查看完整版本: [-- ئوغرىنىڭ ئىقرارى   (گېنېرال) --]

كەڭ ساي مۇنازىرە مۇنبىرى -> تەرجىمە ئەسەرلەر -> ئوغرىنىڭ ئىقرارى   (گېنېرال) [打印本页] 登录 -> 注册 -> 回复主题 -> 发表主题

general 2011-11-06 23:42

بۇ يىللاردا،بىر ئادەم ئالتە ساقچىنى ئۆلتۈرىۋەتسە ۋە ئالتە ساقچى بىر ئادەمنى ئۇرۇپ ئۆلتۈرىۋەتسە مانا بۇ ھەقىقىي ئاخبارات خەۋىرى بولىدۇ.ساقچىخانىغا يېڭىدىن ئورۇنلاشقان جاڭ فامىلىلىك ياش ساقچىنى بىئارام قىلىدىغىنى جەمئىيەتنىڭ بۇزۇلغىنىمۇ ياكى كىشىلەرنىڭ ئۆزگىرىپ ئەسەبىيلەشكەنلىكىمۇ بىلىپ بولمايتتى.جاڭ ساقچى چايدىن بىر يۇتۇم ئوتلاپ،ئۆزىگە تاشلانغان بېلەت سانىنىڭ قانچە بولغانلىقىنى كۆرۈپ باقماقچى بولۇپ تۇرۇشىغا،قولىدا خاتىرە كومپيۇتېر كۆتۈرىۋالغان،چىرايى تاتىرىپ كەتكەن بىرەيلەن ئىشخانىغا كىرىپ كەلدى ۋە ئۆزىنىڭ ئادەتلەنگەن(كەسپىي)ئوغرى ئىكەنلىكىنى،شۇڭا ئۆزىنى مەلۇم قىلغىلى كەلگەنلىكىنى ئېيتتى.
ئاساسىي قاتلامدا ساقچى بولغىلىمۇ بىر يىل بولاي دەپ قالدى،ساقچى مەكتەپنى پۈتتۈرگەن جاڭ ساقچى تۇتۇش بۇيرۇقى چىقىرىلغان جىنايەتچىلەرنىڭ ئائىلە تاۋابىئاتلىرىنىڭ ھەمرالىقىدا ئۆزىنى مەلۇم قىلغىلى كەلگەنلىكىنى كۆپ كۆرگەن بولسىمۇ،ئالدىدا تۇرغان ماۋۇ ئادەمدەك ئۆزى يالغۇز ساقچىخانىغا ئۆزىنى مەلۇم قىلغىلى كەلگەنلەرنى كۆرۈپ باقمىغان ئىدى.تېخىمۇ ئەجەبلىنەرلىكى ئۇنىڭ ئوغرىلىق سالاھىيىتى بىلەن ئۆزىنى مەلۇم قىلىشى ئىدى.ئۇ ئۆزىنى مەلۇم قىلغىلى كەلگەن ئىكەن،دېمەك بۇنىڭ ئارقىسىدا چوقۇم بىر ھېكايە بار.شياۋجاڭ بىردىنلا روھلىنىپ بۇ ئوغرىنىڭ ئىقرارىغا قۇلاق سالدى.
   ئۇ كۈنى،توغرىسىنى ئېيتقاندا شەنبە كۈنى،نەچچە كۈندىن بۇيانقى كۈزىتىشكە ئاساسلانغاندا ئىدارە باشلىقى ئىدارىگە كەلمەيتتى.ئوغرى قاق سەھەردىلا ئىدارە باشلىقىنىڭ ئىشخانىسىغا سۇقۇنۇپ كىردى.ئۇ تېخى قولىغا چىققۇدەك بىرەر نەرسە تاپالماي تۇرۇپلا ئىشخانىغا بىرەيلەن كىرىپ قالدى.ئوغرى نىمە قىلارىنى بىلەلمەي،جىددىيلىك ئىچىدە ئەقلىنى ئىشقا سېلىپ دەرھاللا ئىدارە باشلىقىنىڭ ئىش ئۈستىلىنىڭ كەينىدىكى كىرىسلوغا چۆكتى ۋە ئۈستەلدىكى گېزىتنى ئېلىپ يۈزىنى توسۇۋالدى.كىم بىلسۇن كىرگەن ئادەم گېزىتكە مۇنداقلا قاراپ قويۇپ:
- ۋاڭ ئىدارە باشلىقى،سىمىنا قوشۇپ ئىشلەشكە شۇنچە سەھەر كەپسىز-ھە؟ - دېدى.
ئوغرى ئامالسىزلىقتىن جاۋاب تەرىقىسىدە گېلىنى قىرىپ قويۇپ،كۆڭلىدە بۇ ئادەمنىڭ تېزرەك چىقىپ كېتىشىنى تىلىدى.ئۇ ئادەم ھۆججەت ئىشكاۋىدىن بىر پارچە ھۆججەتنى ئېلىپ ئۆرۈپ-چۆرۈپ قاراپ قويۇپ:
- باشلىق،قارىغاندا زۇكام بولۇپ قاپسىزدە؟-دېدى.ئەمدى ئوغرى ئاخىرىغىچە ئېلىشمىسا بولمىدى.ئۇ ئاۋازىنى قىسىپ تۇرۇپ:
- تۈنۈگۈن كەچ ھاۋا تەڭشىگۈچنى چڭراق ئېچىپ قويۇپتىمەن- دېدى.كىم ئويلىغان دەيسىز،قارشى تەرەپ كۈلۈپ قويۇپ:
-باشلىق،سالامەتلىكىڭىزنى ئاسرىمىسىڭىز بولمايدۇ،دوختۇرغا كۆرۈنۈپ باقامسىز يا؟-دېدى.ئوغرى باشلىق سىمىنا قوشۇپ ئىشلىگەن ئىكەن چوقۇم يىغىن ئاچىدۇ،دەپ ئويلاپ،يەنە ئاۋازىنى قىسىپ:
- يىغىن تۈگىگەندە بىر گەپ بولسۇن،دېدى.كۆڭلىدە <<ئۇ بايا نېمىشقا كۈلگەندۇ ياكى مېنىڭ بىرەر ئىشىنى بايقاپ قالغانمىدۇ ؟>> دەپ ئويلىدى.ئۇنىڭ خىيالى تۈگىمەي تۇرۇپ ئۇ ئادەم  ھۆججەتلەرنى ئېلىپ چىقىپ كەتتى.
ئوغرى ئۇزۇن بىر تىندى.ئۇ تەرلىرىنى سۈرتىۋېتىپ <<سىمىنا قوشۇپ ئىشلەپ نېمە ئەمدى،بۇ يەردىن تېزرەك كېتەيچۇ،>> دەپ تۇرۇشىغا ئۈستەلدىكى تېلېفون سايراپ كەتتى،تېلېفون سايراپ كەتسە مەيلىغۇ،دەل شۇ چاغدا ئىشخانىغا يەنە بىر ئادەم كىرىپ كەلدى.ئوغرى بايىقى رولنى قايتا ئېلىشقا مەجبۇر بولدى.ئۇ گېزىت بىلەن يۈزىنى توساپ تۇرۇپ،تېلېفوننى ئېلىپ سورىدى:
-كىم؟...
ئۇ يەنە ئويلىمىغان ئىدىكى قارشى تەرەپ بىر قىز ئىدى.ئۇ قىز نازلانغىنىچە:
- مېنى شۇنچە تېز ئۇنتۇپ كەتتىڭىزمۇ؟ تۈنۈگۈن كېچە سىز تېخى...
ئوغرى دەرھال چۈشەندى.بۇ يەردىكى ئىدارە باشلىقى بىلەن ئۇ ئايال ئوتتۇرىسىدا تۈنۈگۈن كېچە بىر قىسما ئىشلار بولغان،بايا ئىشخانىغا كىرگىنى بولسا چوقۇم ئىشخانا مۇدىرى.مۇشۇنىڭ توغرىلىغان ئىشىمۇ تېخى! زۇكام بولۇپ قالدىم دېسە،ئۇنىڭ كۈلۈپ قويغىنى ئەجەبلىنەرلىك ئەمەسكەن.ئىشنىڭ ماھىيىتىنى چۈشەنگەندىن كېيىن ئوغرى ئاۋازىنى پەسلىتىپ تۇرۇپ:
- ھۇ شەيتان،تۈنۈگۈن كەچ ئۆلەي دېدىم، - دەپ قويدى. قارشى تەرەپنىڭ ئاۋازى دەرھال مۇلايىملاشتى:
- باشلىق،ئەجەب ئەسكىكەنسىز.ماڭا ماقۇل بولغان ئىشنى ھەرگىز ئۇنتۇپ قالماڭ، بۈگۈن ئەتىگەن نەۋرە ئاكام سىزنى ئىزلەپ بارىدۇ،- دېدى.ئوغرى دەرھال چۈشەندى،ھازىر كىرگىنى ئۇنىڭ نەۋرە ئاكىسى ئىكەندە! چوقۇم بىر سودا بار!ئوغرى مۇغەمبەرلەرچە كۈلۈپ قويۇپ:
- خاتىرجەم نولۇڭ،مەن سىزنى بىكارغا ئاۋارە قىلمايمەن،- دېدى.قارشى تەرەپ تېلېفوننى قويدى.ئوغرى تېلېفوننى ئەمدىلا قويۇشىغا،بايا كىرگەن ئادەم ئالدىغا يېقىن كېلىپ،ئۇنىڭ ئىش ئۈستىلىنىڭ تارتمىسىنى ئېچىپ قېلىن بىر بولاقنى سېلىپ قويدى ۋە كۈلۈپ تۇرۇپ:
- ئىدارە باشلىقى، قۇرۇلۇشنىڭ ئىشىدا ياردەم قىلارسىز،- دېدى.
<<قۇرۇلۇش>> دېگەن سۆز ئوغرىنى دەرھال سەگىتتى.ئۇ كۈلۈمسىرەپ:
- سەل تۇرۇپ يىغىن ئاچىمىز،قۇرۇلۇشنىڭ ئىشىدا سىز چاقىرتىشىمىزنى كۈتسىڭىز بولدى، - دېدى. ئۇ ئادەم خاتىرجەم بولۇپ شۇئان چىقىپ كەتتى.
ئوغرى قېلىن قەغەز بولاقنى  سىلاپ بېقىپ كۆڭلىدە قەۋەتلا خوش بولۇپ كەتتى.<< بۈگۈنكى جاپايىم،قورقۇنچلار بىكارغا كەتمىدى.ئاناڭنى،كىرىمىم ئاز ئەمەس!>>  ئۇ بولاقنى يانچۇقىغا سېلىپ،ئۈستەلدىكى خاتىرە كومپيۇتېرنى ئېلىپ ئەمدىلا ماڭاي دەپ تۇرۇشىغا ئىشخانىغا يەنە بىرى كىرىپ قالدى.بۇ قېتىم كىرگىنى  يۈزلىرىگە قىزىللىق تولغان،ئېغىر-ئېغىر تىنىدىغان كىشى بولۇپ،ئۇ ئوغرىنى كۆرۈپلا كەسكىن ئاۋازدا:
- سەن كىم؟ نېمىشقا مېنىڭ ئورنۇمدا ئولتۇرىسەن؟- دەپ سورىدى.ئوغرى << ئوغرىنى قاراقچى سوقتى>> دېگەن ماقالنى ئەسلەپ قالدى.ئۇنىڭ بىلىشىچە ئالدىدىكى بۇ ئادەممۇ ياخشى نېمىلەردىن ئەمەستى.ئوغرى ئورنىدىن دەس تۇردى-دە،ئىدارە باشلىقىغا مىختەك تىكىلىپ تۇرۇپ قاتتىق تەلەپپۇزدا:
-  سەن تېخى بۇ ئورۇندا داۋاملىق ئولتۇرالايمەن دەمسەن؟ تۈنۈگۈن كېچىدىكى ئىشنى ۋە قۇرۇلۇشنىڭ ئىشىنى مېھمانخانىنىڭ 218-ياتىقىغا بېرىپ چۈشەندۈر! - دېدى. ئىدارە باشلىقى بىردىنلا بوشىشىپ،چىرايى تاتىرىپ كەتتى.ئۇ زۇۋانمۇ سۈرمەي ئوغرىنىڭ كەينىدىن ئەگىشىپ چوڭ يولغا چىقتى.ئوغرى كىرا ماشىنىسىدىن بىرنى توسۇپ چىقتىدە-دە،گومۇشلارچە ھاڭۋېقىپ قالغان ئىدارە باشلىقىغا قارىسى يۈتكىچە قول پۇلاڭلاتتى.
 ساقچى شياۋجاڭمۇ ئۆزىنى تۇتالماي كۈلۈپ تاشلىدى ۋە تىللاپ قويدى.لېكىن ئۇ ئوغرىنىڭ ئۆزىنى مەلۇم قىلىشىدىكى سەۋەبنى تېخى بىلەلمىگەنىدى.بۇنداق ئىشتا ئىدارە باشلىقىمۇ ساقچىغا دېلو مەلۇم قىلمايتتى،يەنە نېمىشقا ئۆزۈڭنى مەلۇم قىلغىلى كەلگەنسەن ئەخمەق! شۇنىڭ بىلەن ئوغرىدىن سورىدى:
- ئۇنداقتا سەن مەقسىدىڭگە يەتكەن تۇرۇقلۇق نېمىشقا ئۆزۈڭنى مەلۇم قىلغىلى كەلدىڭ؟
ئوغرى يىغلامسىرىغىنىچە كىمنىدۇ تىللاپ كەتتى:
- مەن ئۇنىڭ كومپيۇتېرىدىن بىلدىم،ئۇلارنىڭ مۇناسىۋىتى باركەن.بىلەمسىز ،ئۇ قىز مېنىڭ مەبۇدىم ئىدى!
ساقچى شياۋجاڭ كومپيۇتېرنى ئېچىپ قاراپ كۆردىكى،ئوغرى ئېيتقان ئۇ قىز شۇ يەردىكى بىر داڭلىق چولپان ئىدى،يەنە كېلىپ شياۋجاڭنىڭ تولۇق ئوتتۇرىدىكى ساۋاقدىشى،ئىلگىرىكى مەكتەپ گۈزىلى،ئۆزى يوشۇرۇن كۆيگەن قىز ئىدى.شياۋجاڭ ئۆزىنى باسالماي تىللىدى:
- ھۇ ھايۋان!

                    تەرجىمان: گېنېرال

                  <گېنېرال بىلوگى>  دىن ئېلىندى.

uytag 2011-11-07 14:49
ھاھا  ، ئالامەتكەنغۇ!

مۇناجات 2011-11-07 15:08
ھىي ھىي ھىي  ۋىجدانى با  ئوغرىكەن ھە ....    

amanxa 2011-11-07 19:35
جاھاننىڭ ئىشلىرى ئاجايىپ بولىدۇ دە، تۇرمۇشۇمىزدىمۇبۇنداق توغرا كىلىپ قىلىشلار بولۇپ تۇرىدۇ.

natsist 2011-11-07 23:04
ئاجايىپ توغرا كېلىپ قېلىش

مەستانە 2011-11-09 00:56
ئاجايىپ بىر ئىش ئىكەنغۇ بۇ

گېنىرال 2011-11-09 20:57
ياخشى  يازما  ئىكەن ...
گېنىرال  بىلۈگىدىن   ئىلىندى  دىگەننىڭ  ئۆزىلا   ( مەنبە )  بولالمايدۇ  ....
گېنىرال  بىلۇگىغا   كىم   يوللىغانكەن ؟؟؟
ئۆزەڭلار  بولساڭلار  ،  ئۆزەم  دەپ   يىزىڭلا  ئىجادىيىتىڭلار  بولدا  ئىجادىيىتىم   دەپ  يىزىڭلار   بۇ  ئىنىقلا  باشقا  بېلۇگلارنى    تەشۋىق  قىلغانلىق   بولماي  نىمە ؟؟؟

general 2011-11-09 21:31
ئىشلىتىش
بۇ مەزمۇن 6قەۋەتتىكى گېنىرال نىڭ 2011-11-09 20:57 يوللىغان يازمىسىغا نەقىل :
ياخشى  يازما  ئىكەن ...
گېنېرال بىلوگىدىن ئىلىندى  دىگەننىڭ  ئۆزىلا   ( مەنبە )  بولالمايدۇ  ....
گېنېرال بىلوگىغا    كىم   يوللىغانكەن ؟؟؟
ئۆزەڭلار  بولساڭلار  ،  ئۆزەم  دەپ   يىزىڭلا  ئىجادىيىتىڭلار  بولدا  ئىجادىيىتىم   دەپ  يىزىڭلار   بۇ  ئىنىقلا  باشقا  بېلۇگلارنى    تەشۋىق  قىلغانلىق   بولماي  نىمە ؟؟؟

باشقىلارمۇ بىلوگ يېزىشتا كۆپ ئەجىر قىلىدۇ،تەشۋىق قىلسا ياخشىغۇ؟ شۇ ئارقىلىق شۇ بىلوگلاردىن ھەركىم ئۆزىگە كېرەكلىك بىلىمگە،ماتېرىيالغا ئېرىشسە ياخشى ئەمەسمۇ؟ <<كۆڭلى -كۆكسىنى كەڭ تۇتۇش >> دېگەن گەپنى قىلغىنىڭىز ئېسىڭىزدە باردۇ؟
باشقا مۇنبەرلەر يول قويمىغان بىلەن كەڭساينىڭ باغرى كۆك ئاسماندەك كەڭ.

<<تەرجىمان : گېنېرال>> دەپ ئېنىق  يېزىلغان.ئەمدى گېنېرال بىلوگىغا كىم يوللىغانلىقىنى بىلمەك بولسىڭىز بىلوگقا مەرھەمەت قىلسىڭىز ئىختىيار.

گېنىرال 2011-11-09 21:53
ئىشلىتىش
بۇ مەزمۇن 7قەۋەتتىكى general نىڭ 2011-11-09 21:31 يوللىغان يازمىسىغا نەقىل Re:ئوغرىنىڭ ئىقرارى   (گېنېرال) :

باشقىلارمۇ بىلوگ يېزىشتا كۆپ ئەجىر قىلىدۇ،تەشۋىق قىلسا ياخشىغۇ؟ شۇ ئارقىلىق شۇ بىلوگلاردىن ھەركىم ئۆزىگە كېرەكلىك بىلىمگە،ماتېرىيالغا ئېرىشسە ياخشى ئەمەسمۇ؟ <<كۆڭلى -كۆكسىنى كەڭ تۇتۇش >> دېگەن گەپنى قىلغىنىڭىز ئېسىڭىزدە باردۇ؟
باشقا مۇنبەرلەر يول قويمىغان بىلەن كەڭساينىڭ باغرى كۆك ئاسماندەك كەڭ.

<<تەرجىمان : گېنېرال>> دەپ ئېنىق  يېزىلغان.ئەمدى گېنېرال بىلوگىغا كىم يوللىغانلىقىنى بىلمەك بولسىڭىز بىلوگقا مەرھەمەت قىلسىڭىز ئىختىيار.

((  خەخنىڭ  يازمسىنى  ئىشلەتكەندە  ئاپتۇرىنى  ئۇنتۇپ  قالسا  بولمايدۇ ،   باشقىلارنىڭ  ھوقۇقىغا  دەخىل   تەرۈز قىلغانلىق  بولىدۇ  ))   دىگەن  گەپنى  ئۆزىڭىز  قىلغانغۇ ؟  ئاداش ....

general 2011-11-09 22:04
شۇڭا  گېنېرال بىلوگىغا  مەرھەمەت قىلسىڭىز بولىدۇ،ئۆزۈم تەرجىمە قىلىپ ئۆزۈم يوللىغان،سىلىگە ئوخشاش خەقنىڭكىنى سۈيئىستىمال قىلىپ ئۆزۈمنىڭ قىلىۋالمىدىم ئاداش...

مەلىكەم 2011-11-26 17:57
ھە ئەسلىدە مۇنبىرىمىز دە ئىككى گېنرال بار ئىكەندە      ئەمدى بىلدىم


查看完整版本: [-- ئوغرىنىڭ ئىقرارى   (گېنېرال) --] [-- top --]


Powered by PHPWind v7.3.2 Code © 2003-08 PHPWind
Time 0.061143 second(s),query:3 Gzip enabled

You can contact us