنى سىياسىي ئىشلاردا ئىشلەتسە ئەڭ ئۈنۈملۈك بۇلدۇ بىر ئۇقۇپلا بىر دەلەتنىڭ گىنرالىنى خاتا بۇيرۇق بەگىزۋەتكىلى بۇلدۇ

قىززىق گەپ بولدى

paris	2011-01-18 14:20
سېھىرگە سەلقاراشقا بولمايدۇ.

end	2011-01-18 20:09
مەن ئوقۇپ بىرخىل بوپقالدىم

kelem

2011-01-26 02:00

[quote]引用第24楼sad~da于2010-12-31 15:46发表的 :
ئىسلام ئالىملىردىن نەچچىسى سىھىر مەۋجۇت دىسە يەنە نەچچىسى سىھىر مەۋجۇت ئەمەس دەيدۇ

ئەگەر سىھىر مەۋجۇت بولغان تەقدىردىمۇ ھەممىلا كىشلەرگە ئېقى ۋەرمەيدۇ ئەگەر سىھىرنىڭ راستنلا شۇنداق كارامىتى بۇلدىغان بولسا ئۈچۈنجى دۇنيا سىھىرگەر باخشىلارنىڭ ئۇرشى بۇلدۇ چۈنكى سىھىر راستنلا مەۋجۇت بولسا ئۇنى سىياسىي ئىشلاردا ئىشلەتسە ئەڭ ئۈنۈملۈك بۇلدۇ بىر ئۇقۇپلا بىر دەلەتنىڭ گىنرالىنى خاتا بۇيرۇق بەگىزۋەتكىلى بۇلدۇ

سىھرىنى سىياسى ئىشلارغا ئىشلىتىش ؟؟؟
راس شۇنداق قىلغىلى بۇلامۇ.؟

asanat	2011-02-19 19:49
ئاللاھ رازى بۇلسۇن ياخشى تىما يۇللاپسىز. مۇنبەر باشقۇرغۇچىلىرغىمۇ رەھمەت يۇرەككە تەكۇدەك تىملارنى تەھررىلەپ بىرىدۇ.

asanat	2011-02-20 00:10
ھازىر بۇ تۇردكى سىھرىگەرلىك ئىشلىرنى جەنۇپ تەرەپتە كوپرەك دەپ ئاڭلىدۇق. ئەپسۇس ئاللا يامانىلارنىڭ بالاسدىن ساقلىسۇن.

qongbulak	2011-02-22 22:20
رەخمەت سىزگە قېرىندىشىم . . .

yusanjan

2011-03-10 22:24

ئىشلىتىش
بۇ مەزمۇن 24قەۋەتتىكى sad~da نىڭ 2010-12-31 15:46 يوللىغان يازمىسىغا نەقىل :
ئىسلام ئالىملىردىن نەچچىسى سىھىر مەۋجۇت دىسە يەنە نەچچىسى سىھىر مەۋجۇت ئەمەس دەيدۇ

ئەگەر سىھىر مەۋجۇت بولغان تەقدىردىمۇ ھەممىلا كىشلەرگە ئېقى ۋەرمەيدۇ ئەگەر سىھىرنىڭ راستنلا شۇنداق كارامىتى بۇلدىغان بولسا ئۈچۈنجى دۇنيا سىھىرگەر باخشىلارنىڭ ئۇرشى بۇلدۇ چۈنكى سىھىر راستنلا مەۋجۇت بولسا ئۇنى سىياسىي ئىشلاردا ئىشلەتسە ئەڭ ئۈنۈملۈك بۇلدۇ بىر ئۇقۇپلا بىر دەلەتنىڭ گىنرالىنى خاتا بۇيرۇق بەگىزۋەتكىلى بۇلدۇ

مەنمۇ سىزدەك قاراشتا ، ھەمىسى ئىدىيىمىزنىڭ كەمتۇكلىكى ، ئاجىزلىقى . بۇنداق ۋەھىمىلىك سۆزلەرگە بەك ئىشىنىپ كېتىمىز.

natsist	2011-03-11 01:12
ئىشلىتىش بۇ مەزمۇن 23قەۋەتتىكى biliknur نىڭ 2010-12-28 23:36 يوللىغان يازمىسىغا نەقىل : مەنمۇ شۇ قاراشتا مەن ئەزەلدىن بۇنداق ئىشلارغا ئىشەنمەيمەن

natsist

2011-03-11 01:13

ئىشلىتىش
بۇ مەزمۇن 24قەۋەتتىكى sad~da نىڭ 2010-12-31 15:46 يوللىغان يازمىسىغا نەقىل :
ئىسلام ئالىملىردىن نەچچىسى سىھىر مەۋجۇت دىسە يەنە نەچچىسى سىھىر مەۋجۇت ئەمەس دەيدۇ

ئەگەر سىھىر مەۋجۇت بولغان تەقدىردىمۇ ھەممىلا كىشلەرگە ئېقى ۋەرمەيدۇ ئەگەر سىھىرنىڭ راستنلا شۇنداق كارامىتى بۇلدىغان بولسا ئۈچۈنجى دۇنيا سىھىرگەر باخشىلارنىڭ ئۇرشى بۇلدۇ چۈنكى سىھىر راستنلا مەۋجۇت بولسا ئۇنى سىياسىي ئىشلاردا ئىشلەتسە ئەڭ ئۈنۈملۈك بۇلدۇ بىر ئۇقۇپلا بىر دەلەتنىڭ گىنرالىنى خاتا بۇيرۇق بەگىزۋەتكىلى بۇلدۇ

كەچۈرۈڭلار نەقىلنى خاتا ئېلىۋاپتمەن

taranqi217	2011-04-01 02:18
سىھىر ئەمەس قىرىنداشلىرىم ............قەس............ئىسىتقا ،سوۋۇتقا دەيدىكەنغۇ؟ مەن سىھىرگە ۋە سىھىرگەرگە ئىشەنمەيمەن.................. خاتا بولسا توغرا تەرىپىنى دەپپىرىشنى ئۇنۇتماڭلا ھە قىرىنداشلار..........

iwethen

2011-04-01 10:25

ئەسسالامۇ ئەلەيكۇم قىرىندىشىم
قەست ،ئوقۇتۇۋىلىش دىگەنلەردىن قانداق قۇتۇلۇش توغرىسىدا ناھايىتى ياخشى چارە تەدبىرلەرنى دەپ ئۆتۈپسىز .سىزگە كۆپ رەھمەت .ئاللاھ ھەم رەھمەت قىلسۇن .ئەمدى مۇشۇ قەستلەر قانداق يۈز بىرىدۇ ؟بۇ ھەقتە تىخىمۇ ئىنىق بىر مەلۇمات بولغان بولسا ،بىر يوللىۋەتكەن بولسىڭىز .رەخمەت!

艾斯卡尔	2011-04-08 17:28
ئەزا يېزىش چەكلەندى ، بۇ مەزمۇن تاقالدى

xahrizad	2011-04-09 01:51
يوللانمىڭىزغا كۆپ رەخمەت ئىنكاسىمدا ساقلاپ قۇياي

nawkran	2011-04-19 15:49

دئل~111	2011-05-11 15:15
بۇ تېمئنى ھەدئسكە ئۇيغۇن دئسەك بۇلۇدۇ ئالدامچى سېرئگەرلەرگە كەلساك ئالدئنئش ئالدانماسلئق.ئۇزۇمئزدئكى مەسئلە.

تېۋپېك	2011-05-26 17:21
TEMA EGISI SAN APPAK GHOJINING KALDUGHIMUSAN UYGHURNI KAYMUKTURMIGHAN AZDURMIGHAN SAN KALDINGMU AMDI .

end	2011-05-26 20:44
ئو ........ مىللەتنى توغرا يولغا باشلايدىغاندىن يەنە بىرسى كەلدى....... ياخشى.

840825

2011-05-30 23:29

شۇنداق دەپ كېسىپ ئىيتىشقا بولىدۇكى،بۇ دېگەن شېرىكلىككە باشلايدىغان چوڭ گۇناھتۇر،،لېكىن ئارىمىزدا بۇ دۇنيادا كۈلپەتتە قالغان قېرىنداشلىرىمىز ،خېلى ئىشەنچىلىك قېرىنداشلىرىمىزمۇ بېشىغا كۈلپەت چۈشكەندە بۇ يولنى تاللاۋاتىدۇ،تاللىمىسىمۇ سىناق قىلىپ بېقىۋاتىدۇ،،،،،ھەي،،،،،،ئومۇمەن ياخشى تېما بوپتۇ.

newruz

2011-05-31 11:05

جادىگەر ئىزدەش خاتادۇر.
(ئا س نەۋرۇز)

جادىگەر ئىزدىگۇچى زىياندا --سۈرە فەلەق.
جادىگەر----مۇنەججىم، سېھرىگەر، رەمچى، پالچى، تۇلكىچى، كاھىن، سۇفچى موللا، غەيۋەتچى، دەمچى، سۇخەنچى، گەپ توشۇغۇچى، قۇرۇق شۇئارچى بىراق جادىگەرسانىلىدۇ. ئۇلارنىڭ قولىدىن ھىچ ئىش كەلمەيدۇ. ئاللاھنىڭلا قولىدىن ھەممە ئازاب كېلىدۇ ۋە ئازابنى كوتىرۋېتىش كېلىدۇ. ئۇلارغا ئىشەنگەنلەر بىر ئاللاھقا ئىشەنمىگەن بولىدۇ. بىر ئاللاھدىن باشقىغا ئىشەنمەسلىك. بىر ئاللاھدىن باشقىدىن ئۇمۇت كۇتمەسلىك. ھەممە ياردەمنىڭ، مۇھتاجلىقنىڭ ئىگىسى ئاللاھلىقىنى تونۇش (تەۋھىد) دىيىلىدۇ.
تەۋھىدى ئاجىز ئادەم ئۇلارغا ئىشىنىدۇ ۋە ئۆزگە زىيىنى بولىدۇ.

مىللەتنىڭ خارلىقتا قېلىشى ئاشۇ سۈرە فەلەقنىڭ ئايىتىنى ئوقۇپ تەۋھىدكە كەلمىگەنلىكى. تەۋھىد ئاساسىنىڭ ئاجىزلىقىدىن بولىدۇ. نىمە ئۈچۈن مۇنبەرداشلار مۇشۇ يالغانغا ئىشىنىپ قالىدۇ. تەۋھىد ئاساسى ئاجىز بولغانلىقى ئۈچۈن. قانداقتۇر ئەرەب موللىلىرىغا ئىشىنىدىغانلىقى ئۈچۈن. ئاللاھقا ئىشىنىپ نامىزىمىزنى ئادا قىلايلى، يېڭىسىدا نەپلە بىلەن ئاللاھقا يېقىنلىشايلى....ئاللاھ ھاياتتۇر. دىلىڭلارغا ئىزنى بىلەن توغرىسىنى بىلدۇرىشكە يېتەرلىكتۇر، قادىردۇر.

ئاللاھقا ئىلتىجا قىلىڭلار، قۇرئانغا ئىلتىجا قىلىڭلار. ئاللاھقا ۋە قۇرئانغا ئىلتىجا قىلغۇچى ئىش باشىغا(ھۈنەر كاسىپقىمۇ) ئىلتىجا قىلىڭلار....ئاندىن خاتالاشمايسىلەر. دىلىڭلار يورۇغاندا ئىشىڭلار(ئەمىلىڭلار) ئوڭلۇققا ۋە ساۋاپقا يۇزلىنىدۇ.

ئاللاھقا تەۋھىدى ئاجىز بالىلار ئاللاھ زېمىننى ھەق ئاساستا( راست ۋە بار ئاساستا ) ياراتتى ئايىتىگە ئىمان ئېيتمامدۇ. يالغانغا ئىشىنىش تەۋھىد ئاساسىمىزنىڭ ئاجىزلىقىمىزدىن شەيتاننىڭ تېيىلدۇرىشى بىزگە خارلىق (زىيان) ئېلىپ كېلىدۇ.

ئاللاھنىڭ ئىزنى بىلەن ئېيتىم. بارغا ئىشىنىڭلار. يوققا ئىشەنمەڭلار. مېنى بىرى< تەۋھىد ئاساسى ئاجىز دىسە> مەن ئاللاھقا نەپلە نامىزىمدا ئىلتىجا قىلىمەن. مەن سىلەرگە شۇ سۆزنى ئېيتسام سىلەر تەۋھىد ئاساسىڭلار ئاجىز بولغاچقا مېنى تىللايسىلەر پۇتاق تاپىسىلەر...بىلسەڭلار شەيتاننىڭ ئەمىلى شۇ ئىدى. مۆمىننىڭ ئەمىلى ئاللاھنىڭ ئالدىدا  ئۇياتچانلىق(كەمتەرلىك<پ>، سەبرىدە<ئە> سۈرە ئەسىرگە قاراڭ) بىلەن تۇرۇشتۇر. شۇڭا مۆمىن مەنمەنچى ئەمەس. بەلكى ئاللاھ دىلىغا سالغاننى يالغاننى قوشماي بانى سۆزلەيدۇ.
بانى سۆزلىسە خاپىلايسىلەر...ئاللاھ بانى( راسىت<پ>، ھەقنى<ئە>) ياراتتى، يوقنى ئۆزىمىز شەيتاننىڭ ۋەسۋەسىسى بىلەن توقۇۋالىمىز. شۇڭا بىزنى ئاللاھ خار(زىياندا<پ>، شەرىدە<ئە>) قىلدى. قانداقلىكى ئەپسۇن بولسا ئىشىنىۋېرىدىغان ئىسمىمىز ئەرەپچە تىلىمىزدىكى سۆزلەرنىڭ كۆپى ئەرەپچە پارىسچە...تېخى خەنچىمۇ بولۇشقا باشلىدى. كىيىنىشىمىز ئەرەپچە، خەنچە، ياۋروپاچە بولىۋاتىدۇ. ئاللاھ خالىسا ئۆز تونىمىزنى كىيىمىز...بولمىسا باشقا كىيملەر سەت كۆرىنمەيدۇ...تىلفۇن نومىرىنى خەنچە دىيىش چىرايلىق كۆرىنىۋاتىدۇغۇ ئەنە.ئاللاھ خالىمىدى دىگەنلىك شۇ، شەيتاننىڭ ئازدۇرىشىدىن ساقلىمىدى دىگەنلىك شۇ...گۇمراھلىق دىگەن مانا شۇ. ئاللاھنىڭ ئالدىدا چوڭچىلىق قىلىپ پۇتاقلاش، ھەق يازمىنى ئۆچۈرۈش مەخلۇقاتقا، مۇھاببەت باغلاش ئاللاھدىن بىزنى يىراقلاشتۇرماقتا. يوققا ئەقىدە باغلاشقا ئاللاھدىن ئۇزاقلاشتۇرۇشقا ئېلىپ بارماقتا.

http://torsodisi.blogbus.com/  مەرھابا

ئاۋال پەيغەمبىرىمىزدەك قۇرئاننى ئوقۇڭلار، نامازنى ئوقۇڭلار، ياخشى ئەمەللەرگە ئالدىراڭلار. قۇرئان،ناماز، زاكات-سەدىقە مۇتلەق قىيىن ۋە جاپالىقتۇر(تەقۋاسىزلارغا<ئە>، مۇنتەقىيىن<ئە> بولمىغانلارغا، نەپسىدىن<ئە> پاكلىنىشنى خالىمىغانلارغا). ئاللاھقا يۇزلەنگۇچىگە بەكمۇ ئاسان ۋە كۆڭۈللۇكتۇر. پەيغەمبىرىمىزنىڭ ئارقىدىن مەھكەم ئەگىشىڭلار، ئۇ بىردىنبىر ئىنسانىي ئۇلگىمىزدۇر. شۇندىلا ساختا بىلەن راستنى ئايرىشقا ئاللاھ دىلىڭلارغا ئىزنى بېرىدۇ. بولمىسا كۆرىۋاتىسىلەر تىلى، مىللىتى يوقىغانلارنى شۇنداق بولىمىز. دىن تالاشمىسى قىلماڭلار، ئىختىلاپقا مۇھاببەت باغلىماڭلار، ئاللاھ سىلەرنى ساقلىشىچۈن ئاللاھقا يۇزلىنىڭلار.

ئۇيغۇر ئىمپىرىيەسىنىڭ قۇرىلىشى ۋە ھالاكىتى باتۇر، تەڭرىقۇتلىرىمىزگە بەرگەن تەڭرى(ئاللاھ ) قۇت بەرگەن ئەجدادىمىز شىمال ۋە جەنۇپ يايلاقلىرىدا بېشى بارنى بوي سۇندۇرغان پۇتى بارنى تىزلاندۇرغان. بىزچۇ....بىر قىسىملىرىمىز بەزىلەرنىڭ ئاللاھنى ئۇنۇتقاننى ئازدەپ شېرىك ئىزدەپ ئاۋارە! بىز خار قالدۇق! ئاللاھ ئېھتىياجىمىزنى بېرىشكە قادىردۇر. گەپ بىزنىڭ ھەقىقىي شېرىكسىز يۇزلىنىش ئەمىلىمىزنىڭ يوقلىقى.

http://torsodisi.blogbus.com/  مەرھابا

asanat	2011-06-24 23:51
ئەسسالامۇ ئەلەيكۇم ياخشى تىما يۇللاپسىز ، سىزگە اللە رەھمەت قىلسۇن!

deyarem	2011-08-10 18:01
كۆپ رەھمەت ! ئىپلاس ئادەملەرگە يۇلۇققان نۇرغۇن بىگۇناھلار بۇنىڭغا بەكلا مۇھتاج !

查看完整版本: [-- سېھىر قىلىنغان كىشى قانداق قىلىشى كېرەك؟ --] [-- top --]

Powered by PHPWind v7.3.2 Code © 2003-08 PHPWind
Time 0.066856 second(s),query:3 Gzip enabled

You can contact us