ئۆزۈمگە نەسىھەت

ئاپتۇرى

چىندىل

 

نەپەسلىرىنڭ سانىماقتا ئۆمرۇڭنى

پىلانلىرىڭ تىخى ئەمدى باشلاندى

تۈگەر ئۆمرۈڭ چۈشەنگەندە دۇنيانى

ئارمانىڭ كۆپ دەرمانسىز، كۆز  ياشلاندى

 

تەگسىز يولغا باشلار دائىم  ھىرىسلىق

كىيىمىڭگە داغ چۈشمىسۇن ئاۋايلا

مەدەت تىلە ئىگەڭ بەكمۇ شەپقەتلىك

ساقلىمىسا ئازار ئىنسان ئوڭايلا

 

يان باسمىغىن زالىملارغا پاسىققا

كىر يۇيغانغا چوقۇم يۇندا چاچرايدۇ

ئاللاھ تۇرسا بەندىلەرگە تەلمۇرمە

سۇ يوق يەردە ھەرگىز كىمە ماڭمايدۇ

 

ساقلان دائىم ھاراملاردىن شەكلەردىن

جەننەت كۆرمەس ھاراملاردىن ئۆسكەن تەن

ئىستىغفارىڭ بولسۇن جارى تىلىڭدا

تومۇرۇڭدا شەيتان ئاقار ئىنسانسەن

 

پىكاپ ياكى تۇلپارلارغا مىنگەننى

ئۇنتۇلدۇرار جىنازىغا مىنگىنىڭ

بارغان جايدا يوقتۇر ھەيۋەت ئىناۋەت

قەبرەڭ سىقسا چىقار ھەر بىر يىگىنىڭ

 

توي كىچىسى سۈرگەن لەززەت قالمايدۇ

مۇنكىر نەكىر سوراغىنى باشلىسا

ھىساپ ئالغىن ھەركۈن ئۆزەڭ ئۆزۈڭدىن

ئۈلگۈرمەيسەن جەھەننەمگە تاشلىسا

 

خۇدا قازى بولغان چاغدا بارچىگە

چۈشەندۇرۈش ياكى سودا ئاقمايدۇ

چىندىل بىلەن پاكلانمىساڭ دۇنيادا

خۇدا ئوتلۇق دەۋزەخ بىلەن پاكلايدۇ

مەنبە: ساقىيەچۈش تەبىر تورى