查看完整版本: [-- بار -يوقنىڭ ئارىسدا كىم ئۈچۈن پۇل تاپمىز؟ --]

كەڭ ساي مۇنازىرە مۇنبىرى -> كۆڭۈلدىكى سۆز -> بار -يوقنىڭ ئارىسدا كىم ئۈچۈن پۇل تاپمىز؟ [打印本页] 登录 -> 注册 -> 回复主题 -> 发表主题

زاكات 2011-11-30 13:15
 ئاپتورى: پەرھات ئەمەت

خاتىرجەم ئادەملەر ھەمىشە بىكار چاغلىرىدا ئۆيدە  ياكى ئىشخانىسدا بىكىنىپ ئولتۇرۇپ تورغا چىقىدۇ.ئۇلانىڭ قىلىدىغان  ئاز- تولا ئەندشىلرىى بولسمۇ لىكىن غېىمى يوق،نېمشقا؟ چۈنكى مۇقىم مائاشى بار. ئىسسىق ئۆيى بار،ھېچقانداق قەرىزى يوق.مانا بۇلار ئۇلارغا يېتەرلىك ئۆزلىرىمۇ بۇھالىدىن رازى، شۇڭا ئۇنى بۇنى يېزىپ بىزلەگە <تەكلىپ-پىكىر > بېرەلەيدۇ. لىكىن كۆپ قىسىم ئادەملەر جان بېقىش ھەلەكچىلىكدە ئالدراش يۈرگەن،قولىدىكى ئازغىنا مەبلىغى بىلەن نېمە ئىش قىلسام  بولار ؟ ئويلىنپلا يۈرگەن، يەنە ماڭا ئوخشاش بەزىلەرنىڭ ب مەبلەغمۇ يوق،خىزمەتتىنمۇ ئايرىلغان، بىرەر خىزمەت ئورۇنى تاپالماي ياكى بىرەر تېجارەت قىلاي دېسە بىلمەي تېڭىرىقاپ يۈرگەن، خۇددى ئابدۇكىرىم ئابلىز  ئېتودىكى <سەن دېگەندە بالا بار،خوتۇن بار،ئۆي بار، مانا مەن يېتوسەن(一套三)بايتال!>دېگەندەك  ئۈچ خىل كاپالەتكە ئىگە ئەمەس ئادەملەرمۇ نۇرغۇن.  .   ماڭا ئوخشاش ھورۇنلۇقتىن ئەمەس، بىكار تەلەپلىكتىن ئەمەس بەلكى چىقىش يولى ھەم مەبلىغى بولماسلىقتىن ئۆز-ئۆزىگە نېمش قىلسام بولار دەپ يۈرگەن ئادەملەر  ئالىي مەكتەپ ئوقۇغۇچلىرى  دائىملا تور بەتلەرگە مۇراجەت قىلمىز.
تورغا چىقىپ ئىزدەنگەنلىكىم مېنىڭ ئىلغارلىقم ،زامانىۋى تېخنكا تەدبىرنى بىلگەنلىكىمدىن ئەمەس،دولىسىغا كەتمەننى ئېلىپ يالاڭئاياغ ئېتىزغا غىڭىشىپ ناخشا ئېيتىپ ئەمگەك ئۈچۈن ئاتلانغان دېھقان ئاكامنىڭ روھى شۇ تاپتا مېنڭدىن  ئۈستۈن.ئۇنىڭ ئېتىزى   تېجارەت مەيدانى، ئىشلەپچىقىرىش زاۋۇتى،ھېچقانداق ۋاكالەتچلىك ھەققى كەتمەيدىغان، ئويلىنىش كەتمەيدىغان بىردىنبىر پۇل تېپىش سورۇنى.ئۇ ئىككى قولنىى بىلەككچە تۇرۇپ جاپاغا چىداپ ئىشلەپلا بەرسە پۇل ئۇنىڭ ئالقىنغا ئۆزى كىرىدۇ. مانا بۇمۇ بىر خىل ئىگلىك بولسا كېرەك. ئەسىلىدە ئالىي مەكتەپتە <زامانىۋى يېزا ئىگلىك ،سۇ تۇپراق.>كەسىپلىرىدە ئوقۇغانلارنىڭ نە بىرمۇ ئېتىزى نەگە بىرە تۇياق كالسى بولسۇن؟ ھۆكۈمەت تۇرۇپ تۇر دەپ ئىشقا چىقارمسا ئۇلار ئاشۇ دېھقانلىرمىزدەك بۇغداي ئورۇپ ،قوناق ئاقلاپ،پادا بېقىش  بىلەن ئاۋارە بولىدۇ. ئۇنىڭدىن باشتىلا دېھقان ياكى چارۋۇچى بولسا بولمامدۇ؟ زامانىۋى تېخنكامىش تېخى.،،،،ئوقۇغان نەرسە ئەمەلىيەتتە يوق نەزەريلەر،  مەىسلەن .سەن تۇرپاندا ياشىغان بولساڭ سېنىڭ ئۆگەنگىنىڭ ئامىرىكا يېزا ئىگلىكى بۇنداقلارنى دېھقانلار :كۆتەر قاسقىنىڭنى ،بۇرۇندىن ئۆزىمىز قىلۋاتقان ئوقەت بۇ! دەپ قولۇڭدىن يۇلۇپ ئالىدۇ. بۇنداق چالۋاقىسا بەرھەق! شۇ تاپتا نېمشقا خاتىرجەم ياشايدىغان دېھقان بولمىغاندىمەن، ئۆز ۋاقتىدا ئالىي مەكتەپكە بارىمەن دەپ قىلغان غەۋغالىرىمغا مىڭ توۋۋا دېدىم.
تور بەتلەرنىڭ كۆپىنچىسى ئۆزنىڭ ھەلەكچىلىكىدە، ھاجەتلىرىمىزگە نەپ ئىزدەپ كىرسەك، "ئاۋۋال ماۋۇ ئېلاننى چېكىۋتىڭ""بىزنى قوللاپ بېرىڭ"دېگەندەك ئۇچۇرلار پىشانمىزىدە ئەگىپ يۈردىكەن.ئون تېمنى ئوقۇسىڭىز ئارىدىن مەنپەئەت بېرىدىغان بىرسى چىقىشى تەس، مەن ئۇچۇر تورىنى دائىم ئاچىمەن.لىكىن ئۇنىڭدا گىرىم بۇيۇملىرى بىلەن ساغلاملىق بۇيۇملىرى تېجارىتى، ئائىلە ئىلىكىتر سايمانلىرى سېتىش ئۇچۇر ئېلانى كۆپ.  ئىچكىرى زاۋۇتلاردىن ئەرزان باھادا ياستىپ دىيارىمىزدا باھا چاپلاپ ئېلىپ كېلنگەن بۇ مەھسۇلاتلارغا نېمە دەي، تېخى ۋاكالەتچى ھەققى ئۈچۈن پالانچى پۇل تاپشۇرۇش كېرەكمىش، خەق سېنىڭ مېلىڭىنى سېتىپ بەرسە يەنە ئۇنىڭدىن ۋاكالەت ھەققى ئالساڭ ئېشىپ قالغان مالنى يا قايتۇرۇپ ئالالمىساڭ بۇ قانداق ئوقەت؟سەن پايدا بەرمەي ھەممنى ئۆزەڭ ئالساڭ  قاملىشامدۇ؟ئازىراق بولسمۇ ئىنساپ بولسۇن!
تور بەتلەردە بولۇپمۇ ئىگلىك تىكلەش ھەققىدە جانغا ئەزقاتقۇدەك بىرەر تور بەت يوق ئىكەن. خەنزۇچە تور بەتلەرگە كىرىسەم ئائىلىدە ئىگلىك تىكلەش ئۇسسۇللىرى زاۋۇت قۇرۇشقا كېتىدىغان ئۇسكۈنلەر بىلەن ئۇلارنىڭ ئالاقىلىشىش ئۇسسۇلىغا قەدەر يېزىپتۇ.
بۇلارنى كۆرۇپ باشقىلارنىڭ يالغۇز ئىستمالچى ساتقۇچى ئەمەس ئىشلەپچىقىرىشقا ئادەتلەنگەنلىكىنى ھېس قىلدىم. جۇڭگۇنىڭ نېمشقا دۇنيانىڭ زاۋۇتى دېگەن نامى بارلىقنى چۈشەنگەندەك بولدۇم. ئۇلار بىر نەرسىنى ئىشلەشكە،توختماستىن ياساشقا ئادەتلەنگەن.
بىز ئېلپ ساتارلارنىڭ ئەۋلادىمۇ ياكى بىزدە قەدىمدىن بىرەر نەرسە ئىشلەپچىقىرلمىغانمۇ دېسەك ئۇنداقمۇ ئەمەس. ئەجدادلار ياراتقان ماددى بۇيۇملارنى كۆرۇپ جاھاننىڭ ئۇ چېتىدىكى ئادەملەرمۇ كارامەت دېيشىدۇ.لىكىن ھازىر ئىشلەپچىرىۋاتقان نەرسىلەرنى مەلۇم شىركەتلەرلا قىلىدۇ،  تالغان يەپ  ئولتۇرغان كۆپچلىك تىلۋوزۇرغا قاراپ ،،پاھ بىزنىڭ شىركەتلەر دەپ ماختنىپ  تۇرىدۇ يۇ "ھە ما تېجارەتنى مەنمۇ قىلىپ باقاي، دەسلەپ ئۆيدە كىچكىرەك بىر زاۋۇت قۇراي،"،دەيدىغان ئەقىل يوقتە زادى،  بىزدە تارىختىن بېرى دەللالىچىلىقمۇ مەلۇم ساھەدە تەرەققى قىلغان. شۇڭا ئۇنىڭ دۇپپىسنى بۇنىڭغا كىيدۇرۇپ ئارىدىن پايدا ئېلىشقا بىز بەك ئۇستا. قازاق قېرىنداشلار بىزنى "سارتلار"دەيدۇ بۇ سودىگەر دېگەن گەپ،قازاقچە ئاھاڭ بويىچە سودىگەر،ساتقۇچى،،دېگەن مەنلىلەردىن يەنە  بىر نۇقتىدىن ھەرگىزمۇ ئىشلەپچىقارغۇچى ئەمەس دېگەن مەنا چىقىپ تۇرىدۇ.  تەپەككۇرىمىزمۇ شۇندانىڭغا بەك  ئادەتلەنگەن . قول چاپلاپ ئىككى ئارىدا دەللالىق قىلىپ كېلىشتۇرۇگۇچىلەرنى ھازىرقى زاماندا يوق دېگلى بولمايدۇ. ئۇنداقلارنى چىگرا رايون مىھمانخانىسدا كۆرۇش مۇمكىن. روسچە بىلدىغان بالىلار ئارىدىن خېلى پايدا ئېلىپ تۇرىدۇ.  ئۇنداق قىلالمىغانلار خەقنىڭ مېلىنى ۋاكالەتچى بولۇپ ساتىدۇ. مەن ئورفىلەم،ئەنلى،يەنە ھەرخىل گىرىم بۇيۇملىرى ۋە ساغلاملق بۇيۇملىرىنىڭ سادىق ساتقۇچىسى بولۇپ ئەل ئارىىسدا تارقاتقۇچى بولۇپ پۇل تېپىۋاتقان قىز ئوغۇللىرىمىزنى دائىم كۆپلەپ ئۇچرتىمەن.ئۇلارنىڭ مەھسۇلاتلارنى سىزگە ماختاپ چۈشەندۇرگەندىكى ھالىتى،قىزغىنلىقىدىن  ئۇلارنىڭ تېپىۋاتقنى ھالال ئەمگەك بولسمۇ لىكىن خەقنىڭ تەشۋىقاتچىسىغا  ئايلنىپ،يالغاننى ئاز تولا ئارلاشتۇرۇپ بىلجىرلاشنى شۇنچىلا تىز ئۆزلەشتۇرگەنلىكىگە ئاچچىق كۈلۈپ قويدۇم. قايسى بىر توردا "زاۋۇتى يوق مىللەت قانداق كۈنگە قالىدۇ؟"دېگەن ئىكەن. مەن قىسقلا جاۋاب بېرىپ باقاي: زاۋۇتى يوق مىللەت خەقنىڭ قوغدىغۇچىسى، تەشۋقاتچىسىغا، بەكىرەك قاتتىق گەپ بىلەن ئېيتساق سودا ساھەسدىكى غالچىسىغا ئايلىنىپ قالىدۇ .
چۈنكى ئۈنىڭ تىلى ،ئۇنىڭ ھەرىكىتى ۋە ئۇنىڭ ئوي خىيالى قولىدىكى خەقنىڭ مېلىنى سېتىپ چىقىرىشتىن ئىبارەت.
ئەلۋەتتە مەن بۇ يەردە مال ساتقۇچىلرىمىزنى قىلۋاتقان تېجارىتىنى ئەيىپلمەكچى ئەمەس بەلكى ئۆزىمىزنىڭمۇ ئىشلەپچىقارغۇچى،زاۋۇت قۇرغۇچى،ئاندىن ئۆز مەھسۇلاتلىرنىڭ تەشۋىقاتچىسى ساتقۇچسى بولۇشىنى ئىلگىرى سۈرۈش ۋە ئەسكەرتىشتىن ئىبارەت. ئۆزەمنىڭ قانداق قىلىشنى كېينچە سىلەرگە سۆزلەپ بېرەي!

2011.11.30 كۈنى بىكارچىلقتا يېزلدى.

rayhan 2011-11-30 16:39
خىياللىرىڭىز ئەمىلىي ئىكەن ....غەيرەتلىكرەك بۇلۇڭ ...

زاكات 2011-11-30 16:54
ما قىش بەك سوغۇق بىرەر يەردە ئىشلەي دېسڭىز بەك توڭلاپ كېتىدىكەنسىز.  بولۇپمۇ مۇسۇلمان شىركەتلەر بولمىغاچقا نامازغا ئىبادەتكە دەخلى بولدىكەن ،ئۇنىڭدىن شەخىسى ئوقەت قىلاي دېسەم دۇكان ئالدىغان ۋە دەسمايە قىلدىغان مەبلەغ يوق،
مەن ئاتا ئانامدىن قېرىنداشلىرمدىن ھەرگىز ياردەم سورمايمەن. ھەم سوراپ بولغان، سەت.
شۇڭا مۇشۇ بىر ئامال ئىزدەۋاتىمەن...مۇشۇ توردا تېجارەت قىلسام قانداق بولار؟ دەپ تور بانكا كارتىسدىن بىرنى بېجرىىپ قويدۇم. ئىچىدە 100 كويلا پۇل بار. بار يوقۇم مۇشۇ.لىكىن داۋاملىق غەيرەت قىلىپ ئىزدىنۋاتىمەن.تاۋباۋ توردا بىر ئۇۋلاش ماشىنسى باركەن كىچكىرەك ،باھاسى 15 كوي دەيدۇ،شۇنى ئېلىپ ئۇرۇق توغقانلارغا تونۇشلارغا پايدىسىغا سېتىپ سېناپ باقايمىىكن دەيمەن مۇشۇنداق قىلىپ پايدا بولۇپ قالسا تېخىمۇ قىممەت نەرىسلەرنى ئېلىپ تور دۇكان ئاچسام جاپاسى يوق ئىشمكىن دەيمەنغۇ   ماڭا مەسلىھەت بەرسەڭلار!!!

زاكات 2011-11-30 16:58
ھەراست، تۆت خەلىپە دېگەن كىتابنى قايسىڭلار ئالدىڭلار. شۇنى بىر تورغا يوللاپ قويۇڭلار شۇ كىتاب ناھايىتى28 كويكەنغۇ
ئالمەن دەپ نېيەت قىلىپ ئالماي نەچچە يۈز كوي پۇلمۇ تۈگەپ كەتتى.

ئۆمەرئىلى 2011-11-30 17:34
دەردى يوق كىم بار دەيسىز...شۇكرى ئاللاھ بەرگەن كۇنلىرىگە،  بۇكۇنلەرمو ئوتۇپ كىتىدۇ،

kalipdax 2011-11-30 19:37
بىكارچىلىقتا توردا يۈرگىچە، جاپادىن قورقماي بىرەر ھۈنەرگە كىرسىڭىزمۇ كۆپ مەنپەئەتكە ئېرىشەتتىڭىز. سىناب بېقىڭ. ئۈچ ئاي بىكارغا ئىشلەيسىز، ئۈچ ئايدىن كېيىن بولسا قىلمىغىن دىسىمۇ ياق دەپ تۇرۇپ تىجارەتكە كىرىشىۋالىسىز.
ئادەمنى زادى مۇشۇ بىكارچىلىق يەپ كېتىدۇ دىسە.

زاكات 2011-11-30 19:46
قانداق ھۆنەرگە كىرسەم بولار؟لىكىن مەن ئۆزەم توي فىلىم ئىشلەشنى بۇرۇن ئۆگەنگەن، دۇكان ئېچىمۇ پۇل تاپقان.لىكىن كېيىن قارسىام بۇ ئوقەت شەيتاننىڭ ئىشدىن قېلشمايدىكەن، يا پاناھ دەپ بۇ كەسپنى تاشلىدىم.  مۇشۇ رەسىم سۈرەتچلىك بىلەن شۇغۇللىنىپ پۇل تاپىسمۇ بېيىغان ئادەم يوق. رازىمەن پازىمەن دېگەنلەرمۇ بىر كۈنى زىيان تارتىدۇ دەپ ئويلايمەن.
ئىشقىلىپ ھازىر ئىنشائاللا ئىمانغا دەخلى قىلدىغان ھەرقانچە كۆپ پۇل تاپىدىغان ئىش بولسمۇ قىلمايمەن. ئوبدان كەسىپ ھۆنەر بولسا ئۆگىنەي دەيمەن.لىكىن مۇشۇ سىرتقا چىقىپ قىلسا ھېچ گەپ يوق ئۆز يۇرتىدا قىلسا پالانچىنىڭ بالىسى ئالىي مەكتەپ ئوقۇپ يا تەييار خىزمەتنى قىلماي مۇنداق مۇنداق ئىشنى قىلىۋتىپتۇ دەيدىكەن، يا كوچىغا چىقىپلا يايمچىلىق قىلغلى بولمىغان مۇشۇ باشقا ياققا ھېجرەت قىلىپ چىقىپ كېتىدىغان يەرگە كەلدىم جۇمۇ ،باشقا يەردە نېمە ئىش قىلسا ھېچكىم تونمىغاندىن كېيىن كارى يوق پۇلنىمۇ كۆپ تاپقلى بولدىكەن.
ئۆي بېزەكچلىك قىلدىغان بىر ئاغىنەم بار ئىدى.شۇنىڭدىن ئۆگنەيمۇ يا رەھمەت سىزگە داۋاملىق پىكىر بەرسەڭلار،مەن كومپيوتىرغا پىششىق.

kalipdax 2011-11-30 20:03
ئاتام بىلەن ئولتۇرۇپ پاراڭلىشىپ قالىمەن. ئۇ دايىم : سالامەتلىكىم يەنە ئازراق ياخشى بولسىدى، يۇرتلارغا بېرىپ ھۈنەر ئۆگىنىپ كىلەر ئىدىم دەيدۇ.
ئاتاممۇ ئىدارىسىدىن پېنسىيىگە چىقىپ نۇرغۇن تىجارەت بىلەن شۇغۇللىنىپ باقتى. ئۈچ چاقلىق موتوسكىلت بىلەن يۈك توشۇپ باقتى. ئۆز كەسپى بويىچە پار، توربا يوللىرىنى رىمونت قىلىش ئىشلىرى قىلىپ باقتى. بۇ كەسپلەر كىشىدىن بەدەن قۇۋۋەت تەلەپ قىلىدىغان بولغاچقا يەنىلا سالامەتلىكى تازا بەرداشلىق بېرەلمەي، ئۈچ يىل ئىلگىرى ئۆزىنىڭ قىزىقىشى بويىچە كۇچا ناھىيسىگە بېرىپ بىر قانچە تۈرلۈك كاۋاپ قىلىش ھۈنىرىنى ئۆگىنىپ كەلدى. مانا شۇندىن باشلاپ تونۇر كاۋىپى قىلىۋاتىدۇ. تىجارەتمۇ ياخشى. كەچلىك بازارغا چىقىپ 3،4 سائەت تىجارەت قىلىدۇ. ( ئەمما بۇنىڭ تەييارلىقى سەھەر سائەت 4 تىن باشلاپ قىلىدىكەن). ئاللا خالىسا كۈندە 150 يۈەن ئەتراپىدا پايدىسى قالىدۇ. ئۆزىنىڭ مۇئاشىمۇ بار. يېقىندىن بۇيان ھاۋا سوۋۇپ قالدى، كەچلىك بازاردىمۇ ئادەم ئازلاپ قالدى، شۇڭا تىجارەتنى ۋاقىتلىق توختاتتى. مانا ئەمدى قىش كىرگەندە يەنە ئارام ئالغۇسى كەلمەي غۇلجىغا قېزا ياساشنى ئۆگەنگىلى بارىمەن دەپ تۇرۇپتۇ.
مەنمۇ كۈندە ئىدارىدىن يېنىپ كەچلىك بازاردا ئاتامغا ياردەملىشىدىغان بولغاچقا بۇ تىجارەت قىلىش دىگەننىڭ جاپاسىنىمۇ ئوبدان بىلىمەن. ئالدى بىلەن ياخشى دادىل نىيەت، كاپالەت ۋە ئىناۋەت بولمىسا بولمايدۇ. تونۇر كاۋاب تىجارىتىمۇ شۇ. تونۇردىن كاۋابنى چىقىرىشنىڭ ۋاقىتلىرى بولىدۇ. بالدۇر چىقارسىڭىز گۆش سەل ئېغىر چىقىدۇ، تاپقان پۇلىڭىزمۇ كۆپ بولىدۇ. سەل تۇرغۇزۇپ چىقارسىڭىز كاۋاب ياخشى پىشىدۇ،ئەمما گۆش يىنىكلەيدۇ. گەرچە پايدىسى بولسىمۇ يەنىلا تېخىمۇ كۆپ پۇل تاپقىڭىز كېلىدۇ. مانا مۇشۇنداق مەنپەئەت قىزىقتۇرىشى ئالدىدىمۇ،يەنىلا ئاز پايدا بولسا مەيلىكى، مۇشۇ خېرىدار ھۈنىرىمىزنىڭ ئەڭ كاتتا يېرىدىن يىسۇن، ئىككىنچى قېتىم يەنە كىلىدىغان بولسۇن دەپ تۇرۇپ قىلىمىز. بۇغۇ بىر ئاددى مىسال .
سىزمۇ ياش بولغاندىكىن بىرەر كۈن تور ئالدىدىن تۇرۇپلا بازارغا چىقىپ ئايلىنىپ بېقىڭ. بىر كۈندە بازارنى بىلىپ بولالمايسىز. ھېچ بولمىغاندا 3كۈن ياكى بىرەر ھەپتە سىرتتا يۈرۈپ بازار كۈزەتسىڭىز ئاندىن خەقنىڭ نىمىگە ئېھتىياجلىق قايسى كەسپ ئېقىۋاتىدۇ دىگەنلەرنى بايقىيالايسىز. توردىنمۇ ياخشى ئۇچۇرلارنى تاپسىز ئەمما كۆپ ھاللاردا سىز تۇرىۋاتقان شەھەرگە مۇناسىۋەتلىك خىزمەت ، تىجارەت ئۇچۇرلىرى بولشىى ناتايىن. سىز ئالىي مەكتەپتە كەسپتە ئوقىغان بولسىڭىز ، ئەتىسى ئاخشىمىسى توردىن، بولۇپمۇ كادىرلار نازارىتى تورىدىن خىزمەتچى قۇبۇل قىلىش، ئىمتىھان ئېلىش ئۇچۇرلىرىنى كۆرۈپ تۇرسىڭىز، كۈندىزى ئۆزىڭىزنىڭ ئىش ئوقىتىڭىزنى قىلسىڭىز تامامەن بولىدۇ.
نىمىلا ئىش قىلىشىڭىزدىن قەتئىي چوقۇم ئالدى بىلەن ھالال نىيەتتە، ئەجر قىلىشنى، شۇ كەسپكە يۈرىكىڭىزنى بېرىشنى ۋە ئىرادىلىك بولۇشنى ئۇنۇتماڭ. ئوغۇل بالا بولغاندىكىن بەلنى رۇسلاپ بىرلا كەسپكە كىرىپ شۇ كەسپنى ۋايىغا يەتكۈزۈڭ. ئاندىن يەنە بىر قانچە ھۈنەر ئۆگەنسىڭىزمۇ ئۇ كېيىنكى ئىشلار. شاختىن شاخقا قونىدىغان، جاپادىن قورقۇپ ھالاۋەتكە چاپلىشىدىغان بىلى بوشاڭلىق قىلماڭ.
سىزگە سالامەتلىك ۋە ئىشلىرىڭىزغا ئۇتۇق تىلەيمەن. كۆپ سۆزلەپ ۋاقتىڭىزنى ئالدىم. ئەپۇ قىلارسىز!

samanyoli 2011-11-30 21:32
كىچىك ئىشلاردىن باشلاڭ،،،،،،،،،ھەرگىز ئىش ئەمگەكنى پەس كۆرمەڭ،،،،،،،،،،،سىزگە دىسەم بىزنىڭ يۇرتلاردا مۇشۇ ئۈچ تۆت ئايلاردىن بۇيان ئەڭ ئەرزان ئەمگەك كۈچى كۈنلۈك ئىش ھەققى 120 كويغا چىقتى،،،،،،،،،،،100كوي بېرەي ماڭا بىركۈنلۈك قارىشىپ بېرىڭلار دىسە ئادم يوق،،،،،،،،،،،،،،،،،،،،،،،،،
بۇنداق دىگەنلىكىم سىزنى مەدىكار بازىرىغا چىقىپ ئولتۇرۇڭ دىگەنلىكىم ئەمەس ،،،،،چوقۇم ئەتراپلىق ئويلىنىڭ ،تىرىشچان ،غەيرەتلىك بولۇڭ،،،،،،،،،يول ئەمەلىيەتتە خېلى كۆپ،،،،،،،،،،،،،،،،،،،،،،،،،،،،،،

appakhoja 2011-11-30 22:21
سىزدە تېخى ئىگلىك تىكلەش ،تىرىكچىلىك قىلىش ئىدىيىسى تىكلەنمەپتۇ؟ھەم سىز قاتىق خورلانماپسىز...تېخى سىزنىڭ كۈنلىرىڭىز ئاتا-ئانىڭىزنى قوچىقىدا بەختلىك ئۆتىۋېتىپتۇ...سىزدە پەقەت ئىچى پۇشىقى باركەن ئۇككام ...سىز تۇرپانلىق ئىككەنسىز..تۇرپانلىقتىن مۇساپىر ۋە تەۋەكۈلچى،سودىگەر ئاز چىقىدۇ.ئاشپەز بولۇپ بولالمايسىز چۈنكى تۇرپانلىقتىن بۆدۈن تېز تاماقخانىسىنى ئاچقان رەجەپتاشتىن باشقا ئاشپەز چىقمىغان...تۇرپانلىقتىن ساداقەتمەن سىياسىيون،گېنرال، ھۆكىمەت خادىملىرى  شەخسى كارخانلاردا ئوتتۇرا قاتلامدىكى باشقۇرغىچىلا،كەسپى خادىملار،دىننى زاتلار ۋە دېھقانلار  كۆپ چىقىدۇ...چۈنكى بۇ شۇ رايوندىكى كىشلەرنىڭ ئومومى پىسخىك ھالىتى ۋە شەرەپ-نۇمۇس ،كۆز قاراشلىرى ،بىلىم قۇرۇلمىسى بەلگىلەيدۇ .سىز ھۆنەر ۋەن بولالمايسىز ،تۇرپاندا جەنۇپتىكىدە ھۆنەر ئاقمايدۇ ھەم تۇرپانلىقلار باشقا رايوندىكىلەردەك ھۆنەرگە پىشىق ۋە غەيرەتلىك ئەمەس.تۇرپاندا ھۆنەر قىلۋاتقانلارنىڭمۇ كۆپ قىسىمى جەنۇپلۇقلار .مېنىڭ كۆز ئالدىمدىن   ئۆتكەن ئىشلار

appakhoja 2011-11-30 22:36
ئۇيغۇر كارخانچىلىقى تېخى سىز ئۈمۈت قىلغاندەن تەرەققىياتتا ۋە مەدىنىيەت ئاساسىدا ئەمەس ،...ئاللا خالىسا 20-30يىللاردىن كېيىن سىلەر كۈتكەندەك مەنزىرلەر مەيدانغا كېلىشى مۈمكىن...بىر شىركەتنىڭ مەنىۋىيىتى ۋە ئىقسادى پالىيەتلىرى قۇرغۇچىنىڭ ساپاسى ۋە ئىدىيىسى ،ئەخلاقى بويىچچە بەلگىلىندۇ ،ئۇ ھەرگىزمۇ بىز كۆرگەن كىنو-تىياتىرلاردىكىدەك رومانتىك ۋە رېتىملىق ئەمەس ،ھەر ۋاقىت ئىسسىز قېلىشنىڭ خەۋپىدە ياشايسىز...شۇ لىدىرىڭىزنىڭ كەيپىياتى تەرپىدىن سىزنىڭ شىركەتتىكى  تەغدىرىڭىز بەلگىلىندۇ ،باشقىلارنىڭ مەسلەھىتىگە سېلىش دىگەنمۇ يوق ...ئۇنىڭدا ھۆكىمەت ئورگانلىرىدەك سىزنىڭ ئىشلەپ قېلىشىڭىز، مۇزاكىرە ۋە يىغىنلار ئارقىلىڭ بەلگىلەنمەيدۇ ...نەتىجىڭىز ۋاقتى كەلگەندە بىر تىيىن ھىساپلانمايدۇ...سىزنىڭ بارلىق تۆھپىلىرىڭىز ۋە ئەقىل -پاراسىتىڭىز  خوجايىنىڭىز نىكى بولۇپ باشقىلار ئالدىدا ئىپادىلىنىشى كېرەك...ئۇرۇق -تۇقانلىرىنىمۇ ئەتىۋارلىشىڭىز كېرەك....سىز مۇشۇنداق قىيىنچىلىقلارغا بەرداشلىق ۋە تەيارلىقىڭىز بولسا شەخسى شىركەتلەردە ئىشلىسىڭىز بولدۇ...مەن ئىچكىردە خەنلەرنىڭ شىركىتىدە ئىشلەپ مول نەتىجىلەرنى قازانغان ،بىر قانچە بالىنى رايونىمىزدىكى نامى مەشھۇر ئۇيغۇر شىركەتلەرگە تۇنۇشتۇرۇرغان ،ئۇلارمۇ جان -پىدالىق بىلەن ئىشلەپ 3 ئاي ئىچىدە ئۇيغۇر شىركەتلىرىدىن  زېرىكىپ چىقىپ ...يەنە چېڭدۇغا كەتتى ...ئۇلارنى ئۇجايدىكى ئىقسادى مەنپەت ئەمەس ،بەلكى باشقۇرۇش تۈزۈلمىسى تۇتۇپ تۇرالمىدى...كارخانچىنىڭ ساپاسى ،مەنىۋىيىتى تۇتۇپ تۇرالمىدى...

muhtarbay 2011-11-30 22:52
ئىشلىتىش
بۇ مەزمۇن 9قەۋەتتىكى appakhoja نىڭ 2011-11-30 22:21 يوللىغان يازمىسىغا نەقىل   :
سىزدە تېخى ئىگلىك تىكلەش ،تىرىكچىلىك قىلىش ئىدىيىسى تىكلەنمەپتۇ؟ھەم سىز قاتىق خورلانماپسىز...تېخى سىزنىڭ كۈنلىرىڭىز ئاتا-ئانىڭىزنى قوچىقىدا بەختلىك ئۆتىۋېتىپتۇ...سىزدە پەقەت ئىچى پۇشىقى باركەن ئۇككام ...سىز تۇرپانلىق ئىككەنسىز..تۇرپانلىقتىن مۇساپىر ۋە تەۋەكۈلچى،سودىگەر ئاز چىقىدۇ.ئاشپەز بولۇپ بولالمايسىز چۈنكى تۇرپانلىقتىن بۆدۈن تېز تاماقخانىسىنى ئاچقان رەجەپتاشتىن باشقا ئاشپەز چىقمىغان...تۇرپانلىقتىن ساداقەتمەن سىياسىيون،گېنرال، ھۆكىمەت خادىملىرى  شەخسى كارخانلاردا ئوتتۇرا قاتلامدىكى باشقۇرغىچىلا،كەسپى خادىملار،دىننى زاتلار ۋە دېھقانلار  كۆپ چىقىدۇ...چۈنكى بۇ شۇ رايوندىكى كىشلەرنىڭ ئومومى پىسخىك ھالىتى ۋە شەرەپ-نۇمۇس ،كۆز قاراشلىرى ،بىلىم قۇرۇلمىسى بەلگىلەيدۇ .سىز ھۆنەر ۋەن بولالمايسىز ،تۇرپاندا جەنۇپتىكىدە ھۆنەر ئاقمايدۇ ھەم تۇرپانلىقلار باشقا رايوندىكىلەردەك ھۆنەرگە پىشىق ۋە غەيرەتلىك ئەمەس.تۇرپاندا ھۆنەر قىلۋاتقانلارنىڭمۇ كۆپ قىسىمى جەنۇپلۇقلار .مېنىڭ كۆز ئالدىمدىن   ئۆتكەن ئىشلار

تۇزدەك تىتىملىق ئىنكاس يىزىپسىز تەخسىر،ئىنكاسىڭىزنى ئوقوپ ھوزورلىنىپ كۇلۇپ كەتتىم

appakhoja 2011-11-30 22:53
دۇنيادا ھىچكىم -ھىچكىم ئۈچۈن ئىشلىمەيدۇ...ئاتا-ئانا بالائۈچۈن ئىشلىمىسلا....پەقەت كىشلەر گۈزەل غايىلىلىرىنى مەنزىل قىلىپ ئىلگىرلەيدۇ،،شۇ جەريانىدا ئېھتىياج  سەۋەپلىك كىشلەر شىرىك ۋە بىر بىرىگە ھەمدەم بولۇپ قالدۇ..سىز بىر دارۇل كۇپرى ئەلدە ياشاۋاتسىز ،سىزنىڭ ئىمان -ئىسلامىڭىزنى خېلى ئەقىدىلىك كىشىلەرمۇ ۋاقتى -سائەتى كەلگەندە نەزەرگە ئالمايدۇ...بۇنىڭغا كەلگەندە سىز قاتىق سەۋرىچان،چىداملىق بولمىسىڭىز بولمايدۇ ..مەن كۈندە بىر ۋاق تاماققا ۋە بىر قۇر كىيىمگە سەۋرى قىلغان بولسام ئۆيدىن چىقماي ئىبادەت قىلاتىم لېكىن مەن  ئۇنىڭغا شۈكرى قىلغىدەك ئىمانغا ئىگە ئەمەسكەنمەن.

appakhoja 2011-11-30 23:03
رەھمەت مۇختەرباي  

appakhoja 2011-11-30 23:16
ئالى مەكتەپتە ئۇقىغانلىقىڭىزغا ھەرگىز پۇشايمان قىلماڭ ،مۇنتىزىم تەربىيە كۆرەىنىڭىز 10 يىلغا قالماي سىزنىڭ ئارتۇقچىلىقىڭىز بولۇپ ،ئىپادىنلىندۇ..كۈندە 10 سائەت ئەتراپىدا ئورۇنداقتا ئۇلتۇرۇشقا نۇرغۇن كىشلەر بەرداشلىق بېرەلمەيدۇ...پەققەت سىز ھازىر بىر سەمىمى ،كۈيۈمچان ،ئېغىر بېسىق بىر يېتەكچىگە موھتاج...سىز لاتەريە بېلىتى تارتقاندەك كېلدىغان ئامەتلىك كەسىپلەرگە ئېسىلىش ئويىدا بولماڭ.3 يىل ئىچىدە نەتىجىنىمۇ ھەم  ئۇزىڭىزنى شەرەپلىرىڭىز بىلەن كۆز-كۆز قىلىشنى ئويلىماڭ..پەقەت ئىنتايىن سەۋرىچانلىق بىلەن ئۈرۈمچىگە چىقىپ ،لېكىن يېنىڭىزغا 10000 سوم ئەمەس ،1000 ئېلىپ چىقىپ ،بىرە جايدىن خىزمەت ئىزدەپ تېپىپ ئۆزىڭىزنى -ئۆزىڭىز بېقىپ بېقىڭ...گېپىڭىز راس بولسا چىقىپ مېنى ئىزدەڭ ...سزنىڭ ھالىڭىزدىن 3 ئاي خەۋەر ئالىمەن...خىزمەتكە تۇنۇشتۇرمەن..3 ئايدىن كېيىن سىزگە بېرىدىغان بارلىق ياردىمىمنى ئۈزىمەن...مۇستەقىل ياشايسىز ..  

appakhoja 2011-11-30 23:19
لېكىن قولۇڭىزغا ھەرگىز نەق پۇل بەرمەيمەن...چۈنكى بۇ تەجىربىدىن ئۆتكەن  سىناق .

appakhoja 2011-11-30 23:33
مائارىپنىڭ مەقسىدى ھۆكىمەتكە  خىزمەتچى تەربىلەش  ئەمەس،بەلكى جەمىيەتكە ياراملىق مەدەنىيەتلىك كىشلەرنى تەربىلەش...سىز قىممەت يارىتالسىڭىز نىمە قىلسىڭىز بولدۇ..قانۇن -ئەخلاق ،ئېتىقاتىڭىزغا ئۇيغۇن كەلسىلا بولدىغۇ...مېنىڭ بىر دوستۇم بار ئىدى ئالى مەكتەپنى پۈتۈرۈپ ،خىزمەتكە چىقتى ،مەلۇم بىر ناھىلىك  بانكىدا  مۇئاۋىن خاڭجاڭ بولدى ،كېيىن ئېتىقاتى سەۋەپلىك تۇرمىدە ياتتى..كېيىن بىر قېتىم قارسام تۇرپان شىنتۇ بازىرىنىڭ يېنىدىكى دىخان بازىرىدا شاپاق تېرىۋېتىپتۇ،نىمە قىلدىكىن دىسەم ئۇنىڭ بىلەن قوي بېقىۋېتىپتۇ..مەن ئۇنىڭ روھى جەھەتتىكى بەرداشلىقىغا ھەيران قالدىم...كېيىن ئۇ شۇ تىرىشچانلىقى بىلەن كوپ جاپا-مۇشەقەتلەردىن كېيىن ،يول تېپىپ كەتتى .ھازىر تۇرمىشى ئىنتايىن بەخىتلىك ...مەن ھەر قېتىم ئۇنىڭ كەچۈرمەشلىرىدىن ئىلھام ئالىمەن..ئۇ مىليونىر بولمىسىمۇ مۇۋاپىقىيەت قازانغۇچى ئىدى.

tuprakbag 2011-11-30 23:47
ئالى مەكتەپتە ئوقۇغۇنىڭىزغا پۇشايمان قىلغىنىڭىز پەقەت بولماپتۇ....مەن دوكتۇرلۇق ئوقۇشنى باشلاپ توختۇتۇپ قويۇپ تىجارەت قىلىۋاتىمەن ئىشنى يېڭى باشلىدىم ئەمما ھىچ زامان دوكتۇرلۇققا قەدەر ئوقۇغىنىمدىن پۇشايمان قىلىپ باقمىدىم...بىر يەرلەرگە كەلگەندە ئوقۇغان ئوقۇمىغان ئايرىلىدۇ.........ئاللاھ ھەر ئادەمنىڭ رىسقىنى مەلۇم يەرگە چېچىۋەتكەن، مەسىلە بىزنىڭ شۇ يەردىن تېپىشىمىز...ئاپپاق غۇجا ئورۇنلۇق گەپ قىپتۇ.....كۆپرەك مەسلەھەت ئېلىڭ.....

نەزەرسالسام 2011-11-30 23:55
دەردى يوق كىم بار دەيسىز

abduwali123 2011-12-01 00:37
كۈمۈر سېتىپ  باقامسىز يە ، مەنمۇ شۇ كەسىپتە خېلى پۇل تېپۋاتىمەن  بىخەتەر زىيان چىقمايدۇ

چىۋىنپۇقى 2011-12-01 01:26
زاكات ياخشى تېما يوللاپتۇ،
بۇلۇپمۇ،ھازىرقى جەمىيەتتە ئويلىنىشقا تىگىشلىك مەسىلىلەرنى نەقىل كەلتۈرۈۈپ شەرھىلەپ مەسلەھەت بېرىپسىز.
دەھشەتكەنسىز،يەنىمۇ ياخشى پىكىرلېرىڭىز بولسا بىزدىن ئايىماڭ.مەن سىزگە قايىل بولدۇم.

چىۋىنپۇقى 2011-12-01 01:30
مەن بۇنى :ئاپپاق خۇجا: غا دىمەكچى

قارگۇلى 2011-12-01 11:57
خېلى ياخشى پىكىرلەر ئوتتۇرىغا چۇشۇپتۇ!!!   بىزدە كۆزقوقۇر، قول باتۇر دەيدىغان گەپ بار،، ئورنىڭىزدىن دەس تۇرۇپ، بىسمىللاھ دەپ تالاغا چىقىڭ، بىرقېتىمدا بولمىسا ،يۇقۇرىدا تورداشلار دېگەندەك بىر ھەپتە،، بىر ئاي بولسىمۇ چىقىڭ... چوقۇم يول تاپالايدىغانلىقىڭىزغا ئىشىنىڭ......  مېنىڭ يەنە بىر گەپنى قىستۇرۇپ قويغۇم كېلىۋاتىدۇ:   ئاللاھ قۇرئاندا:< بىلىدىغانلار بىلەن بىلمەيدىغانلار قانداقمۇ تەڭ بولالىسۇن؟>دەپ ئېيىتقان،،، شەخسەن ئۆزۇمنى مىسال قىلسام، مەنمۇ ئالىي مەكتەپتە ناھايىتى ياخشى ئوقۇغان،، ... مۇنەۋۋەر بىر ئوقۇتقۇچى بولۇشۇمدا گەپ يوق ئىدى، لىكىن .. تەقدىر ئۇنداق بولمىدى، بىر يات شەھەردە خىيالىمدىمۇ يوق بىر كەسىپتە خىزمەتكە چىقتىم....  شۇكۇنلەرنى ئۇيلىسان بەكمۇ بىچارىلىك ھىس قىلىمەن............    ئاپامنىڭ قاخشاشلىرىچۇ تېخى،،، بىر قىز بالا ياقا يۇرتتا بولۇپ قالدى -دەپ،، ئاخىرى ئاللاھنىڭ ئورۇنلاشتۇرۇشى بىلەن  تۇرمۇشلۇق بولدۇم.. ئاللاھنىڭ ھىدايىتى بىلەن ھەقنى چۇشۇنۇپ. توغرا يولدا كېتىپ بارىمەن..  تۇرۇپ ئاللاھنىڭ ھەر بىر ئادەمنىڭ تەقدىرىنى ئاجايىپ ئورۇنلاشتۇرىدىغانلىقى ھەققىدە كوپ ئويلاپ...ئاللاھنىڭ ئۇلۇقلۇقىنى يەنىمۇ تونۇپ يېتىمەن....
بالا تەربىيلىشتە  ئانچە قىيلانمىدىم.. ئالىي مەكتەپتە ئۇگەنگەنلىرىم ئەس قاتتى،،، ھىھچبولمىغاندا  كەسپىمنى قىلىپ مۇنبەردە بىر مۇنەۋۋەر ئوقۇتقۇچى بولالمىغان بولساممۇ لېكىن ئائىلىدە بالامنى تەربىيلاشتە  كەسپىمنىڭ ئاز-تولا رولى بولدى دەپ ئۇيلايمەي!!!  
كۆپ سۆزلەپ كەتتممۇ--قانداق؟!!!! ئىش قىلىپ ئۇكام!ئۆزىڭىزگە ئىشىنىڭ.. سەۋىرچان بولۇڭ!!  ئاللاھ ئىشلىرىڭىزنى ئاسان قىلسۇن!  ئامىن!

rayhan 2011-12-01 13:33
زاكات مەسىلىنى ئوتۇرغا قۇيۋاتامدۇ ياكى راسىت مەسىلھەت سوراۋاتامدۇ؟

زاكات 2011-12-01 16:11
ھەر ئىككىلسى بار  بۇرادەر،سىلەرگە بىرسوۋغتىم بار مەسلھەت بەرسەڭلار! اتەستىق كۈتىۋاتىدۇ ئۇ تېمام  

چىۋىنپۇقى 2011-12-02 00:39
ئاپپاق خۇجا قېنى،،،،ھې..ھې..ھې

زاكات 2011-12-02 01:34
ئاپپاق خوجا دېگەن تورداش نېمشقا بۇ ئىسمنى قوللاندىڭىز؟ ئۇنىڭدىن ئالۋاستى دەپ كىرسىڭزچۇ؟ بۇنداق ئادەمنىڭ ئىسمنى ياد ئېتىپ كېتىپسىز يا؟


查看完整版本: [-- بار -يوقنىڭ ئارىسدا كىم ئۈچۈن پۇل تاپمىز؟ --] [-- top --]


Powered by PHPWind v7.3.2 Code © 2003-08 PHPWind
Time 0.055308 second(s),query:3 Gzip enabled

You can contact us