查看完整版本: [-- ئابدۇۋەلى مىرزايوفنىڭ تەرجىمھالى(ھەمزە) --]

كەڭ ساي مۇنازىرە مۇنبىرى -> پەندى نەسھەت -> ئابدۇۋەلى مىرزايوفنىڭ تەرجىمھالى(ھەمزە) [打印本页] 登录 -> 注册 -> 回复主题 -> 发表主题

ھەمزە 2010-12-06 18:13
ئەسسالام ئەلەيكۇم ئەزىز قىرىنداشلار. سىلەر ياقتۇرۇپ ئاڭلاۋاتقان ئىسلامى تەبلىغلەر ئىچىدە، ساغلام ئەقىدە ۋە چۈشىنىشلىك بايانلىرى بىلەن ئالاھىدە دىققىتىڭلارنى تارتىپ كىلىۋاتقان ئۆزبىكىستاندىن چىققان ئابدۇۋەلى قارىنىڭ دەرسلىك ۋە تەپسىر لىنتىسى بارغۇ دەيمەن؟ ئەمما ئۇنىڭ شەخسىي تارىخىغا ئائىت ماتىريال يوق ئىدى. بۇ قىتىم تۇركىيەدىكى « خەلىقئارا ئىنسانىي ياردەم تەشكىلاتى» نىڭ پەسىللىك ژورنىلىدا ئىلان قىلىنغان ئابدۇۋەلى قارىنىڭ قىسقىچە ھاياتى بىلەن يۈز كۆرۈشكەندىن كىيىن، ئالىمغا بولغان ھۆرمىتىم يەنە ئاشتى. ئەزىز قىرىنداشلىرىمىزنىڭمۇ پايدىلىنىۋىلىشىنى ئۈمۈت قىلىپ ئۇنى تەجىمە قىلىپ قويغان ئىدىم. خاتالىق بولسا ئەپۇ قىلارسىلەر،
ئەللامە ئابدۇۋەلى قارىنىڭ (ئابدۇۋەلى مىرزايوۋ ) قىسقىچە تارىخى ئابدۇۋەلى مىرزايوۋ 1950-يىلى ئۆزبىكىستاننىڭ ئەنجان شەھرىدە دۇنياغا كەلگەن 20-ئەسىردىكى كۆزگە كۆرۈنگەن مەشھۇر ئالىملارنىڭ بىرىدۇر. ئۇنىڭ دادىسى ئىشچى ئانىسى ئائىلە ئايالى ئىدى.
دىن ۋە دىندارلارغا قارشى يۈرگۈزۈۋاتقان باستۇرۇش سىياسىتىنى 2-دۇنيا ئۇرۇشىدىن كىيىنمۇ ئۆزگەرتمىگەن سوۋىت ھۆكۈمىتى ئۇ زامانلاردا بارلىق دىندارلارنى ئۆلتۈرۈش، سۈرگەن قىلىش ۋە تۈرمىلەرگە قاماش بىلەن بىرگە ئەرەپ ئىلىپبەسى يىزىقىدىكى بارلىق كىتاپلارنى چەكلەپ كەلگەن بولۇپ، ئۇنى پەقەت يىغىپ ساقىلىغۇچىلار ۋە ئىخلاسمەنلەرنىڭ قولىدىن ئىنتايىن تەس تىپىلىدىغان ھالغا كەلتۈرۈپ قويغان ئىدى.
ئەقىللىق ۋە زىرەك ئۆسۈپ يىتىلگەن ئابدۇۋەلى مىرزايوۋ 7 يىشىدا مەكتەپكە كىرىپ تىزلا ساۋاد چىقىرىدۇ. تەلەپچان خاراكتىرى ئۇنىڭ كىتاپخۇمار ۋە تىرىشچان بولۇپ يىتىلىشىگە سەۋەپ بولىدۇ. ئوتتۇرا مەكتەپكە چىققاندىن باشلاپ، خوشنىسىنىڭ ئوغلى رەھمېتۇللاھ رەسۇلۇۋ بىلەن بىرلىكتە ساۋاقداش ۋە دوست بولۇشۇپ دەرستىن سىرت چاغلىرىنى غەنىمەت بىلىپ مەكتەپ كۈتۈپخانىسىدىكى بارلىق كىتاپلارنى بەس-بەس بىلەن ئوقۇپ تۈگىتىدۇ ۋە شەھەردىكى مەركىزى كۈتۈپخانىنىڭ كىتاپلىرىنى ئوقۇپ چىقىشقا بەل باغلايدۇ. بىر كۈنى كىتاپ ئارىسىغا قىستۇرۇلغان ئەرەپ ئىلىپبە يىزىقىدىكى بىر ۋاراق قەغەز ئۇلارنىڭ ھاياتىنى پۈتۈنلەي ئۆزگەرتىۋىتىدۇ.
ئوتتۇرا مەكتەپنى ئەلا نەتىجە بىلەن پۈتتۈرۈپ ئالتۇن مىدالغا ئىرىشكەن بۇ يىگىتلەر، ھەممە ئادەم ئارزۇ قىلىۋاتقان ئۇنىۋىرسىتىت كىرمەي ئەكسىچە ئەنجان شەھرىدىن 45 كېلومىتېر يىراقلىقتىكى مەرغۇلان شەھرىدە ئىچىلىپ ئوقۇش باشلىغان تۇنجى مەدرىسكە ئوقۇشقا كىرىپ ھەممىنى ھەيران قالدۇرىدۇ.
ئۇستازى ھاكىمجان قارىيدىن سەرپ، نەھۋىي، فىقھي، بالاغەت ۋە تەپسىر قاتارلىق دىنى ئىلىملەرنى بىر باشتىن ئۈگىنىپ، بىر باشتىن ئۈگىتىش ئارقىلىق تەكرارلاپ، 4-5 يىلغا يەتمىگەن ۋاقىت ئىچىدە ئۇستازىغا ياردەملىشىپ 10 قاتار ئوقۇغۇچى يىتىشتۇرىدۇ. ئۇنىڭدىن كىيىنلا قۇرئان يادلاشقا كىرىشىپ 9 ئايدا قارىيلىقنى تاماملايدۇ. كىيىن دوستى رەھمېتۇللاھ رەسۇلۇۋ بىلەن بىرلىكتە ئەرەبىستانغا زىيارەتكە بىرىپ، مەككىدە بىر مەزگىل قالىدۇ. بۇ يەردىمۇ ھىندىستاني تەخەللۇسى بىلەن مەشھۇر بولغان موللا مۇھەممەدتىن ئىلىم ئالىدۇ. كىيىن ۋەتەن-خەلقىنىڭ ھىدايىتىگە ھەسسە قوشۇش ئۈچۈن، ئانا يۇرتى ئەنجانغا قايتىپ ئۇيەردە بىر مەدرىس ئاچىدۇ.
كوممۇنىزىم ئاسارىتىدىن جاق تويغان ۋە مائارىپ سىستىمىسىنىڭ رەزىللىكىدىن زىرىككەن ياشلار ئابدۇۋەلى قارىنىڭ دەرسلىرىگە قىزىقىپ قالىدۇ ۋە توپ-توپ بولۇپ قاتنىشىشقا باشلايدۇ. قىسقا مۇددەتتە نەچچە مىڭدىن ئېشىپ كىتىدۇ. ئەللامە ئابدۇۋەلى قارىي تەربىيلەپ چىققان بۇ ياشلار كىيىن ئوتتۇرا ئاسىيا ئىسلام گۈللىنىش ھەركىتىنىڭ ئاۋانگارتلىرىغا ئايلىنىدۇ.
1987-يىلى ئەنجان شەھرىدىن 35 كېلومېتىر يىراقلىقتىكى يازباياۋان چۆللىكىدە ئەللامە ئابدۇۋەلى قارىينىڭ ئەڭ يىقىن دوستى ۋە سەپدىشى بولغان رەھمېتۇللاھ رەسۇلۇۋ ك گ ب تەرىپىدىن پىلانلانغان بىر قاتناش ۋەقەسىدە قەستكە ئۇچراپ، بۇ يېڭى دەۋىر ئىسلام ئويغۇنۇش ھەركىتىنىڭ تۇنجى قۇربانىغا ئايلىنىدۇ. قىرىندىشىنىڭ قايغۇسى ۋە ئىستىخبارات ئىدارىسىدىكىلەرنىڭ تەھدىتلىرىگە پىسەنت قىلمىغان ئابدۇۋەلى قارىي ئۆز يولىنى قەتئىي داۋاملاشتۇرىدۇ ۋە ئىسلامي دەۋەت يولىدا قىز-ئاياللارنىڭ رولىنى جارىي قىلدۇرىشىغا ئەھمىيەت بىرىپ، ئايالى شەرىفە مىرزايىۋنىڭ مەسئۇللىقىدا مەخسۇس خانىم-قىزلار مەدرىسىسىنى قۇرۇپ چىقىدۇ. ( بۇ رەھمەتلىك ئايال ئۇستاز 2007-يىلى رامىزان ئىيىدا ئۆمرە قىلماق ئۈچۈن ئوغلى ۋە نەۋرىسى بىلەن بىرلىكتە مەدىنىدىن مەككىگە بارغۇچە قاتناش ھادىسىسىدە ۋاپات بولىدۇ. ئاللاھ ئۇلارغا ياخشىلىق ئاتا قىلسۇن. ئامىن.)
ئەللامە ئابدۇۋەلى قارىنىڭ شەخسىي ئىگىلىكى بىلەن بارلىق چىقىملىرى قامدىلىپ كىلىۋاتقان خانىم-قىزلار مەدرىسىسى ناھايىتى تىزلا دىققەت قوزغايدۇ. چۈنكى 60-70 يىلدىن بىرى كوممۇنىزىم ھۆكۈم سۈرۈۋاتقان بىر دىيارغا نىسبەتەن قىز-ئاياللارنىڭ ياغلىق ئارتىشى قوبۇل قىلغىلى بولمايدىغان يىڭىلىق ئىدى.
داۋاملىق كىڭىيىپ، تەسىر دائېرىسىنىڭ چەكلىنىش باسقۇچىغا بىرىپ قىلىۋاتقانلىقىنى ھىس قىلىشقا باشلىغان سوۋىت ھۆكۈمىتى 1983-يىلى مەركىزىي ھۆكۈمەتنىڭ مەخپىيەتلىك ئىدارىسى بولغان ك گ ب بىلەن ئەندجان شەھەرلىك ج خ ئىدارىسى بىرلىشىپ، ئەللامە ئابدۇۋەلى قارىي بىلەن سۆھبەت ئىلىپ بارىدۇ. بۇ جەرياندا 8 كۈن تۇتۇپ تۇرۇپ تەكشۈرلىدۇ. داڭلىق جاسۇسلۇق ۋە ئىدئولوگىيە مۇتەخەسسىسلىرى ئىژتىمائى ۋە سىياسى قىلتاقلىرى بىلەن پەردىلەنگەن سۇئاللىرىغا جاۋاپ بىرىپ، ئۆزىنىڭ ھەققانى يولىنىڭ يوللۇقلىغىنى جاكارلايدۇ. بارلىق سوراقچىلارنى بىردەك مات قىلغاندىن كىيىن، خەلىق ئاممىسىنىڭ غەزىپىگە قىلىشتىن ئەنسىرىگەن نوپۇزلۇق بىرسىنىڭ تەستىقىلىشى ئارقىسىدا قويۇپ بىرىلىدۇ. ئەمما ئۆي ۋە مەدرىس ئورۇنلىرىنىڭ داۋاملىق نازارەت قىلىنىشى توختاپ قالمايدۇ. ئەللامە ئابدۇۋەلى قارىيمۇ قەتئى بوشاشماستىن خىزمىتىنى داۋاملاشتۇرۇۋىرىدۇ. ھەتتا ئۆمرىنىڭ ھەر بىر دەقىقىسىنى ئۆزى ئىشەنگەن ئىتىقادنىڭ دەۋەت يولىغا سەرىپ قىلماققا بەل باغلايدۇ. ئەتراپتىكى بارلىق قىرىنداشلىرى بىلەن ئىتتىپاقلىشىپ ئوتتۇرا ئاسىيادا ئىسلامى گۈللىنىشنىڭ يىڭى پەللىسىنى ياراتماق ئۈچۈن تىرىشىدۇ.
ئىسلامنىڭ دۇنياۋى ئويغۇنۇش دەۋرىگە كىرىپ كىلىۋاتقانلىقىنى چۈشىنىپ يەتكەن سوۋىت كوممۇنىست ھاكىمىيىتى كۆپلىگەن خەلق ئاممىسىنىڭ رايىنى ئۇتماق ئۈچۈن ئىسلاھات ئىلىپ بىرىپ بارلىق خەلىق ۋە مىللەتلەرنىڭ مىللىي ۋە دىننىي ئەركىنلىكىگە ئالاقىدار بىر يۈرۈش بەلگۈلىمىلەرنى چىقىرىدۇ. بۇ خىل ئىمكان ۋە شەرىت-شارائىتلارنىڭ ئاكتىپ پايدىلانغۇچىلىرى ۋە ئاۋاز قوشقۇچىلىرىنىڭ ئالدىنقى سەپلىرىدە ئابدۇۋەلى قارىي بىر كىشىلىك رولىنى جارىي قىلدۇرۇپ، 1885-يىللىرى ياسالغان ئەنجاندىكى (تەخمىينەن 4مىڭ كۇۋادىرات مېتىر چوڭلۇقتىكى) سوۋىت ھۆكۈمىتى دەۋرىدىن باشلاپ ئىسكىلات قىلىپ ئۆزگەرتىۋىتىلگەن ئوتتۇرا ئاسىيادىكى ئىلىم بۇلاقلىرىنىڭ بىرى ھىساپلىنىدىغان بۆيۈك جامىي مەدرىسە مەسجىدىنىڭ قايتىدىن ئەسلىگە كەلتۈرۈلۈش قۇرۇلىشىغا خەلىق ئاممىسىنى سەپەرۋەر قىلىدۇ.
جامىي ئېچىلىپ بىر نەچچە ئاي ئۆتمەيلا ئابدۇۋەلى قارىي خەلق تەرىپىدىن تاللىنىپ بۇ مەسجىدنىڭ ئىمام خاتىپلىقىغا سايلىنىدۇ.
كوممۇنىست ھاكىمىيىتىنىڭ دىنسىز تۈزۈلمىلىرىدىن زىرىككەن ئىنسانلار بۇ قىتىمقى بىرلەشمە ھەركەتتىن كىيىن ناھايىتى تىزلا ئەسلىگە كىلىپ جانلىنىشقا باشلىغان جامىي مەدرىسە مەسجىدىدە بارغانسىرى كۆپىيىشكە باشلايدۇ ۋە ئابدۇۋەلى قارىينىڭ ۋەز-نەسىھەتلىرىدىن ھىدايەتلىنىپ، ئىسلامىي چۈشەنچىلىرىنى تولۇقلايدۇ. ئەقلى ۋە قەلبى ساغلام بولغان سانساناقسىز كىشىلەر ئىسلامنى چۈشۈنىشكە ۋە ئىمانغا ئىنتىلىشكە باشلايدۇ-دە، تۇيۇقسىز ئۆزگۈرۈش پەيدا قىلىۋاتقان يۇرت خەۋىرى يىراقلارغا قەدەر يىتىپ بارىدۇ.
ئەللامە ئابدۇۋەلى قارىي تەۋسىيەسى بىلەن مەسجىد ھويلىسىدا ئىچىلغان ئاممىۋىي دەۋەت دەرسىلىكىگە ئۆزبىكىستان، قىرغىزىستان ۋە تاجىكىستانغا ئوخشاش ئوتتۇرا ئاسىيادىكى جۈمھۇرىيەتلەردىنمۇ، روسىيە پىدراتسىيۇنىغا تەۋە يىراق كاپكاز قىشلاقلىرىدىنمۇ ۋە ھەتتا تاتارىستان تۇپراقلىرىدىن تارتىپ ئوكرائىيناغىچە بولغان رايۇنلاردىن ئىخلاسمەن كىلىپ تۇرىدۇ. نەتىجىدە كەلگەن ئامما ئىچىدىن 200 ئارتۇق ياشلارغا پەن بىلەن دىننى بىرلەشتۈرۈپ مەخسۇس دەرىس بىرىدۇ. ئابدۇۋەلى قارىينىڭ دەرسىگە قاتناشقانلارنىڭ سانى 2000دىن 10000غا قەدەر بولۇپ ئۇلارنىڭ 70% ياشلاردىن تەركىپلەنگەن ئىدى.
يۇرت ئىچى-سىرتىدىكى دۇنياغا كەلگەن ئىسلام ھەركەتلىرىدە ئالاھىدە رول ئويناۋاتقان مەشھۇر ئالىم-ئۆلىما ۋە دەۋەتچىلەرگە مەكتۇپ يوللاپ، دۇنياۋى قىرىنداشلىق تورى شەكىللەندۈرۈشنىڭ دەسلەپكى قەدىمىنى ئاكتىپلىق بىلەن باسقان ئابدۇۋەلى قارىي، ئەبۇل ھەسەن نەدەۋى، مۇھەممەد قۇتۇپ، ئابدۇلئەزىز بىنباز، مۇھەممەد سالىھ ئۇسەيمىن، ئەبۇ بەكىر جەۋائىرى، ئابدۇلمەجىد زىندانىي مۇھەيسىنىي، سەئىد قەھتانىي قاتارلىقلارغا ئوخشاش ئۆلىمالار بىلەنمۇ مۇناسىۋەت باغلايدۇ. ئۇنىڭ ئۇلۇغۋار خىزمەتلىرىنى ئاڭلىغان سەئۇدى پادىشاھى فاھد ئالىمغا چوڭ بىر كۈتۈپخانا ھەدىيە قىلىدۇ.
خەلقىنىڭ بەختى ئۈچۈن جىنىنىمۇ ئايىمايدىغان ئەللامە ئابدۇۋەلى قارىي تاجىكىستاندا سۈركىلىش پەيدا قىلىۋاتقان ۋە ھەر قاچان يۈز بىرىش ئىھتىمالى چوڭ بولىۋاتقان سۈننىي ۋە شېيئەلەر ئارىسىدىكى مەزھەپ توقۇنۇشىنىڭ چوڭۇيۇپ كىتىشىدىن ئەنسىرەپ، تاجىكىستان مۇخالىپەتچىلىرىگە مەكتۇپ يوللايدۇ. ئالىمنىڭ بۇ خىل ھەركەتلىرىدىن راھەتسىزلىنىۋاتقان ۋە بۇ خىل توقۇنۇشلاردىن پايدا ئىلىش ئۈمۈدىدە بولىۋاتقان ھۆكۈمەت ئابدۇۋەلىي قارىيغا ۋە جامىي ئەھلىگە قارشى تۈرلىك ئىسكەنجىلەرنى پەيدا قىلىپ، ئۇلارنى باستۇرۇشقا باشلايدۇ. 1992-يىلى بۇ خىل بىسىم ۋە تەھدىدلەر بارغانسىرى يۇقۇرى پەللىگە چىقىدۇ.
ئالاھىدە ساقچىلار تەرىپىدىن ئىلىپ بىرىلغان پىلانلىق تازىلاش ھەركەتلىرىدە جامىينىڭ ياڭراتقۇ ۋە مىكرافۇنلىرى مۇسادىرە قىلىنىپلا قالماي، بارلىق ھوجۇرىلىرى پىچەتلەندى. بۇ خىل تەھدىت ۋە نازارەتلەرنىڭ تەكرارلىنىش نەتىجىسىدە پەيدا بولغان روھى بىسىم مەسجىد جامائىتىنىڭ قارشىلىقىغا ئۇچرىغان بولسىمۇ، بۇرۇنقىدەك ئەركىن پائالىيەت ئىلىپ بارالمايدىغان باسقۇچقا كىرىپ قالىدۇ. ھالبۇكى ئابدۇۋەلىي قارىنىڭ باشلىغان ئىلمىي ۋە دىننىي مائارىپىنىڭ تەرەققىتىنى تىزگىنلەش تىخى ئاياغلاشمىغان ئىدى.
ئەللامە ئابدۇۋەلى قارىينى ج خ ئىدارىسىگە كەلتۈرۈلۈپ سوراق قىلىشنىڭ ئەكىس تەسىرىنى ھىس قىلغان سوۋىت ھۆكۈمىتى دۆلەت بىخەتەرلىك ئىدارىسى يەنى ك گ ب نىڭ چاپارمەنلىرى جامىيغا كىلىپ يوشۇرۇن سۆھبەت ئىلىپ بارىدۇ. سۆھبەتتە رەسمىي ئاگاھلاندۇرۇش ۋە تەھدىتلەرگە دۇچ كەلگەن ئابدۇۋەلى قارىي ئەقىدە-ئىتىقاد يولىدىكى مەيدانىنى قەتئى ئۆزگەرتمەسلىك قارارىنى جاكارلايدۇ.
1995-يىلى 29-ئاۋغۇست مۇسكۇۋادا ئۆتكۈزىلىدىغان خەلىقئارالىق بىر يىغىنغا قاتنىشىش مەخسىدىدە يولغا چىققان ئابدۇۋەلى قارىي تاشكەنت ئايرىپورتىدا ھۆكۈمەت تەرىپىدىن مەخپىي تۇتۇلىدۇ ۋە شۇكۈندىن ئىتىبارەن ھېچبىر يەردە ئىزدىرىگى بولمىدى. ئۇنىڭ ئازراقلا خەۋىرىنى بىلگەن ۋە ئاڭلىغانلار سۈرۈشتە قىلغانلار تاھازىرغىچە يوشۇرۇن قەستكە ئۇچراپ كىلىۋاتىدۇ. ياۋلار ئۇنى تۇتۇۋالغان بىلەن ئۇنىڭ دەرسلىرىدىن قالدۇرۇلغان ئۈن-سېن لىنتىلىرى ھەرخىل يوللار بىلەن خەلىق ئارىسىدا كەڭ تارقالماقتا. ئۇ گەرچە غەربىي يۇرتلاردا ياشىغان بولسىمۇ، ئۇنىڭ ئاۋازى شەرىق يۇرتلىرىدىن تارتىپ دۇنيانىڭ بارلىق بۇلۇڭ-پۇچقاقلىرىدىكى تۈرك قىرىنداشلىرى تەرىپىدىن ياڭرىتىلماقتا. ئۇنىڭ ئاۋازى غەربىي يۇرتلاردا چەكلىمىگە ئۇچرىغان بولسىمۇ باشقا يەرلەردە قولدىن-قولغا ئۆتۈپ قارشى ئىلىنماقتا.

ئاللاھ ئۇستاز ئابدۇۋەلى قارىيدەك ئالىملىرىمىزنى بىز مۇسۇلمان بەندىلىرىدىن ئايرىمىسۇن. ئۇنىڭغا ۋە ئۇنىڭ ئەھلى-بەيتىگە سانسىز ئەجىر ۋە نېئمەتلەر ئاتا قىلسۇن. ئۇستازنىڭ روھى جەننەتلەردە يايرىسۇن. ئامىن!!!!!!
مەنبە: ئىسلام بىرلەشمە مۇنبىرى

ئابدۇۋەلى قارىمنىڭ ئەسەرلىرى:

http://www.yulghun.com/islam/ders.html




مەنبە- ئۇيغۇر ئىسلام

تۇەندىسىكى بۇ ئالىمنىڭ تەبلىقى بار تور بەت ئادرىسى
http://www.islomyoli.com/audio/uzbek/Abduwali/darslar/default.htm

تاھىربەگ 2010-12-06 18:48
بۇ كىشىدىن ئاللاھ رازى بولسۇن  

illikbahar 2010-12-06 19:27
ئاللا     ؟وز     پانايېدا     ساقلېسۇن         ئوزېمۇ       كېلېشكەن        زاتكېن        ھەي     كەمنۇمۇسلار   ئاللا جازاڭنې  بېرە

fatih204 2010-12-06 19:58
ئەسسالامۇئەلەيكۇم :
   ئۇ ھەقىقى سەھىھ ئولىما ئىدى ،،  ئاللاھ بۇ زاتنىڭ نوتۇقلىرىنى نۇرغۇن ئويغۇر ياشلارنىڭ ئويغۇنىشىغا سەۋەب قىلغان ئىدى  ،، ئاللاھ رەھمىتى بولسۇن ئالىمغا  ،،   ئۇ ئوزىنىڭ سەھىھلىكىدىن < سىلەر دىنغا كىرىپ بىرەسىگە ئەگىشىشتىن ئاۋال قورئان ھەدىسلەرنى ياخشى بىلىڭلار ، ئوگىنىڭلار ، شۇندا قورئان سىلەرگە كىمگە ئەگىشىش كىرەكلىكىنى ئىنىق ئاجىرتىپ بىرىدۇ ،،  مەندىن قورئان ھەدىسكە مۇۋاپىق بولمىغان سوز تىپىلسا قوبۇل قىلماڭلار ،،،   چۇنكى بىز ھەقتىن خىلى يىراق تۇرۇپتىمىز ،، بىز تىخى بىدئەتنىڭ تاشقارىسىگە چىقالىگىنىمىز يوق ،،،،،،، >    مانا بۇ سەھىھ ئولىمانىڭ سۇپىتى ،، ئۇ دائىم سوزىنى ئاڭلاۋاتقان كىشىنى ئوز سوزىنى قۇرئانغا سىلىپ كورۇش توغرا بولسا قوبۇل قىلىش بولمىسا قوبۇل قىلماسلىققا دەۋەت قىلىدۇ ،،   ئاللاھ ئالىمغا رەھمەت قىلسۇن

520ahsa 2010-12-06 21:17
ئىسل ئادەمكەن بۇ .توغرا گەپ قپتۇ بۇ ئالمىمىز .   

saralik 2010-12-06 23:48
ئى ئاللاھ!ئۇ كىشىگە رھىم قىلغىن

kalkan786 2010-12-08 02:14
ئاللاھ رخمەت قىلسۇن.ھاياتىمدكى ئەڭ خۇشالىنارلىق ئىشىم مۇشۇ زاتنىڭ دەئۋېتنى ئاڭلاشقا ئاللاە نېسىپ قىلغنى.

fatih204 2010-12-08 17:13
ئىشلىتىش
引用第6楼kalkan786于2010-12-08 02:14发表的 :
ئاللاھ رخمەت قىلسۇن.ھاياتىمدكى ئەڭ خۇشالىنارلىق ئىشىم مۇشۇ زاتنىڭ دەئۋېتنى ئاڭلاشقا ئاللاە نېسىپ قىلغنى.

ئىككىمىزنىڭ ھاياتىدىكى خوشال بولىدىغان ئىشىمىز ئوخشاش ئىكەن ،،   مەن ۋە بىر نەچچە دوستۇممۇ شۇ قاراشتا  ،،   بولسا تورداشلارنىڭمۇ ئاڭلاپ بىقىشىنى تەۋىسىيە قىلىمەن ،،  گۇگۇلغا كىرىپ ئىسمىنى يازسا چىقىدۇ ،،،

saifulla 2010-12-09 01:44
خەيرۇللا سولتانوف دىگەن مۇناپىق شاگىرتى يالغان گۇۋاھلىق بېرىپ سىتىۋەتكەن بۇ ئالىمىمىزنى.ئۇمۇناپىقمۇ ھازىر مۇسۇلمانلار قۇلىغا چۈشتى.

fatih204 2010-12-09 12:42
ئىشلىتىش
引用第8楼saifulla于2010-12-09 01:44发表的 :
خەيرۇللا سولتانوف دىگەن مۇناپىق شاگىرتى يالغان گۇۋاھلىق بېرىپ سىتىۋەتكەن بۇ ئالىمىمىزنى.ئۇمۇناپىقمۇ ھازىر مۇسۇلمانلار قۇلىغا چۈشتى.

  بۇ ھەقتىكى تەپسىلاتلارنى يوللاپ قويسىڭز  ،، مەن ئالىمنىڭ پەقەت 1995يىلى تاشكەنت ئايرىدىرومىدا نامەلۇم قوراللىق كۇچلەر تەرپىدىن قولغا ئىلىنغىنىنى ھازىرغىچە ئىز دىرىكى يوقلىقىنى بىلىمەن ،، سىز دىگەننى ئاڭلاپ باقماپتىكەنمەن ،،  خەت ئارقىلىق بولسىمۇ مەيلى ،،،،   ئىشقىلىپ مەن ھەقىقەتەن قايىل بۇ زاتقا  ،،  سوزلىرىنى  قۇرئان ئاساسىدا ، ھەدىس ئاساسىدا سوزلەشكە ئىنتايىن ئەھمىيەت بىرىدىغان كىشى ئىدى

ھەمزە 2010-12-10 13:15
ئىشلىتىش
引用第9楼fatih204于2010-12-09 12:42发表的 :

  بۇ ھەقتىكى تەپسىلاتلارنى يوللاپ قويسىڭز  ،، مەن ئالىمنىڭ پەقەت 1995يىلى تاشكەنت ئايرىدىرومىدا نامەلۇم قوراللىق كۇچلەر تەرپىدىن قولغا ئىلىنغىنىنى ھازىرغىچە ئىز دىرىكى يوقلىقىنى بىلىمەن ،، سىز دىگەننى ئاڭلاپ باقماپتىكەنمەن ،،  خەت ئارقىلىق بولسىمۇ مەيلى ،،،،   ئىشقىلىپ مەن ھەقىقەتەن قايىل بۇ زاتقا  ،،  سوزلىرىنى  قۇرئان ئاساسىدا ، ھەدىس ئاساسىدا سوزلەشكە ئىنتايىن ئەھمىيەت بىرىدىغان كىشى ئىدى



ئەسسالامۇ ئەلەيكۇم.
ئابدۇۋەلى قارىيغا خەيرۇللا سۇلتانۇف،ئىمامىددىن قاتارلىق ئىككى كىشى زىيانكەشلىك قىلغان. خەيرۇللا ئابدۇۋەلىي قارىينىڭ 7يىللىق تالىپى ئىدى. شۇ يەتتە يىل جەريانىدىمۇ خەيرۇللا ئابدۇۋەلىي قارىنىڭ ،مەسچىتتە كىشىلەرگە قىلغان ۋەز تەبلىقلىرىنى شۇ يەردىكى باشقا بىر مەسچىتنىڭ ئىمامى مۇھەممەد سادىققا يەتكۇزۇپ تۇرغان.
 خەيرۇللا سۇلتانوف 1979.1.ئايدا تۇغۇلغان. 1992.يىلى مەدرىسىگە قۇرئان ئۇگىتىش ئۇچۇن ئەۋەتىلگەن ئەمما ئۇ قۇرئان ئۇقۇشنى ئۈگىنەلمىگەن.
خەيرۇللا سۇلتانوفنىڭ جاسۇسلۇق قىلىشىغا ئاساسەن دادىسى سەۋەپچى بولغان. ئۇ كىچىك خەيرۇللاغا ئابدۇۋەلىي قارىنىڭ ۋەھھابىي ئىكەنلىكىنى،ئۇنىڭ نامازنى.ۋە باشقا ئورپ قائىدە قاتارىدا قىلىپ كەلگەن بىدئەت ئەمەللەرنى ئۆزگەرتىۋاتلىقى ، ئۇنى يۇقاتمىسا پۇتۇن مۇسۇلمانلارغا خەۋپ يىتىدىغانلىقىنى دەپ ئوغلىنى ئۇنىڭغا قارشى كۈشكۈرتكەن.
خەيرۇللانىڭ دادىسى ۋە بىر مەسچىتنىڭ ئىمامى مۇھەممەد سادىق ئابدۇۋەلىي قارىنى قاتتىق دۈشمەن كۆرگەن.
ھەمدە خەيرۇللا سۇلتانوف ئابدۇۋەلى قارىنى يۇقىتىش ئۇچۇن ئۇ كىشىگە شاگىرت بولغان. شاگىرت بولغان جەرياندا ئابدۇۋەلىي قارىنىڭ قىلغان سۆزلىرىنى بىرنى قويماي مۇناسىۋەتلىك كىشىلەرگە يەتكۇزۇپ تۇرغان. ھەتتا خەيرۇللا شىركى ئىمامىدىن بىلەن ئۇستازىنىڭ ئۇيىگە ئوت قۇيۋەتكەن. 1995.يىلى ئابۇۋەلىي قارىنى تۇتۇپ ئەكەتكەندە ئۇنىڭ قىلغان ئىشلىرىغا گۇۋاھلىق بىرىش ئۇچۇن خەيرۇللانى چاقىرتىپ ئەكەلگەن. خەيرۇللا ئابدۇۋەلىي قارىغا يالغان گۇۋاھلىق بىرىپ ئۇنىڭغا ئاسيلىق قىلغانلىقىنى تۇنجى قېتىم ئاشكارلىغان. مۇشۇ ۋاخقىچە ئابدۇۋەلىي قارى بۇ شاگىرتىدىن ھېچقانداق يامان گۇمان ئالمىغان. شۇنىڭ بىلەن ئابدۇۋەلىي قارى ئىزدىرەكسىز يۇقاپ كەتكەن. شۇنىڭ بىلەن خەيرۇللا نىڭ ‹ئەمىلى›ئۆسكەن.
ئاخىردا ئابدۇۋەلىي قارىنىڭ نەۋرە شاگىرتى تەرپىدىن ئۇنىڭ جاسۇسلۇقى سىزىلىپ قېلىپ ئۆلتۈرۈلگەن.
ئابدۇۋەلىي قارى ‹‹ۋەھھابىي›› ئىدى.

fatih204 2010-12-10 16:20
ئۇ كىشى ئوزى ئىيتقان ئىدى تارىختىن بۇيان ھەقتە تۇرىمەن دەپ كەلگەن سەھىھ ئولىمالارنىڭ كوپىنچىسى قاماققا چۇشۇپ قەتىل قىلىنىپ  كەلگەن دەپ ،،،  يەنە بىر نۇتقىدا < شۇنداق ئىيتىمەنكى بۇ يەردە ئولتۇرغانلار ئاڭلاپ قىلىشسۇن ، بۇ يەردە نامازخان سىياقىدا ئولتۇرغان جاسۇسلار ھەم ئاڭلاپ قويۇشسۇن ،،،  ئاللاھ ھىچكىمنى جاسۇسلاردىن قىلىپ قويمىسۇن ، يەنى كورىنىشىنى مۇسۇلمان دەپ مۇسۇلمانلار ئوتتۇرسىغا سۇقۇنۇپ كىرىپ بۇ يەردىكى سوزلەرنى ئالاھىدە جايلارغا يەتكۇزگەن جاسۇسلار ھەم ئاڭلاپ قۇيۇشسۇن ، ئاللاھ ھىچكىمگە بۇنداق پەرزەنت ئاتا قىلمىسۇن ، ئەگەر ئاللاھ دىننىڭ زەرەرىگە خىزمەت قىلىدىغان پەرزەنت ئاتا قىلىشنى ئىرادە قىلسا ،ئاللاھ ئوزى ياشلىگىدىلا ھالاك قىلىۋەتسۇن ،،،،،،،،،،،،،،>   ئۇ بىلەتتى بۇ خەتەرنى ،، ئەمما ھەقنىڭ يولىدا پىسەنت قىلمىغان ئىدى ،، ئاللاھ ئالىمنىڭ ئىشلىرىنى ئاسان قىلسۇن

saifulla 2010-12-10 16:26
شۇنداق بەك كەسكىن ئالىمتى بۇكىشى. خەيرۇللا سۇلتان دىگەن مۇناپىقنىڭ مۇسۇلمانلار قۇلىدا ئىكەنلىكىنى بىلەتتىم لىكىن ئۆلتۈرۈلگىنىنى بىلمەيدىكەنمەن.ئىشقىلىپ ھەممىنى ئىقرار قىلىپ ئۈلۈپتۇ نىمە دىگەن بىلەن.

mustafaturk 2010-12-10 16:39
ئابدۇۋەلي كارىكام قۇرئان ۋە ھەدىسنى كەڭ مۇسۇلمان ئاممىسىغا پاساھەتلىك تىل بىلەن چۈشەندۈرىدىغان تەقۋا ئۇستاز ئىدى. ئاللا ئۇ زاتنىڭ  چەككەن رىيازەتلىرىگە چەكسىز ھەساناتلارنى بەرسۇن!  لېكىن <ئۇ كىشى ۋەھھابى ئەمەس ئىدى> مۇشۇنداق بۆلگۈنچىلىك قىلمىساق.........

saifulla 2010-12-10 16:42
ۋەھھابى دىگەن نىمە دىگەن گەپ؟  ئەينى ۋاقىتا بىدئەتنى كىسىپ ،سۇننەتنى تىرۈلدۈرگەن .كىشلەرنى شېرىك ئەقىدىدىن قۇتقۇز غان  كىشى ئۇ ۋھھاب دىگەن. تۇلۇق ئىسمىنى ئىسىمگە ئالالمىدىم.

ھەمزە 2010-12-11 13:03
ئىشلىتىش
引用第14楼saifulla于2010-12-10 16:42发表的 13(mustafaturk)  نىڭ يازمىسىغا ئىنكاس :
ۋەھھابى دىگەن نىمە دىگەن گەپ؟  ئەينى ۋاقىتا بىدئەتنى كىسىپ ،سۇننەتنى تىرۈلدۈرگەن .كىشلەرنى شېرىك ئەقىدىدىن قۇتقۇز غان  كىشى ئۇ ۋھھاب دىگەن. تۇلۇق ئىسمىنى ئىسىمگە ئالالمىدىم.

مۇنۇ ئىنكاسىڭىزغا 50 مۇنبەر پۇلى مۇكاپات بىرۋەتتىم

mustafaturk 2010-12-11 14:48
قېرىندىشىمىز سەيفۇللا توغرا ئېيتىدۇ .ئابدۇلۋاھاب دېگەن كىشى دىنىمىزدىكى بىدئەتنى يوقۇتۇپ  مۇسۇلمانلارنىڭ قۇرئان ۋە ھەدىسكە قايتىشىىگە كوپ تۆھپە قوشقان زات .ئاتا بوۋىسىدىن قالغان  بىدئەتلەرگە ئەگىشىدىغان بەزى كىشىلەر بۇ زاتنى خۇددى دىىننىڭ سىرتىدىكى كىشىدەك يامان كورىدىكەن. ئاللاھىم  مۇئمىن بەندىلىرىنى بۆلگۈنچىلىك ،تەپرىقچىلىقتىن ئوزۈڭ ساقلىغىن  .دىننىڭ يۈكسىلىشىگە تۆھپە قوشىدىغان ئابدۇۋەلىي قارىكامدەك كىشىلرنىڭ دۇنيا ۋە ئاخىرەتتىكى مەقامىنى ئۈستۇن قىلغىن ! 

fatih204 2010-12-11 16:42
ھەق يولدا مىڭىشنى ، ھەققە ئەگىشىشنى ئەگەر ئاللاھ ماڭا نەسىب قىلسا ، خەقنىڭ كوزىگە نىمە كورىنسەم رازى مەن ،،

ئەلى 2010-12-11 17:10
ئەسسالامۇ  ئەلەيكۇم،بۇرۇن  مەندە  ئابدۇۋەلى  قارىنىڭ تەبلىغلەر  توپلىمى  ھەم  80  دەرىسلىكى بار  ئىدى.
بىراق  كېيىن  يوقىتىپ  قويدۇم.  سىلەردە  بولسا  يوللاپ  بېرەمسىلەر~~~

fatih204 2010-12-11 17:20
گۇگۇلغا كىرىپ ئىسمىنى پىنيىنچە يازغىن ھەممىسى شۇ يەردە بار

kalkan786 2010-12-11 17:28
ئابدۇل ۋېلى قاراجىمنى ۋاخخابى دەپ ئاتاش مۇۋاپىق ئەمەس دەئۋەتلىرىنى ياخشى ئاڭلىساڭلار دىمەكچى بولغىنىمنى چۇشۇنۇپ-
قالىسلەر. ئەمدى ۋاخخابى دىگەن سۆزگەكەلسەك ئەسلى 18-ئەسىردە پۈتۈن دۇنيامۇسۇلمانلىرى ئەقىدە -ۋەئەمەل جەھەتتە شىرىك-
بىدئەتكە چۈمگەن،سىياسى جەھەتتە سىرتنىڭ مەدىنىيەت ۋە باشقا تاجاۋۇزلىرىغائۈچراۋاتقان دەۋىردە،ئەرەپ ېرىم ئارلىنىڭ -نەجىد رايۇندىكى بىر دىندار ئائىلدە مۇھەممەت ئىبنى ئابدلۋەھھاب دىگەن كىشى دۇنياغا كەلگەن. بۇكىشى كىچكىدىن باشلاپ-
دىننى بىلىملەرنى ياخشى ئۈگەنگەن.بولۇپمۇ شەيخۇلئسلام ئىنبى تەيمىيە ۋە ئۇنىڭ شاگىرتى ئىبنى قەييۇم جەۋزى رەھمەھۇمالارنىڭ
ئەسەرلىرى بىلەن ياخشى تونۇشقان،شۇنۇڭدىن كين ئەقىدەۋە ئەمەلدىكى شىرىك ۋەبىدئەتكەقارشى تۇرۇپ قۇرئان كەرىم ۋە-
سەھى سۈننەت ئاساسىدكى تەۋھىدۋە سۇننەتكەقايتىش تەشەببۇسىنى ئوتتۇرىغا قويغان ۋەبۇتەشەببۇس تىزلا مۇسۇلمانلار ئوتتۇرىسىدا-
قوللاشقا ئېرىشكەن. شۇنۇڭدىن كىيىن بىر بۆلۈك مۇتەسسىپ كىشلەر مۇشۇ تەشببۇسقائەگەشكەن كىشلەرنى يامان كۆرۈپ ۋاخخابى-
دەپ ئاتىغان. ئەمىليەتتە بۇ باشقابىر مەزھەپ بولماستىن بەلكى.مۇھەممەت ئىبنى ئابدۇل ۋەخخاب ئەمەل جەھەتتە ئەھلى -سۇننەت ۋەلجامائەت ئاساسىدىكى تۆت مەزھەبنىڭ بىرى بولغان ھەنبەلى مەزھەبنى ئاساس قىلىدۇ.

rayhan 2010-12-11 17:32
اللە  بىزنى مۇشۇنداق ئالىملىرىمىزدىن ئايرىمىغايلا ....اللە رازى بولسۇن ئۇستازدىن...

sumbul123 2010-12-11 23:34
ئاللاھ ئىگەم ھەممىگە ھامىيى، بۇ تىمىنى ئوقۇپ كۆڭلۈم بەك يېرىم  بولدى، مەن تاكى ھازىرغىچە بۇ زاتنى ئۆز يۇرتىدا  خەلقىنى  خاتىرجەم دىنغا دەۋەت   قىلۋاتىدۇ دەپ  ئويلايتتىم . ئەپسۇس....................

ئەلى 2010-12-12 11:38
رەھمەت  ساڭا ، راسلا  گۇگۇلدىن  چىقىدىكەن،ھەممىنى  چۈشىرىۋالدىم~~~
يەنە  بىر  ئىشنى  سوراي  دېگەن،كومپىيۇتېرىمغا كۆپ تىللىق قۇرئان  ئوقۇش دېتالى،سۈرە يادلاش  دېتالى
......دېگەن  دېتاللارنى  قاچىلىسام  ئوقۇيالمىدى.بىرەر  دېتالنى قوشۇمچە قىلىپ قاچىلايمەنمۇ  قانداق؟
سەن  ئىشلىتىپ  باققانمۇ؟؟؟؟


查看完整版本: [-- ئابدۇۋەلى مىرزايوفنىڭ تەرجىمھالى(ھەمزە) --] [-- top --]


Powered by PHPWind v7.3.2 Code © 2003-08 PHPWind
Time 0.047231 second(s),query:3 Gzip enabled

You can contact us