查看完整版本: [-- 10-بەرىكەت سەھرادىن قاچمىغىن! --]

كەڭ ساي مۇنازىرە مۇنبىرى -> كۆڭۈلدىكى سۆز -> 10-بەرىكەت سەھرادىن قاچمىغىن! [打印本页] 登录 -> 注册 -> 回复主题 -> 发表主题

samanyoli 2011-11-02 23:16
بۇ يەر ئۇيغۇر دىيارىنىڭ جەنۇبىدىكى تىپىك بىر يىزىسى بولۇپ قەشقەردىن ساپساق بىرسائەتلىك يول ھېسابلىنىدۇ. ھەركۈنىسى ئەتىگەندە بىر-بىرىدىن ئالدىراش سىگنال بىرىشىپ بەسلىشىپ سەھراغا يول ئالغان چوڭ كىچىك ماشىنلاردا مۇشۇ يىزىدا ئوقۇتقۇچلىق قىلىدىغان ئوقۇتقۇچىلار خىزمەتكە ھاپىلا-شاپىلا يىتىپ كىلىشىدۇ دە بىركۈنلۈك خىزمىتنى باشلىۋىتىدۇ.
تەرەققىياتنىڭ شاماللىرى ئاتا قىلغان پۇرسەتمىكىن ياكى دەۋىرنىڭ شۇنداق بىر قىزغىنلىقى تۇتۇپ كەتتىمىكىن ، ۋە ياكى شەھەرلىشش چوڭ دولقۇنىنىڭ تەسىرىمىكى بۇ توپقا ئەسلىدىن ئۆيى سەھرادىكىلەرمۇ قېتىلىپ شەھەردىن ئالغان ئۆيىدىن سەھراغا كىلىپ ئاخىشىمى بەس-بەستە شەھەرگە يول ئېلىپ «كەچقۇرۇن شەھەرلىك ، كۈندۇزى سەھرالىق » بولۇپ ئىشلەشكە ئادەتلىنىپ كىتىشتى.
بىراق مەلۇم بىر ئۆزگىرىشكە ھامان مۇئەييەن ئىجىتمائىي ئۆزگىرش ۋە پەرىق سىڭىدىغان بولغاچقا بۇ خىل « كەچقۇرۇن شەھەرلىك ، كۈندۇزى سەھرالىق » بولۇپ ياشاش شەكلى تۇرمۇشتىمۇ ، خىزمەتتىمۇ زور « ئىنىقلاب » لارنى كەلتۇرۇپ چىقاردى.
ئەتىگىنى ئوقۇتقۇچىلار كەم قالغان ئۇيقۇسىى ماشنىدا ئۇخلاپ مۇگدەپ مەكتەپكە كەلگىنىدە ئوقۇغۇچىلار ئاللىقاچان ئۇلاردىن بۇرۇن كىلىپ مەكتەپ ئىچىدە ئۇلارنىڭ ئالدىراش ھالدا ئىشخانىغا يوقلىمىغا پايپاسلاپ يۈگىرىشىدىن ھەيرانلىق ھېس قىلىپ قاراپ قىلىشىدۇ.
كەچقۇرۇنلىرى بالىلار ئارزۇ قىلغان ئوقۇتقۇچىنىڭ تاتلىققنا ئورۇنلاشتۇرمىلىرى ياكى بالىلارنى جەلىپ قلىدىغان پائالىيەتلىرى يوق. سائەت 5:30مىنۇت شەھەرگە ئاتاكىغا ئۆتۇشنىڭ بۇيرۇقى ، ئۇلار تۈركۇم-تۈركۈملەپ ماشنىلارغا چىقىشىپ تەلمۇرۇپ تۇرغان ئوقۇغۇچىلارغا ئوڭ قۇلىدىن قاس چىقىرىپ شەرەتلەپ قايتىشقا بۇيرۇق بەرگىنىچە ئوقۇغۇچىلاردىن بۇرۇن مەكتەپتىن چىقىپ كىتىشىدۇ. ئاقىۋەتتىچۇ؟ ئۆزى سەھرادا ، خىيالى شەھەردىكى بالا-ۋاقا ، ئۆي-چاقىدا ، دەم ئېلىش كۈنلىرىدە شەھردىكى تۇرمۇش ئادىتىگە لايىقلىشىپ سەھرادىكى شۇ ئوقۇغۇچىلىرىدىن « ئاش-نان بىرىۋاتقان قازان » يېنىدىن يىراقلاپ كەتكەن.
ئۆزى مائارىپچى تۇرۇپ ئۆزى ئوقۇتقۇچىلىق قىلىدىغان مەكتەپكە،شۇ مەكتەپنىڭ ئوقۇتۇش سۈپىتىگە ئىشەنمەي بالىلىرىنى قانداقتۇر ئۆزىمۇ ئەيمىنىپ كىرەلمەيدىغان بىرمەكتەپلەرگە بىرىپ ياخشى ئوقۇتۇش كويىدا بولىدىغان ، سەھرا مائارىپىمۇ جۇڭگۇنىڭ مائارىپىغۇ؟ ئالدى بىلەن ئۆزىڭىزنىڭ بالىسىنى شۇ مۇھىتتا تەربىيلەپ لاياقەتلىك قىلىپ باشقىلارغا ئۈلگە بولمامسىز! دىسە: –ئوھوش،ھازىر كىم-كىمگە ئۈلگە بولىدىكەن ، مائاشنى ساق ئېلىپ ئەتىگەن-ئاخشىمى ساق بىرىپ كىلىپ 30يىلنى توشقازساق ئەڭ چوڭ غەلبە شۇدىگەن.
سەھرادىكى شۇ بالىلارچۇ؟
سەھرادا تۇغۇلۇش ئەسلى گۈناھمۇ ئەمەس ، شەھەرمۇ شۇ سەھراغا تۇغۇلغانغۇ؟ سەھرانىڭ مەلۇم يىرىگە كىشىلەر تولا توپلىشىۋىلىپ بازار قىلىۋلىپ ئەمدىلىكتە شۇ يەرئارقىلىق سەھرادىن يىراقىلىششنى ئويلىساد قانداق بولىدۇ.
بالىلارنىڭ رۇھى ئوزۇقى كۈندىن كۈنگە ئازلاپ كەتتى،ئوقۇتقۇچى مىھىرى ئۇلار بىركۈن ئىچىدىكى ئەڭ ئالتۇن ۋاقتىدا بەھرىمەن بولۇشقا تىگىشلىك ئىسىل«نىممەت»ئىدى ئەپسۇس! ئوقۇتقۇچى سەھرا ۋە شەھەر ئارىسدىكى قاتناش ئاۋاتلىقىغا تۆھپە قۇشۇپ شەھەرلىششكە غالجىرلارچە ئۇرۇنۇش جەريانىدا بۇ «نىممەت»نى بالىلاردىن ئايىدى. ئۇ يول بويىدىكى ئېتىزلىقلارغا مەخسەتسىز سىڭىپ يوقۇلۇپ كەتتى.
بالىلار تەشكىللىنىشتە خىرىسقا دۇچ كەلدى. پائالىيەت ئېلىپ بىرىشتا يول باشچىغا مۇھتاج بولدى.جىدەل تىرىغانلار ئۆزىنىڭكىنى راس قىلىپ ئاجىزلىرىنى بوزەك قىلىپ ھەتتا سەرگەردان بولۇپ يۇرۇتتىن چىقىپ كىتىشىنى كەلتۇرۇپ چىقاردى. ھەتتا توپلىشىپ سەرگەردان بولۇپ «كۈلىغا»ماڭغانلارمۇ بار بولدى. قانۇن ئورۇنلىرى ئارقىلىق قايتۇرۇپ كىلىنگەن بىرىسى باشقىلارغا دەرىت تۆكۇپ:«مەكتەپكە بارساملا ئىچىم پۇشىدۇ، يا مۇئەللىمنىڭ بىز بىلەن كارى بولمىسا،باشلانغۇچتا بەك ياخشىتى،كۈندە مۇئەللىم بىز بىلەن بىللە ئىدى...»دىيىشلىرىدىن مۇئەللىمنىڭ خاراكتىرىنىڭ بۇرۇنقىغا ئوخشىماي قىلىۋاتقانلىغىنى ھېس قىلىپ ئاچچىق خۇرسۇندۇم.
قېنى مەكتەپتىكى بۇرۇنقى قايناق ھايات؟
ئوقۇتقۇچى ئوقۇغۇچىنى قارشى ئېلىش بۇياقتا تۇرسۇن ئەكسىنچە ئوقۇغۇچى بىرخىل ئارسالدىلىق،ئىچى ئاچچىق كەيپىياتتا بۇ «مۆھتىرەم»لەرنى ئۇزۇتۇپ قويىدۇ. ئۇلار يولۇققان مەسلىگە كەچلىك مۇزاكىردا يىتەكچلىك قىلىپ بىلدۇردىغان ئادەم يوق،ئۇلار ئەشۇ بىلىمىنى شەھەر-سەھرا ئارىسىدا توشۇپ يۇرىدۇ.
كەچتە مەھەللىنىڭ دوقمىشىدىكى بوتكا يېنىغا چىقىپ مەھەللىدىكىلەر چىرايلىق ياسىۋالغان ياغاچ ئورۇندۇقنىڭ چىتىگە ئولتۇرۇپ غەشلىك بىلەن ئويغا چۆكتۈم.
ھەيران قالاريىرى ئۇيەردىكى 7-8دوقمۇشتا ئۆيى بار خوشنلىرىممۇ نەق مەن دۇچ كەلگەن بۇ مەسىلىنى مۇلاھىزە قىلىشىۋاتاتتى.
- ئەسلىدىن تۇرمۇش شارائىت شۇنداق بولسغۇ بىر نۆرى، نىمە قىلىدۇ بەزىسى دورامچۇقلىق قىلىپ دەيمەن!
-قېرى ئاتا-ئانىسىنى دىھقان تۇغقانلىرىغا تاشلاپ بىرىپ شەھەرگە بېرىۋىلىش يارىشامدۇ دەيمەن!
-ئۆزىنىڭ بالىسىنى ئۆزى ئوقۇتالماي باشقا مەكتەپكە بىرەرمىش دەپ ئاڭلىدۇق.
-ئۆزىنىڭ بالىسىنى ئوقۇتالمىغان ئادەمگە بالا ئوقۇت دەپ مائاش بىرىپ ھۆكۇمەتمۇ ساراڭ بوپقالمىغاندۇ؟
-بىزنىڭ باللا ھازىر جىق چىكىنىپ كەتتى دەيمەن،ئۈگۈنۈش دەيدىغان كاللا يوق ھازىر ئۇلاردا.
-يا ھۆكۇمەت بۇ ئىشنى ئوڭشىمىدى.
قىززىق گەپ قىلىدىكەنسەن! ئۇلارمۇ سەككىز سائەت ئىشلەپ بولغاندىكىن نەدە تۇرشى،نەگە بىرىشى ئۆزىنىڭ ئەركىنلىكىدە،قانۇن دەيدىغان نەرسە بار مانداق!
-ئىنساب،ئەخلاق دەيدىغىنىمۇ باردۇ؟
-توۋا ھەي،ئۆزەڭ شەھەرگە كىرىپ كىتەلمەي ئۇلارغا ئىنساب،ئەخلاقتىن گەپ قىلساڭ قانداق بولىدۇ.
ھېچكىم قايىل بولىدىغان چىراي قىلمايتى.
بەس مۇنازىرە شۇ تەرقىدە داۋاملىشىپ كىچە خۇپتەندىنمۇ ئېشىپ قالدى. شۇئارىدا بايامدىن بىرى ھېچقايسىمىزنىڭ گىپىگە بىرئېغىز تىنماي كۈزنى يۇمۇپ ئولتۇرۇپ كەتكەن نامان بوۋاي ئېغىز ئاچتى.
-سىلەر ياشلار چۇقىرىشىپ باقىسىلەر،لىكىن ۋاراڭ-چۇرۇڭ بىلەن نىمىنى ئۆزگەرتەلەيسىلەر،قۇشقاچ جېنىدا داننى دەپ جان بىردىغۇ؟ «سۇئاياغقا،ئادەم باشقا»دىگەننى ئاڭلىماي چوڭ بولغانمۇ؟ مەن ھەقلىمگە كەلسەم چوڭلاردىن شۇنداق بىر گەپنى ئاڭلىغان: خۇدايىم بەركەتنى 10قىلىپ يارتىپ زىمنغا چاچىدىغان چاغدا توققۇزنى شەھەرگە چېچىپ بىرنى سەھراغا چاچقان ئىكەنمىش،«سەھرايى قىيامەت»دىگەن شۇنىڭدىن كىلىپ چىققانكەن. لىكىن 10-بەركەتمۇ ئاخشىمى سەھرادا قونغۇسى كەلمەي شەھەرگە كىرىپ كىتىدىكەن دەپ ئاڭلىغان ئىدىم،ئەسلى 10-بەركەت ئوقۇتقۇچىلارنىڭ ماشنىسى بىلەن شەھەرگە كىرىپ كىتىدىكەندە! دىدى.
ھەممىز جىمىپلا قىلىشتۇق. يېنىمىزدىكى ئۆستەڭنىڭ سۈيى لىقمۇ-لىق ھالدا لەپەڭشىپ ئاياغقا ئېقىپ كىتىپ باراتتى.


تەڭرىتاغ تور مۇنبىرىدىن ئېلىندى

oylinish 2011-11-03 00:11
10- بەرىكەت دېگەن  قانداق بەرىكەت باشلىق؟

ھە،  ئەمدى چۈشەندىم،  سەھرادىكى بەرىكەت 10- بەرىكەتكەندە!

samanyoli 2011-11-03 23:07
ئىشلىتىش
بۇ مەزمۇن 1قەۋەتتىكى oylinish نىڭ 2011-11-03 00:11 يوللىغان يازمىسىغا نەقىل :
10- بەرىكەت دېگەن  قانداق بەرىكەت باشلىق؟

ھە،  ئەمدى چۈشەندىم،  سەھرادىكى بەرىكەت 10- بەرىكەتكەندە!

ھىممممممممممم،،،،،،،،،،،،،،،،،،،،،،،،،،،سەھرالىق دىگەننىزە،،،،،،،،،،،،،

muslima32 2011-11-04 00:00
ئاللاھ رەھمەت قىلسۇن قېرىندىشىم ياخشى تېمىكەن ،

turalp 2011-11-15 22:49
بەرىكەت بۆلۈپ بېرىلگەندە توققۇزى شەھەرگە بىرى سەھراغا بېرىلىپتىكەن،بىراق ئەشۇ سەھرادا قالغان بەرىكەتنىڭ يېرىمىمۇ تۈن كېچىدە شەھەرگە قېچىپ كېتىۋالىدىكەن.......................

نەزەرسالسام 2011-11-25 19:21
ئاللاھ رەھمەت قىلسۇن

007ئەركەك 2011-11-30 22:38

رىشتە 2011-12-01 09:57
ئاللاھ رەھمەت قىلسۇن !!!!!!

دېڭز 2011-12-04 21:09
ئاللاھ رەھمەت قىلسۇن


查看完整版本: [-- 10-بەرىكەت سەھرادىن قاچمىغىن! --] [-- top --]


Powered by PHPWind v7.3.2 Code © 2003-08 PHPWind
Time 0.060753 second(s),query:3 Gzip enabled

You can contact us