نومۇسنى بىلمەيدىغان ئادەم

ئەپەندىم بىر يېقىن دوسىتىغا خەت يېزىۋاتقاندا،بىرى ئۇنىڭ كەينىگە كېلىپ،ئوغىرلىقچە خەتنى ئوقۇپتۇ.بۇنى سېزىپ قالغان ئەپەندىم خەتنىڭ ئاخىرىغا:<قەدىرلىك ئاغىنە،ساڭا يازىدىغان گەپلىرىم كۆپ ئىدى،بىراق نومۇسنى بىلمەيدىغان بىرئادەم كەينىمدە تۇرۇپ خېتىمنى ئوغىرلىقچە ئوقىۋاتىدۇ>دەپ يېزىپتۇ.

_ئەپەندىم،ئادەمنى نېمىشقا ھاقارەت قىلىسىز،خېتىڭىزنى كىم ئوقۇپتۇ؟_دەپتۇ ھېلىقى ئادەم تېرىكىپ.

ئوغىرلىقچە ئوقىمىغان بولسىڭىز،ھاقارەت قىلغانلىقىمنى نەدىن بىلدىڭىز؟_دەپتۇ ئەپەندىم.

ئەپەندىمنىڭ مەسلىھتى

ئەپەندىمنىڭ داڭقىنى ئاڭلىغان بىر كىشى كېلىپ:

_ئەپەندىم،دۇنيادا نۇرغۇن ئىشلارغا دۇچ كەلدىم،قايسىسىنى ئۇنتۇپ،قايسىسىنى يادىمداساقلاشنىمۇ بىلەلمەي قالدىم،بىر مەسلىھەت بېرىڭا،_دەپتۇ.

_بۇ دۇنيادا باشقا كىشىدىن كۆرگەن ياخشىلىقىڭىز بولسا،ئۆلگۈچە ساقلاڭ؛ باشقىلارغا قىلغان ياخشىلىقىڭىز بولسا،ئۇنى دەررۇ يادىڭىزدىن  چىقىرىپ تاشلاڭ!_دەپ جاۋاپ بېرىپتۇ ئەپەندى.