查看完整版本: [-- ھورۇن خوتۇننىڭ پايتىمىسى ھەققىدە --]

كەڭ ساي مۇنازىرە مۇنبىرى -> داڭلىق شەخسلەر -> ھورۇن خوتۇننىڭ پايتىمىسى ھەققىدە [打印本页] 登录 -> 注册 -> 回复主题 -> 发表主题

dilxikar 2010-08-27 21:40
ھورۇن خوتۇننىڭ پايتىمىسى ھەققىدە
   «ھورۇن خوتۇننىڭ پايتىمىسى ھەم ئۇزۇن، ھەم سېسىق» دېگەن تەمسىلنىڭ قايسى مىللەتنىڭ فولكلورىغا تەۋە ئىكەنلىكىنى بىلمىسەممۇ لېكىن ئۇنىڭدىكى ئاچچىق تەنە خۇددى تەر، قاسماقتىن پۇراپ كەتكەن پايتىمىدەك ھەممە كىشىگە تەسىر قىلىدىغىنىنى بىلىمەن. 
     مىڭ شۈكۈركىم، پايتىما يۆگەيدىغان دەۋر بىلەن ئاللىقاچان خوشلاشقىنىمىز ئۈچۈن قەغەز يۈزىنى سېسىق پۇراتماي، دېمەكچى بولغان گەپنى ھەممە ئادەم ئامراق بولغان لەغمەندىن ئىبارەت تاماق ئېىش ئۇسۇلىغا يۆلەپ ئوتتۇرىغا قويىمەن. لەغمەن  ئېتىشنىڭ ئۇسۇلى ۋە قەدەم باسقۇچلىرى ئاساسەن ھەممە كىشىگە تونۇشلۇق، لېكىن ئېتى «لەغمەن» لا بولسا   تەملىك ، يىيىشلىك بولىۋەرمەيدۇ، ئۇنىڭ ئۈستىگە لەغمەن ئېتىشكە كەتكەن ۋاقىت، ئۇنى ئەتكۈچىنىڭ تۆشۈكىنىڭ بار يوقلۇقى (تۆشۈككە پىششىق، خاملىقى)، چېچەن، چاققان ياكى گالۋاڭ، لايپاسلىقىغا مۇناسىۋەتلىك. موھىمى ۋاقىت بىزنى قوغلاۋاتقان، بىز ۋاقىتنى قوغلاپ يېتەلمەيۋاتقان شارائىتتا لەغمەن ئېتىۋاتقان گالۋاڭ، لايپاس خوتۇننىڭ قولىغا قاراپ ئولتۇرغان قالغان ئائىلە ئەزالىرى چوقۇم ۋاقتىدا  ياخشى دەم ئالالمايدۇ، ياكى قىلىۋاتقان ئىشىغا كېچىكىپ قېلىپ زىيان تارتىدۇ. 
    مەلۇم كۆلەمدىكى بىر ئورۇننىڭ رەھبىرى (رەھبەرلىك كوللېكتىپى) نى خۇددى ئائىلە ئەزالىرىغا لەغمەن ئېتىۋاتقان ئايالغا (ئانىغا) ئوخشىتىش مۇمكىن. چېچەن، چاققان ئايال(ئانا) تاماققا ۋاقتىدا تۇتۇش قىلىپ، ئۆزىنىڭ بىر يۈرۈش تۆشۈك تەجرىبىلىرىگە تايىنىپ، قىز- كېلىنلىرىنى مۇۋاپىق يارىدەملەشتۈرۈپ، تاماقنى ۋاقتىدا پىشۇرۇپ ئائىلە ئەزالىرىغا بېرىپ، ئۆزىمۇ ۋاقتىدا ئارام ئالالايدۇ، ئىشقا بارالايدۇ؛ باشقىلارغىمۇ شۇنداق پۇرسەت يارىتىپ بېرەلەيدۇ. بۇنداق چېچەن ئايال (ئانا) بار ئائىلە ھامان ئىللىقلىققا تولغان بولۇپ، جېدەل- ماجرا، تاپا- تەنە دېگەنلەر بۇنداق ئائىلىلەرنى ئەگىپ ئۆتۈپ كېتىدۇكى ھەرگىز قەدەم باسالمايدۇ. 
      ھورۇن، گالۋاڭ ئايال (بۇمۇ ئوخشاشلا ئانا) بار ئۆي يۇقۇرىقىنىڭ ئەكسىچە بولۇپ، بۇنداق ئۆيدە باشقىلار ھاۋا يېگەچ  تاماق سىڭدۈرۈپ يۈرگەن ۋاقىتتا تېخى تاماق يېيىلمىگەن، ئۆينىڭ ئىچىنى ئائىلە ئەزالىرىنىڭ گودوڭلاشلىرى، ئايالنىڭ ھەدەپ چالۋاقاشلىرى قاپلىغان بولىدۇ.  بۇنداق ئۆيدە ئائىلە ئەزالىرى ئوتتۇرىسىدا ئىناقلىق، ھۆرمەت كۆتۈرۈلۈپ كەتكەن، ئايال قىلغانلىرىغا مىننەت قىلىپ، ئائىلە ئەزالىرىنى جاق تويغۇزغان، ئائىلە ئەزالىرى بولسا ھەممە ئىشنى قولىنىڭ ئۇچىدىلا قىلىدىغان، قېيىدىغاق كەيپىياتقا چۆمگەن بولىدۇ. 
      دۆلەتنى قانۇن ئارقىلىق ئىدارە قىلىش پىرىنسىپى يولغا قويۇلغىلى نەچچە يىللار بولغان بولسىمۇ «ئەمگەك قانۇنى»، «ئاياللار ۋە بالىلارنىڭ ھوقۇق مەنپەئىتىنى كاپالەتلەندۈرۈش قانۇنى» قاتارلىق بىر قاتار قانۇن- نىزاملارنى قايرىپ قويۇپ، ئۆزى ئىشنىڭ بېشىنى مۇۋاپىق پىلانلىماي، يۇقۇرىنىڭ يوليورۇقى ۋە كۆرسەتمىسىنى ۋاقتىدا قول ئاستىدىكىلەرگە ئۇقتۇرۇپ ئىجرا قىلماي ، كۆز ئالدىدىكى يولۇققان مەسىلىلەرنى ۋاقتىدا مۇۋاپىق بىر تەرەپ قىلالماي، ئاخىرىدا قول ئاستىدىكىلەرنىڭ (مۇتلەق كۆپىنچە ھاللاردا ئاساسىي قاتلاملاردىكى بىچارە ئوقۇتقۇچىلار، نارەسىدە ئوقۇغۇچىلارنىڭ) قانۇنلۇق دەم ئېلىشىنى قۇربان قىلىدىغان، ئۇنىڭ ئۈستىگە «ئۇتتۇرىۋەتكەندىن چوتار ئاپتۇ» دېگەندەك، دەم ئېلىش كۈنلىرىدە ئىشلىگەنگە ھەق بەرمەكتە يوق، «مۇنچىلىك كېچىكىپسەن !»، «دەم ئېلىش كۈنى ئىشلىمەيدىغان يەردە ئىشلە (ئوقۇ)!!» دەپ دوق، پوپۇزا قىلىدىغان بىر قىسىم بولۇمسىز باشلىقلارنىڭ ئاشۇنداق (ھازىرغىچە پايتىمىسىنى سۆرەپ يۈرىدىغان)  ھورۇن خوتۇندىن نېمە پەرقى؟!

   ئاشۇنداق باشلىقلارنىڭ قول ئاستىدا ئىشلەپ قالغۇچىلار ھورۇن خوتۇننىڭ سۆرۈلۈپ قالغان ئۇزۇن ھەم سېسىق پايتىمىسىنى يىغىشتۇرغۇچىلارمۇ؟!

 



kangsay 2010-08-28 15:34
ئىنكاس يازساڭلار قولۇڭنى كىسىمەن دىمىگەندۇ ھە بۇ تىمىغا  بىرەرسى؟؟
مىنىڭ كۈزىتىشىمچە مۇنداق ئەمەلدارلار جەنۇبىي شىنجاڭدا بىرئاز كۆپتەك قىلىدۇ...
شىمالدىغۇ توي-تۆكۈن بولسا تۆرگە ئىگىلىپ تۇرۇپ باشلاپ كەتمەيدۇ .....

sarsan1117 2010-08-29 15:34
تۈنۈگۈن كەچ ئوقۇپ ئىنكاس يازمايلا ئۇخلاپ قالغانتىم ، كەڭسايدا مۇشۇنداق تېمىلارنى يازىدىغان يولداشلارنىڭ بارلىقىدىن ئىنتايىن سۆيۈندۈم ، بۇ ھەرگىزمۇ باشقا تېمىلارغا ئوخشاش ، ياخشى ،يارايسىز، دېگەندەك ئىنكاسلارغا قاراشلىق تېما ئەمەسكەن. ھەقىقى ئۇنۋىرسال ساپا بولغاندىلا ئاندىن مۇلاھىزە قىلىپ پىكىر يۈزگۈزگىلى بولىدىغان تېمىكەن ، شۇڭا بۇ تېمىغا ئىنكاسلارنىڭ ئاز چۈشۈشى نورمال ئەھۋال !~~!  مەن يەنە بىردەم ئويلىنىپ ئاندىن گەپ قىلاي !~~!

xan_2484@qq. 2010-08-30 18:45
ياخسې  تېما ئېكەن

rayhan 2010-08-31 23:04
جەنۇبىي شىنجاڭدا كوپ بۇنداق ئىشلار ......باشلىقلارنىڭ ساپاسى يوق ،يەنە كىلىپ شۇنداق باشلىقلارنىڭ مۇنداق تىمىنى ئوقۇيدىغانغا  چولىسى يوق،كورسىمۇ....تەسىر قىلنايدۇ ئۇلارغا.....بۇلۇپمۇ بىچارە ئوقۇتقۇچىلار شۇنداق   جاپالىىق ئىشلەيدۇ،  كېچىلەپ ئىشلىسە  مۇكاپات يوق ،مىنۇت كىچىكسە سورىقى ،جازاسى بار.......باشلىق كەلسە چۇرايلىق قىز چوكانلارنىڭ سۇرىنى بار ،بارمىسا بولمايدۇ.جەنۇبىي شىنجاڭدىكى بەزى باشلىقلار نى كورسە ئادەمنىڭ غىدىقىمۇ كىلدۇ،غەزىۋىمۇ كىلدۇ.ئوزىدىن چوڭ ئادەملەرگىمۇ سالام قىلمايدۇ ...خۇددى  بۇ ھۇقۇقنى الا    ئۇلارغا بەرگەندەك ......ئازراق ئورۇپ ئادەت ھەم دىنىي ساۋادىمۇ يوق......خەقنىڭ يىمەك-ئىچمىگىدە ھەققى باردەك نان ،سۇلارنى مۇشۇنداق ئۇلۇق كۇنلەردە زورلاپ يىگۇزۇپ ،ئچكۇزىدۇ.......

tanha520 2010-09-02 19:41
ئاللا ئاللا

ھەمزە 2010-09-02 19:48
لېكىن نىمە ئامال.........................  ئۇلارغا خاتالىقىنى كۆرسىتىمەن دىسىڭىز سىياسىيغا ئۇسۇشتۇرۇپلا قانۇنغا تاپشۇرىدۇ.

ياقا چىشلەپ تۇرماقتىن باشقا ئامال يوق......................

albax 2010-09-04 16:20
مەركىزى شىنجاڭدا (بايىنغۇلىننىڭ شىمالى توت ناھىيىسىدە) ھەرھالدا بوپ قالىدۇ . لىكىن بىزدىن چىقىدىغان باشلىق ئاز . كۆپىنچە پۇقرانىڭ قانۇن ساپاسىدىن رەھبەرنىڭ قانۇن ساپاسى مۇھىم بۇلىدۇ . ھىچقىسى يوق ، رەھبەرنىڭ ئەمەس ، دۆلىتىمىزنىڭ قانۇن ساپاسىمۇ  كۆڭۇلدىكىدەك ئەمەس!

dilxikar 2010-10-23 17:20
   يېقىندىن بۇيان يەنە تېخى تكۋەن تۇرممۇش كاپالىتى پۇلى ئالىدىغانلارنى كۈندە مەجبۇرىي ئەمگەككە سالىدىغان ئىش چىققانتى،  «ئەمگەككە چىقمىغانلارنىڭ پۇلىنى بەرمەيمىز»  دەپ قوقاق سالىدىغان، ھەنېمە بولسا يۇقۇرىدىن تەكشۈرۈپ، بۇ ئىشنى جىمىقتۇردى.

huxdil 2010-10-27 16:13
ئۆزگىرەپ ھايۋاننىڭ خۇيىنى ئالغان باشلىقلارغا نىمىلا دىسە بىكار .مۆرىتى كەلسە بىر ئىككى ياخشى ئىش قىلىپ قۇيۇپ ئالەمنى مالەم قىلىۋىتىشتىن يانمايدۇ. لىكن ياخشىلارمۇ بار بىراق بەكلا ئاز.

era13 2011-01-04 15:41
ئىشلىتىش
引用第8楼dilxikar于2010-10-23 17:20发表的 :
   يېقىندىن بۇيان يەنە تېخى تكۋەن تۇرممۇش كاپالىتى پۇلى ئالىدىغانلارنى كۈندە مەجبۇرىي ئەمگەككە سالىدىغان ئىش چىققانتى،  «ئەمگەككە چىقمىغانلارنىڭ پۇلىنى بەرمەيمىز»  دەپ قوقاق سالىدىغان، ھەنېمە بولسا يۇقۇرىدىن تەكشۈرۈپ، بۇ ئىشنى جىمىقتۇردى.

ۋاي -ۋاي ! بىزنىڭ مەھەللىدە بۇ ئىشلار ھازىرمۇ بار ،ئا باشلىقلار بىزنڭ يۇرتقا كەلمىگەن چېغى !

123456789 2011-03-12 16:52
    چەنوبى   شىنچاڭدا   ۈزىنىڭ   اىلىسىدىكى  ىشلارنى   تۈزەششتۈرۈپ   باشقورلمايدىغان   ،
ساۋاتسىز    كىشىلەرنى   باشلىق   قىلىپ   قويىدىكەن   تىھى .  
   موشونداق   پاچىقىنى   ەكەل   دىسە  ،   بىشىنى  ەكىلىدىغان   تۋەن   ساپادىكى   باشلىقلار  .  
كۈزكە   كۈرۈنەرلىك   الىچاناپ  باشلىقلىرىمىزغىمو   تەسىر   كۈرسىتىدو   دەپ   ويلايمەن  .

ياۋۇز 2011-04-05 00:13
تىما ئىگىسىگە كۆپ رەھمەت،ئەھمىيەتلىك تىما .ئەجرىڭىزگە تەشەككۈر

dulbarqin310 2011-04-22 18:21
بۇ تېممىغۇ بەك ياخشى يېزىلپتىكەن ، لېكىن مېنىڭ كەسپىم كومپىيوتېرغا قاراپ ئولتۇرىدىغان ئىش بولغاندىكىن كومپىيوترىغا كۈندە قاراپ ئولتۇرىمەن شۇڭا گەرچە ياش بولساممۇ  كۆزۈم بەك ئاغرىپ كەتتى. خېتى سەل كىچىك بۇلۇپ قاپتۇ.


查看完整版本: [-- ھورۇن خوتۇننىڭ پايتىمىسى ھەققىدە --] [-- top --]


Powered by PHPWind v7.3.2 Code © 2003-08 PHPWind
Time 0.054663 second(s),query:3 Gzip enabled

You can contact us