|
]قايغۇرماڭ
ئاپتورى - ئەئىز بىن ئابدۇللاھ ئەلقەرنىي
تەرجىماندىن
(ناھايىتى شەپقەتلىك ۋە مېھرىبان ئاللاھنىڭ ئىسمى بىلەن باشلايمەن )
بارلىق ھەمدۇ- سانا ئاللاھقا خاستۇر. بىز ئاللاھقا چەكسىز ھەمدۇ- سانا ئېيتىمىز ، ياردەمنى پەقەت بىر ئاللاھتىنلا سورايمىز . ئاللاھتىن گۇناھلىرىمىزنىڭ كەچۈرۈم قىلىنىشىنى سورايمىز .ئاللاھقا چەكسىز ئىشەنگەن ھالدا تەۋەككۈل قىلىمىز.ئاللاھ ھىدايەت قىلغان كىشىنى ھېچكىشى ئازدۇرالمايدۇ ، ئاللاھ بۇ بەندە ئازغن دەپ ھۆكۈم قىلسا ، يول قويسا ، شارائىت ، پۇرسەت بەرسە ، ھېچكىشى ئۇ بەندىنى ھىدايەت قىلالمايدۇ .شۇنىڭ ئۈچۈن بىز ئاللاھتىن ھىدايەت ، توغرا يول سوراپلا قالماستىن ، نەپسىمىزنىڭ، ئەمەللىرىمىزنىڭ يامانلىقلىرىدىن ئاللاھقا سېغىنىپ پاناھ تىلەيمىز.
ئاللاھنىڭ بارلىق ، بىرلىكىگە ، مۇھەممەد سەللاللاھۇ ئەلەيھى ۋەسسالامنىڭ ئاللاھنىڭ ئەلچىسى ئىكەنلىكىگە ، قىيامەت كۈنىگە، پەرىشتىلەرگە ، پەيغەمبەرلەرگە ، ساماۋى كىتاپلارغا ، ئۆلگەندىن كىيىن روھ ۋە تەن جىدىم بىلەن تىرىلىشىمىزغا شەكسىز ئىشىنىمىز ، ئىمان كەلتۈرىمىز .ئاللاھ تائالا ، رەسۇلىللاھ سەللەلاھۇ ئەلەيھى ۋەسسالامگە ، ئائىلە- تاۋاباتلىرىغا ، ساھابىلەر ، تائابىنلارغا ، ئۇلارغا ئەگەشكەن بارلىق مۇسۇلمانلار مۆئمىنلەرگە رەھمەت قىلسۇن، رەھمەت قىلسۇن، رازى بولسۇن، جەننەتتە جامالىنى كۆرۈشكە ئاتا قىلسۇن . ئامىن!
[attachment=14043]
«ئى ئاللاھ »
{ئاسمانلاردىكى ۋەزىمىندىكى ھەممە ئاللاھدىن (مەدەت ۋە رىزىق) تىلەيدۇ .يەنى (دىللار ئاللاھقا مۇھتاجدۇر ). ئاللاھ ھەركۈنى بىر ھالەتتىدۇر .(يەنى ئاللاھ ھەرۋاقىت ۋۇجۇدقا چىقىرىدىغان ئىشلار بۇلۇپ ، ئۇلارنى يارىتپ تۇرىدۇ ، ئەھۋاللارنى يېڭىلاپ تۇرىدۇ . مەخلۇقاتلارنى پەيدا قىلىپ تۇرىدۇ .} (سۈرە راھمان 29- ئايەت )
كىشلەر دېڭىزدا كېتىۋاتقاندا تۇيۇقسىز كۈچلۈك بوران – چاپقۇن يۈز بىرىپ دېڭىز سۈيى شىددەت بىلەن دولقۇنلاپ ، دېڭىز پۈتۈنلەي قالايمىقان بۇلۇپ كەتسە ، كېمىدىكىلەرنىڭ ھەممىسى "ئى ئاللاھ " دەپ چاقىرىدۇ .
قۇملۇقتا كېتىۋاتقان يۇلۇچىلار تۆگىسى ۋە ئۇزۇق- تۈلىگىنى يۈتتۈرۈپ قويسا ، ئۇلار :"ئى ئاللاھ "دەپ چاقىرىدۇ .
بالايى – ئاپەت يۈز بەرسە ، ئاپەتكە ئۇچرىغۇچىلار :"ئى ئاللاھ " " دەپ چاقىرىدۇ
كىشلەر ئۈزى ئۈچۈن ئىنتايىن ئېھتىياجلىق نەرسىنى ئېلىش ئۈچۈن ئىچىگە كىرىشكە تىركىشىۋاتقان ئەمما ئۇلار كىرىشتىن بۇرۇن ،ئىشىكلەر يېپىلىپ .بارلىق كىرىش يوللىرى تۇسۇلۇپ قالسا :" ئى ئاللاھ " دەپ چاقىرىدۇ.
زىمىن دەھشەت بىلەن كېڭىيىپ ، سىزگە يۇپۇرۇلۇپ كەلگەن ، روھىڭىز ئىنتايىن قىسىلىش ھېس قىلغىنىڭىزدا " ئى ئاللاھ " دەپ ئېچىنىشلىق نالە قىلىسىز .
گۇناھسىزلارنىڭ كۆزلىرىدىن ياش ئاققاندا ، زۇلۇمغا ئۇچرىغۇچىلار ، ئاللاھقا چىن دىلىدىن ئىلتىجا قىلىپ ياردەم تىلەيدۇ . مۈشكۈللۈك ۋە بەخىتسىزلىككە يۇلۇققاندا قوللار ھەم كۆزلەر ئاللاھقا يۈزلىنىپ ، يىغلاپ تۇرۇپ ئاللاھنىڭ نامىنى تىلغا ئالىدۇ .
پاك ، نوقسانسىز ئاللاھ سۇبھانۇ ۋە تائالانى ئەسلىگىنىمىزدە دىللىرىمىز تەسكىن ، روھىمىز ئارام تېپىپ ، نېرۋىلىرىمىز تنىچلىنىپ زېھنىمىز ئۇيقۇدىن ئويغانغاندەك بۇلىدۇ .
{ئاللاھ بەندىلىرىگە كۆيۈنگۈچىدۇر، ئۇ خالىغان ئادەمگە رىزىق بىرىدۇ ، ئاللاھ كۈچلۈكتۇر ، غالىبتۇر . }(سۈرە شۇرا 19- ئايەت )
ئاللاھ :ئىسىملارنىڭ ئەڭ گۈزىلى ، ھەقىقەت بىلەن باغلانغان تەن ، ئەڭ قىممەتلىك سۆزدۇر .
{ئۇ ئاسمانلارنىڭ ، زىمىن ۋە ئۇلارنىڭ ئارىسىدىكى شەيئىلەرنىڭ پەرۋەردىگارىدۇر . ئۇنىڭغا ئىبادەت قىلغىن .}(سۈرە مەريەم ، 65- ئايەت)
ئاللاھنىڭ ئىبادىتىگە چىداملىق بولغىن ، سەن ئۇنىڭ شىرىكى بارلىقىنى بىلەمسەن ؟
ئاللاھ : قاچان خىيالىمىزدىكى ھەقىقىي باياشاتلىق ، كۈچ- قۇۋۋەت ، شان – شەرەپ ، ئەقىل – پاراسەتنىڭ ئەمەلگە ئاشىدىغانلىقىنى مەقسەت قىلىپ ، ئاللاھ سۇبھانۇ ۋە تەئەلا :
{ ئۇلار قەبرىلىرىدىن چىققان كۈندە ئاللاھقا ئۇلاردىن (يەنى ئۇلارنىڭ ئەھۋالىدىن ، ئەمەللىرىدىن ، سىرلىرىدىن ھېچ نەرسە مەخپىي قالمايدۇ . بۈگۈن پادىشاھلىك كىمگە خاس ؟ غالىب بىر ئاللاھقا خاستۇر .} (سۈرە غافىر، 16- ئايەت )دەيدۇ . ئاللاھ قاچان خىيالىمىزدىكى كۈيۈمچانلىق ، غەمخورلۇق ، ئاسانلىق ، مۇھەببەت ۋە شەپقەتنىڭ ئەمەلگە ئاشىدىغانلىقىنى مەقسەت قىلىپ ئېيتىدۇركى :
{سىلەر بەھرىمان بولىۋاتقان نېئمەتلەرنىڭ ھەممىسىنى ئاللاھ بەرگەن ، سىلەرگە بىرەر ئېغىرچىلىق يەتسە ، ئاللاھغا يالۋۇرۇپ دۇئا قىلىسىلەر }(سۈرە نەھلە ، 53- ئايەت )
ئى ئاللاھ !سەن بارلىق مەۋجۇداتلارنىڭ پادىشاھى، گۈزەللىك ، كۈچ – قۇدرەت ئىگىسى ، ئاغرىقلارغا شىپالىق ئاتا قىلغۇچى ، قايغۇدىن كىيىن خۇشاللىق ئاتا قىلغۇچى ، قورقۇنىچتىن كىيىن ئەمىنلىك ئاتا قىلغۇچىدۇرسەن
ئى ئاللاھ كۆيىۋاتقان يۈرىكىمىزنىڭ ئازابىنى ئىماننىڭ ھۇزۇرى بىلەن پەسەيتكىن .
ئى رەببىمىز ! بىزنى تىنىچ ئۇيقۇ بىلەن ئارام ئالدۇرۇپ ، ئارامسىزلىنىۋاتقان روھىمىزغا ئاراملىق ئاتا قىلغىن!
ئى ئاللاھ !بىزنى ئازغانلارنىڭ يۇلىغا ئەمەس ، ھەق يولغا ، يەنى رەھمەت قىلغانلارنىڭ يۇلىغا باشلىغىن .
ئى ئاللاھ !دىللىرىمىزدىكى شەيتاننىڭ ۋەسۋەسىنى كۆتۈرۈپ ، ئىسلام نۇرى بىلەن دىلىمىزنى يۇرۇتقىن . ھەق ئارقىلىق باتىلنى بەربات قىلغىن . پەرىشتىلەر ئارقىلىق شەيتاننىڭ ھىيلە- مىكرىنى بەربات قىلغىن .
ئى ئاللاھ ! بىزدىكى ئازاب- ئۇقۇبەت ، بالايى- ئاپەت ، ئەنسىرەشلەرنى كۆتۈرىۋەتكىن . بىز سەن ئارقىلىقلا قورقۇنىچتىن خالىي بۇلالايمىز . ھەممە ئىشتا ساڭىلا تايىنىمىز ، ھەممە ئىشتا ساڭىلا ئىشىنىمىز ، ساڭىلا ئىلتىجا قىلىمىز . سەن بىزنىڭ بۈيۈك ياردەمچىمىز ھەم قوغدىغۇچىمىزدۇرسەن ! |