查看完整版本: [-- بۇرۇنقى مەندىن ھازىرقى مەنگە نەزەر --]

كەڭ ساي مۇنازىرە مۇنبىرى -> كۆڭۈلدىكى سۆز -> بۇرۇنقى مەندىن ھازىرقى مەنگە نەزەر [打印本页] 登录 -> 注册 -> 回复主题 -> 发表主题

ئەلى 2011-10-25 20:11
بۇرۇن مەكتەپتىن كەلسەملا ئۆيدىكىلەرنىڭ بىرىنچى بولۇپ دەيدىغىنى ناماز ئوقىۋال ياكى ناماز ئوقۇپ بولدۇڭمۇ،ھازىر بۇيەردە ئۇنى قىلىۋال بۇنى قىلىۋال دەيدىغان ئادەم يوق.شۇڭا بەزىدە ئىماننىڭ تەمىنى مۇشۇ يەردە تېتىدىم دەپ ئويلىساممۇ،بىراق يەنە بەزىدە ئىمانىمنىڭ ئاجىزلاۋاتقانلىقىنى ھېس قىلىپ قالىمەن.


بۇرۇن ھېچبولمىسا ئاكا-ھەدىلىرىمنىڭ دىنىمىز توغرىسىدا قىلغان سۆھبەتلىرىنى،ئۆيدىكىلەرنىڭ مۇنازىرىلىرىنى ئاڭلايتتىم،ئاغىنىلىرىم بىلەن،بەزى مەزمۇنلاردا مۇنازىرىلىشىپ كىرىشىپلا كېتەتتۇق.بىراق ھازىر بۇ كۈنلەر ئەسلىمىگە ئايلانغىلى خېلى ۋاقىت بولۇپ كەتتى.
 

بۇرۇن دىنىڭ قايسى دېسە قوقماي ئىسلام دىيەلەيتتىم،بىراق ھازىر پارتىيىگە كىرىمەن ،كېيىن پايدىسى كۆپ دەپ،دىنىي ئېتىقاد دىگەن يەر ئاق قالىدىغان بولدى.


بۇرۇن نامازنى ۋاقتىدا ئوقۇشقا ئەھمىيەت بېرەتتىم،نامازنىڭ ۋاقتى قەيەردە كىرسە شۇ يەردىلا خالىي جاينى تېپىپ،نامازنى ئوقىۋالاتتىم،بىراق ھازىر خەقنىڭ بىر نەرسە دىيىشلىرىدىن قورقىدىغان،قاراشلىرىدىن ئەيمىنىدىغان بولۇپ،نامازغا سۇسلىق قىلىدىغان بولدۇم.


بۇرۇن ھاراق سورۇنىغا بارمايدىغان،ئۇنداق سورۇننى خىيالمۇ قىلمايتتىم،بىراق مۇھىت شۇنداق ئىكەن،بۇ يەردە ھەممىسى ئىچىدىكەن دەپ ئىچمىسەممۇ بارىدىغان بولدۇم،ئادەم ئادەم بىلەن ئادەم دىگەن بىر جۈملە سۆز مېنى بويسۇندۇردى.


بۇرۇن شەھەرگە كىرسەممۇ تۈزۈك تاماق يىمەيتتىم.ھېچبولمىسا ئۆزۈم ئىشەنچ قىلغان يەرگە كىرەتتىم،بىراق ھازىر بۇ يەردە شارائىت يوق دەپلا ئانچە-مۇنچە خېتىگە قاراپلا يەيدىغان ئەھۋاللار كۆپەيدى.مۇسۇلمانچە دەپ خېتى بولسىلا يەيدىغان بولدۇم.


بۇرۇن يېزىلىق قىزلار شۇنداق ئېسىل بىلىنەتتى.پەقەت قىزلارنىڭ ئېسىلى يېزىدىن چىقىدۇ دەپلا بىلەتتىم،بىراق ھازىر ئۇلار مەتو،تومپاي بىلىنىدىغان بولدى.


بۇرۇن ياغلىق ئارتمايدىغان قىزلار كۆزۈمگە جىندەكلا كۆرىنەتتى،بىراق ھازىر چاچلىرىنى بوياپ،ئۆزلىرىنى ياساپ يۈرمىگەن قىزلارسىز سورۇن سورۇن بولمايدىغانلىقىنى ھېس قىلدىم.


مەندە ھازىر مەسجىدكە بارغاندا ئانچە-مۇنچە دىللىرىمنى خاتىرجەم قىلىدىغان،بىراق باشقا يەردە ئۆز كۈچىنى كۆرسىتەلمەيدىغان كىچىككىنە ئىماندىن،مۇنبەرلەردە ئاھ مىللىتىم دەپ تېما-ئىنكاس يازغاندا قوزغىلىپ قالىدىغان،سورۇنلاردا ئولتۇرغاندا نەلەرگىدۇ كېتىدىغان غۇرۇردىن،قىزلار،مىللەتنىڭ ئانىلىرى توغرۇلۇق گەپ بولغاندا قايناپ-تاشىدىغان،بىزگە ئۇنداق قىزلار كېرەك،بىز مۇنداق قوغدىشىمىز كېرەك دىگۈزەلەيدىغان،بىراق رەڭلىك سورۇن دىسە ئاللىقاياقلارغىدۇ يوقاپ كېتىدىغان مەسئۇلىيەتتىن باشقا ھېچنىمە قالماپتۇ.
ئۆزۈمنىڭ غەپلەتتە ياشاۋاتقىنىمنى ئېنىق بىلىپ تۇرساممۇ،كۆز ئالدىمدىكى يالتىراپ تۇرغان رەڭگارەڭ دۇنيا،قىزىپ كەتكەن ئويۇن-تاماشىلار،ئەتراپىمدىكى ئۆزىنى مەنمۇ مۇسۇلمان دەپ جار سېلىۋاتقان،بىراق مۇسۇلمانغا ئوخشىمىغان كىشلەرنىڭ ئويناپ كۈلۈپ ياشاشلىرى مېنى غەپلەتتە ياشاشقا ئۈندىمەكتە،مېنىڭ قەلبىمنىڭ چوڭقۇر قاتلاملىرىدا پىلىلداپ تۇرغان ئاشۇ كىچىككىنە ئىمانىمنى يوقىتىشقا  ھەدەپ ئۇرۇنماقتا.مېنىڭ مۇشۇ كىچىككىنە ئىمانىم ئۆزۈمنى بۇ غەپلەتتىن تاتىپ چىقىشقا ھەقىقەتەن ئاجىزلىق قىلماقتا.


مەنبە:xxx
2011.10.25

sad~da 2011-10-25 21:46
بۇرۇن سىزنى قوقماي ھەقىقىي مۇسۇلمان قېرىندىشىم دىيەلەيتتىم بىراق ھازىر ................

era13 2011-10-25 22:28
پەرۋەردىگارىمىز! بىزنى ھىدايەت قىلغىنىڭدىن كېيىن دىللىرىمىزنى توغرا يولدىن بۇرىۋەتمىگىن، بىزگە دەرگاھىڭدىن رەھمەت بېغىشلىغىن. شۈبھىسىزكى، سەن (بەندىلىرىڭگە ئاتالارنى) بەكمۇ بېغىشلىغۇچىسەن ! سۈرە مائىد 8 - ئايەت ، قېرىندىشىم بۇ ئايەتنى، قۇرئان كەرىمنى كۈندە ئۇقۇڭ..

samanyoli 2011-10-25 22:40
ئەلى ئۇكام،،،،،،،،بۇنىڭ سىزنىڭ ھەقىقى قىياپىتىڭىز ئەمەس بەلكى بىر تەربىيىۋى ئەھمىيىتى بولغان توقۇلما بولىشىنى ئۈمىت قىلىمەن،،،،،،،،،،،،،،،،،،،،،،،،،،،،،،،،،،،     

ئەلى 2011-10-25 22:58
قېرىنداشلارنىڭ پەقەت بىر قېتىملىق ئويلىنىشى ئۈچۈنلا بۇ تېمىنى يوللىغانمەن.مەن كۆرگەن ۋە ئاڭلىغان ئەتراپىمدىكى نۇرغۇن كىشىلەرنىڭ ھەر تەرەپلىمە ئىشلىرىنى پەقەت بىرىنچى شەخس بويىچە بايان قىلسام ياخشىراق بولغۇدەك دىگەن نىيەتتە مۇشۇنداق قىلغان.ئارىمىزدا ئۇ دۇنيالىقىنى كەتكۈزۈپ قويۇشتىن قورقىدىغان،بىراق بۇ دۇنيالىقى كۆزلىرىگە تېخىمۇ مۇھىم بىلىنىپ كېتىۋاتقان،دۇنيا مەنپەئىتى ۋە ئاخىرەت بەختىدىن ئىبارەت ئىككىسىنىڭ ئارىسىدا ئارىسالدى بولۇپ قالغانلار خېلى كۆپ.
شۇڭا مەنبەسىنى نامەلۇم دەپ يوللىغان.

ئەلى 2011-10-25 22:59
مېنى يەنىلا ئاكىجان چۈشىنىدۇ دە  

oylinish 2011-10-25 23:57
بۇنىڭ ئىچىدە ئۆزۈڭنىڭ  ئەسلىي قىياپىتىڭ تەسۋىرلەنگەنلىرىمۇ خېلى باردەك تۇرىدۇغۇ

natsist 2011-10-26 00:04
مەن تېخى ئۆزىڭىزنىڭ گېپى ئوخشايدۇ دەپتىمەن

muzepper 2011-10-26 03:49
    بۇرۇن ئۈرۈمچىنىڭ كوچىلىرىدا كېتىۋاتقان ئۇيغۇرلارنىڭ بىرسى- بىرسى بىلەن كارى يوق ئىدى. ھازىر ھىچ تونۇمايدىغان ئۇيغۇرلارمۇ بىر- بىرى بىلەن ئۈچرۇشۇپ قالغاندا ئۆز ئارا سالاملىشىپ ماڭىدىكەن دەپ ئاڭلىدىم.
    بۇرۇن پۇللا بەرسە ھەرقانداق ئىش بولسا قىلىۋىرەتتىكەن. ھازىر ۋىجدانى كۆتەرمەيدىغان ئىشلارنى خېلە كۆپ پۇل بەرسىمۇ قىلمايدىغانلار چىقىۋاتىدۇ دەپ ئاڭلىدىم.
    بۇرۇن ئۈرۈمچى، غۇلجىلاردىكى مەسچىتلەرگە قېرى- چۈرىلەرلا كىرەر ئىكەن. ھازىر ياشلاردىنمۇ ناماز ئوقۇيدىغانلار خېلىلا كۆپەيدى دەپ ئاڭلىدىم.
    .....

ئەلى 2011-10-26 11:39
ئاز-تولا بار ئۇمۇ ،بولۇپمۇ ناماز ۋاقتى دەرس ۋاقتىغا ئۇدۇل كېلىپ قالسا نامازنى بەزىدە سىنىپتىلا ئىشارەت بىلەن ئوقىۋەتكەن چاغلىرىممۇ بار.بولۇپمۇ ئەسىر نامىزى شۇنداق بولۇپ قالدى بىر قانچە قېتىم.دەرسكە كىرگەندە ئەسىرنىڭ ۋاقتى كىرمىگەن،دەرىستىن چىققاندا شام ۋاقتىمۇ ئۆتۈپ بولىدۇ.شۇڭا كۈندە بىر دەرس دەرس ۋاقتىدا نەچچە قېتىم چىقىپ كېتىشكە ئامال بولماي قالغان ۋاقىتلا بولغان.

تاھىربەگ 2011-10-26 13:01
دەرىس مۇھىممۇ نامازمۇ؟  

almiliq 2011-10-26 13:26
      ئەلى ئۇكا، ئالىي مەكتەپ ئوقۇغۇچىسى ئىكەنسەن دە-ھە؟ تۇرمۇشنى خۇددى يۇقارقى يازماڭدا دىگەندەك تېخىمۇ چوڭقۇر تەتقىق قىلىپ ئىزدىنىشڭغا تىلەكداشىمەن. ئۈمىد سەندە، تىرىشقىن! كەلگۈسىدىكى تەھلىلچى، مۇلازىچى، ئوبزۇرچى بولۇپ قىلىشىڭدا ئۈمىد زور.
       مەن دائىم ئەتراپىمدىكى كىشىلەردىن ئاڭلاپ قالىمەن: << ھازىرقى بەزى چوڭلىرىمىزدىن ياشلىرىمىز جىق ياخشى بولۇپ كېتىۋاتىدۇ >>.

ۋىسال731 2011-10-26 17:22
ما ئەدەمدىن ئىبرەت ئالىدىغانلار بامۇيا! بوممسا ئۈزەم ئالىمەن

ۋىسال731 2011-10-26 17:26
ئىشلىتىش
بۇ مەزمۇن 10قەۋەتتىكى تاھىربەگ نىڭ 2011-10-26 13:01 يوللىغان يازمىسىغا نەقىل 9-قەۋەت (ئەلى) نىڭ يازمىسىغا :
دەرىس مۇھىممۇ نامازمۇ؟  

جەننەت مۇھىممۇ دۇزاخمۇ؟

ئەلى 2011-10-26 21:23
نامازنىڭ مۇھىملىقىنى مەنمۇ بىلىمەن.بىراق ئەينى ۋاقىتتا غەپلەت بېسىپ قالغان ئوخشايدۇ،ئۆزۈمچە دەرىستىن چىكىتىۋەسەم مۇئەللىم بىر نەرسە دەمدىكىن دەپ يۈرۈپتىكەنمەن،يەنىلا شۇ ۋاقىتتا ئىماننىڭ تازا يېتەرلىك كۈچەيمىگەن ۋاقتى دە.ئادەتتىغۇ ئالىي مەكتەپتە ئۇنچە چىڭمۇ ئەمەس.رەھمەت ئۇكىجان،بۇ سۇئالىڭ ھېچ بولمىسا مېنى يەنە بىر قېتىم سەگىتتى.
ئۆتكەندە ئىزباسار قېرىندىشىمىز ناماز توغرۇلۇق شۇنداق ئېسىل تېما يوللىغاندىن كېيىن شۇنداق دىققەت قىلىدىغان بولدۇم.ئالدىراپ ئوقۇلغان نامازدىن ئادەم ھېچ بىر ھۇزۇر ئالالمايلا قالماستىن،قوبۇلمۇ بولمايدىكەن ئەمەسمۇ.
ئەلى رەزىيەللاھۇ ئەنھۇمۇ دائىم نامازغا تۇرۇشتىن بۇرۇن 10 مىنۇت ئەتراپىدا جىم تۇرۇپ،پۈتۈن دىققىتىنى مەركەزلەشتۈرۈپ،كاللىسىدىن دۇنيا خىياللىرىنى چىقىرىۋېتىپ ئاندىن نامازغا تۇراتتىكەن.

ansar514 2011-10-27 15:36
نىمدىگەن چىن تىما بۇ؟ دىمسىمۇ بەكلا چۇشۇپتۇ جەميىتىمىزدىكى <مۇسۇلمان...>لارغا بىزنىىڭ مۇسۇلمانلىقىمىزنى كىشلەرگە ئەمەس ئاللاھقا يارىغادەك قىلساق ياخشى ھەم چىن مەنىسنى تاپقاق بولاتتى.

fatih204 2011-10-27 16:43
مىنىڭ بىر بۇرادىرىم مۇشۇ تېمىدا دىگەندەك بوپ قالدى دىسە ،،،
  بىزدىن قاچىدۇ ، بىزدىن قاچسا مەيلىتى ، بىزدىن قېچىپ بىزدىن تەقۋا راق كىشىلەرنى بۇرادەر تۇتقىنىدا ، بىز رەنجىمەيتۇق ،، ھە بۇ بۇرادەرنىڭ كوڭلىدىكىدەك ياشاپ بولالماپتۇق ، تىرىشساق بولغۇدەك دەيتۇق ،،، ئەپسۇس ، ئۇنداق ئەمەس ،، گەپ قىلساق ، ماقۇلغا جاۋاپ يوق ،، ئالتۇنغا تىگۇشكۇسىز  ياخشى ئىشلار ئوتۇپ كەتتى ،، بىزمۇ زىرىكمەي تەكلىپ قىلدۇق ، ئۇمۇ زىرىكمەي خىجىل بولماي رەت قىلىۋەردى ،،،  ئون دۇنيانىڭ سورىنى ئوتتىكى ، بىر رەت ياخشى سورۇنلارغا قاتناشمىدى ،،، دىندا زورلاش يوق ،، ئەمما ئۇنىڭغا بەكلا ئىسىركىدۇق ،، كىچىلىرى نامازدا يۇرىيدىغان بالا ، ئاللاھ دىسە كوزلىرىدە ياش ئوينايدىغان بالا ،
دىن ئۇچۇن كوپ ئىشلاردىن ۋاز كىچەلىگەن بالا ئىدى ،،  ئۇ بىز ئۇچۇن كوپ ئىبرەت بولدى ، مۇسۇلمان ئۇچۇن نىمىنىڭ ئەڭ قاتتىق مۇسىبەت ئىكەنلىكىنى ھەقىقى مەنىسىدە چۇشىنىشكە باشلىدۇق ،،،
ئۇ ئەسكى بوپ كەتمىدى ، ئىچەرمەن بوپ كەتمىدى ، ناماز تاشلىۋەتكىنى يوق ،، ئەمما ئۇنىڭدىكى ئاللاھقا بولغان مۇھەببەت سۇسلاپ قالغان ئىدى ،، چۇنكى گۇناھ زالالەت بار سورۇنلار ، ھاراق بار سۇرۇنلار ئۇنىڭغا ئۇنچە قورقۇنۇچلۇق بىلىنمەس بوپ قالدى ،،  نامەھرەمدىن قاچىدىغان كوزلىرى ، خالىيدا ئەمەس ، بىز تۇرساق ھەم بىخارامان سوزلىشىدىغان بوپ قالدى ،،،

ھەقىقەتەنمۇ ئەڭ چوڭ مۇسىبەت ھەق يولدا كىتىۋىتىپ مۇدىرەپ قىلىش ، تېيىلىپ كىتىش ئىكەن ،،،  بۇ تىما شۇ بۇرادىرىمنى ئىسىمگە سالدى ،،  ئاللاھ ھەممىمىزنى ھەق يولدا مۇستەھكەم قىلسۇن ئامىن

مەرفۇئە 2011-10-27 23:08
      yahxi    tima  buptu    ,  hakikatan   bundah  adamla   atrapimizda   az   amas.


查看完整版本: [-- بۇرۇنقى مەندىن ھازىرقى مەنگە نەزەر --] [-- top --]


Powered by PHPWind v7.3.2 Code © 2003-08 PHPWind
Time 0.054615 second(s),query:3 Gzip enabled

You can contact us